سؤال بخصوص تحديث السوفت وير عن طريق الموبيل نفسه...!!

[Eng.Omar_karem]

السلام عليكم ورحمة الله وبركاته
انا لسه شاري n79 جديد بس تقريبا الفيرجن بتاع السوفت وير قديم(11.049) لانه كل شويه يهنج وساعات اشغل اى اغنية ماتشتغلش الا لمل اقفله وافتحة تاني ...فانا كنت عايز اعرف الخطوات بتاعت التحديث(من الموبيل نفسه مش عن طريق الكمبيوتر) ..وايه الحاجات اللي لازم اعملها او اخد بالي منها قبل ما ابدا
وكنت عايز اعرف هو التحديث ده ممكن يضيع اللغة العربية ولا لا؟؟؟
وبرنامج ال جي بي اس حيفضل موجود ولا لا؟؟
وطبعا اكيد التحديث اكبر من ال 5 ميجا من النت مقابل الجنية ..فكنت عايز اعرف هحتاج اد ايه تقريبا عشان النت ما يفصلش لو الرصيد خلص فجأه...
وياريت اللي عنده اى معلومة زياده عن التحديث اللي من الموبيل ده يقول...وشكرا

الرجاء عدم الكتابة بالأحمر حيث أنه مخصص للمداخلات الإدارية

مشرف الاجتماعي

[M.Osama]

معتقدش حوار الموبايل دا كويس

لاني لما بحدث الموبايل من الكمبيوتر بيعمل دونلود لحاجات تتعدي الـ 130 ميجا

بالمناسبه الحجم دا كان لـ n95 ولما غيرت بقي حوالي 120 ميجا لـ n97

[Eng.Omar_karem]

معتقدش حوار الموبايل دا كويس

لاني لما بحدث الموبايل من الكمبيوتر بيعمل دونلود لحاجات تتعدي الـ 130 ميجا

بالمناسبه الحجم دا كان لـ n95 ولما غيرت بقي حوالي 120 ميجا لـ n97

اولا شكرا لاهتمامك..
بس انا متهيألي ان اللي بينزل عن طريق الموبيل ده مجرد ملفات لتحديث او تعديل نفس السوفت وير اللي بيبقى موجود على الجهاز...اما عن طريق الكمبيوتر بيبقى سوفتوير كامل جديد غير اللي موجود على الموبيل..

زى الكمبيوتر كده..في فرق لما بتنزيل تحديثات للنسخة الموجوده على جهازك او تعمل نسخة جديده خالص ....ممكن تكون الحكاية كدا..(شكلي كده بفتي..صح؟؟

الرجاء عدم الكتابة بالأحمر حيث أنه مخصص للمداخلات الإدارية

مشرف الاجتماعي

[أحمد كمال]

زى الكمبيوتر كده..في فرق لما بتنزيل تحديثات للنسخة الموجوده على جهازك او تعمل نسخة جديده خالص ....ممكن تكون الحكاية كدا..(شكلي كده بفتي..صح؟؟:c_laugh[1]::c_laugh[1]::c_laugh[1]:

[/color]

بالظبط :)

لازم الكمبيوتر و لازم الابديت كاملا مفيش تحديثات جزئية

[yoko]

بص بدام عندك مشاكل في الجهاز يبقى لازم بالكمبيوتر ملهاش حل تاني وحوار الموبيل على الأقل ٥٠ ميجا ومش هيحللك أي مشاكل موجوده

[Eng.Omar_karem]

خلاص امري لله ..حعمل تحديث من الكمبيوتر ولو ان انا خايف منه جدا لان سمعت ان اى غلطة بتحصل بتضيع الجهاز نهائي (مثلا لو النور قطع!!) وبردو سمعت ان اللغة العربية بتضيع ولازم اعمل حوار تاني عشان ترجع...انا ممكن اوديه الضمان وخلاص بس المشكلة انهم لازم بيفتحوا الجهاز حاجة غريبة..قبل كده كان معايا 6680 وبردوا كنت عايز احدث السوفت وير واكتشفت بعد كده لما جيت ابيعه ان الجهاز مفتوح قبل كده وانا اصلا كنت جايبه جديد وطبعا نزل من سعره بتاع 200 جنيه عشان مفتوح!!؟؟وبعدين اكتشفت انهم كاتبين كده في الضمان ان من حقهم يفتحوا الجهاز من غير الرجوع للعميل!!...

طب دلوقتي انا هحتاج ايه في التحديث ده؟؟
وهل في طريقة اخلي بيها اللغة العربية ما تضعش؟؟
ولو حصل لا قدر الله حاجة اثناء التحديث ( النور قطع مثلا) هل ده معناه ان الجهاز انتهى ومش نافع فيه حاجة؟؟

ومعلش اخر سؤال..هل التحديث اللي هعمله ده يخرج التليفون بره الضمان؟؟(هو ضمان رايه على فكره)....وشكرا..معلش تعبتكوا معايا!!!

[أحمد كمال]

1- العربي مش هيضيع لو استخدمت نوكيا سوفتوير ابديتر توول من موقع نوكيا الرسمي
2- و لا الضمان هيضيع لو عملت رقم 1
3- و مش هتفتح الجهاز الكلام ده في الاجهزة القديمة
4- اعملها على لابتوبك و لو ماعندكش على لابتوب صديق ليك و اتاكد ان البطارية مشحونة تماما (بطاريتي اللابتوب و الموبايل) و لو النور قطع هتبقى في السليم

[yoko]

1- العربي مش هيضيع لو استخدمت نوكيا سوفتوير ابديتر توول من موقع نوكيا الرسمي
2- و لا الضمان هيضيع لو عملت رقم 1
3- و مش هتفتح الجهاز الكلام ده في الاجهزة القديمة
4- اعملها على لابتوبك و لو ماعندكش على لابتوب صديق ليك و اتاكد ان البطارية مشحونة تماما (بطاريتي اللابتوب و الموبايل) و لو النور قطع هتبقى في السليم

+ النظام الجديد حتى لو الكبل إتفك أو الكهربى قطعت بتوصل الجهاز تاني وبيبتدي من الأول ولا كإن حاجة حصلت الحكاية دي كانت زمان

[aliabutaleb]

1- العربي مش هيضيع لو استخدمت نوكيا سوفتوير ابديتر توول من موقع نوكيا الرسمي
2- و لا الضمان هيضيع لو عملت رقم 1
3- و مش هتفتح الجهاز الكلام ده في الاجهزة القديمة
4- اعملها على لابتوبك و لو ماعندكش على لابتوب صديق ليك و اتاكد ان البطارية مشحونة تماما (بطاريتي اللابتوب و الموبايل) و لو النور قطع هتبقى في السليم

بالظبط كدة
واللينك دي هاتفيدك ان شاء الله
Nokia Middle East and Africa - طھطظ…ظٹظ„ ط¨ط±ظ†ط§ظ…ط¬ Nokia Device Updater

[Ahmed Sharaf]

انا عملت تحديث للسوفتوير لجهاز سامسونج أمنية ضمان راية , وبعد كدة حصل مشكلة فى السوكيت اللى بيدخل فيها جاك الشاحن. قالولى دة نتيجة تحديث سوفت وير خارج التوكيل وكان نتيجة دة انى ادفع 200 جم علشان يحدثوا السوفت وير بمعرفتهم ودة ممكن يحل المشكلة.
ولكن لو المشكلة زى ما هى هايدونى الجهاز ويخرجوة من الضمان ... انا مستنى اشوف هيعملوا اية وبعدين هاكلم جهاز حمايه المستهلك على الاستهبال دة.

[aliabutaleb]

انا عملت تحديث للسوفتوير لجهاز سامسونج أمنية ضمان راية , وبعد كدة حصل مشكلة فى السوكيت اللى بيدخل فيها جاك الشاحن. قالولى دة نتيجة تحديث سوفت وير خارج التوكيل

انا مش مقتنع إزاي تحديث سوفتوير يبوظ سوكيت
بس هاسيب التعليق للناس الأعلم مني

انا تاني يوم ما اشتريت موبايلي حدثت الفيرموير بتاعه من الكومبيوتر وبدون أي مشاكل ولله الحمد

[Ahmed Sharaf]

انا بردة زي حضرتك مش مقتنع ان يكون فية علاقة بين سوفت وير وهارد وير , لكن لما قريت الضمان لقيت ان تحديث او تنزيل اى برامج خارج التوكيل يلغى الضمان !!!!
وادينى مستنى وهشوف هيعملة اية؟

[Dr Zezo]

طب انا عملت ابديت لجهازي من كام شهر باستخدام برامج نوكيا العربي- الاستاذ ابوحمزة وضع رابط الصفحة بتاعته- و اللغة العربية راحت اعمل ايه ؟!

[Eng.Omar_karem]

انا حقيقي متشكر ليكم كلكم ولكل اللي ردوا على الموضوع عشان يفيدوني..وانا ان شاء الله هعمله على اللاب توب بتاعي
انا دلوقتي المفروض احمل nokia software updater وبرنامج nokia pc suite طب انا كنت محمل برنامج ال ovi اللي جاى مع الموبيل على الاب توب البرنامج ده بقى زي ال pc suite ولا ده حاجة تانيه؟؟....معلش والله ده اخر سؤال ليا

[Eng.Omar_karem]

ولو في حد اتصل بيا اثناء التحديث يحصل حاجة؟؟....واخلي memory card في الجهاز ولا اشيله؟؟