هتدفع يعنى هتدفع !!!!

[hesham69]

بسم الله الرحمن الرحيم


اهلا بكل الاعضاء الممتازين الى هنا

انا النهارده حابب اتكلم معاكو فى كام موضوع كده كلنا بنتخنق منه وكلنا واجهناه

اولا الشحاته الى بقت فى الشارع مش ممكن يعنى تبقى راكب العربيه وتلاقى ميت واحد كل اشاره يا بيه طيب ربنا يكرمك طيب ... طيب ...... ميت حاجه وواحد يجى عايز يمسحلك العربيه عشان تديله فلوس وهو كل الى بيعمله انه يرفع المساحات وينزلها طبعا انا الحمد لله مش بمسحها غير فى الجراج بسيبنى من الناس ديه

طيب حاجه تانى كمان تدخل البنزينه بقى شىء طبيعى انك تدفع فلوس زياده عشان الاكراميه يعنى نص جنيه او جنيه على حسب ده بقى شىء مقنن فى البنزينه ياريتها بتيجى بزوق او من عندك لا ده فى بنزينات بتخصمه لوحدها

مش عارف ازاى

مش كفايه انهم قارفينا وكل شويه يغلو البنزين ربنا يستر بعد كده الواحد هايحط بيبسى فى العربيه ارخص

الموضوع التانى وهو عن الشرطه حبيايبنا والى مبهدله الشعب المصرى والقانون الجديد

كل حاجه مخالفه فى رايهم انا هقولكم على كام مخالفه كده عشان تعرفو وصلنا لايه

مثلا السبحه او المعطر الى فى المرايه يقولك اعاقه للرويه طيب بقى دي ههتعمل اعاقه

2 : اى فاميه طبعا ممنوع محلوظه ( عامه الشعب فقط )

3 : الشماسه الى بتتحط على الزجاج الخلفى ممنوع

4 : سارينه ممنوع

5 : تنفيخ العربيه او البودى كيت ممنوع

6 : الملصقات ممنوع

7 : علبه المناديل على التابلو ممنوع

8 : حزام الامان جوه وبره البلد لازم تلبسه والا

9 : الرنيجات الى هى دايره منوره ابيض فى الفانوس من قدام ممنوع ( مش الزينون )

10 : الزينون ممنوع

على فكره كل الحاجات ديه لعامه الشعب بس الى ممنوعه

وفى ناس بقى ماشيه اصلا من غير نمر وعامله كل الحاجات ديه بس قولنا ايه عامه الشعب

طيب بقى حرام يا جماعه الى بيحصل فى البلد كده انا معاكم ان فى حاجات لازم تبىق ممنوعه فعلا عشان غلط بس المفروض لو اتمنعت تتمنع على الكل مش نلاقى ظابط ماشى عكس فى شارع رئسيى وظابط تانى مفيهم والى ماشى من غير نمر كده حرام والله الى بيحصل فى الشعب ده

ولو واحد غلبان معلف سبحه يقوله مخالفه طيب نعمل ايه فى البلد ديه بس

[bmya]

عادي ياباشا انا ماشي مره في الزقازيق ومعلق سبحه صغيره جدا في المرايا لقيت كمين عادي انا مش مفيم ولا لازق ولا عامل اي حاجه بيس يعني دخلت لقيت الامور اللي واقف بيقولي السبحه مخالفه وخد الرخصه وخلاني شيلتها وبعدين رحعهالي الصراحه طلع محترم بس عشان كان معايا الاسره لكن لو كنت مع صحابي كان زمانه قرفنيي
مع ان صديقي الصدوق وكيل نيابه مفيم سوبر دارك وبيس يعني والحق يقال احيانا بيوقفونا في كماين واول ميقولهم وكيل نيابه يقولوا اتفضلوا ياباشاوات من غير حتي ما يتأكدو عشان كده بحب اركن عربيتي واركب معه عشان اعيش في دور الباشا شويه هههههههههههههههههه

[ams]

8

: حزام الامان جوه وبره البلد لازم تلبسه والا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[elansary]

علي راي صديق لينا في المنتدي بيقول انا بحس ان العربيات دي بتاعت المرور ومأجرها لينا

[abzoabzo]

مش لاقى كلام
مهزلة

[hesham69]

اه والله يا شباب مهزله وقله ادب

معاك رقم واسطه فى جيبك يبقى اعمل الى انت عايزه مش معاك ارقام يبقى استحمل بقى وما

[zizomsk]

لحد امتة حال البلد هيبقي بايظ كدة
هاقول اية ليهم يوم

[hesham69]

البلد حاله بايظ يا زيزو طول ما احنا سايبن الحاجات ديه بتحصل ومش بناخد وقفه

احنا بندى الناس فلوس ليه ما نقولش لا المفروض ياخد مرتب من البنزينه ومايبقاش شغل شحاته كده

طيب الشحاتين نلاقيهم الواحد طول بعرض وبيشحت طيب يا اخى روح اشتغل اى حاجه اكرملك من الشحاته ولا عشان اسهل يعنى الواحد فينا لو اتزنق هينزل يشخت

طيب والمرور ديه بقى الى مش عارف ليها حل بصراحه

[magyver]

حكووومة ينت تييييييييييييييييييييت
وتستااهل ضرب الجزم

[hesham69]

اه والله يا magyver الحكومه ديه كده ومش عارف هما عايزين مننا ايه بالظبط ونعملهم ايه

[eng.octooo]

الحل الوحيد اننا نبيع العربيات ونركب تاكسيات او كلنا ندخل كلية الشرطة

[hesham69]

تصدق فعلا حل لو كلنا دخلنا شرطه ونستريح بقى من المخالفات


هو ليه ما يبقاش فيه عدل بدل ما كلنا نبقى فى شرطه ويبقى فى ضمير