هـل تـعـلـم إنـك تـشـرب الـخـمـر ؟‎

[mahfouz1983]

هو الموضوع غريب شويه وانا مش عارف هل هو صحيح او مش صحيحلكني قريتو وهعرضو بس ياريت محدش يتهمني بالجهل والي عندو شرح له من الناس الافاضل ويثبت صحتو نكون له شاكرين وافادنا اما لو مش صحيح يبقي انا غلطان

بسم الله الرحمن الرحيم

السلام عليكم ورحمة الله وبركاته

ملاحظه هذه المعلومات التي ستقرؤونها صحيحة 100% بدون غش او خديعة

تعرفون شو يعني "دايت" بيبسى..أو "دايت" كوكا كولا... أو..السكر الصناعي في الشاي والقهوة..؟

اكيد في بالكم انه حاجة للرجيم...

علشان الواحد ما يسمن أو علشان الناس اللي ممنوع عليهم السكر اصحاب مرض السكري..

باختصار هذا النوع من الدايت علشان الصحه....

للإسف إن المصنعين يستخدمون ارخص نوع من انواع السكر الاصطناعي

وهو الاسبرتيم

يعني

اتخيلوا, انا نشرب هذه المشروبات الخاليه من السكر علشان صحتنا..

لكن للاسف

هذي المادة تقتلنا على البطيء...و اكبر مصيبة اننا لما نشربه...نشرب خمر و نحن ما عارفين!!!!

و ازيدكم من الشعر بيت إن هذه المادة إذا تشرب منها نصف علبة باليوم...

بدلا ما تخليكم رشيقين تخليكم اسمن من الاول ب 36.6%

أول ما عرفت هذه المعلومة كانت من خبيرة في مستشفى في بريطانيا..

كانت بس تنصحنا ان لا نشرب اي مشروب يحتوي على مادة الاسبرتيم قبل الامتحان...

لانه يؤثر على كل جسم الأنسان و خاصة الدماغ..

لأنه يفقد الواحد تركيزه في الامتحان و مع العلم انه

في بريطانيا 98% من الشباب يشربون مشروبات غازية و اكثرهم يشربون "دايت"...

وكانت تخبرنا عن اضرار هذا السكر الاصطناعي كانت تقول لنا...

ان اي مشروب غازي خالي من السكر..يحتوي على سكر صناعي....اسمه اسبر تيم..asprtame
... و مع العلم إن هذا السكر الصناعي هو اخطر نوع من انواع

السكر الصناعي...لأنه يدخل في جسم الانسان و يتحول الى ثلاث

مواد و من ضمنهم

مادة الميثانول Methanol وهي سموم تتكون في جسم الانسان

و الميثانول هو كحول او بمعنى أدق هو الخمر والعياذ بالله

هذا يعني ان الخمر يدخل في اجسامنا و نحن ما نعرف!!

الاسبرتيم يسبب أمراض كثيرة..و منها مرض الذئبة الحمراء و فقدان الذاكرة و امراض جينية.

والله إن هذه المعلومات 100%..صحيحة

وبدأت انشر المعلومه..اللهم إني قد بلغت، اللهم فاشهد... إذا في اي احد اضطر انه يستخدم سكر اصطناعي أصحاب مرض السكري مثلا...أحسن انه يستخدم سكرنباتي


وهذا رد الدكتورة سما

موضوع مهم جدا ً ومفيد ..
المهم أنا حبيت أتأكد أكثر لأن بعض الدراسات للأسف تكون غير صحيحة ..
بحثت عن المادة نفسها ... والنتائج كالتالي ..

تعريف الاسبرتم ..
an artificial sweetener made from aspartic acid; used as a calorie-free sweetener

فيما معناه .. انه مُحلّي صناعي مصنوع من حمض الاسبارتك ..
ويستعمل كمحلّي خالي من السعرات الحرارية ..

- نتائج هضم الاسبرتم .
طبعا ً المقالات اللي ظهرت لي كبيرة جدا ً .. وانا بكتب الملخص ..


* الاسبرتم بعد ما ينهضم في الجسم يتحول الى [ ميثانول , اسبارتك اسيد , فينايل الانين ]
* الميثانول يتحول بعد الهضم إلى [ فورم ألدهايد , فورميت ]
* الفورميت يسبب [ العمى + يضر عملية الهضم ] ..
* كميات كبيرة من الاسبارتك أسيد [ تسبب تلف لخلايا الدماغ ] ..



طبعا هذا ملخص بسيط للأضرار اللي ممكن تسببها مادة الاسبرتم ..
لكن للأسف ما قرت ألخص كل شيء ..

وهنا المصادر للي حاب يتعرف عليها أكثر .

[eslamrace]

غريبه يا ريت حد من الدكاتره اعضاء نيل موتورز ياكد لنا المعلومه او ينفيها

[أحمد كمال]

فيه جزء صحيح من المعلومة ان السكر الصناعي اسمه aspartame

لمعلومات عنه اضغط هنا

Aspartame - Wikipedia, the free encyclopedia

و ده قسم خاص في المقال عن كيفية الهضم

Aspartame - Wikipedia, the free encyclopedia

هو فعلا بيتحول لميثانول

بس هو مش خمر في ذاته و غير مسكر

[D . a .\ AYMAN]

سكر الأسبرتيم فعلا من المواد الخطيرة جدا ويدرس في كليات الصيدلة ضمن مادة السموم ... ده كان كلام أحد أصدقائي الصيدلانيين ... وكمان لو عملت بحث عن المادة دي بإسمها هاتلاقي عنها بلاوي على النت ومن مواقع كتير موثوق فيها

عشان كده أنا مابشربش أي حاجة دايت لا كوكاكولا زيرو ولا بيبسي ماكس ولا الكلام ده خالص ولا بشرب كولا خالص

لأن مادة الكولا نفسها مادة خطرة على الصحة العامة مع كثرة تناولها ويتم نقل المادة الخام لها في الولايات المتحدة الأمريكية تحت بنود قانون النقل هناك على أنها مادة شديدة الخطورة لا تنقل إلا ليلا وفي حاويات مخصصة لها وتعامل على أنها نوع من المذيبات العضوية

وأستبدلها بالبرتقال والتفاح واليوسفي والحاجات دي لما بكون عايز مياه غازية ومزنوق فيها شوية

[ainshouka]

و الميثانول هو كحول او بمعنى أدق هو الخمر والعياذ بالله

هذا يعني ان الخمر يدخل في اجسامنا و نحن ما نعرف!!

كلمة كحول عندما تطلق عامة فيقصد بها الكحول الإيثيلى (ethanol) وهو الذى نهينا عن شربه لانه مسكر (اللى هو الخمر)

لكن لما تخصص كلمة كحول وتحدد نوعه زى مثلا كحول مثيلى او الميثانول او البروبانول (وهو ليس الخمر )

فالميثانول ليس خمر

تعريف الاسبرتم ..
an artificial sweetener made from aspartic acid; used as a calorie-free sweetener

فيما معناه .. انه مُحلّي صناعي مصنوع من حمض الاسبارتك ..
ويستعمل كمحلّي خالي من السعرات الحرارية ..

الكلام دا مظبوط وهو شبه فكرة الشربات اللى بيتعمل فى البيوت
احنا عندنا السكر اللى فى البيت اسمه فركتوز لما ندوبه فى ميه ونحط الليمون عليه فالاحماض اللى فى الليمون بتكسر الفركتوز وتحوله الى جلوكوز ودا بيبقى طعمه مسكر اكتر عشان كده الشربات طعمه مسكر اكتر من السكر العادى (هما ستات البيوت زمان عرفوا الكلام دا ازاى!!!!!!!)

* الاسبرتم بعد ما ينهضم في الجسم يتحول الى [ ميثانول , اسبارتك اسيد , فينايل الانين ]
* الميثانول يتحول بعد الهضم إلى [ فورم ألدهايد , فورميت ]
* الفورميت يسبب [ العمى + يضر عملية الهضم ] ..
* كميات كبيرة من الاسبارتك أسيد[ تسبب تلف لخلايا الدماغ ] ..

كل الكلام دا مظبوط

والميثانول نفسه مش سام لكن مشكلته انه لما يتاخد بكميات كبيرة بيتحول جوه الجسم الى فورمالدهيد وهو مادة سامة وبتسبب العمى لانه بيضر بالعصب البصرى وباقى الحاجات الوحشة اللى فوق دى كلها

بس فيه حاجة الكلام دا بنلاحظه للى اتسمم بالميثانول زى واحد بيشرب خمرة مضروبة مثلا وضاحكين عليه وبدل ميحطوله الايثانول حطوله كمان ميثانول عشان يعرفوا يبيعوها بسعر رخيص

لكن احنا دلوقتى بنتكلم على اسبارتام اللى موجود بكمية صغيرة واللى لسه حيتحول الى ميثانول وبعده حيتحول الى فورمالدهيد فالكمية بتبقى ضئيلة جدامتوصلش لدرجة السمية والا كنا زماننا متنا من زمان

انا لما كنت عيل صغير يوميا كنت لازم اشرب ازازة كوكولا والحمد لله لبست النظارة من صغرى

وال fda مصرحة بيه عادى والا لو كان كده كانت منعته

والحق يقال

البيبسى والكوكولا والشيبسى والكراتيه وكل الحاجات الجاهزة افضل انه يتقلل منها ومتبقاش تتاخد بصفة دورية وباستمرار يعنى يكون كل حين وحين لان الحاجات دى بتبقى مضرة على المدى البعيد

والمفروض البيبسى والكوكولا بالذات يتقاطعوا لانهم من ضمن المقاطعة

كان فى واحد مرة ورانى اسنانه اطرافها كانت متآكلة وهو شاب فى العشرينات فعرفت انه كان راجع من السعودية وكانت كل حياته هناك مقضيها كانزات


وبعدين احنا الحمد لله احنا كلنا ماركة Egyptian ولينا مواصفات خاصة تخلينا نقدر نتحمل الظروف اللى البلد متنيلة بيها

زى الصبار اللى بيقدر يعيش فى الصحرا احنا كمان Egyptian نقدر نعيش فى Egypt

[amr.elsayed]

وبعدين احنا الحمد لله احنا كلنا ماركة Egyptian ولينا مواصفات خاصة تخلينا نقدر نتحمل الظروف اللى البلد متنيلة بيها
زى الصبار اللى بيقدر يعيش فى الصحرا احنا كمان Egyptian نقدر نعيش فى Egypt

انت قلت الخلاصة من الاخر

[mohamed_mohsen]

يا نهار أبيض
ده أنا عايش علي البيبس دايت
طب أعمل إيه؟

[mahmoud_magdy]

شكرا على الموضوع وعلى المعلومات الخطيره
عموما انا مبشربش بيبسي الا كل فين وفين

يا نهار أبيض
ده أنا عايش علي البيبس دايت
طب أعمل إيه؟

لاحول ولا قوة الا بالله
هتوحشنا

[EslaM_NagY]

دكتور صديق قالى نفس الكلام بالحرف بس بحكم دراسته مش بحكم انو قراه فى حتة.

الشغلانة كلها فى الاسبرتيم دا بيعمل نصايب

[SHNORY]

يا نهار أبيض
ده أنا عايش علي البيبس دايت
طب أعمل إيه؟

شوفت بقي انك كنت بتضحك عليا
هههههههههههههههههههههههههههه
يلا يا جميل دا الوقت اللي تبدا تعمل فيه اللي قولتلك عليه كله ومتكسلش

وفعلا احنا كمصريين لا ينطبق علينا اي حاجه من اللي بتتعمل عليها تجارب بره
يا ريت لو حد فينا يجيب احسن واغلي فلتر في السوق
وياخد عينه من الميه منه
ويروح يحللها بره مصر
حتلاقوا ان ميه المجاري عندهم انضف منها

[أحمد كمال]

شوفت بقي انك كنت بتضحك عليا
هههههههههههههههههههههههههههه
يلا يا جميل دا الوقت اللي تبدا تعمل فيه اللي قولتلك عليه كله ومتكسلش

وفعلا احنا كمصريين لا ينطبق علينا اي حاجه من اللي بتتعمل عليها تجارب بره
يا ريت لو حد فينا يجيب احسن واغلي فلتر في السوق
وياخد عينه من الميه منه
ويروح يحللها بره مصر
حتلاقوا ان ميه المجاري عندهم انضف منها

انت بتقول فيها

انا الفلتر عندي اول مرحلة اما بنغير الشمعة الجديدة بتبقى بيضة حليب و القديمة بتتشال بني لون الكاكاو

و المرحلة التالتة كل مرة بنغيرها بالاقي فيها فتافيت زي الطباشير او الجير المطحون و صدا حديد و بلاوي سودة

[Lord_Fouad]

الكلام دا مظبوط وهو شبه فكرة الشربات اللى بيتعمل فى البيوت
احنا عندنا السكر اللى فى البيت اسمه فركتوز لما ندوبه فى ميه ونحط الليمون عليه فالاحماض اللى فى الليمون بتكسر الفركتوز وتحوله الى جلوكوز ودا بيبقى طعمه مسكر اكتر عشان كده الشربات طعمه مسكر اكتر من السكر العادى (هما ستات البيوت زمان عرفوا الكلام دا ازاى!!!!!!!)

متفق معاك في كل اللي قلته .. بالذات موضوع ان الميثانول مش خمرة .. و عن تجربة شخصية .. انا كنت شغال في معمل شركة ادوية و كنت بستخدم الميثانول كتير زي المياه كدة .. و كتير كنت ببلع ميثانول غصب عني و انا بشفطه بالماصة Pipette و كان مركز جدا .. و عمري ماحسيت بتوهان او تغييب عقل .. هو فقط بينشف ريقك لأنه بيعمل Dehydration للمياه اللي موجوده في جسمك عشان درجة غليانه قليلة جدا جدا و دة سبب انه بيطير بسرعة

لكن موضوع السكر اعترض عليه لأن السكر اللي في البيوت اسمه سكروز (سكر ثنائي) و هو المستخرج من القصب و عند تحلله يعطي جزئ جلوكوز و جزئ فركتوز .. اما سكر الفركتوز (سكر أحادي) مستخرج من اغلب الفواكه و خاصة العنب و التفاح و هو موجود في السوبر ماركت بإسم سكر فركتوز .. و هو ثمنه اغلى و لكنه صحي اكثر لأنه درجة تحليته اعلى من السكروز .. يعني بيديك درجة تسكير عالية و لكن بكمية اقل يعني سعرات حرارية اقل .. و هو دة اللي بينصحوا به حاليا للريجيم
و شكرا

[ainshouka]

لكن موضوع السكر اعترض عليه لأن السكر اللي في البيوت اسمه سكروز (سكر ثنائي) و هو المستخرج من القصب و عند تحلله يعطي جزئ جلوكوز و جزئ فركتوز .. اما سكر الفركتوز (سكر أحادي) مستخرج من اغلب الفواكه و خاصة العنب و التفاح و هو موجود في السوبر ماركت بإسم سكر فركتوز .. و هو ثمنه اغلى و لكنه صحي اكثر لأنه درجة تحليته اعلى من السكروز .. يعني بيديك درجة تسكير عالية و لكن بكمية اقل يعني سعرات حرارية اقل .. و هو دة اللي بينصحوا به حاليا للريجيم
و شكرا

مظبوط فعلا هو اسمه سكروز وليس فركتوز ولما يتكسر بيعطى الفركتوز

معلش غلطة key board

لان الواحد كان مشغول وبدور على المحاضرات اللى اخدنا فيها الكلام دا

[aymansaad]

شكرا على المعلومات