إعـــــــلان

Collapse

.

,
See more
See less

الشارع المصري .. عيادة العلاج النفسي

Collapse
X
 
  • Filter
  • الوقت
  • Show
Clear All
new posts

  • الشارع المصري .. عيادة العلاج النفسي



    ممكن تحولك السواقة لشخص يائس .. بائس .. عصبي .. لو بتسوق ساعتين في اليوم بس .. يعني بتسوق يومين و نص في الشهر .. و شهر في السنة .. و سنة كاملة كل 12 سنة ! يعني السواقة ممكن بسهولة تدمرلك حياتك .. و في ظل سيطرة الجهات الأمنية علي الشوارع المصرية و تفاني الشعب المصري بالكامل في تطبيق قوانين المرور مش خوفاَ من المخالفة لأ !! للعشق المصري الأصيل في الحفاظ علي النظام .. فلازم يكون فيه حل .. بل ممكن تحول ساعتين السواقة للحبة اللي بيزبطوا يومك و يدخلوك المود تاني ..

    يعني إنت كدة





    لأ إحنا عايزينك تكون كدة !



    و ده مش هيحصل غير من خلال بعض الإسترتيجيات !

    1) إعرف إمكانيات اللي قدامك



    إذا كنت تعتقد إن الشارع المصري غابة .. أوكي ! إعرف إمكانيات الحيوانات اللي فيها .. يعني متتوقعش من الأفيال إنها تكون رشيقة ولا من الأسود إنها تبطل تفترس عربيتك ولا الضباع تبقي أمامير ولا القرد يبطل تنطيط .. و إعرف إن الغبي أقصي إمكانياته لا تتيح له سوي إنه يكون غبي ! يعني اللي راكن عربيته في شارع حارة واحدة و سابها و مشي ده تعدي مرحلة العتاب ! ده مسافر و هربانة منه خلاص !

    2) تخلص من جنون حب التملك




    انا عارف إن كل واحد فينا بيعامل العربية و كأنها بنته البكرية .. بس لازم تعرف إنها في الأول و في الأخر .. عربية! معمولة عشان توديك من مكان "أ" لمكان "ب" .. و الحقيقة إنك كنت عايش من غيرها فترة كبيرة من حياتك و كانت فل و الإنسان مش محتاج غير الأكل و الشرب و الصحبة و باقي الحاجات من وظيفة و عربية و ميكروويف و موبايل و توستر و الريموت كنترول دي حاجات ثانوية متديهاش الفرصة تسيطر عليك ! إقفش في اللحظات الحلوة الحقيقية و متلبسش إسود و تقعد أسبوع من غير ما تبتسم عشان واحد حكلك الرف رف الشمال .. اللي حصل حصل .

    3) بص للجانب المرح من الموقف !



    اما عربية كارو محملة تواليتات مستعملة تجبلك الجنب اليمين من أوله لأخره بالفوانيس و إنت لسة راجع من عند أشرف مفك من الحرفيين عشان كنت بترش العربية فرن طبعاَ مش حاجة كويسة خالص .. بس ماهو خلاص شلفطلك أم العربية ! عالأقل عندك قصة تحكيها دلوقت ! و بعد حوالي شهر هتبتدي تحكيها و إنت بتضحك .

    دي أهم المبادئ العسكرية اللي هتستعملها .. فيه بقي نقط صغنطوطة كدة مهمة جدا .

    1) معطر العربية




    متستهونش بالأثر النفسي اللي هتسيبه ريحة حلوة إنت شاممها طول ما إنت قاعد في العربية .. دايماَ خلي العربية ريحتها حلوة و خد نظرة متعمقة في قسم المعطرات في كارفور أو سبينس أو هايبر وان .. لو مستعجل عندك أون ذا ران .

    2) المزيكا اللي في العربية



    خلي دايماَ فيه حاجة مفرحة شغالة .. مش عشان متخانق معاهم في البيت ولا في الشغل ولا الطريق زحمة ولا لسة موضوع كارو التواليتات مأثر فيك تنزل تسمع أغاني نكد .. إسمع أغاني حلوة .. و لتكن مثلاَ الأغنية دي

    YouTube - Carrapicho - Tic,Tic Tac

    الحقيقة انا معرفش الأغنية بتتكلم عن إيه بس شكلهم مبسوطين .

    3) اما الطريق يقف .. إقتنع إنه وقف !



    مش كل شوية تبصلي في الساعة .. و هوووووووف .. و يا عم خش بقي يا بارد .. الطريق وقف ! ولا أوباما نفسه يقدر يمشيه ... جبنا جوزيه جبنا حسام البدري الطريق واقف .. مفيش فايدة .. إتأخرت .. أيوة فعلاَ .. بس هتطلع الجناحات يعني ؟! الطريق وقف ! هنا ييجي دور المزيكا و المعطر .. و طبعاَ إزاز مقفول و تكييف .

    و دي حبة tips في حالة تحرش حد بيك عالطريق !

    1) واحد جه عايز يعديك بالعافية .. عديه .. ! مفيش فرصة أو كان رخم زيادة عن اللزوم .. متعديهوش يعني إنت و مزاجك .. لو جه جنبك و دلق صفيحة زبالة من بقه .. علي الأغنية البرازيلية اللي إدتهالك .. و شاورله "معلش مش سامعك" .. بوسة في الهوا .. تابع طريقك .

    2) واحد حطك في دماغه و عايز يلبسك في رصيف أو يطلعك عالجزيرة اللي في النص .. إركن دقيقتين .

    3) واحد زنقك و عايزك تنزل عشان يضربك .. طلع الموبايل و صور اللي بيعمله و في الباكجروند بقي ممكن تصوت شوية "يا أستاذ خليك محترم !! إحنا بلد فيها قانون !! إحنا الداخلية عندنا صاحية أوي !!" .. ممكن تسيبه يضربك لو حابب تقدم الفيديو للداخلية و تحبسه و ممكن تعمله أب لود علي يوتيوب و تقعد تضحك عليه مع بقية الشعب شوية .

    تذكر إن دايماَ عندك فرصة إنك تركن و تنزل تخبط دماغك في عمود نور 7 ولا 8 مرات و تركب تكمل طريقك عادي .

    و قيادة سعيدة



    عيادة حصرية لنايل موتورز و اللي هينقلها هربطه في الإكصدام و أسحله الدائري كله ( و خلي بالكوا الدائري بقي دائري فعلاَ .. و نقعد نلف بقي )
    [COLOR="gray"]
    [CENTER]Leadership is based on inspiration, not domination[/CENTER][/COLOR]

  • #2
    ههههههه
    جامده موت
    روشته خصوصيه لشوارع المحروسه
    [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

    -- اللهم ارزقنيها --
    [/COLOR][/SIZE][/CENTER]

    Comment


    • #3
      موضوع جامد و مبذول فيه مجهود واضح و معمول بروقااااااااااااااااان

      شكرا ع النصايح يا دكتور

      Comment


      • #4
        احييك على راحة بالك و صفاء زهنك بصراحة :)

        بس لكل موقف ظروفه .

        بمعنى انك لو شخص عصبي وواحد شتمك مش هتعرف تنام طول الليل و للاسف انا ممكن اكون الشخص ده , مبقدرش استحمل اى اهانة لشخصيتى مهما كانت .

        ثانيا : انت ممكن لو صورت واحد بالموبايل و هو بيشتمك تكبر الموضوع على نفسك و تخليه يبيع الدنيا و يكسر الزجاج و ميسيبكش الا لما يكسر الموبايل , فى شخصيات ما يعلم بيها الا ربنا :) .

        عموما افضل حل انك تكون فى حالك و قيادتك تكون هادئة و مركز فى الطريق و سيبها على ربنا .

        Comment


        • #5
          اية الحلاوة دي ...؟

          Dr.Phil يا خواتي ؟؟

          تحفة يا مان

          Comment


          • #6
            الحل أبسط من كده بكتير إحنا نروح نأخد دورات تدريبية على أيد مجموعه مختاره من سائقى الميكروباص والنقل أبو مقطورة و التكاتيك و ده علشان ( لايفل الحديد إلا الحديد ) وطبعا فى نهاية الدورات هتأخد شهادة من القسم أنك بقيت مسجل خطر زى ال mba كده

            Comment


            • #7
              احييك بشدة على هذا الموضوع المدعم بالصور المعبرة
              واضح انك كنت رايق جدا وانت بتكتبه

              جزاكم الله خيرا
              [COLOR="RoyalBlue"][SIZE="5"][CENTER]خير الناس أنفعهم للناس
              [CENTER][SIGPIC][/SIGPIC][/CENTER]إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ[/CENTER][/SIZE][/COLOR]

              Comment


              • #8
                انا شايف ان الشارع المصري عامل زي الوباء المتستعصي
                لا العلم عرف يفسرة ولا السلطات قادرة تحصرة
                فخليها بقي علي الله وقول ياباسط
                [SIZE=4][COLOR=magenta][SIGPIC][/SIGPIC][/COLOR][/SIZE]
                [SIZE=4][COLOR=magenta]سبحان الله وبحمدة ** سبحان الله العظيم[/COLOR][/SIZE]

                Comment


                • #9
                  انا شايف ان احسن و اسرع و اكفأ طريقة للتعامل في الشارع المصري هي طريقة شريف منير في فيلم ويجا
                  Sharief Mansy شريف منسي
                  شكرا نايل موتورز
                  [SIGPIC][/SIGPIC]
                  Farewell my Cayenne, you were the best car i ever had and driven

                  Comment


                  • #10
                    ههههههههههههههههه
                    تسلم ايدك يا باشا على الموضوع الجميل والله ضحكتنى
                    بس فعلا هو بيضحك لكن الموضوع كله عبر واهداف مفيدة
                    شكرا يا باشا على الموضوع
                    [RIGHT]سبحان الله وبحمده سبحان الله العظيم
                    [/RIGHT]

                    Comment


                    • #11
                      المشاركة الأصلية كتبت بواسطة motorizer مشاهدة المشاركة

                      3) بص للجانب المرح من الموقف !
                      اما عربية كارو محملة تواليتات مستعملة تجبلك الجنب اليمين من أوله لأخره بالفوانيس و إنت لسة راجع من عند أشرف مفك من الحرفيين عشان كنت بترش العربية فرن طبعاَ مش حاجة كويسة خالص .. بس ماهو خلاص شلفطلك أم العربية ! عالأقل عندك قصة تحكيها دلوقت ! و بعد حوالي شهر هتبتدي تحكيها و إنت بتضحك .
                      ع فكرة انا عن نفسى ما بضايقش ع العربية خالص بالعكس تولع طالما انا سليم...بس اللى
                      يغيظك و يحرق دمك هو انا واحد يبوظلك حاجتك باستهتاره و ما تبقاش عارف تاخد منه حاجة ..حتى اعتذار..

                      تصدق الجزء ده فى جانب كبير من الحقيقة...انا وريتك صور العربية بعد ما تخبطت ..مش عارف اذا كنت فاكرها و لا لأ
                      بس تصدق دلوقتى غالباً لما باجى احكى الموقف ده لحد باضحك..او ع الاقل بحكيه بشكل ساخر

                      Comment


                      • #12
                        هههههههههههههههههههههههههه
                        [RIGHT][COLOR=darkgreen]أحمد محمد صبرى[/COLOR][/RIGHT]
                        [CENTER][COLOR=darkgreen][SIGPIC][/SIGPIC][/COLOR][/CENTER]
                        [CENTER][COLOR=darkgreen][B]يا رب تفهم يا تتح[/B][/COLOR][/CENTER]
                        [CENTER][SIZE=3][COLOR=#000000][B]ماشى فى نور الله بدعى و اقول .... يا رب[/B][/COLOR][/SIZE][/CENTER]

                        Comment


                        • #13
                          المشاركة الأصلية كتبت بواسطة semo_siriony مشاهدة المشاركة
                          انا شايف ان الشارع المصري عامل زي الوباء المتستعصي
                          لا العلم عرف يفسرة ولا السلطات قادرة تحصرة
                          فخليها بقي علي الله وقول ياباسط

                          عداك العيب يا باشا..........هوه كده من الأخر فعلا.........
                          [SIGPIC][/SIGPIC]

                          Comment


                          • #14
                            موضوع جامد جامد جامد............

                            فعلا ممتع و رايق و منظم و لطيف........الف شكر يا باشا المواضيع الجامدة دي
                            [SIGPIC][/SIGPIC]

                            Comment


                            • #15
                              ايه الحلاوة والروقان دول .. 100 100 والله .وخصوصا مع التعامل مع الكارو والعربية لسه مرشوشة ( ربنا يعوض عليك ) .
                              [URL="http://www.nilemotors.net/Nile/signaturepics/sigpic21251_4.gif"][SIGPIC][/SIGPIC]http://www.nilemotors.net/Nile/signaturepics/sigpic21251_4.gif[/URL]

                              Comment

                              Working...
                              X