عملت حادثة بحبيبتي النيو سيراتو!!!!

[someee]

الحمد لله ربنا ستر و ماحصلش حاجة للبنت اللي خابطها (14 سنة). مرة واحدة ونا ماشي علي كورنيش المعادي وقافل القزاز ومشغل التراك الجامد و عايش معاه الاقي واحدة وولادها بيعدو الشارع ونا ماشي علي 100-120 بفاديهم الاقي بنت صغيرة بتعدي هي كمان بس للاسف خبطها خبطة موت الصراحة, انا نزلت وفاكرها ماتت لانها طارت حوالي 10-15 متر لقدام من قوة الخبطة بس الحمد لله ودتها المستشفي وعملنا اشعات ومطلعش في كسور شوية كدمات بس..

حاجة واحدة بس اعيبها علي السراتو, الصراحة فراملها ما اسعفتنيش (مش abs)
بس الحمد لله علي قد الخبطة ماكانت جامدة العربيه صاجها ماحصلوش حاجة, خربوشة بسيطة.

[elwad_crazy]

الحمدلله على كل شئ
واهم حاجه الموضوع مكبرش فى اقسام والكلام ده

[A.Saad]

ربنا ستر
بس بلاش الجرى اوى ده
وياؤيت تتاكد من الفرامل

[Ghost2]

لا حول ولا قوة الا بالله ... قدر ولطف .. قول الحمد لله .. وخلي بالك يا مان ... وربنا يديك خيرها ويكفيك شرها .. قول امين

[SeiffoZ]

100 - 120 على كورنيش المعادى؟؟

إللى متحدد 60 أصلا!!!!

ربنا ستر إن البنت سليمة ..

لأن لو كانت ماتت ....

كنت حضرتها قتلتها و عمد كمان ...

[medoxmedox]

الحمد لله ان ربنا ستر
علي فكره ال abs ميخليش العربيه تلفلف ,,, بس بياخد مسافه اطول علي ما العربيه تقف
و يا جماعه وبالله عليكم بلاش جري و تعرييض الناس للخطر

[someee]

علي فكرة الناس هي اللي بقي عندها لامبالاه في تعدية الشارع, والمفروض طريق سريع زي الكورنيش يعملو فيه كباري للمشاه.
و ربنا يستر علينا

[A.Saad]

علي فكرة الناس هي اللي بقي عندها لامبالاه في تعدية الشارع, والمفروض طريق سريع زي الكورنيش يعملو فيه كباري للمشاه.
و ربنا يستر علينا

اه عندهم لا مبالاة طبعا
بس الكورنيش تعديته صعبة جدا يعنى توقع اى حاجة
وخد بالك ان اللى بيعدى من هناك
مش هيعرف يقدر سرعة عربية ماشية على 120 فى الشمال او الوسط
لانى اما يبتدى يعدى اول حارة او التانية العربية دى مش هتكون باينة خالص وهتفاجء بيها قدامه اما يقرب عندها
ولو مش مقتنع ............... اقف وحاول تعدى
وافترض ان عربية قدامك هدت لاى ظرف
بيعدى مشاة
بيا
وعلى فكرة
لو واحد جسمه تقي لشوية فى خبطة زى دى
كانت عربيتك اتبهدلت
وشفت حادثة بماتريكس على كورنيشس اسكندرية
الزجاج اكسسر والكابوت فيه نقرة بيرة والشبكة مشرخة

[nab!l]

بلاش السرعات دى يارجاله
اللى نفسه يجرى يبقى يطلع على اى طريق ويجرى
لكن ارواح الناس !

[laxeg]

الحمد لله ربنا ستر
لكن بالنسبة للفرامل فعلا عندك حق الفرامل اللى مش abs سيئة جدا ولازم تعمل حسابك قبل ماتدوس فرامل بمدة ولو فجأة مش هاتسعفك
فراملها بتفكرنى بفرامل اللانوس
انا عربيتى كده برضه ولازم لو بتجرى تدوس وتسيب اكتر من مرة ولما رحت التوكيل واشتكيت من الموضوع اخرهم شدوا شوية على فرامل اليد وبعدها بيومين رجعت تانى.
خد بالك وكمان لو انت مركب ناس معاك ومحمل علشان القوة بتكون اضعف .

[bishoy02010]

الحمد لله ربنا ستر

[emadhamdy]

الحمد لله ربنا ستر و ماحصلش حاجة للبنت اللي خابطها (14 سنة). مرة واحدة ونا ماشي علي كورنيش المعادي وقافل القزاز ومشغل التراك الجامد و عايش معاه الاقي واحدة وولادها بيعدو الشارع ونا ماشي علي 100-120 بفاديهم الاقي بنت صغيرة بتعدي هي كمان بس للاسف خبطها خبطة موت الصراحة, انا نزلت وفاكرها ماتت لانها طارت حوالي 10-15 متر لقدام من قوة الخبطة بس الحمد لله ودتها المستشفي وعملنا اشعات ومطلعش في كسور شوية كدمات بس..

حاجة واحدة بس اعيبها علي السراتو, الصراحة فراملها ما اسعفتنيش (مش abs)
بس الحمد لله علي قد الخبطة ماكانت جامدة العربيه صاجها ماحصلوش حاجة, خربوشة بسيطة.

120 علي كورنيش المعادي ازاي ؟صعب جدا طبعا
ربنا يسترها علي الجميع

[Ahmed R08]

حسبى الله ونعم الوكيل.....

حط نفسك مكانهم.....

[M.Mosaad]

الحمد لله ربنا ستر و ماحصلش حاجة للبنت اللي خابطها (14 سنة). مرة واحدة ونا ماشي علي كورنيش المعادي وقافل القزاز ومشغل التراك الجامد و عايش معاه الاقي واحدة وولادها بيعدو الشارع ونا ماشي علي 100-120 بفاديهم الاقي بنت صغيرة بتعدي هي كمان بس للاسف خبطها خبطة موت الصراحة, انا نزلت وفاكرها ماتت لانها طارت حوالي 10-15 متر لقدام من قوة الخبطة بس الحمد لله ودتها المستشفي وعملنا اشعات ومطلعش في كسور شوية كدمات بس..

حاجة واحدة بس اعيبها علي السراتو, الصراحة فراملها ما اسعفتنيش (مش abs)
بس الحمد لله علي قد الخبطة ماكانت جامدة العربيه صاجها ماحصلوش حاجة, خربوشة بسيطة.

انا مش عارف اقول لحضرتك ايه يعني تعبيراتك تنرفز جداااااااااااااااااا انا حاسس ان بتحكي مثلا عن مشهد شوفته في فيلم
يعني ايه كنت مشغل التراك الجامد و عايش معاه و العربيه صاجها جامد و خربوش بسيط انا اسف بصراحه بس الحديد يغور طبعا قدام حياة الناس انت حضرتك مش عارف كنت هتعمل ايه يعني ام كانت هتفقد بنتها بسببك تخيل قلبها كان هيبقي عامل ازاي تخيل حياتها كلها كانت هتبقي عامله ازاي و كمان ردود بعض الاخوة عليك اللي يقول ناس بتعدي الشارع مش شايفه و مش عارف ايه حضرتك السرعه و الجري مش شطارة و لو حد مش ادها ميجريش و طبعا لا ABs هيسعفك ساعتها لانك ماشي 120 و دي ناس ماشية علي رجلها
ياجماعه في التاني السلامه و مش قصدي نمشي سلحفاه لا لو طريق 60 مثلا امشي 80 كويس و رجلك علي الفرامل علشان لو حصل حاجة مفجاة زي دي
بس الحاجة اللي بشكرك عليها انك وقفت و نقلتها المستشفي لان حد غيرك كان ممكن يجري في دي انت جدع
و اعذرني علي كلامي بس فعلا انا بتحيل ان دة ابني و لا بنتي

[mostafa3000]

لا حول ولا قوة الا بالله ... قدر ولطف .. قول الحمد لله .. وخلي بالك يا مان ... وربنا يديك خيرها ويكفيك شرها .. قول امين