هى الاصحاب جرالها ايه ؟؟

[KHALED AYMAN]

السلام عليكم يا احلى منتدى
انا حصلى حاجه ..
مكنتش اتخيلها...
انا كان ليا 4 اصحاب ...
نعرف بعض من 5 سنين ...
و كنا مع بعض على طول ..
يا فى الشارع مع بعض ...
يا فى بيت حد فينا ...
يا فى النادى مع بعض ..
يا فى الكليه مع بعض ...
و بالليل ..
مع بعض على الاميل كلنا ,,,,
كل الناس الى نعرفهم كانو بيحسدونا على علاقتنا ببعض ...
و عمر ما حد عرف يوقع ما بينا بالرغم من المحاولات المميته من بعض الناس ....
من 3 ايام ...
بنهظر مع بعض ..
كانو شايلينى و بيحدفونى ...لفوق
و عادى بنهظر ...
المهم و هم شايلينى مسكت واحد من التيشيرت بتاعه ...عشان كنت هقع ...
و فجأه ...
الواد وشه اتقلب ...
و زعق..
و ايه الى انت عملته ده انت اتجننت ؟؟
و شتمنى !!!
كل ده عشان التيشيرت !!!
انا معرفتش اعمل حاجه غير انى اشتمه !!!!!!
جه ضربنى ...
انا من صدمتى مفكرتش انى امنعه من الضرب او حتى اضربه...
انا كنت واقف بنضرب و مش مصدق !!!!
محدش من 3 التانيين اتدخل غير واحد (مصطفى)و هو الى طلعنى من ايده ...
روحت البيت ...
مش عارف انا ماشى ازاى ....
و يمكن كنت هموت ييجى 50 مره بسبب تهورى ...
كلمنى على الاميل ..
برده مقدرتش اعمل حاجه غير انى اشتمه ..
انا كان جوايا ناااااااااار و كان هيجرالى حاجه لو مطلعتش النار دى ...
تانى يوم شافنى ..
جه قالى انت شتمتنى امبارح ؟؟
قلت اه بطريقه مستفزه
رده كان عباره عن بوووووووووووووكس فى عنيا ,,,
و الحمد لله ورمت بس
و نزلت فيا ضرب ...
ساعتها حسيت انى مجنون ..
كنا فى النادى ...
كسرت عليه 3 كراسى و ترابيزه بلاستيك ..
و حدفته بكشاف بس مجاش فيه ...
بعد ده كله ...
احنا كنا 5 ..
واحد منهم بس الى هو (مصطفى هو الى وقف فى صفى)...
و الباقى ...
واحد سرق اميلى و حط صوره قذره على الاميل علشان يظهر للناس انى مش محترم ...و غير الباسورد ...
و التانى بيقولى انا غلط انى عرفت واحد زيك ...
و التالت بيقولى انا اعرف اتنين احسن ما اعرف واحد بس (الى هو انا )....
و خلصت على كده صحوبيه 5 سنين ...
مش هقولكو اكتر من انى فى الخمس ينين دى ...
عملت حاجات عشانهم محدش يقدر يتخيلها ...
هم نفسهم كانو بيقولو
انت ارجل واحد عرفناه فى حياتنا ...
و كمان مصطفى الى وقف فى صفى ..
شتموه النهارده و قالوله خليك ورا يا تييييت



هو ده الطبيعى من الناس ؟؟
طيب لو انا كنت بعاملهم وحش كانو عملو فيا ايه ؟؟
انا مش بنكر انى غلطان ..
انا غلط لما شتمت ..
بس غصب عنى ..
انا كنت متعصب جدا ....و مش عارف انا بعمل ايه ..
لدرجه انى شتمت كل الى كانو واقفين ..
و شتمت ناس فى الشارع ...
و كل ده عرفته بعدها لما مصطفى حكالى على الى انا عملته !!!!
بس هل انا استحق ده كله ؟؟؟
و يا ترى اعمل ايه ؟؟
انا عن نفسى ..
مستنى غلطه واحده من اى حد فيهم ...
و للاسف هقلبها مطحنه ...
و الضحايا هيبقو كتير ...
بس اعتقد ساعتها هيبقى ليا حق....
ولا انتو رأيكو ايه ؟؟

[human]

بص يا خالد
عشان ماتتعبش يبقى حاول على اد ماتقدر تنزل بتوقعاتك فى الناس يعنى ماتؤمنش بيهم و ده هيريحك كتير
و تانى حاجه ماتعتدمش على حد عشان دايما حتحس بخزلان

[eng.octooo]

شوية وقت وهاترجعوا اصحاب اكتر من الاول

[KHALED AYMAN]

بص يا خالد
عشان ماتتعبش يبقى حاول على اد ماتقدر تنزل بتوقعاتك فى الناس يعنى ماتؤمنش بيهم و ده هيريحك كتير
و تانى حاجه ماتعتدمش على حد عشان دايما حتحس بخزلان

انا عارف ان دى غلطه فى شخصيتى انا بثق فى الناس ...
بس مش بسهوله ...
انا للوهله الاولى مش بثق فى حد ...
بس مع التعامل الثقه بتزيد لحد ما بتوصل معايا للثقه العمياء ...
و هنا بتحصل الصدمه ...
انا بس مستغرب على حال الناس

شوية وقت وهاترجعوا اصحاب اكتر من الاول

والله يا octoo معتقدش ان ده هيحصل ...
لان معنى الى حصل ده ..
ان فى كره و عداوه قديمه ما بينا ...
او بمعنى اصح كره ليا ...
نفسى اعرف السبب ...
انا بدات اشك فى نفسى ...

[نور القمر]

الناس بتاكل في بعضها في كل مكان
لا حول ولا قوة الا بالله العلي العظيم

[lancerevolution]

زمان كنت عارف واحد بردوا كان صاحبى قوى بشكل فظيع بردوا بسبب هايف كانت خناقةو لرب السما عشان انا إتأخرت عليه و مكلمتوش مع إنه عمره ما عملها لما بيتأخر عليا و لو إفتكر بيبعت كلمنى شكرا
بس انا ما عملتش زيك و سيبته هو الى يزعق و يشتم و أنا واقف أتفرج عليه الموضوع دا بقاله سنة لو قلتله سلام يبقى تمام قوى

[KHALED AYMAN]

مشكلتى انى مش بعرف اريح ماغى و اخسر حد بسهوله ...
انا زعلان عليهم اكتر منا زعلان على نفسى ...
و صعبان عليا ..
5 سنين من عمرى !!! الى هو كله على بعضه 18 سنه !!!!!
كل ده يضيع بسبب تيشرت ؟؟
سبحان الله ...

[mido777]

لو تحب تدينى ارقام تليفوناتهم واكلمهم و ان شاء الله ترجع علاقتكم مع بعض زى الأول

وصدقنى لما حد اكبر منك يتدخل حيقرب وجهات النظر

وكله بيعدى وطالما انتم اصحاب فعلا فكله ح ينسى بمرور الوقت ولما تفتكروا الموقف ده ح تقعدوا تضحكو

[KHALED AYMAN]

لو تحب تدينى ارقام تليفوناتهم واكلمهم و ان شاء الله ترجع علاقتكم مع بعض زى الأول

وصدقنى لما حد اكبر منك يتدخل حيقرب وجهات النظر

وكله بيعدى وطالما انتم اصحاب فعلا فكله ح ينسى بمرور الوقت ولما تفتكروا الموقف ده ح تقعدوا تضحكو

يا باشا يا رب الناس كلها تيبقى ذوق زيك كده ...
بس متتعبش نفسك ..
ناس كتير اتدخلو فى الموضوع و ملقوش نتيجه ...
لدرجه ان فى شيخ كان موجود فى النادى و حاول يصلح و ملقاش اى تقبل ..
لان وجهه نظرهم ده يستاهل ...
و انا شخصيا محبش انى اصاحبهم تانى ...
المره الجايه ممكن يقتلونى لو التيشرت اتقطع !!
انا بس زعلان على الى حصل
انا بس عايز اعرف
هو انا من حقى اضرب الى ضربنى ؟؟؟

[M.Osman]

بعد الرد اللي قبلي دا .. انا شايف انهم كانوا بتوع مصالح.. بيمصلحوا عليك
(بدليل كانوا بيقولوا لك انت ارجل واحد عرفناه..مش كدا؟)

كتير اوي من الصحاب بيكونوا كدا .. خاصة في المرحلة دي .. عن تجربة
الله يرحمها ايام

[mido777]

يا باشا يا رب الناس كلها تيبقى ذوق زيك كده ...
بس متتعبش نفسك ..
ناس كتير اتدخلو فى الموضوع و ملقوش نتيجه ...
لدرجه ان فى شيخ كان موجود فى النادى و حاول يصلح و ملقاش اى تقبل ..
لان وجهه نظرهم ده يستاهل ...
و انا شخصيا محبش انى اصاحبهم تانى ...
المره الجايه ممكن يقتلونى لو التيشرت اتقطع !!
انا بس زعلان على الى حصل
انا بس عايز اعرف
هو انا من حقى اضرب الى ضربنى ؟؟؟

مسألة انك تضرب اللى يضربك تختلف من شخص لأخر
يعنى فيه ناس شايفه وانا منهم ان لو حد ضربنى وانا مش غلطان طبعا حضربه واطلع وانزل واعمل واسوى كل اللى ميتعملش طالما انا مش غلطان وهو اللى بدأ

وناس تانيه متسامحه ممكن تحاول تمنع الضرب عنها ومتحاوش تضرب

يعننى من الأخر مسألة نسبية من شخص لأخر

بس برضه انا عايزك تفكر تانى فى مسألة ان حد يتخدل

[lancerevolution]

مشكلتى انى مش بعرف اريح ماغى و اخسر حد بسهوله ...
انا زعلان عليهم اكتر منا زعلان على نفسى ...
و صعبان عليا ..
5 سنين من عمرى !!! الى هو كله على بعضه 18 سنه !!!!!
كل ده يضيع بسبب تيشرت ؟؟
سبحان الله ...

بس هو ضرب و أنت شتمت و هو ضرب تانى و أنت ضربت إنما أنا كل الى عملته إنى متصلتش و قلتله بعد إذنك ممكن أتأخر مع إنى كنت بخلص شغل ليا و هو عارف كدا دا غير إنه كان رايح متأخر أصلا على الميعاد بساعة و انا كنت باعتله مع واحد تانى مش عاجبه و عايزنى أنا الى أتصل
كفاية كدا عشان متقلبش عليا الموضوع عشان كل لما بفتكره أعصابى بتفور

[KHALED AYMAN]

مسألة انك تضرب اللى يضربك تختلف من شخص لأخر
يعنى فيه ناس شايفه وانا منهم ان لو حد ضربنى وانا مش غلطان طبعا حضربه واطلع وانزل واعمل واسوى كل اللى ميتعملش طالما انا مش غلطان وهو اللى بدأ

وناس تانيه متسامحه ممكن تحاول تمنع الضرب عنها ومتحاوش تضرب

يعننى من الأخر مسألة نسبية من شخص لأخر

بس برضه انا عايزك تفكر تانى فى مسألة ان حد يتخدل

انا هسكت و مش هعمل حاجه ...
و هستنى لحد ما الموضوع يهدى خااااالص..
و كل اصحاب النفوس الضعيفه الى بيسخنو يسكتو ...
و ساعتها هاخد القرار ..
لو هكلمهم تانى ..
اول واحد هلجأله حضرتك
و اعتقد لو الناس بطلت كلام هم نفسهم من غير حد هييجو يصالحونى ..
و ساعتها والله اتكسف اقولهم انا زعلان

[KHALED AYMAN]

بس هو ضرب و أنت شتمت و هو ضرب تانى و أنت ضربت إنما أنا كل الى عملته إنى متصلتش و قلتله بعد إذنك ممكن أتأخر مع إنى كنت بخلص شغل ليا و هو عارف كدا دا غير إنه كان رايح متأخر أصلا على الميعاد بساعة و انا كنت باعتله مع واحد تانى مش عاجبه و عايزنى أنا الى أتصل
كفاية كدا عشان متقلبش عليا الموضوع عشان كل لما بفتكره أعصابى بتفور

اهدى يا مان ...
اخبار الفيكترا ايه ؟؟

[lancerevolution]

و الكاظمين الغيظ و العافين عن الناس