هوايتك قبل ما دوامة الحياة تشدك

[hazem_khidr]

عندي تصميم عربيه يا دكتور بس كانت من الجنب بس و راسمها بشكل معقول بالنسبه لواحد كان عنده 14 سنه


لا يا باشا دى تاخدها سكانر أو حتى بكاميرا الموبايل ونشوفها كلنا..

حيبقي شكلها مضحك جدا يا دكتور و عموما ححاول اصورها لحضرتك.
الطوابع انا عندي واحد مصري و التاني كوكتيل من سنه 1992 ما جمعتش فيهم بس كل فتره ياخدني الشوق اني اتفرج عليهم.
و عندي مجلات سبور اوتو من سنه 1994 لحد اخر 2006 بس اخر سنتين دول سايبهم في الامارات و مستني حد يشحنهم ليا

[mtema99]

ياريت كل اللى عنده حاجة من إنتاجه يجيبها لنا نشوفها ونتكلم عليها..
صورة رسمها ، مقالة كتبها ، مجموعة طوابع قديمة ونادرة ، أى حاجة عملتها من هواياتك ونسيتها..وإن كان دا هيبقى صعب -مثلا مع حازم!
عن نفسى بإذن الله لما أفضى شوية هجيب لكم شوية صور كاريكاتير طبى كنت عامل بيهم معرض فى الكلية برضه سنة 94..

هو انا حاليا بحاول اتعلم رمايه
بس ببتديها مع ركوب الخيل
رمايه من التحرك مش الثبات

ربنا يستر

[د.محمود صلاح]

هوايتى لا زم امارسها فى كل صيف وهو التطوع للعمل للأطفال ألعاب ورحلات ومسابقات وأبحاث عن طريق مهرجان القراءة للجميع

[mtema99]

هوايتى لا زم امارسها فى كل صيف وهو التطوع للعمل للأطفال ألعاب ورحلات ومسابقات وأبحاث عن طريق مهرجان القراءة للجميع

_________________
د.محمود طبيب أطفال ومتطوع بالعمل الإجتماعى للإطفال

كويس جدا
بس من وجهه نظري تربيه و تنشئه النشء ال صغير المفروض دلوقتي متكونش هوايه
المفروض تكون هي الاساس عند كل الناس

[أبو عبدالله]

شكرا يا دكتور احمد على الموضوع والصورة وماشاء الله
الصورة طالع منها العذاب اللي الراجل فيه
وربنا يسترها علينا كلنا ان شاء الله


انا هوايتي متنفعشي تتحط في صورة
لأن انا هوايتي فك وتركيب اي شئ
لو عربيه ماشي
لو ماتور ماشي
او مكن في مصنع ماشي
او حاجات كهرباء في البيت ( غسالة ثلاجه تلفزيون كاسيت مروحه اي شئ مثيل ) ماشي
ركوب دراجات موووت وانا من ابتدائي واعدادي وثانوي لا اتحرك غير بعجلتي السباق وماشاء الله كانت مربيالي عضلات في الرجل ميه ميه بس انا الحمد لله بحبها قوي وعملت مشاوير 40 ك قبل كده بها
وفكها حته حته ماشي
يعني انا لما كنت في الثانويه كان والدي الصبح يلاقيني فاكك العجله حته حته ....... لأ
مش حته حته والله بليه بليه علشان عاوز انظفها واشحمهم
وبالليل يصحى الفجر يلاقيني فاكك التلفزيون حته حته
علشان كده مكنشي راضي يشتري عربيه وقتها علشان كان بيقول انا لو جبتها محمد تاني يوم هلاقيه فتح الكبوت وقاعد جواه
وقد كان
فانا فكيت حاجات كتير في النوبيرا
يعني مثلا انا فكيت الفرش الداخلي كله بالباكيتات والموكيت والكراسي طبعا والسقف القماش وجبتها على الحديد علشان انظفها وركبتها الحمد لله تاني
ومش عاوز اقولكم انا النهارده فاكك ايه مش هتصدقوا
انا فاكك تابلوه السيريون والله النهارده علشان اشوف الكاسيت من الخلف وكنت عاوز اعمل شوية توصيلات كده اختراعات صغيره وربنا ييسر

وشكرا للموضوع

[sherif_84]

ماشاء الله يادكتور فنان والله ياباشـــا ;)

[Hossam_Hassan]

هوايتى المفضلة و لله الحمد بتغذى نفسها بزحمة الحياة و هى الأحصاء فأنا اهوى عد و أحصاء اى شى بمعنى ممكن اكون سايق فى مشوار و ابتدى اعد نوع او لون او موديل معين من العربيات و بعدين لو عملت نفس المشوار وقت تانى ابتدى اكرر نفس الأحصاء و اقارن النتائج و احاول اوصل لدلائلها و قيس على كده كل حاجة لدرجة انى ممكن احصى عدد درجات سلم او عدد شوك ضهر سمكة و لأنها بقت اكتر من هواية، بقيت اعملها تلقائيا من غير ما اخد بالى :D :D :D :D

[modux]

انا هوايتي متنفعشي تتحط في صورة
لأن انا هوايتي فك وتركيب اي شئ
لو عربيه ماشي
لو ماتور ماشي
او مكن في مصنع ماشي
او حاجات كهرباء في البيت ( غسالة ثلاجه تلفزيون كاسيت مروحه اي شئ مثيل ) ماشي
ركوب دراجات موووت وانا من ابتدائي واعدادي وثانوي لا اتحرك غير بعجلتي السباق وماشاء الله كانت مربيالي عضلات في الرجل ميه ميه بس انا الحمد لله بحبها قوي وعملت مشاوير 40 ك قبل كده بها
وفكها حته حته ماشي
يعني انا لما كنت في الثانويه كان والدي اصبح يلاقيني فاكك العجله حته حته ....... لأ
مش حته حته والله بليه بليه علشان عاوز انظفها واشحمهم
وبالليل يصحى الفجر يلاقيني فاكك التلفزيون حته حته

انا عندي الموضوع جدا
مفيش حاجة بتعدي من تحت ايدي !!!
عربيتي ( فكيت مر ةالعفشة اللي قدام كلها غسلتها و ركبتها
العجلة ميت مرة !!!

كل السوند سيستم انا بركبها بايدي و كاسيتات اصحابي في العربيات
تيليفون - موبايل - اي حااااااااجة

[ecybrarian]

انا هوياتي التصوير وربنا يخلي لنا الكاميرات الديجيتال

[mat7oon]

النوم
بس للاسف الكلية مدمرة الهوابة بتاعتى :P