في حد هنا شغال في المصرية للاتصالات

[Nader]

سلام عليكم يا جماعة الخير، انا عندي خطين تليفون واحد قديم... ودة مفيش فية مشاكل والتاني هو الجديد... هوائي... الخط الهباب دة مشتغلش اكتر مما عطل :( ودلوقتي من شهر 7 وهو عطلان وكل ماكلم خدمة العملاء يسمعوني الاسطوانة المشروخة بتاعتهم اللي هي في خلال 48 ساعة هيكون متصلح...... انا خلاص جالي الضغط من الاستهبال دة مش عارف اعمل اية تاني

[mido777]

كان عتدى مشكلة شبة كده شوية وعملت نفساللى عملته ولا يوجد اى استجابة

فكان لازم اروح السنترال الصبح بدرى حوالى الساعة 8.30 علشان ابلغ على العطل وكمان اخد العامل معايا علشان يشوف البوكس

[modux]

انا بقا عندي مشكلة من سنة !!!

نفس الاسطوانة المشروخة !!!!

خط هوائي زفت بعد 17 شكوي اتحول ارضي
رحت تي اي داتا و اشتركت و بعد كده الخدمة مش جت !!!!

اكتشفت انهم حووله ارضي فيبر !!! و لازم ارضي نحاس عشان يشتغل عليه ADSL

و طبعا مش هنزلهم بدري

مش عارف اعمل اية ؟

[Sherif Khalifa]

ممكن حضرتك تسبلى رقم التيليفون الى ادمت بية فى TE Data
و انا ممكن اعرف هوا وائف فين بظبت
و هاحاول اشوف حد من التركيبات يساعد فى الموضوع دة
بس الموضوع مش اكيد هيا مجرد محاولة

[dragonsmith]

السلام عليكم،

عندي نفس مشكلتك بالضبط يا أستاذ نادر و زهقت بقى من الإتصال ب 101 و الغريب اني لما بسيب التليفون بايظ يوم او اتنين بيتصلح لوحده

[tarekkasaby]

بقى من الإتصال ب 101

قصدك 111
:D

[Nader]

ايوة هة رقم الشكاوي 111

طيب مينفعش نطلب بتحويل الخط من هوائي لارضي؟؟

[modux]

ايوة هة رقم الشكاوي 111

طيب مينفعش نطلب بتحويل الخط من هوائي لارضي؟؟

يااااااااااه طلبت مليون مرة و كالعادة معنيش صلصله عشان اعمل كوسه في السنترال !!!

طيب حاضر
لا لازم حضرتك تيجي
لا لازم طلب
لا اصل مفيش خطوط
لا اصل لا فصل

شغل حكومة اخر قرف

[Nader]

شغل حكومة اخر قرف

ما المصيبة انها مبقتش حكومة ولسة بيعاملوا الناس بنفس النظام القديم......دول عاملين تخفيض 70% على لخطوط علشان مفيش اقبال خالص... والله الموبايل ارحم من التعامل معاهم.

[Nader]

هو الحل ان تدخل شركة تانية منافسة في الخطوط الارضية علشان المصرية للاتصلات تفوق لتفسها

[modux]

هو الحل ان تدخل شركة تانية منافسة في الخطوط الارضية علشان المصرية للاتصلات تفوق لتفسها

بصراحة انا لما بروح اي مصلحة بدور علي البيج بوس اللي هوا تقعد تشرب شاي و هوا ب عشريين جنيه يروحلك يخلصلك الورق اللي هتقعد فيه اسبوعين رايح جاي

سواء مرور او تليفونات اي مصلحة احوال مدنية و كل علي حسب ما تدفع

واحد صاحبي رخصة عربيتو اتسحبت
راح المرور فحص العربية و هيا تحت بيتهم يعني مش دخلت مرور تاني و الموضوع اتكوس و جاب الرخصة والله مالوش واسطة
واسطته كانت ورقة بخمسين

اسف جدا
بس للاسف هي دي مصر :-? :-? :? :?

[dragonsmith]

قصدك 111

ايوة هة رقم الشكاوي 111

طيب مينفعش نطلب بتحويل الخط من هوائي لارضي؟؟

السلام عليكم،
الرقم 111 فعلا 8)

لمل طلبت التحويل لخط أرضي كان الرد بمنتهى الصفاقة استنى لما يحفروا امام البيت او وراه و بعدين تعالى قدم طلب! :shock:

[meza]

كان عندى الخط الهوائى ده ......... بصراحة كله مشاكل ......... يشتغل يوم و يقطع يوميين

بس الحمد لله حولتوا أرضى .... زى الفل معطلش ولا مرة من ساعة ما ركبته و نت التليفون كان عليه هوا ... بس جبت DSL دلوقتى
أنا فاكر فى الهوائى خمس دقايق و يقطع و كان بيطلع عينى

على فكرة أنا جبت الجهاز الهوائى و شوفت تاريخ الإنتاج و بلد الصنع لقيت

تاريخ الإنتاج 4/99 و أنا مركب الخط 2004 و بلد الصنع فرنسا ........غريبة

واضح إن الموضوع إتعمل فى فرنسا و فشل فقالوا يجربوه فى مصر و برضه فشل :D

هما قالولى فى السنترال كل الخطوط هتتغير على نص السنة اللى جايه لأن الهوائى عاملهم مشاكل كتيير فى الشركة

[مصراوي جدا]

ربنا يطمنكم

ايه الكلام الحلو ده عن الخط الهوائي

انا معزل من شهر واحد ولما جيت انقل التليفون قالوا لي هيكون خط هوائي ولما سعيت في تغييره لأرضي لقيت انه مينفعش وانها محاولات فاشلة ولا حتى بالفلوس

النقطة المهمة ان العامل اللي ركبه قال لو حصل عطل يبقى لا تتصل ولا حاجه كل اللي تعمله تجيب معاك الجهاز (وحدة اللاسلكي مش عدة التليفون) للسنترال وفي الغالب بيتم استبدالها فورا ومش بتتصلح حتى

وخللي بالك انهم حريصين جدا ان الناس تتكلم وتدفع فواتير اكتر واكتر ولذلك نصيحتي تروح لهم بالجهاز هيغيروه لك فورا

[Nader]

هو واضح ان حصل سوء تفاهم بسيط.... انا اقصد الخط نفسة هو اللي هوائي مش العدد "مش عدة لاسلكي يعني"