مطاعم فول وطعميه جنب المطار

[araberphilosoph]

سلام عليكم جميعا

ان ان شاء الله هاوصل مطار القاهره حوالي الساعه 2 الصبح وكنت عايز اسال اذا كان في مطاعم فول وطعميه قريبه من المطار اتسحر فيها عشان الفول والطعميه وحشوني اوي
حد يوصفلي يا جماعه لو ممكن
وشكرا مقدما

[icehearted girl]

حمدالله ع السلامة

[mahmoud_magdy]

مظنش يكون في مطعم فول وطعميه جمب المطار (من خلال خبرتي هناك)
هتضطر تروح مدينة نصر او مصر الجديده وهما جمب المطار طبعا
وممكن تأجلها لليوم التاني

[أحمد كمال]

عليك و على الشبراوي (ارابياتا) في مدينة نصر ...... نص ساعة من المطار بالكتير

اخر شارع الطيران بمدينة نصر

[Rembrandt]

يعنى هية المانيا مفيهاش فول وطعمية معظم محلات الاتراك بتقدم الطعمية صحيح مفيش فو ل بس ممكن تجيبة معلبات من الماركت وتطبخة فى البيت والطعمية بتتباع بودر فى الماركت برضو انت لو مشيت فى فرومو شتراسا هامبورج هتشم ريحة الطعمية طول مانت ماشى بيعملوها بلمكسرات والبازل تجنن

[أحمد كمال]

برضه مفيش زي فول و طعمية مصر

[A.Saad]

والله لو كنت جنب المطار كنت جبت لك منهم
فيه سوبر ماركت اولاد رجب فى البارك
ممكن تلاقى فول علب بس جهز معاك معلقة
الفجر بيأذن 3.45 تقريبا

[itsonlyme]

أكيد في محلات فول في النزهة الجديدة ومساكن شيراتون. دي أقرب مناطق للمطار.

بس مدينة نصر مش بعيدة. نص ساعة بالكتير.

آذان الفجر الأيام دي الساعة 4:09

[araberphilosoph]

شكرا يا جماعه
شكلها هترسي علي شبراوي الحي السابع ده اللي انا فاكره
يا باشا انا في بايرن والاتراك بيعملوا الطعميه الشامي وانا وحشتني سندوتشات الطعميه بتاعتنا
عموما شكرا يا جماعه

[ahmed ismail]

لو ليك فى جو عربيات الفول فى جنب المطار واحد اسمه الدولى عربية فول من احلى اطباق الفول اللى الواحد بياكلها من هناك صراحة اول ما تخلص الاوتوستراد بتخش يمين كده كده و بعدين تطلع الكوبرى اللى بيوديك على المطار عشان تروح للراجل ده بقى متطلعش الكوبرى و لف ورجع تانى عشان تروح الشارع الموازى للاتوستراد بالظبط حتلاقة على ناصية الشارع و ابقى ادعيلنا بقى

[itsonlyme]

لو ليك فى جو عربيات الفول فى جنب المطار واحد اسمه الدولى عربية فول من احلى اطباق الفول اللى الواحد بياكلها من هناك صراحة اول ما تخلص الاوتوستراد بتخش يمين كده كده و بعدين تطلع الكوبرى اللى بيوديك على المطار عشان تروح للراجل ده بقى متطلعش الكوبرى و لف ورجع تانى عشان تروح الشارع الموازى للاتوستراد بالظبط حتلاقة على ناصية الشارع و ابقى ادعيلنا بقى

الراجل ده اشهر عربية فول في مصر. ناس كتير بتروح تاكل من عنده حتى اللي عمرهم ما أكلو على عربية فول. كنت ح قولك عليه.

[totaa]

فى البداية حمدالله على سلامتك

وعايزة اقول ان فعلا الواحد لما بينزل ارض مصر بيحن لكل شىء

ريحة مصر جواه من اول الفول والطعمية والكشرى لغاية الكباب والفطير

يمكن احنا عاطفيين شوية ولاننا فقدنا اشياء حلوة كتير حوالينا لما بنرجع مصر فتقريبا بنستمتع بحنيننا للأكلات دي

نورت مصر وتقبل الله الصيام والقيام وسائر الاعمال منك ومن باقى

الاعضاء الغاليين

[araberphilosoph]

باشا العربيه دي منين من طريق مصر الاسماعيليه الصحراوي
انا رايح علي دمياط اول مانزل من المطار عشان انا من هناك
حد يوصفلي يا جماعه
انا من عشااااااااااااق عربيه الفووول
انا خارج من المطار لحد شارع جوزيف تيتو او جسر السويس
وبعدين

[أحمد كمال]

باشا العربيه دي منين من طريق مصر الاسماعيليه الصحراوي
انا رايح علي دمياط اول مانزل من المطار عشان انا من هناك
حد يوصفلي يا جماعه
انا من عشااااااااااااق عربيه الفووول
انا خارج من المطار لحد شارع جوزيف تيتو او جسر السويس
وبعدين

اخرج من المطار من طريق المطار (صلاح سالم) و اول ما توصل تقاطع صلاح سالم مع شارع الكلية الحربية هتلاقي كوبري اطلعه و بدل ما تنزل طوالي هتنزل شمال (كسرة جامدة اوي شمال) هتمشي تفوت الاوتوستراد (هيبقى على شمالك عمودي عالشارع) هو الشارع الرئيسي اللي بعد الاتوستراد

بس تصيحة نصيحة تصيحة

قبل الاكل اضرب قرص مضاد حموضة قوي زي Nexium 40 mg و قد اعذر من انذر هههههههههههههههه

[abzoabzo]

الف سلامة ومصر
بتقولك يا بخت من زار وخفف