المنصورة بقت عامله كده ليه

[KSA2011]

أنت عندك حق المنصورة بتبقى زبالة اوى فى العيد خصوصا الشباب النايتى اللى عمال يلف حوالين نفسه 24 ساعة على المشاية و معليين الكاسيت على الأخر و يفضلوا يأمركوا و يحرقوا فى مواتير العربيات بطريقة مستفزة
و لا كمان اللى بيبقوا جايبين حشيش و عمالين يعملوا دماغ عند الكتب و الحتة اللى قدام مترو
بجد المنصورة بتبقى مقرفة أوى فى العيد و الصيف بس فى الشتاء بتبقى حلوة و هادية بصراحة

عندك حق الموضوع ده زاد اوى عن حده وعلى فكره اغلب الشباب دول مش بيكونوا من المنصوره الى من ولا بلاش يعنى من حتت جمب المنصوره
كل سنه وانت طيب

[KSA2011]

انا مش من المنصورة بس رحتها مرة كدا من حوالي 9 سنين وبصراحة من اكتر الاماكن اللي عجبتني فمصر سواء


في الهدوء والنظافة وسلوك الناس يعني هي شبه القاهرة الي حد كبير لكن مش في العيوب



يمكن اتغيرت بعد منا مشيت

او الناس كانت بتمثل علينا بقي

لا مش بتمثل طبعا
بس 9 سنين ده زمن انت عندك كم سنه دلوقتى ؟

[MoToRiZeR]

كل مدن مصر المزدحمة بتبقي جحيم في العيد .. القاهرة (و ما أدراك ما القاهرة!) .. إسكندرية (يا نهار أسود علي أسكندرية في العيد!) .. و المنصورة .. مش هزود علي كلامكم .. اما بعد العيد و في الأيام العادية بتبقي جحيم برضه! بس في العيد زيادة شوية .

انا كنت مسافر العيد كله لأن مش مستعد أحرق دمي العيد بالكامل .. و انا راجع علي طريق وادي النطرون و معايا صديقي في العربية بقوله تخيل الواحد بيبقي راجع رايق و مزاجه تمام .. أول ما يعدي البوابات يلاقي الناس متجننة في وشه يقوم يتعكنن تاني .. و أول ما وصلنا و طلعنا الدائري .. شفنا شئ علي رأي شويكار ( لا يصدكه عكل !) .. موتوسيكل .. سايقه شاب من اللي هما بيلبسوا كوتشي جديد و كبير في العيد و يلزق شعره علي راسه بالجيل و يمشي في قطيع لا يقل عن 8 (أكيد عارفين المنظر ده كلهم شكل واحد) .. المهم البيه ماشي بموتوسيكل عكس في الحارة التالتة عالدائري !!! أيوة الله !!! انا اما شفته قدامي مكنتش مصدق نفسي .. يالا .. المهم وصلنا الحمد لله

[mostafa3000]

يا جماعة مصر كلها بتعيش في حالة من اللامبالاة والفوضي
والواحد مش عارف هترسي علي اية في الاخر
ربنا يتولانا برحمتة

[icehearted girl]

لا مش بتمثل طبعا
بس 9 سنين ده زمن انت عندك كم سنه دلوقتى ؟

لا دا ساعتها كنت في تانية ثانوي لسه كننا في تبادل زيارات في اتحاد الطلبة


اىىىىى ايام

بس كلنا هناك سمك مشوي يجنن وكنت اول مرة اعرف ان جمصة تبع المنصورة

[Everlasting]

مش ملاحظين يا جماعه ان التاكسيات كترت اوى عددها كتر جدا على البلد البلد صغيره مش كبيره والمرور قاعد يرخص فى تاكسيات وكل واحد عاوز يعمل مشروع يجيب تاكسى مفيش دراسه مثلا لطاقة الشوارع الاستيعابيه
ربنا يتوب علينا بقى والله الشوارع ما بقاش فيها 10 متر نافعين على بعض الا المنطقه الجديده بتاعت ستاد الجامعه هما 3 شوارع بس

كل سنه وانتو طيبين

التكسيات مزدتش ولا حاجة نفس العدد اللى كان موجود من 10 سنين هو اللى موجود دلوقتي لأن المرور مانع ترخيص التاكسي من كام سنة، يعني كل التاكسيات حديثة الموديل كانت معلقة نمر على عربيات قديمة وهو دا اللى مخليك حاسس ان التاكسيات كترت اللى كتر فعلاً هي العربيات الملاكي زمان كان الأسرة الواحدة عندها عربية واحدة بس دلوقتي بقت الأسرة الواحدة عندها أكتر من عربية .. عربية للحاج وعربية للحاجة وواحدة للواد وأخرى للبنت.... إلخ.

[zAzU]

يا جماعه على فكره المحافظ ملوش اى ذنب فى اللى بيحصل فى المشايه انا والدى بيشتغل فى الطرق و الكبارى و سألته ايه اللى بيحصل فى المشايه قال ان شركة المياه هيا اللى مسئوله عن الكلام ده و دى خطه معموله لتغير مواسير المياه لأن اللى موجوده دى معموله من اكتر من 50 سنه و عمرها انتهى و الخطه دى دا معادها و متحدد من قبل المحافظ ما يمسك و هو عمل مشكله معاهم و فعلا المشايه كانت هتتظبط تانى بس لو تاخدوا بالكوا ان اترمم اجزاء بسيطه كده لأن طلع فى شغل فى الصرف كمان هيتعمل هيستنوا لما يخلص هو قاللى بعد العيد هيكملوا و بعدين المشايه هتتظبط قلتله يعنى هتترصف كلها تانى قاللى مش عارف لسه مجالناش امر هنعمل فيها ايه بس المحافظ ده شغال كويس جدا و انا بسمع من بابا على حاجات كتير جدا هو بيعملها و كمان كفايه امتداد جيهان و منطقة استاد الجامعه و شارع الترعه المنطقه دى بقت احسن جزء من المنصوره و التعديلات دى كلها فكره المحافظ مش اى حاجه نشوفها نقول دا كذا و كذا على اللأقل هو احسن 100 مره من المحافظ السابق بتاع خمسه مليون دقهلاوى اكيد كاكوا فاهمين ههههههه

[EslaM_NagY]

[QUOTE=MoToRiZeR;3872006970] المهم البيه ماشي بموتوسيكل عكس في الحارة التالتة عالدائري !!! أيوة الله !!! انا اما شفته قدامي مكنتش مصدق نفسي /QUOTE]



طب فى الحالة دى لو اتخبط وطار فوق العربية ونزل على الارض جثة هامدة - المفروض سائق العربية يعرف ينام اليوم دا ؟؟

انا شخصيا حنام - دا واحد جاى ينتحر على كبوت عربيتى


يا نهار اسود !!!!!!!!! عالدائرى وعكس وثالث حاررررررررررررررة

غطونى وصواتووووووووووووووووووووووووووووووووووووووووووووو ووو

[KSA2011]

أنا امبارح خدت قرار جريء جداً ... إنى أنزل المشاية من غير عربية ، قلت أقضيها مواصلات

فضلت واقف ربع ساعة مستنى تاكسى مفيش حد راضى يروح الجامعة ، قابلت واحد صاحبى واتمشينا لحد نادى الجزيرة ، وطبعاً المشاية زحمة جداً والعربيات لازقة في بعضها ، والرصيف مردوم ناس

وقفت شوية عند النادى يمكن ألاقى تاكسى وفوجئت وأنا واقف بموتسيكل كان هيشيلنى ، ماشى مخالف والناس بتجرى من قدامه عشان بيهرب من عسكرى مرور ، وطبعاً العسكرى بيتمشى وراه ومش عارف يعمل حاجة بسبب الكرش بقى وكده

المهم ربنا سهلها ركبت مع واحد صاحبى ولما وصلنا عند الصياد لقينا حفلة تحرش جماعى وصويت وبنات بتعيط والبوكس راكن على جنب وعمال يلم في عيال

طبعاً في النهاية وصلت لاصحابى والواحد اتقفل من البلد وقرفها ، ربنا يتوب علينا بقى من الهم ده

الكلام ده غريب اوى ومش مقبول فى المنصوره والله يا جماعه ولازم نتصرف او نعمل حاجه
بس موضوع خروجات البنات دى برضه الى جديد انا بشوف بنات اشكالها عجيبه فى المنصوره
بس توصل انه المنصوره يبقى فيها تحرشات دى الى هتبقى مصيبه
ما لاحظتش انه سينما جودنيوز كانت قافله اغلب الوقت مش بقول كده عشان انا كنت عايز ادخلها انا عمرى ما دخلت سينما غير مره فى رحله من سنتين وغصم واقتدار بس اكيد سبب قفلها وفى العيد ليه اسباب تتعلق بالى بنقول عليه
ربنا يصبرنا

[KSA2011]

الاخوه اللى من المنصوره هنا عندهم حق فعلا لا الواحد يعرف يمشى على رجله ولا بعربيه واللى بيحصل ده تخلف عقلى فى كل حاجه
كفايه الواحد قال مش هيخرج بالعربيه نازل رايح مشوار على المشايه مش عارف امشى من التكسير وفى ماسورة ميه ضاربة فى نزلة شارع الفلل على اليمين قدام سيزر كده من بتاع سبعتلاف سنه مش عاوزين يصلحوها وغير ده كله الزحمه الرهيبه الواحد بيستنى دوره عشان يخطى الخطوه
وبعدين المشكله كمان غير فى الشباب اللى بيقفلو الشوارع ويزحموها اكتر ما هيا موضوع التاكسيات
مش ملاحظين يا جماعه ان التاكسيات كترت اوى عددها كتر جدا على البلد البلد صغيره مش كبيره والمرور قاعد يرخص فى تاكسيات وكل واحد عاوز يعمل مشروع يجيب تاكسى مفيش دراسه مثلا لطاقة الشوارع الاستيعابيه
ربنا يتوب علينا بقى والله الشوارع ما بقاش فيها 10 متر نافعين على بعض الا المنطقه الجديده بتاعت ستاد الجامعه هما 3 شوارع بس

كل سنه وانتو طيبين

استاد الجامعه دى فعلا الى اتعمل فيها ده سحر
بس بقت تحفه بجد

[KSA2011]

لا دا ساعتها كنت في تانية ثانوي لسه كننا في تبادل زيارات في اتحاد الطلبة


اىىىىى ايام

بس كلنا هناك سمك مشوي يجنن وكنت اول مرة اعرف ان جمصة تبع المنصورة

سمك فى المنصوره ولا فى جمصه ؟
هى جمصه تبع بلد او مدينه اسمها بلقاس مش تبع المنصوره
بلقاس دى اسمع انها اكبر مركز فى الجمهوريه
وكلهم تبع محافظتنا الموقره محافظه الدقهليه
وفيه كلام جديد انا سمعته انه جمصه بقت كيان او مدينه مش تبع حاجه والله اعلم
بس انا مش بحبها ومش بروحها خالص بلد ممله و المشكله الى بنتكلم عليها دى فى الموضوع مركزه جدااا فى جمصه

[KSA2011]

[QUOTE=EslaM_NagY;3872007473]

المهم البيه ماشي بموتوسيكل عكس في الحارة التالتة عالدائري !!! أيوة الله !!! انا اما شفته قدامي مكنتش مصدق نفسي /QUOTE]



طب فى الحالة دى لو اتخبط وطار فوق العربية ونزل على الارض جثة هامدة - المفروض سائق العربية يعرف ينام اليوم دا ؟؟

انا شخصيا حنام - دا واحد جاى ينتحر على كبوت عربيتى


يا نهار اسود !!!!!!!!! عالدائرى وعكس وثالث حاررررررررررررررة

غطونى وصواتووووووووووووووووووووووووووووووووووووووووووووو ووو

الدائرى ده مصيبه انا فاكر الباشا بيهزر
بس انت عندك حق لو واحد غلطان وجه مات على عربيتى
انا هيحصلى ايه
يعنى امبارح وانا ماشى بالعربيه عادى لا بيا ولا عليا لقيت واد ماشى بعجله عادى وانا ماشى باخد مطب قام نايم بالعجله على العربيه خضنى وجرح العربيه تقوله ايه ده

[KSA2011]

يا جماعه على فكره المحافظ ملوش اى ذنب فى اللى بيحصل فى المشايه انا والدى بيشتغل فى الطرق و الكبارى و سألته ايه اللى بيحصل فى المشايه قال ان شركة المياه هيا اللى مسئوله عن الكلام ده و دى خطه معموله لتغير مواسير المياه لأن اللى موجوده دى معموله من اكتر من 50 سنه و عمرها انتهى و الخطه دى دا معادها و متحدد من قبل المحافظ ما يمسك و هو عمل مشكله معاهم و فعلا المشايه كانت هتتظبط تانى بس لو تاخدوا بالكوا ان اترمم اجزاء بسيطه كده لأن طلع فى شغل فى الصرف كمان هيتعمل هيستنوا لما يخلص هو قاللى بعد العيد هيكملوا و بعدين المشايه هتتظبط قلتله يعنى هتترصف كلها تانى قاللى مش عارف لسه مجالناش امر هنعمل فيها ايه بس المحافظ ده شغال كويس جدا و انا بسمع من بابا على حاجات كتير جدا هو بيعملها و كمان كفايه امتداد جيهان و منطقة استاد الجامعه و شارع الترعه المنطقه دى بقت احسن جزء من المنصوره و التعديلات دى كلها فكره المحافظ مش اى حاجه نشوفها نقول دا كذا و كذا على اللأقل هو احسن 100 مره من المحافظ السابق بتاع خمسه مليون دقهلاوى اكيد كاكوا فاهمين ههههههه

يسمع من بقك ربنا وانا مصدق كلامك وربنا ييسر الامور

[Everlasting]

دلوقتي حالا وأنا جاي وعند تقاطع شارعي الجلاء مع الثانوية كان فيه زفة وشوية عيال ولاد !! عاملين يخمسوا بعربيتين بيجو ومرسيدس وقافلين تقاطع ش الجلاء مع آداب والثانوية هما وعربيات الزفة ولا في دماغهم الناس اللى مستينه سيادتهم علشان يفتحو الطريق تيجي تقول لواحد اتحرك عايز أعدي يقول أصلي أنا تبع الزفة (بجاحة فعلا) دي حاجة تقرف مش كفاية الشوارع المكسرة جايين يكملو علينا بسلوكياتهم الزبالة ولا فيه دم ولا أخلاق ولا أي حاجة خالص

[Abdo_Eldesokey]

ما لاحظتش انه سينما جودنيوز كانت قافله اغلب الوقت :e_braces[1]: مش بقول كده عشان انا كنت عايز ادخلها انا عمرى ما دخلت سينما غير مره فى رحله من سنتين وغصم واقتدار بس اكيد سبب قفلها وفى العيد ليه اسباب تتعلق بالى بنقول عليه
ربنا يصبرنا

غالباً السينما مقفولة عشان انفلونزا الخراتيت .. يا إما بقى مشاكل مادية