بتحب مين أكتر...مراتك ولا شغلك

[eng_mkhalaf]

سؤال أتمنى أن أسأله لكل المتزوجين وكل العزاب أيضا بالله عليك بتحب أو هاتحب مين {لغير المتزوجين} اكتر...؟؟؟؟

مراتك...........ولا..شغلك

تتهم كل نساء العالم الرجال بأنهم بيحبوا شغلهم اكتر مابيحبوهم كزوجات أو كخطيبات أو كحبيبات........،
وأنا بالنيابة عنى أعترف بأن هذا صحيح..........صحيح......صحيح ليه....؟؟؟؟؟؟؟
لي أسبابي ومبرراتي التي أرجو منكم التفكير فيها بعين العقل:

أولا
......... الشغل بيصرف عليا.......بس أنا اللي بصرف عليها!!!

ثانيا
........ في الشغل ممكن تزعق براحتك و زعيقك يجيب نتيجة...
مع مراتك صعب انك تزعق براحتك ومهما زعقت مش هييجى بنتيجة..........

ثالثا
........ ممكن تزوغ من الشغل في أي وقت من غير ماحد ياخد باله أو
حد من الزملاء يغطيك أنما تزوغ من مراتك........هيهات.......أنسى يا عمرو

رابعا
........في الشغل عندك مدير ممكن ترضيه لو أشتغلت كويس..... إنما
مراتك لو عملت قرد.........مش ممكن ترضيها !!! وإذا رضيت....... عندك
حماتك عمرها ما ها ترضى أبد !!!!!!!

خامسا
....... في الشغل من حقك تاخد أجازه.......عندك عارضه..و اعتيادي.....ومرضى دا غير يوم الجمعة....والعطلات الرسمية.....بصراحة الشغل ريحه خفيف ع القلب..... أنما مع مراتك...مش ممكن تاخد أجازه......بالعكس دانت لازم تلزق فيها يوم الأجازة بتاعتك
و إلا يبقى نهار اهلك مالوش ملامح.....لك أجازه واحده فقط......و طويلة جداً !!!!........

سادسا
........ في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و فراش.....و سكرتيره خاصة.....والكل يضرب لك تعظيم سلام في البيت هاتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك....يابو العيال......أو.......يا حاج.......... ولما تعجز.......وتسلم النمر...تقولك.............يا بركه...........

سابعا
....... الشغل لو زهقت منه ممكن تسيبه بدون مشاكل....وبسهوله.... أنما مع مراتك......لو روحك طلعت.....لازم تحط ف بقك كوتشى وتفكر مليون مره.....في المحاكم والمؤخر و النفقة....والعيال وتلاقى نفسك في الآخر بتغني.....أنا اللي أستاهل....كل اللي يجرى لي الغالي بعته رخيص........ولا أحسبوووووش غاااااالى ..{ العزوبية}طبعا.


ثامنا
........في الشغل...لو سبته أو سويت معاشك....أو بلغت سن المعاش بتاخد مكافأة كبيره....ومعاش...وحفله تكريم.....، أما مراتك لو سبتها قبل ما تموت...أنت اللي هاتدفع مكافأة ومؤخر ونفقه......وشقه كمان.......و تتحبس لو مادفعتش..........

تاسعا
......... ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها.........ظلم

عاشرا
........ في الشغل....متأمن عليك عشان لو حصل لك حاجه....... ولو حصل لك حاجه.....مراتك هي اللي هاتقبض التأمين

في النهاية....بتحب مين أكتر...مراتك ولا شغلك..
الإجابة..أكيد مراتي طبعا !!!!!!

[dreslam]

ممكن ارد
انا بحب شغلي اكتر من مراتي
لاني لو حبيت مراتي اكتر من شغلي
وقدمت تنازلات في شغلي عشان مراتي
حيأثر على شغلي
ومراتي هي اللي حتكرهني:)

[Hazemabdallah]

ده سؤال برضه ...
أكيد شغـــ .... آآآآآآ .... مراتى طبعا ......... :P :P

[hazem_khidr]

هو في حد بيحب الشغل؟؟؟؟؟؟؟
الشغل دا علشان تاخد الرزق اللي ربنا كاتبه ليك و بس يعني سبب .
انما الاسره عموما لازم الواحد يحبها و يراعيها لكن ما تجيش علي حساب لقمه عيشك

[belal rashed]

سؤال جميل ما جاوبش عليه

[ahmedsrs]

لو بشتغل عند ابو المدام اكيد هحب مراتى اكتر :D :D :D :D :D :D :D :D :D :D :D :D

[Hesham A.Megid]

هو في حد بيحب الشغل؟؟؟؟؟؟

ايوا طبعاااااااااااا :!: :!: :!:

[أبو عمار]

نوعين مختلفين من الحب
انا بحبهم هما الإثنين

[ابوحميد]

بموت فى الشغل فى مكان الشغل
لكن فى البيت مراتى طبعا

[SuMo]

mraty tb3n 3shan lw olt 7aga tania htb2a lila kobia

[modux]

بحب الشغل ببساطة عشان مش متجوز :mrgreen: :mrgreen:

[Falcon]

ممكن ارد
انا بحب شغلي اكتر من مراتي
لاني لو حبيت مراتي اكتر من شغلي
وقدمت تنازلات في شغلي عشان مراتي
حيأثر على شغلي
ومراتي هي اللي حتكرهني:)

+11111111111