إتجوزت وإنت عندك كام سنة؟؟؟؟؟

[Hossam.Hamdy]

لسه بس نفسى قبل ما اتم 24 سنه.انا حاليا 22
ادعولنا كده ربنا يسرلنا الأمور

[mino]

انا اتجوزت و انا عندي 27 سنة وده كان من سنة و ثمان شهور بالضبط يااااااااه بس احداث كتير اوي حصلت ودلوقت عندي بنت عندها 6 شهور
السن المناسب هو اللي تقدر تعتمد فيه علي نفسك و تفتح بيت و ما ادراك و تجيب عيال و تقدر تربيهم و انت لسة بصحتك :)

[Islam_galal]

و الله هو الجواز بدري مهم بس الظروف دايما هي اللي بتقرر

كمان لازم الشاب يعاني شوية في تجهيزات الجواز لان
easy come easy go

[yahyanaabil]

انا شايف ان الواحد يتجوز بعد مايتخرج بسنتين اوتلاته على الاقل يكون مسك فى شغلانه عدله تفتح بيت
انا ان شاء الله ناوى اعمل كده, انا الحمد لله فى اخر سنه ليا فى الكليه هانت

[OlaOsman]

كنت باتكلم عن الموضوع ده مع واحدة من زميلاتي الأجنبيات في الشغل.. طبعا هي مستغربة جدا من اللي بيتجوزوا أول ما يتخرجوا و يشتغلوا في سن ال 23 و ال 24.. هي شايفة ان الشباب في السن ده بيكونوا لسه صغيرين او و غير ناضجين كفاية.. و شايفة انه ممكن يعيش حياته زي ما هو عايز بدون الحاجة للزواج الا لما يكبر شوية.. يعني أواخر العشرينات و أوائل الثتلاثينات بالنسبة لها سن مناسب جدا لزواج الشباب. طبعا احنا المسلمين فاهمين انه ما ينفعش ان شاب يكون قادر ماديا على الزواج و مأجل عشان يعيش حياته.. انما طبعا صعب توصل مفهوم زي ده لحد أوروبي ذو ثقافة مختلفة عننا و مفهوم مختلف للحياة.

[محمد ابراهيم 1]

فى جميع الحالات حتندم
اتجوزت( صغير- كبير- وسط - ما اجوزتش خالص) برضه حتندم

[aif]

انا اتجوزت عندي 31 سنة وانا باعتبر اني اتأخرت 6 سنين لكن كنت باكون نفسي وكنت مستني المدام لما تكمل الدراسة

[dr.amr]

الحمد لله اتجوزت عندى 26 سنة , وبصراحة كنت بحلم انى أتجوز أول ما أتخرج لكن على ما استقريت وقدرت أتقدم لحد :)
السن المناسب هو السن اللى يكون فيه نضوج عقلى وعاطفى .. يعنى بصراحة واحد من شباب اليومين دول لو لسه فى الكليه وعنده مقدرة أنه يتجوز أكيد هيتجوز أول واحدة تدخل السكشن برجليها اليمين :)
زمان كان الصحابة بيتجوزوا من 14 و 15 سنة , بس كان الواحد منهم بيقود جيش مش أسرة
(الرسول صلى الله عليه وسلم اتجوز عنده 25 سنة ودا لأنه كان فقير)
وبصراحة الزواج نعمة نعمة نعمة لا يقدرها إلا من جربها بعد حياة العزوبية والبهدلة (خاصة لو رزقك الله بزوجة بنت حلال تجد فيها السكن والمودة)
وبصراحة كلام العزاب بتاع الحرية وحياة الإنطلاق دا بصراحة كلام فاضى بيصبروا بيه نفسهم (او بيضحكوا بيه على نفسهم) لما يتجوز ويلاقى كدا ان فى كائن قاعد مستنى تشريف سعادته عشان ياكل معاه ولما يلاقى ابنه أو بنته بتضحكله هيعرف إن حياته بقى ليها معنى وبجد هيندم أن متجوزش بدرى !!!
قابلت فى شغلى بعض الأشخاص (من الحرفين - واحد سواق نصف نقل والتانى سواء عربية فى شركة كبيرة) اتجوزا وعندهم 19 سنة , والله ثم والله وجدتهم مختلفين تماما عن غيرهم (مبيشربوش سجاير محافظين على الصلاة وفعلا حسيت انهم عاقلين جدا غير بقيه زملائهم )

كما أن لى نظرية شخصية إفتكاسية ..(الله سبحانة وتعالى حدد سن معين للبلوغ الجنسى ) لو دققت النظر قليلا فى من تزوج فى هذة السن أو قريبا منها لن تجدهم مروا بأى من مشاكل مرحلة المراهقة والتى أشعر شخصياً أنها مصطلح حديث , فلم نسمع عن مثل هذة المشاكل مثلا فى جيل الصحابة , ولم نجد فى إحاديث الرسول صلى الله عليه وسلم أو سيرة الصحابة ما يخص هذة الفترة (مع أهميتها وكثرة مشاكلها) وذلك لأنهم لم يعانوا منها , فالزواج يحل المشكلة الجنسية التى تكون المأرق الأول والثانى والثالث و ......
لمن هو فى هذة السن , كما انه يمارس سلطته فى إدارة أسرة فليس محتاج للتمرد لإثبات ذاته , وسيجد من المسئولية ما يلهيه عن سواه من سفاسف الأمور ويساعده على إكتساب الخبرة الحياتية والعمليه سريعا

لو قارنت بين واد عنده 10 سنين شغال تباع على عربية مكروباص وبين إبنك الى عنده 10 سنين وخريج مدارس لغات (صحيح ابنك يعرف أكثر فى الإنجليزى والعلوم و ......) بس هتخاف تخليه يعدى الشارع لوحده , التانى لو بات فى القسم أظنه هيعرف يتصرف !!

المشكله عندنا انك بتظل فى دوامة التعليم 20 سنة وبعدها تبدأ تتعلم الحياة لما تتخرج

من الأخر اللى يقدر يتجوز بدري ينجز وكما قال رسول الله صلى الله عليه وسلم
"يا معشر الشباب من إستطاع منكم البائة فليتزوج ,فإنه أغض للبصر وأحصن للفرج ومن لم يستطع فعليه بالصوم فإنه له وجاء" أو كما قال رسول الله صلى الله عليه وسلم

ولعلمكم مفيش كائن حيء اليومين دول بيظل أعزب لحد 30 وانت طالع , إلا في بلاد المسلمين وتأخير سن الزواج من مخططات الغرب , وهما بالظبط أول ما الواد والبت بيجيبوا 15 سنه بينجزوا علطوا (فطرة الله - شهوة ومفيش دين يحكمها أو عرف يفرملها )
إحنا بس الكائنات الحية اللى بتنيها للسن ده من غير جواز :(

تزوجوا ....
"ثلاثة كان حقاً على الله أن يعينهم منهم الناكح يريد العفاف "

طيب انا عيز اسأل حضرتك سؤال
واحد زيي في رابعه طب عين شمس
قدامي 4 سنين لسه في الكليه
وسنه جيش
يعني خمس سنين
يبقي المجموع 26 سنه علي اعتبار اني 21 سنه
طبعا اكيد عارف ان انا بتخرج من طب ممارس عام = صفر كبير
هشتغل تكليف في اخر الدنيا بمرتب حقير لمدة سنه مع ناس غريبه= 27 سنه
وعلشان اقدر اشتغل عايز كمان 3 او 4 سنين علشان اخد الماجيستير= 31 سنه
وبعد كده اكون نفسي واشتغل وبعد كده اتجوز اي حاجه والسلام يعني مش قبل 34 -35 سنه
يعني في حوالي 10 -15 سنه علي الجواز
تقدر تنصحني بحاجه اعملها لتقليل الفتره ده
انا مش شايفلها مخرج غير اني محطش موضوع الجواز في دماغي
انا ساعات بييجي عليا وقت افكر جديا ان مااتجوزش لأني معنديش وقت
وده بيسببلي حاله نفسيه سيئه وضيق شديد
مش عارف اعمل ايه لأني فعلا مضايق جدا وحاسس ان انا هندم علي كده كتير اوي
بس هعمل ايه ما باليد حيله
حسبي الله ونعم الوكيل
تخيل سيادتك علشان ادرس طب انا ممكن اقعد في الشارع من 8 صباحا الي 1 بالليل

[dr.amr]

ياريت حد يقولي رأيه ايه؟؟؟؟؟؟

[ceso]

عندى 29 سنة ومتجوز من6شور ومستنى ولى العهد ات شاء الله

[ahmedateya]

متجوز و انا عندي 23سنة و انا دلوقتي عندي 26سنة و عندي سارة شهرين

[OlaOsman]

طيب انا عيز اسأل حضرتك سؤال
واحد زيي في رابعه طب عين شمس
قدامي 4 سنين لسه في الكليه
وسنه جيش
يعني خمس سنين
يبقي المجموع 26 سنه علي اعتبار اني 21 سنه
طبعا اكيد عارف ان انا بتخرج من طب ممارس عام = صفر كبير
هشتغل تكليف في اخر الدنيا بمرتب حقير لمدة سنه مع ناس غريبه= 27 سنه
وعلشان اقدر اشتغل عايز كمان 3 او 4 سنين علشان اخد الماجيستير= 31 سنه
وبعد كده اكون نفسي واشتغل وبعد كده اتجوز اي حاجه والسلام يعني مش قبل 34 -35 سنه
يعني في حوالي 10 -15 سنه علي الجواز
تقدر تنصحني بحاجه اعملها لتقليل الفتره ده
انا مش شايفلها مخرج غير اني محطش موضوع الجواز في دماغي
انا ساعات بييجي عليا وقت افكر جديا ان مااتجوزش لأني معنديش وقت
وده بيسببلي حاله نفسيه سيئه وضيق شديد
مش عارف اعمل ايه لأني فعلا مضايق جدا وحاسس ان انا هندم علي كده كتير اوي
بس هعمل ايه ما باليد حيله
حسبي الله ونعم الوكيل
تخيل سيادتك علشان ادرس طب انا ممكن اقعد في الشارع من 8 صباحا الي 1 بالليل

حد يرد عليه يا شباب.

[mshamy]

والله يا جماعه انا بدأت أخطب و انا عندي 26-27 سنه و بعد 8 محولات فاشلة اتجوزت في المره التاسعة وعندي 34-35 سنه
و الحمدلله كان الأختيار الأمثل:)

[محمد ابراهيم 1]

أولا اللى بياخد تكليف مبياخدش جيش والعكس صحيح
ثانيا ما دام مفيش حد حيساعدك يبقى عليك وعلى الزواج المبكر من واحده بنت حلال اصيله تستطيع التحمل معاك الفتره الأولى وتكون متطلبات الزواج منها مش كبيره وده موجود
وان شاء الله ربنا يوفقك ليها
اذا قصدت الخير
قال رسول الله صلى الله عليه وسلم
إطلبوا الرزق بالزواج
وقال أيضا
من تزوج إمرأه لمالها لم يزده الله إلا فقرا
وبإذن الله انت ليك مستقبل كبير لكن عليك بالصبر
ثالثا بالنسبه لموضوع الندم متقلقش كده كده حتندم

[احمدعبدالعزيز]

اتجوزت وانا عندى 24 سنه والحمد الله السن دى انا بعتبره كويس جدااا عشان تقدر تتعايش مع اولادك
وانا انهارده عندى طفل عمره ( 5 ) سنوات وسعيد جدا والحمد الله .