هتشري لبس العيد منين ؟؟

[الغزالى]

والله انا كنت لسة فى المهندسين من يجى اسبوع كدة وشفت شوية حاجات تحف بالنسبة للتشرتات بص هو توكيل orعندهم حبة حاجات مشلكة هما سعرهم غالى شوية بس زى الفل التشرت مثلا اشترينا واحد كان ب130 جنية ومعظم الاسعار فى الرنج دة سواء كان فى التوكيل دة او برة وفى على فكرة اسعار اقل من كدة كمان ام بالنسبةة للجينز فا محل كزارى اللى فى شارع طلعت حرب مش المول المحل اللى جنب محل قصر الاليزية عندة شوية بنطيل جامدة جدا وفى الرنج اللى انت عايزة برضو وفى محل تانى فى اول طلعت حرب عنددة جنيز وتشرتات حلو والاسعار عند تمام بردو المحل اسمة بحيرى

[aliabutaleb]

ايه رأيكم في ماركة سيليو ياشباب

انا باحبها جداً
وأسعارها مش عالية
ولما بيبقى في أوكازيونات بتبقى مذبحة أسعار هناك

[aliabutaleb]

تحديث:
فيه في المنطقة الصناعية في 6 أكتوبر مول لمحلات عرفة
وبرضة فيه اوكازيونات مكتوب إنها تصل إلى 70%
أظن إنه على نفس شاكلة المول اللي في العاشر
لو حد جرب زيارة الاتنين ممكن يقول لنا نفس النظام ولا مختلف

[_Khaled_]

تحديث:
فيه في المنطقة الصناعية في 6 أكتوبر مول لمحلات عرفة
وبرضة فيه اوكازيونات مكتوب إنها تصل إلى 70%
أظن إنه على نفس شاكلة المول اللي في العاشر
لو حد جرب زيارة الاتنين ممكن يقول لنا نفس النظام ولا مختلف

100+
هو ممتاز خاصه عنده Reebok & adidas باسعار و تخفيضات ممتازه
و كمان عنده بدل و بنطلونات جينز Guy Laroche

ياريت حد يقولنا معلومات اكتر عن مول ويلز فين بالضبط و فيه ايه؟

[MaaG]

أنا نزلت المنطقة الصناعية في 6 أكتوبر ، بس مش عارف حظي كان وحش ولا إيه ، أصلي ملقتش موديلات عجبتني ، و الناس بتقولي علشان جيت في الآخر ، بس الأسعار فعلا حكاية ، و عالبا هيا معتمدة على السلع إلي فيها ديفوهات بسيطة بتتباع بسعر أرخص .

فيه توكيل ( صيني ) جديد أعتقد إسمه anta حاجته شيك و تقفيل نضيف و أسعار معقولة ، و خصوصا إن كل التوكيلات أصبحت صناعة صينية ، و غالية على الفاضي لإن التقفيل جودته قلت بصورة ملحوظة .

أنا إن شاء الله ناوي أجرب التوكيل الصيني الجديد ده لإني دخلت و بصيت على التقفل و الموديلات إلي عنده و عجبونب جداً

[Ahmed Nouh]

لو عايز تجيب جينز نضيف وبأسعار نوعا ما كويسه , فى مول طلعت حرب الدور الثالث فى محلين تجيب منهم

7 Seven ده حاجته جوده متوسطه بس كويسه لو انت مش بتهلك البناطيل , ولو انت من النوع اللى بتخرج كتير وبتبهدل اللبس ومفيش حاجه بتقعد معاك زى حلاتى فى New Born فى نفس الدور

حاجته اغلى من برا مثلا 20 جنيه بس مضمونه جدا جدا وهتلاقى عندهم ال armani و D&G فى حدود 180 و 190

الله اعلم هو اصلى ولا لا يعنى بس الخامه حلوه جدا والشغل نضيف مش مصانع تحت السلم , بتعامل معاهم من فتره ومفيش مشاكل شوفتها من اللبس بتاعهم

[Terrible_DaRsH]

معلش يا باشا اذا كنت بتشترى من طلعت حرب ( المول ) .

و لكن للاسف عن تجارب طلعت حرب ده اخر مول افكر اروحه فى حياتى .

[Ahmed Nouh]

معلش يا باشا اذا كنت بتشترى من طلعت حرب ( المول ) .

و لكن للاسف عن تجارب طلعت حرب ده اخر مول افكر اروحه فى حياتى .

مختلفش معاك يا درش ان المول زباله بصراحه ولا الجراج بتاعه ( تحفه معماريه ) , كل ما فى الموضوع ان البشمهندس محمود جاب سيره وسط البلد فقولت طالما منه وعارفها اقوله على المحلات اللى اتعاملت معاها هناك

لو فى فروع نيو بورن تانى فى اى مكان ممكن يشوفها بس انا طلعت حرب الاقرب ليا فعلشان كدا بجيب من فرعهم هناك غير كدا لا اتعامل مع محلات وسط البلد فى اى حاجه , وفعلا لو جربت تتعامل مع المحل ده هتلاقى ان شغله كويس اوى

[Terrible_DaRsH]

مختلفش معاك يا درش ان المول زباله بصراحه ولا الجراج بتاعه ( تحفه معماريه ) :h_angry[1]: , كل ما فى الموضوع ان البشمهندس محمود جاب سيره وسط البلد فقولت طالما منه وعارفها اقوله على المحلات اللى اتعاملت معاها هناك

لو فى فروع نيو بورن تانى فى اى مكان ممكن يشوفها بس انا طلعت حرب الاقرب ليا فعلشان كدا بجيب من فرعهم هناك غير كدا لا اتعامل مع محلات وسط البلد فى اى حاجه , وفعلا لو جربت تتعامل مع المحل ده هتلاقى ان شغله كويس اوى

نيو بورن فى البلد كلها بس بصراحة مش فاكر فروعهم .

انا عندى تى شيرتات نيو بورن جايبهم من جنينة , من محل hero و كان ماكد لى انهم اصليين ..

دلوقتى فى تصفيات فى كل مكان و خصومات بالجملة علشان كنت من يومين مع صاحبي بيجيب لبس , الاسعار فى الناااااااااااازل .

[aliabutaleb]

انا أعرف نيو بورن اللي في شارع شهاب
مجربتش بنطلونات منه كتير
بس القمصان عنده بتعجبني جداً
أذواقه متحسش إنها متكررة أو موجودة في محلات تانية

[ams]

هتشري لبس العيد منين ؟؟ من جيب والدى نيهههههههههه

[kh_talaat]

متابع باستغراب !!!!

[aliabutaleb]

فيه توكيل ( صيني ) جديد أعتقد إسمه anta حاجته شيك و تقفيل نضيف و أسعار معقولة ، و خصوصا إن كل التوكيلات أصبحت صناعة صينية ، و غالية على الفاضي لإن التقفيل جودته قلت بصورة ملحوظة .

أنا إن شاء الله ناوي أجرب التوكيل الصيني الجديد ده لإني دخلت و بصيت على التقفل و الموديلات إلي عنده و عجبونب جداً

ممكن توصف لنا فين مكان anta بالظبط؟

متابع باستغراب !!!!

ليه بس؟ :)

[kh_talaat]

ليه بس؟

مستغرب من الأسعار دي

انا نزلت سيتى ستارز امبارح كنت باشوف الاسعار علشان احدد ميزانيتى وانزل بعد كام يوم والاسعار كالتالى
تى شرتات اديداس اوريجينال كانت الاسعار بتبداء من 200 :600 بعد التخفيضات
بس شكلهم جامد جداا
والكوتشيات فى اديداس كان الاسعار من 800:430 وكانوا جامدين
والبنطلونات لسة ماقررتش منين والجواكت فية محل فى سيتى ستارز اسمة all 4 men عندة جواكت جلد راقية جدا وشييك وكانت اسعارهم من 400:850 بس برضة جامدين
وربنا يسهل

والصراحه مكنتش أعرف ان الأسعار وصلت لكدة !!!! يعني التيشيرت اللي ب600 جنية دة هتكون خامته ايه عشان يكون بالسعر دة ومين المفتري اللي يشتريه

[aliabutaleb]

مستغرب من الأسعار دي :b4_592:



والصراحه مكنتش أعرف ان الأسعار وصلت لكدة !!!! يعني التيشيرت اللي ب600 جنية دة هتكون خامته ايه عشان يكون بالسعر دة ومين المفتري اللي يشتريه :h_angry[1]:

مش شرط اللي يشتريه يكون مفتري :)
الأمر يرجع لاختلافات في الذوق وقبلها الإمكانيات المادية
ممكن تكون حضرتك بتدفع في تيشيرت 100 جنيه وشايف ان ده عادل جداً
وفي نفس الوقت تلاقي واحد تاني شايف إن أكتر من 50 جنيه في تيشيرت كتير وان اللي بيدفع 100 ده مفتري :)
إنما عن نفسي انا استحرم أدفع 600 جنيه في تيشيرت ولا بنطلون حتى لو الفلوس متوافرة معايا
وفي نفس الوقت مش باعتبر اللي بيدفعهم مفتري