ما تيجوا نشحت كلنا

[ecybrarian]

انا زهقت خلاص من الشحاتين..الشحاتين في الأيام المبركات دي بينتشروا بشكل مستفز...شحاتين في كل مكان وكل وقت...شحاتين من جميع الأعمار وجميع انواع الملابس (من الهدوم المقطعة، للكناس،،لعزيز قوم زل) وإللي طالع جديد قلة الذوق (أو قل قلة الأدب) في السؤال (مع الأخذ في الاعتبار استخدامك للذوق في ردهم طبعا) خد عندك
...يخبطوا لك على الزجاج جامد
...تسمع إللي يقول لك ربنا ما يحوجنا لحد
لو معاك ناس في العربية...برضه خد الدعاء بشكل تهديدي (خللي بالك الكلام عادي بس طريقتهم مش عادية)
...لو معاك بنات من العائلة في بداية ريعان شبابهن " ربنا يسترهملك...او يستر عرضك...إلخ"
...لو معاك اطفال تسمع "علشان ربنا يبارك لك فيهم وماتشوفهمش زي ............وغيره"
والغريب إن ممكن بابك يخبط تفتح تلاقي شحات او شحاته !!! تخيلوا انهم بيخبطوا على البيوت دلوقت...حسبي الله ونعم الوكيل..مش عارف الناس محتاجة فعلا ولا ده استهبال...انا شخصيا ما بدفعش حاجة في الشارع ابدا

واحدث الأساليب على الإطلاق إنك تلاقي واحد محترم بعربية ملاكي أو تاكسي وممكن يبقى معاه زوجته ويشاور لك تقوم تقف له يقول لك ممكن بنزين علشان العربية قاطعة بنزين ومعاهوش فلوس كمان..تقوم تقول له "مش معاي خرطوم" يقوم يقترح عليك تعطيه فلوس يروح يجيب بنزين!!!! شفتوا الحداقة

انا فاكر مرة صحفي في مجلة الشباب اجر بدلة زبال بعشرة جنيه..وراح وسخها بعشرة جنيه..ومقشة بـ2 جنيه..ووقف في مكان خالي من الشحاتين لعدم التعدي على المناطق المشغولة بالشحاتين ولم حاولي 350 جنيه في يوم واحد...تصوروا احنا بنشجع الشحاتين دول ازاي!!!!!


إللي بيعجبني في الشحاتين دول انهم بيعملوا ضمن منظومة غاية في الإنضباط حتى مسافات التحرك فيما بينهم مظبوطة، وإللي مش مصدق يراقب تتابع الشحاتين في شارع فيصل وازاي بيراقبوا بعض ويلاغي بعضهم بعضا


انتم ايه رأيكم؟؟؟؟؟

[Terrible_DaRsH]

من كام يوم واحدة و اولادها خبطوا علينا و انا حكيت الموقف ده قبل كدا .

كانوا عايزين يدخلوا الشقة بالعافية :) .

[askanas]

الاعلان الوحيد اللي الحكومة عملتو و دخل دماغي هو " ادي اللي تعرفوا " بس خلاص اي حد تاني ده نصب

واوووووووعا خصوصا المعاه عربية وعياله نصااابين نصابين

كذا واحد بيحيكلي عن نفس الحوار وياخد منه فلوس كتير

[ecybrarian]

من كام يوم واحدة و اولادها خبطوا علينا و انا حكيت الموقف جه قبل كدا .

كانوا عايزين يدخلوا الشقة بالعافية :) .

يا نهار ابيض..دي مصيبة...الحمد لله جت سليمة يا درش

[mohamed777]

كان فية ناظرة فى مدرسة بعد ما تخلص المدرسة تروح فى عمارة وتغير هدومها وتلبس يونيفورم الشغل (الشحاتة يعنى) وتطلع تشحت كل يوم واتقبض عيها
ارزاق

[تامر.محمد]

صح
و اللي يوقفك في الشارع و يحرجك
و اللي بتشوفه في نفس الشارع على نفس الرصيف من سنين طويلة

مرة واحد طلب مني فلوس , و هو واقف في شباك بيته
:))))))))

حاجة مقرفة

[icehearted girl]

الباب بيخبط كل ربع ساعه

وبيتركزوا فوقتين

اولهما وقت الفطار اللي هو محدش فاضي لحد


والوقت التاني 12 بالليل اللي هوا مبنفحتش فيه لحد اساساااااااااااااااااااااااااااااااا

[Abo_Lina]

أنا كرهت كلمة كل سنة و أنت طيب !!!!

[mohamed777]

أنا كرهت كلمة كل سنة و أنت طيب !!!!

ربنا يعود عليك الايام بخير

[ecybrarian]

[quote=tlrsiap;3871992025

مرة واحد طلب مني فلوس , و هو واقف في شباك بيته
:))))))))

[/quote]

دي بصراحة ابتكار :-)))))))))))))

[sarah5]

طيب ده كويس في شحاتين يدعولك عشان تديهم الاغرب بقي اني من كام يوم في الاشارة لقيت شحات قعد يدعي علي ناس في عربية جمبي عشان يديلو فلوس قعد يقولوا ربنا يخدك لو مدتليش ربنا يخرب بيت حاجات كده قعدت ادعي الاشارة تفتح عشان اجري بالعربية من الراجل ده ودلوقتي برده انتشر اوي موضوع انهم يخبطوا علي البيوت ده غير الزبالين اللي بيأجروا اللبس عشان يشحتوا والاطفال اللي يصعبوا علي الواحد والله ده حرام

[egyptianmafia]

I love how everyone starts to appear after ishaa prayer and around taraweeh...they all are holding onto a BRAND NEW broom (makasha) and just walking around with it

I see this daily from my balcony and they would sit on the raseef and once they see an SUV drive by or stop in traffic they run at the car

and they never go near a 128, 131, 127, Lada 2107, Shahin, etc.....

and then they would go back and sit....

I honestly hope that the police can have undercover officers or something to catch those people....

[nabaster]

....
I honestly hope that the police can have undercover officers or something to catch those people....

the police already do this and arrested these types

but in ur case they hide behind there job

the police cannot do nothing

but BSRA7A SH7ATEEN 3NDOHOM NZAR :)))

A.Yakout

[أبــوحبيبه ونور]

المواقف دى اصبحت شى عادى جدا جدا جدا حصلى تقريبا معى كل المواقف دى
اولها كنت راكن العربية وواحد ومراته راكبين عربية وقالى لو سمحت معلش انا اسف جدا بس العربية خلصت بنزين وانا من (00000)محافظة معينه وعاوز امون عشان اسافر للاولاد عشان اللحقهم على الفطار اتعاملت بحسن نيه واديته اللى فيه النصيب بس الاغرب قالى معلش ممكن تكملى 75 عشان افول بس بعد شوية فكرت وقولت افول دا انت قليل الذوق بس قولت خلاص احنا فى رمضان واعتبرها صدقة وربنااللى بيجازى

ثانيا الكناسين كنت فى الطريق ودى كانت اول واخر مرة هعملها قولت خلاص رمضان وتعال يا ريس اتفضل انت والناس اللى واقفن دول فى الشارع معك بس للعبها صح نادى عليهم وقالهم تعالو للباشا عاوز يديوك الفطار بصراحة حسينت انى زبون وسبتهم ومشيت

والموقف الاخير دا بتاع الناس اللى بيخبطو على البيوت كنت طالع على السلم شفت بنتين صغيرين نازلين استغربت قولت دول مش شكلهم سكنين ومفيش بواب عندنا ولا حاجة المهم طلعت مراتى قالتلى شوفت قلة الادب وهى مضايقه جدا ومتنرفزه قلتلها ايه اللى حصل قالتلى بنتين صغيرين خبطو وشافهمت من العين السحرية وسالتهم من غير ما تفتح الباب انتو مين وردو بكل بجاحه وصفاكه افتحى قالتهم انتو عايزين ايه قالولها افتحى المهم زعلقتلهم وهزقتهم ونزلو والاغرب من دا انى بعد ربع ساعة نزلت اشترى حاجة لقيتهم قدام العمارة وسالتهم انتو كنتو بتعملو ايه فوق الاتنين فى نفس واحد والله العظيم مش احنا احنا ولا طلعنا ولا نزلنا لدرجة انى كنت هصدقهم واشك انى شفت حد تانى نازل من ردهم الجامد المتقن وفعلا فعلا الواحد مش عارف يعمل ايه ويدى لمين ويعرف منين مين اللى محتاج ومين اللى مش محتاج خلو الواحد يحرم يدى حتى لو جنية لا حد

[sherif222]

أحسن حاجة يا جماعة ان الواحد يدى زكاته وصدقاته للمساجد خاصة الكبيرة لانهم بيبقوا عارفين اللى يستحق وعاملين كشوفات بيهم وعاملين لجان خاصة بالزكاة والايتام والصدقات .. الخ . كل سنة وانتم طيبين .