مصادر: موجة غلاء لأسعار السلع الرئيسية نوفمبر المقبل .......

[sokasoon]

• مصادر: موجة غلاء لأسعار السلع الرئيسية نوفمبر المقبل

• تشهد مصر في الفترة المقبلة موجة أخرى من الغلاء في أسعار السلع الرئيسية مما يهدد المواطنين بزيادة حالة الاحتقان الموجودة لديهم مما ينذر بكارثة ومظاهرات لن تستطيع الحكومة الوقوف في وجهها خلال شهر نوفمبر المقبل .
  
  وأشار تقرير سري صادر عن وزارة التضامن أن الوزارة والحكومة فشلت في وقف موجة الغلاء خاصة بعد خداع كبار التجار لهم وعدم الإيفاء بالوعود التي قطعتها بعدم رفع أسعار السلع الضرورية قبل رمضان وتثبيتها حتى انتهاء العيد بالإضافة لوجود معلومات تؤكد إلى قيام التجار يرفع أسعار السلع مرة أخرى سيشهدها شهر نوفمبر المقبل مما يهدد الحكومة بالدمار مع اقتراب مؤتمر الحزب الوطني المقبل .
  
  وألمح التقرير إلى رغبة الحكومة في ضبط الأسعار قبل المؤتمر وهو ما دعا رئيس الوزراء الدكتور أحمد نظيف بالاجتماع الدكتور مصيلحي وزير التضامن والمهندس رشيد محمد رشيد وزير التجارة للوقوف بحزم في وجه التجار وتوفير السلع بأسعار في متناول الجميع .
  
  وقال مصدر بمجلس الوزراء أن الاجتماع لم يسفر عن شيء في ظل عدم السيطرة على الأسعار التي ارتفعت في الفترة الأخيرة بنسبة 50% لبعض السلع ، 30% في سلع أخرى وهو ما يجعل السيطرة عليها أمراً في غاية الصعوبة .
  
  موقع مصراوي حاول معرفة الأسباب الحقيقية لارتفاع أسعار السلع من خلال التحقيق التالي ،،،
  
  إلى هنا ، أكد فرج وهبه ، رئيس شعبة المخابز بغرفة الشركات أن هناك أزمة حقيقية يتهرب منها الوزير تتمثل في إجراءاته الأخيرة التي اتخذها وه الامتناع عن إنتاج الدقيق الفاخر "دقيق 72" وترك الأمور في يدج القطاع الخاص فأحتكر دقيق 72 وتعمد القطاع الخاص شراء القمح الذي يستخدم في إنتاج الدقيق الفاخر من الفلاحين مما أدي على ارتفاعه بالشكل الجنوني للدرجة الذي جعلته يشترى أردب الدقيق بــ200 جنيه ويباع الطن في النهاية بـ3000 ألاف جنيه وهو ما يفوق تكلفته بمراحل عديدة .
  
  أما محمد طلبة ، رئيس شعبة الجزارين فيقول أن وزارة الزراعة لم تقم بممارسة دورها الحيوي في حماية سوق اللحوم في مصر حيث تكاسل الوزير عن إصدار أي قرار لمنع ذبح العجول البتلو خاصة وأنها الثروة الحقيقية لوفرة اللحوم وانخفاض أسعارها ولكنه تركها للتجار والجزارين فاستهلكوا ثروة مصر وأصبح أسعار اللحوم تصل في بعض الأماكن إلى خمسون جنيها للكيلو وهو ما يفوق إمكانيات الأسر الثرية .
  
  م . ن . ق . و . ل
  

[sherif Anton]

معدلات التضخم للربع الثالت من هذا العام كان مقدر لها ان لاتزيد عن 8% وبناء عليه تم تخفيض الفائدة في البنوك الى اقل من 8% ... ولكن معدلات التضخم الحقيقية خلال هذه الفترة ارتفعت الى حوالي 9.5 % ...!!! ومازالت الفائدة في البنوك اقل من 8 % ... !!!

[modux]

ربنا يستر علينااااااااا

[tamohsen]

يا جماعه موجة غلاء أسعار السلع الرئيسية حصلت خلاص
وهيه لسه هاتحصل تاني ؟؟!
بجد معظم السلع الغذائيه بالذات زادت 40-50%
وكل محلات الأكل عملت كده
ربنا يرحمنا

[modux]

لا لسه هتغلي كمان

اللي سمعت و قريت عنو كتير هو زيت الطبيخ و عندنا مخزون فلما يخلص هنتشري من بره ( اللي غليت من فترة )

فتلاقي الزيت زاد 30 - 40 %

من ثمنه !!

[Karim_Monir]

انا اروح ابيع هدومي احسن
هو المرتب مكفي اصلا لما الحاجة تغلى تاني
اوووووووووووووووووووووووووف

[eng_mkhalaf]

حسبى الله ونعم الوكيل

[Migo123]

يا جدعان كيلو الجبنه الشيدر من 28 جنيه يوصل 42 جنيه في خلال اسبوع
و الرومي ب 32
والبيضه ب 60 قرش




وبيقولو اللحمه وصلت 40 جنيه
الناس ها تعيش ازاااااااااااااااااااااااااااااااااااااااااااااااا ااااي
دا غير الادويه .......... خراب بيووووووت

[mtema99]

إن الله لا يغير ما بقوم حتى يغيروا ما بأنفسهم

[أبو عبدالله]

إن الله لا يغير ما بقوم حتى يغيروا ما بأنفسهم

+10000000000000000000000000000000000000

[sokasoon]

• ياريت ياجماعة كلنا نتكاتف مع بعض ضد الفساد اللى بيحصل ده
  
  كل ما احنا ساكتين كده الاسعار هتزيد اكتر واكتر
  
  على الاقل نسجل اعتراضنا على اللى بيحصل ده

إن الله لا يغير ما بقوم حتى يغيروا ما بأنفسهم

[/quote]

[hazem_khidr]

ميرسي يا لولو علي الاخبار الجميله دي بصراحه انت و حسام حسن لما بشوف اسمكم بفرح
حنقول ايه غير حسبي الله و نعم الوكيل و مفيش في ايدك حاجه تعملها
حنقول نقاطع مش حينفع لاهي حاجه ساقعه و لا سجاير حنعمل ايه

[ابوحميد]

اللحمة لسه سعرها 30 جنيه بس
:D :D :D :D :D :D :D :D :D :D :D

[ahmedsrs]

يا جماعه موجة غلاء أسعار السلع الرئيسية حصلت خلاص
وهيه لسه هاتحصل تاني ؟؟!
بجد معظم السلع الغذائيه بالذات زادت 40-50%
وكل محلات الأكل عملت كده
ربنا يرحمنا

[mtema99]

يجماعه
ليه منفكرش في طريقه جديده
قال رسول الله فيما معناه يئمكم منكم
و ايضا سمعت كلمه حلوه
صلاح الراعي من صلاح الرعيه

يعني الحل قدمنا و مش قادرين نعملوا عشان خايفيين نتعب نفسنا
و صدق رسول الله حينما قال فيما معناه
عندما سئل عن الوهن في الحديث الشهير
قال عليه الصلاه و السلام
حب الدنيا و كراهيه الموت في سبيل الله
لازم التغييير يبقى جوانا الاول و من ثم اسرنا و عائلتنا
و اصدقائنا خارج هذا المنتدى فيتغيروا و يغيروا اسارهم و عائلتهم و هكذا
و مهما اخد من وقت فهيثمر فالاخر
احسن من الانتخه اللي احنا عايشيين فيها
و كل واحد يقولك يعني هو انا اللي هغير الكون
و هو مش عارف ان ربنا اوزع فيه قدره تغير اكوان مش كون واحد