اعمل السبوع ازاي؟

[rov]

تمام يا ايس....بس انتي مقترحتيش بالنسبه للاهل والجيران
فكرتك اعمله ازاي؟

[asbeats]

اولا...الف مبروك مقدما...وربنا يباركلك فيه ويتربى في عزك ويبقى وشه عليك كله خير ان شاء الله

بص حضرتك...على حسب العدد

لو اقل من 30 ...تعمله في البيت...بتوسع المكان شوية بانك تشيل الكراسي من حوالين السفرة وبتحط ترابيزة كمان عليها الأطباق والأكواب والشوك وكده-كله طبعا فوم وبلاستيك عشان يترموا آخر اليوم-
يستحسن فصل الرجال عن النساء لمزيد من الإحساس بالرحابة والحريه...
بالنسبة للأكل

الطبق الرئيسي:

بتدبح العقيقة عند الجزار...لحم الجديان بيبقى ممتاز في العزائم والكيلو قائم بيعمل حوالي 20ّّ الى 25 جنيه حسب الجزار والجدي بيبقى حوالي 30 كيلو قائم بيرمي 18 كيلو بعد الدبح ...
بتتفق مع طباخ يسويلك الجدي والأحسن تاخد الجدي مقسوم نصفين بالطول بالتساوي- وتقدمه على سيرفيسين كبار واحد للرجال وواحد للحريم...

الأرز بالمكسرات...بتشتريه انت حوالي 5 كيلو ارز بسمتي...ك زبيب...ك لوز...بندق...وأي مكسرات تحبها...وده بيتحط في السيرفيس تحت الدبيحة...
حاول تشتري انت الحاجات الأساسية من ماركت كبير عشان الطباخ بيحسبهم عليك بسعر اغلى.

بالإضافة الى...
5ك لحم بقري\جاموسي من عند الجزار...يسلق ويقدم في طبق مستقل
5ك لحم مفروم يتعمل كفته

اي حاجة بقى اضافية متخسرش...صينية مكرونة بالبشاميل...صينية جولاش...طبق ولا اتنين محشي

سلطات...مخللات
ماء بارد
عصائر او كانز

الحلو:
2 او 3 ك من الحلوى الشرقية ...طبق بسبوسة وطبق كنافة وطبق مشكل لا يحتوي على اي منهما...يقدم في اطباق ورقية او بلاستيك ايضا

علبة شاي فتلة...علبة سكر...وترمس او اتنين بهم ماء مغلي...اكواب بلاستيك...الناس بتحب تحبس بعد الأكل الدسم.

الكميات اللي ذكرتها اعلاه...كفت حاجة وتلاتين فرد وفاض كتييير من الأكل

اقتراح بالنسبة للمكان...
ممكن تأجر قاعة صغيرة في نادي...او مسجد...وتجيب فيها نفس الحاجات دي ...وطبعا الكميات قابلة للزيادة والنقصان حسب عدد الأفراد.

نصيحة اخوية...مهم قوي الناس تحس ان الأكل كفاية ومتحاولش تبخل وتوفر عشان هتندم بعد كده ... لازم تحس ان الناس خارجة من عندك مش قادرة تتنفس من كتر الأكل...لأن للأسف دي ثقافة شعب ومبقفرقش من غني او فقير متعلم او جاهل

ممكن كمان تعمل كام علبة سبوع جاهز تجامل بيهم زمايلك في الشغل اللي مش هيقدروا ييجوا...وكده

وبالله عليك لا تنسى الفقراء والمساكين

اخيرا...تقبل تحياتي

[rov]

اولا...الف مبروك مقدما...وربنا يباركلك فيه ويتربى في عزك ويبقى وشه عليك كله خير ان شاء الله

بص حضرتك...على حسب العدد

لو اقل من 30 ...تعمله في البيت...بتوسع المكان شوية بانك تشيل الكراسي من حوالين السفرة وبتحط ترابيزة كمان عليها الأطباق والأكواب والشوك وكده-كله طبعا فوم وبلاستيك عشان يترموا آخر اليوم-
يستحسن فصل الرجال عن النساء لمزيد من الإحساس بالرحابة والحريه...
بالنسبة للأكل

الطبق الرئيسي:

بتدبح العقيقة عند الجزار...لحم الجديان بيبقى ممتاز في العزائم والكيلو قائم بيعمل حوالي 20ّّ الى 25 جنيه حسب الجزار والجدي بيبقى حوالي 30 كيلو قائم بيرمي 18 كيلو بعد الدبح ...
بتتفق مع طباخ يسويلك الجدي والأحسن تاخد الجدي مقسوم نصفين بالطول بالتساوي- وتقدمه على سيرفيسين كبار واحد للرجال وواحد للحريم...

الأرز بالمكسرات...بتشتريه انت حوالي 5 كيلو ارز بسمتي...ك زبيب...ك لوز...بندق...وأي مكسرات تحبها...وده بيتحط في السيرفيس تحت الدبيحة...
حاول تشتري انت الحاجات الأساسية من ماركت كبير عشان الطباخ بيحسبهم عليك بسعر اغلى.

بالإضافة الى...
5ك لحم بقري\جاموسي من عند الجزار...يسلق ويقدم في طبق مستقل
5ك لحم مفروم يتعمل كفته

اي حاجة بقى اضافية متخسرش...صينية مكرونة بالبشاميل...صينية جولاش...طبق ولا اتنين محشي

سلطات...مخللات
ماء بارد
عصائر او كانز

الحلو:
2 او 3 ك من الحلوى الشرقية ...طبق بسبوسة وطبق كنافة وطبق مشكل لا يحتوي على اي منهما...يقدم في اطباق ورقية او بلاستيك ايضا

علبة شاي فتلة...علبة سكر...وترمس او اتنين بهم ماء مغلي...اكواب بلاستيك...الناس بتحب تحبس بعد الأكل الدسم.

الكميات اللي ذكرتها اعلاه...كفت حاجة وتلاتين فرد وفاض كتييير من الأكل

اقتراح بالنسبة للمكان...
ممكن تأجر قاعة صغيرة في نادي...او مسجد...وتجيب فيها نفس الحاجات دي ...وطبعا الكميات قابلة للزيادة والنقصان حسب عدد الأفراد.

نصيحة اخوية...مهم قوي الناس تحس ان الأكل كفاية ومتحاولش تبخل وتوفر عشان هتندم بعد كده ... لازم تحس ان الناس خارجة من عندك مش قادرة تتنفس من كتر الأكل...لأن للأسف دي ثقافة شعب ومبقفرقش من غني او فقير متعلم او جاهل

ممكن كمان تعمل كام علبة سبوع جاهز تجامل بيهم زمايلك في الشغل اللي مش هيقدروا ييجوا...وكده

وبالله عليك لا تنسى الفقراء والمساكين

اخيرا...تقبل تحياتي

كتشكر جدا جدا علي تعبك وردك الوافي والجميل

[besbescat]

أولا جعله الله مباركا عليك وعلى أمة محمد صلى الله عليه وسلم
ثانيا أوصيك بسنة النبي صلى الله عليه وسلم وقراءة مختصر كتاب تحفة المولود عسى الله أن ينفع به

http://www.khayma.com/sharif/Index/Data/Islamic/Molod.htm