يوميات شوماخرتين علي الطريق الدائري

[M.Mekawy]

انا بقالي خمس سنين باشتغل في اكتوبر و القرية الذكية

الدائري ده خد مني راقااااااااااااااااااااااات

معنى كدة انك بتاخد السكة دى كلها اللى هى خدتها (القوس الاطول مرورا ببهتيم و خلافه ) بس بالعكس كل يوم ؟؟ ليه كدة ؟ و بعد الوصلة الجديدة لو خدت القوس الاقصر (مرورا بجزيرة الدهب و كوبرى المنيب) و رحت منه للقوس التانى,هل فى منزل من الناحية التانية اللى هو يعنى لو مدى ضهرك للاهرامات تودى على الصحراوى؟
أنا عارف انك ساكن فى مدينة نصر زيى و الموضوع ده طالما لخبطنى

[أحمد كمال]

معنى كدة انك بتاخد السكة دى كلها اللى هى خدتها (القوس الاطول مرورا ببهتيم و خلافه ) بس بالعكس كل يوم ؟؟ ليه كدة ؟ و بعد الوصلة الجديدة لو خدت القوس الاقصر (مرورا بجزيرة الدهب و كوبرى المنيب) و رحت منه للقوس التانى,هل فى منزل من الناحية التانية اللى هو يعنى لو مدى ضهرك للاهرامات تودى على الصحراوى؟
أنا عارف انك ساكن فى مدينة نصر زيى و الموضوع ده طالما لخبطنى

حرام عليك

اكيد مش باعمل كده

كل يوم باخد الوصلة القصيرة

يعني قبل الكوبري الجديد كان طريقي:

مدينة نصر (مطلع القطامية) - كارفور - معادي - منيب - مريوطية - منصورية - شارع الهرم - ميدان الرماية - الطريق الصحراوي

دلوقتي بعد الكوبري الجديد طريقي اصبح :

مدينة نصر (مطلع القطامية) - كارفور - معادي - منيب - مريوطية - محور المريوطية الجديد - القوس التاني بتاع الدائري - نزلة الصحراوي بتاعة القوس التاني (عند فندق انتركونتننتال سابقا)


و اجابة على سؤالك هي ايوة فيه منزل اللي انا بانزل منه .... بابقى عالقوس التاني الطويل و الاهرامات شمالي باكسر يمين و انزل تبقى الاهرامات في ضهري و فندق انتركونتننتال على يميني

[WalidAdel]

كويس ان حضرتك توهتي في حلقه مفرغه يعني روحتوا نفس المكان بس بطريق اطول شويه في ناس بتتوه و تتصل بيا تقولي انا قدام يافطه مكتوب عليها مرحبا بكم في محافظة المنوفيه


حملا علي السلامه

[magyver]

الف حمدا لله علي السلامة
عقباال المرة الجاااااية وتلاقي يافطة
مرحبا بكم في المنصورة ههههههههه
علشاان تبقي كملت

[hesham69]

ربنا معاكى يارب يا ايس

انا مره فعلا زمان كنت راجع من بورسعيد والمفروض اروح عادى يعنى وانزل نزله البحر الاعظم

بس الحمد لله نزلت نزله شارع مصر والسودان تخيلو

خدت الدائرى كله وده بسبب اعتمادى على واحد صاحبى حب يعمل فيها ابو العريف ربنا يسامحه بقى :b4_611:

[elwad_crazy]

انا كده حاسس انك لفيتى الدائري بالكامل من راسو لرجليه :d

ههههههههههه
السؤال مش عيب
اقفي واسئلى اى حد ( مثلا بنزينه ) بلاش فكره ابوا العريف دي:)

[A.Saad]

طيب انا مستغرب من حاجة
ازاى تتوهوا على الدايرى
ده مليان يفط
تانى حاجة
انتوا لفتوه كام مرة

[شريف]

[quote=أحمد كمال;3872010829]
دلوقتي بعد الكوبري الجديد طريقي اصبح :

مدينة نصر (مطلع القطامية) - كارفور - معادي - منيب - مريوطية - محور المريوطية الجديد - القوس التاني بتاع الدائري - نزلة الصحراوي بتاعة القوس التاني (عند فندق انتركونتننتال سابقا)

quote]

انا كل مرة بسافر على الصحراوى و انا على الدائرى بنزل نزلة المحور بس دى طويلة شوية
انا لو كملت على الدائرى هلاقى نزلة المريوطية بعد اد اية
اصل الصراحة بخاف اكمل و اقول اللى اعرفة احسن ما اتوة

[SHNORY]

هههههههههههههههههههههههههههه
عادي يا جماعه
دا الفرق بين مقابلات البنات ومقابلات الرجاله
الفرق انك لما بتتوه بتسال حد عارف الطريق
مش بتفضل مكمل توهان
كويس انكم مكملتوش ولقيتهم نفسكم في حته مقطوعه والبنزين خلص
والذئاب بتعوي
وكنا استريحنا
استريحنا علشان متطمنين عليكم طبعا وانتم مع بعض مش كل واحده لوحدها
هههههههههههههه
اوعوا تفهموني غلط
مفيش ايموشنز علشان بتسحب كهربا)

[icehearted girl]

اهئ اهئ


انتم ماصدقتوا ولا ايه تسمعونا مالمنقي خيار زي مبيقولوا


اولا يا حج شنوري...كنت اتمني بسكوتة تيجي عشان ندبسك فنص الليل ونقلك تعالي رجعلها لعيالها وابقي وةرينا هتتصرف ازاي

ثانيا elwad crazy احنا متهناش احنا رجعنا من نفس الطريق بس فعلا المدخل اليمين مكنش باين خالص زي ماستاذ احمد كمال بيقول اهو...


وكنت متاكدة اننا كدا كدا هنوصل... وبعدين بنزينة ايه علدائري بس دنا كنت خيفة افتح الشباك..


استاذ احمد سعد هي مرة واحدة والله احنا ملفيناش

احنا خدنا القوس الكبير بس

magver ياريت عالاقل كنا طلعنا علي جمصة من برا برا


بس بلاش المنوفية دي يا استاذ وليد


بلادي بلادي بلااااااااااااااااادي


بسكوتة ان مسكتتيش هرمي عليكي مية سخنة وافتفتك

[icehearted girl]

علي فكرة والله احنا متريقناش علي مقابلة الرجال



بس دريم بارك كانت جامدة بقالي فترة مرحتهاش

وطبعا انتقمنا بس كانت زحمة شويتين

كل مفتكر منظر رانا ...اصلها كانت رافضة تركب قطر الموت


واول مركبته نسيت الصويت وقضتها دعا عليه خلتني فطسانة طول منا راكبة


هههههههههههههههههههههههههههههههههههههههههههههه


لا والمناظر اللي هناك اللي عاوزة الحرق بجاز حسيت اني قاعدة فجنينه الاسماك


اللي فارسني اكتر مالدائري بقي


ديسكفري...كل مقلها يابنتي يلا نروح بقي تقلي استني شوية

وتتوه الموضوع عشان خيفة لحد مرحت الساعه 5 قاللي التذاكر خلصت

بجد كنت هعيط عالشباك

منك للي كلت دراع جوزها يارنا

[WalidAdel]

بس بلاش المنوفية دي يا استاذ وليد

هههههههههههههه
ياستي توهي انتي و مالكيش دعوه و ابقي خشي المنتدي اكتبي مواصفات المكان اللي انتي فييييه و انا ان شاء الله و بعونه اعرف ارجعك تاني

[Samah AbdAllah]

بسكوتة ان مسكتتيش هرمي عليكي مية سخنة وافتفتك

ايس يا حبيبتى هو انا هقولها كتير

بسكوتة مش زى اى بسكوتة

محدش يقدر يكسرها ولا يفتفتها

[eslam_wega]

حلو اوى المشوار دة لو الواحد عايز يلين العربية هههههه

[أحمد كمال]

[quote=شريف;3872011253]

دلوقتي بعد الكوبري الجديد طريقي اصبح :

مدينة نصر (مطلع القطامية) - كارفور - معادي - منيب - مريوطية - محور المريوطية الجديد - القوس التاني بتاع الدائري - نزلة الصحراوي بتاعة القوس التاني (عند فندق انتركونتننتال سابقا)

quote]

انا كل مرة بسافر على الصحراوى و انا على الدائرى بنزل نزلة المحور بس دى طويلة شوية
انا لو كملت على الدائرى هلاقى نزلة المريوطية بعد اد اية
اصل الصراحة بخاف اكمل و اقول اللى اعرفة احسن ما اتوة

انت بتبقى جاي منين عشان اقول لك اقصر طريق