الروس وسواق التاكسيK_M

[Karim_Monir]

من كام يوم كدة كنت راجع من العباسية وواخد اول صلاح سالم متجة لبيتي
وعند مدخل صلاح سالم ولسة بعدي شريط القطار لقيت تاكسي رينو داتشيا معفن متاهالك واقف في نص شارع ونازل من 3 سياح وسواق التاكسي بيحاول يركبهم تاني وهما مش راضيين ورمولوة ورقة بفلوس مالحقتش اشوف كام بس الاسلوب اللي كان بيزعق بيه قذر قوي

وقفت جنبهم وسالتهم ايه المشكلة قالو انه جايبهم من التحرير لسيتي ستارز وبعد ما كنوا متفقين على 50 دولار عايز ياخد منهم 100 دولار
حسبي الله ونعم الوكيل
طبعا المكان الل واقفين فيه صعب حد يقف وان كنت مروح قلتلهم اتفضلوا اركبوا كانوا 2 ستات وراجل وفهمت منهم ان واحدة منهم شغالة في القنصلية الروسية باسكندرية ودي اختها وزوج اختها بيتفسحوا في مصر طبعا هيا كلامها انجليزي هندي اسواء من الانجليزي بتاعي علي شوية روسي في النص وكام كلمة عربي لقطتهم من قعادها في مصر
هيا طبعا في الاول كانت فاكراني سواق تاكسي (مش عارف ازاي ) بس لما لقت شنطة الاب توب جنبها بتسالني سواق تاكسي وعندة لاب توب وقولتلها يعني سواق تاكسي كرولا ومش لونها تاكسي اتكسفت وقعدت تعتذر وفهمتها انا شغال ايه واني انقذتهم من طمع اي سواق تاني ممكن يستغلهم خاصة ان الساعة كانت 12:30 باليل
قالتلي انها بقالها 3 سنين في مصر وكل الناس بيحاولو يستغلوها ومفيش حد كويس في مصر
قولتلها معلش عشان تدني مستوى المعيشة قالتلي في روسيا اسواء بس محدش بيعمل كدة قولتلها في روسيا معدلات الجريمة ارتفعت بشكل جنوني اتكسفت وقالتلي دي حقيقة بعد الانهيار الاقتصادي
طبعا كانت بترجم لجوز اختها اللي قاعد جنبي اللي مابيعرفش غير روسي ودخل معانا في الحوار
في النهاية قالتلي بعد ما وصلتهم انها من 3 سنين في مصر ما قابلتش حد (جدع) وقالتها بالعربي بنت سلطح باشا :-)
وهما نازلين لقيت جوز اختها بيطلع فلوس بالدولار طبعا ما شوفتش كام لاني وشي احمر جدا وقولتلهم عيب قوي دي اقل حاجة عشاان تفتكروا ان في مصرييين ومسلمين كويسين مش كلهم ارهابيين
ضحكوا قوي وقالولي احنا كمان مسلمين ومش ارهابيين وقالولي على اسماءهم الجديدة
---------------
حبيت اوضح بس وعذار للاطالة حالة التدني الرهيب اللي وصلها الشعب المصري
100 دولار من التحرير لمدينة نصر
اي ما يفوق 560 جنية
لــيــــــــــــــــــــــــــــــــــــــــــــــ ــــــــــــــــــــة
حسبي الله ونعم الوكيل في كل اللي بيوحش صورة البلد دي بالمنظر ده
هما بيتعاملوا مع كل الناس في مصر بكل توجس وخيفة وانهم نصابين
لدرجة ان الراجل وهو قاعد جنبي خايف ولما بقولوة شد الحزام كش لورا كدة مع انه اطول من اسلام المصري 8) يعني بتاع 2 متر

[محمد المصرى]

المصريين اهمه

;)

[Nader]

لا حول ولا قوة الا بالله، البلد بقى حالها يحزن... ربنا يبارك لك يا كريم بيضت وشنا قدام الفرنجة:).

[fahd_628]

100 100 يا كريم

بصراحة الناس الى زى دول هما الى بيبوظو السياحة

[modux]

الكلام ده مضبوط و بيحصل

مرة واقف عند سيتي ستارز و عايز اروح البيت و معاه اختي و امي بليل علي 11.30 و العربية مش معايا ( سااااااااااااااعة عشان الاقي تاكسي )
و في الاخر وقفت واحد بقولو عايز اروح روكسي لا لا قالي يا باش انا ممكن اخد عربي من هنا يدفع من 40 - 50 جنيه في المشوار !!! طب اركبك ليه !!!!

كان نفسي اضربو !!!

المهم فعلا ده اللي مبوظ حال البلد
عندي واحد صاحبي بريطاني اسلم و متجوز واحدة مسلمة و جاي يدرس الاسلام !!!
بيكلمني ان البلد هنا تحفة و الحاجو رخيصه رديت عليه رخيصة بالنسبة ليك عشان الاجور هنا مدتنية جدا جدا !!!

المهم كان بيشكيلي من حال المصريين و بيستغلوه !!!

نفس الكلام قابلتوه مع كذا واحد عراقي

بيقوللي المصريين نصابين كلهم
فهمتو ان في في كل بلد الحلو و الوحش و مستوايات المعيشه هنا سيئه !!!

بس بردو لسه بيجو عندنا :-? :-?

[m_aash]

[b]جزاك الله كل خير على فعلك , وياريت كل المصريين يكونوا زيك.[/b]بس المسكلة إن فئة المصريين اللى بيشتغلوا فى الخدمات , زى التاكسيات و المطاعم و السوبرماركت و خلافه , بتجيلهم حالة سعار لما بيشوفوا أجنبى و بيفتكروه زبون لقطه يعرفوا يقلبوه فى دولارات أو حتى جنيهات على أد ما يقدروا, ما يعرفوش إن كده شوية شوية بيقطعوا رزقهم و رزق ناس تانية بتشتغل فى السياحة , ده غير طبعا سمعة المصريين اللى بقت زى الزفت .ربنا لا تؤاخذنا بما فعل السفاء منا ......آمين

[eng_mkhalaf]

الصراحة يا كريم أنت جازفت علشان تركب حد غريب فى العربية باليل قوى كدة - الصراحة معكش حقك
الحمد لله ربنا ستر

[PRO-DRIVE]

والله يا استاذ كريم بجد دا بيحصل معانا شبه يومي و بعدين يسألوا ليه الخليجيين بيكرهوا المصريين
و الحمد لله ان في ناس عارفه اللي بيحصل

[sokasoon]

• ما يدونى 20 دولار واوديهم انا فى ارخص من كده بقا :D
  
  سواق التاكس ده بيستهبل وبيستغلهم اسوء استغلال
  
  يعنى تاكس خربان وكمان بيتأمر تكسيات اخر زمن
  
  و10/10 يا كريم كويس انك شرحتلهم الموضوع

[sokasoon]

والله يا استاذ كريم بجد دا بيحصل معانا شبه يومي و بعدين يسألوا ليه الخليجيين بيكرهوا المصريين
و الحمد لله ان في ناس عارفه اللي بيحصل

• بص يا برو درايف انت لما تيجى تركب تاكس
  
  قولو على المكان اللى انت رايحو لو قالك تدفع كام قولو
  
  على السعر اللى انت عايزو ومايكونش قليل على المكان طبعا
  
  وماتحسسوش انك مش مصرى لانك انت مصرى اساسا
  
  لو رفض سيبو وهتلاقى غيرو كتير ولو ما قالش تدفع كام
  
  فى المشوار اركب وزى ما بتدفع كل مرة فى المشوار ادفعو
  
  ولو قالك نص كلمة ماتردش عليه وسيبو وامشى وخليه يخبط راسو فى التابلوه

[الصاوي]

جدع جدع جدع
و قمة في الرجولة و الشهامة و صححت صورة بلدنا قدام الكل
و هنعمل ايه بس في القرف اللي احنا عايشين فيه ده
انت راجل 10\10 والله و تسلم ايديك و رجليك 1000 مرة

[hazem_khidr]

دا المتوقع من شخصيه كريمه و عظيمه و نبيله زي شخصك الكريم يا كريم يا منير.
جزاك الله خيرا

[Dr Ahmed]

لدرجة ان الراجل وهو قاعد جنبي خايف ولما بقولوة شد الحزام كش لورا كدة مع انه اطول من اسلام المصري يعني بتاع 2 متر

[smilie=to funny.gi:
تلاقى عينه راحت على الصاعق :impact:

[الريس]

تصرفك نبيل يا كريم باشا
بس حاول تكون اكثر حرصا
علشان انت متضمنش اي حد
و ربنا يسلمك من كل سوء

[ابوحميد]

ربنا يباركلك
على ما اذكر يوجد حديث لرسول الله صلى الله عليه وسلم
ما معناه كونوا ظهر من لا ظهر له
يعنى اللى ربنا كرمه بدابة يساعد اخوه بيها ويوصله او يفك ضيقته