استفسار بخصوص شراء لاب توب

[Ahmed Eraqy]

السلام عليكم ورحمة الله و بركاتة


عايز اجيب لاب توب فى حدود 3.5 -4

اهم حاجة يستحمل الشغل و ما يسخنش !!

استخدامى : تصفح و مالتيميديا و قراءة كتب و بعض البرامج الهندسية و البرمجة و احيانا استخدم برامج جرافيكس مثل اوتوكاد و سوليدورك


اهم حاجة يكون بتاع شغل و توكيل محترم

و ميكنش اتش بى علشان عندى معاه تجربة مش لطيفة خاااالص

و ايه رأيكم فى ديل ؟

[itsonlyme]

السلام عليكم ورحمة الله و بركاتة


عايز اجيب لاب توب فى حدود 3.5 -4

اهم حاجة يستحمل الشغل و ما يسخنش !!

استخدامى : تصفح و مالتيميديا و قراءة كتب و بعض البرامج الهندسية و البرمجة و احيانا استخدم برامج جرافيكس مثل اوتوكاد و سوليدورك


اهم حاجة يكون بتاع شغل و توكيل محترم

و ميكنش اتش بى علشان عندى معاه تجربة مش لطيفة خاااالص

و ايه رأيكم فى ديل ؟

أهم حاجة تبعد عن الـ accer لأن الكل بيشتكي منه.
ماله الـ hp؟ ناس كتير بتمدح فيه.

أنا شخصياً معايا dell وشايف انه كويس جداً.

توكيل dell في مصر اسمه quest بس أنا قلقان منه جداً.

في مرة كنت بنظف الشاشة بسائل تنظيف الشاشات لقيت بقع فاتحة شوية في الشاشة. خلي بالك وأنت بتنظف الشاشة بتاعت أي لابتوب ان السائل مايوصلش لحافة الشاشة. المهم، أخدت اللابتوب ورحت على الصيانة في المهندسين. المكان عبارة عن شقة متواضعة جداً لا توحي انه مركز صيانة لماركة عالمية مثل dell. كان في عميل غضبان عشان اللابتوب بتاعه بقاله اسبوعين عندهم و ماتصلحش. بصراحة المعاملة كانت كويسة حتى والعميل غضبان. المهم، جيت اسلمهم اللابتوب كانت البقع اختفت (عقبال ما جيت من مدينة نصر للمهندسين). انطباعي العام للصيانه ان مستواهم متواضع جداً.

المهم، حكاية تنظيف الشاشة دي بوظت الشاشة بتاعت لابتوب accer بتاع أخويا. الشاشة بقيت كلها بقع سودة ضخمة.

[Ignition-Kid]

أهم حاجة تبعد عن الـ accer لأن الكل بيشتكي منه.
ماله الـ hp؟ ناس كتير بتمدح فيه.

أنا شخصياً معايا dell وشايف انه كويس جداً.

توكيل dell في مصر اسمه quest بس أنا قلقان منه جداً.

في مرة كنت بنظف الشاشة بسائل تنظيف الشاشات لقيت بقع فاتحة شوية في الشاشة. خلي بالك وأنت بتنظف الشاشة بتاعت أي لابتوب ان السائل مايوصلش لحافة الشاشة. المهم، أخدت اللابتوب ورحت على الصيانة في المهندسين. المكان عبارة عن شقة متواضعة جداً لا توحي انه مركز صيانة لماركة عالمية مثل dell. كان في عميل غضبان عشان اللابتوب بتاعه بقاله اسبوعين عندهم و ماتصلحش. بصراحة المعاملة كانت كويسة حتى والعميل غضبان. المهم، جيت اسلمهم اللابتوب كانت البقع اختفت (عقبال ما جيت من مدينة نصر للمهندسين). انطباعي العام للصيانه ان مستواهم متواضع جداً.

المهم، حكاية تنظيف الشاشة دي بوظت الشاشة بتاعت لابتوب accer بتاع أخويا. الشاشة بقيت كلها بقع سودة ضخمة.

على فكره انا صحابى كتير معاهم Acer وعمر محد منهم اشتكى منه , وانا لو هانزل دلوقتى اجيب Laptop هاجيب Acer 5930g


ده ال Review بتاعوا خد فكره


Notebookcheck: Review Acer Aspire 5930G Notebook

[IMG]file:///C:/Users/Osama/AppData/Local/Temp/moz-screenshot.png[/IMG][IMG]file:///C:/Users/Osama/AppData/Local/Temp/moz-screenshot-1.png[/IMG]

[Akram]

احنا كلنا في الشغل بنستخدم HP
و مفيش اي مشاكل منه خالص
انا لسا جايب HP compaq 610 بـ3350 و ممكن تزود الرام يبقى تمام

[shery103]

و انا كان معايا HP DV6000 بقاله 3 سنين مبيتقفلش 24 ساعة و مفتحش بقه ، حمار شغل فعلا

و من 4 ايام بالظبط نزلت جبت HP dv6-1215ee ، جهاااااااز هايل ، ممكن تشوف حاجة فى HP فعلا مش هيخذلك

[casper_Dj30]

علي فكرة انا معايا lenovo بقالة سنتين جهاز هايل و علي فكرة انا اصلا شغال oracle developer يعني شغلي علية مبيخلص و تمنة معقول جدا و موضوع السخونية يكاد لا يذكر يعني مفيش سخونية خالص و lenovo تبع ibm علي فكرة يعني ماركة محترمة
و راي الشخصي لو هشتري لاب توب تاني هجيب lenovo او toshiba الاتنين محترمين

[Lion_Heart]

و من 4 ايام بالظبط نزلت جبت hp dv6-1215ee ، جهاااااااز هايل ، ممكن تشوف حاجة فى hp فعلا مش هيخذلك

و ده عامل كام ؟.

[gebreel]

خليك في الديل او اللينوفو الجهازين دوول محترميين جدا و ابعد عن الhp لان فيه مشاكل من السنة اللي فاتت و الاجهزة بتبقى بخت ممكن جهاز يطلع كويس و ممكن يطلع فيه عيوب
التوشيبا جهاز محترم جدا و صيانته محترمة جدا (عن تجربة) و لكن اسعار الصيانة و قطع غياره غالية جدا بالاضافة الى ان البطارية بتعته لا تقارن ببطارية الديل

[Eng.Mina]

و انا كان معايا hp dv6000 بقاله 3 سنين مبيتقفلش 24 ساعة و مفتحش بقه ، حمار شغل فعلا

و من 4 ايام بالظبط نزلت جبت hp dv6-1215ee ، جهاااااااز هايل ، ممكن تشوف حاجة فى hp فعلا مش هيخذلك

الف مبروك كده بقينا 3 في المنتدي عندنا نفس اللاب توب
اختيار موفق

[Eng.Mina]

و ده عامل كام ؟.

انا جايبه ب 6250 جنيه من المول اللي في الخليفة

[Ahmed Eraqy]

انا بشكر حضارتكم جدا لتفاعلكم

بالنسبة ل hp ان كان خالى اشترالى واحد pavilion dv2000 من سنتين تقريبا من امريكا

مشكلة انه بيسخن جامد جداااا و بيعلق و ما بيستحملش اللود الجامد عليه

مش مهم اللهم لا اعتراض

المهم بقا اثناء فترة الضمان قفلته و حلف ما يفتح تانى

وديته التوكيل(فى سموحة) و هما محترمين الصراحة بعد اسبوع قالولى الماذر بورد اتحرقت !!! و هنبعت نجبها من الامارات و نغيرهلك و بعد اسبوع كمان اتصلوا و تعالى استلمه استلمته و مدفعتش ولا مليم

المهم قعد شغال شهرين كويس بالرغم من استمرار موضوع السخونية المستفذ

و بعدها حصلتله مشكلة تانية و كان خرج من الضمان !! و خايف اصلحه و اصرف عليه و يبوظ تانى قفلت منه الصراحة بس ده ميمنعش ان ناس تانية بتشكر فى الhp


لذلك فكرت فى الديل خاصة ان ناس كتير بيشكروا فيه

[gebreel]

الديل بردو بيسخن علشان تكون عارف بس سخونة غير مؤثرة على الاجزاء الداخلية تماما

[youssefmustang]

بص دى مشاكة بتاعتى فى موضوع برده بتاع واحد عايز يعرف احسن لاب توب

http://www.nilemotors.net/Nile/91196-laptop-better-2.html

الجهاز ده فعلا اكثر من رائع انا بشغل عليه لعبة Godof war 3 ولا كأنى بشغل لعبة ماريو واللى مش عارف اللعبة يخش على جوجل ويعرف ان اللعبة دى بتحتاج مواصفات قد ايه عشان تشتغل
المشاركة:
صح انا بردو واحد صاحبى جاب اتش بى وظهرت مشاكل فى كل من :
الرامات
الماوس باد
الوايرلس
انصحك انك تجيب ديل وبالذات اصدارات studio
انا معايا Dell studio 1537
ممتاز بمعنى الكلمة جرافيك عالى عالى عالى جدا فى الالعاب (كرت شاشة 1500 ميجا )
سرعة نقل رهيبة
ويرلس قوى جدا
بلوتوث
والميزة الاشد fingerprint يعنى بيتفتح ببصمة الصباع ومحدش يقدر يفتح الجهاز غيرك
وكمان بفتح الماسنجرات وتسجيل الدخول للمنتدايات ببصمة الصباع
وضمانه ممتاز (توكيله شركة كويست)
قصة انى اجيبه :
والدى ادانى 10000 جنيه وقالى هات حاجة نضيفة وتستحمل
السونى فايو : ممتاز جدا جدا بس صيانته صعبة وقطع غياره تماثل جهاز لاب توب جديد (على سبيل المثال البطارية بس بـ 2500 جنيه)
الايسر: بيستحمل وخاماته نضيفة جدا بس جرافيك زبااااااااااالة
توشيبا : سرعة نقل تعادل dell بس البطارية ضعيفة الى ابعد الحدود ممكن ما تكملش ساعتين وده بسبب البروسيسو intel centrino لانه بستهلك قدر عالى جدا من الطاقة ودى غلطة من شركة توشيبا حطو ميزة كويسة بس للأسف معرفوش عيوبها
ديل : كل حاجة فيه ممتاز ضمان اداء صيانة توافر قطع غيار تصنيع اروربى (تجميع بولندى) والجهاز معايا بقاله 5 شهور ما اشتكتش منه بصراحة وكمان نازل معاه كاميرا 2 ميجا بكسل
من الاخر هات ديل عشان تريح دماغك
وبردو هشبها بالعربيات
الهيونداى سيارة كورية تجميع مصرى + توكيل قذر -- الاتش بى
كيا سيارة كورية الصنع 100% + توكيل محترم + توافر قطع الغيار - ده الديل
وصلى صلاة الاستخارة
اخوكم يوسف

[kind]

انتا حلك Fujitsu Siemens من زمان يعنى جهاز روعه وانسى بقى السخونيه والعيوب والكلام ده كله