الحمد لله العربية اتخبطت

[modux]

بسم الله الرحمن الرحيم

النهاردة الصبح
و انا رايح الشغل طالع علي صلاح سالم من عند عمارات العبور الدنيا زحمة اوي و ماشين علي سرعة 5 كيلو في اساعة و نقف و نمشي المهم

عادي ماشي بالراحة لقيت دييييييييييييييييييييييييييييييييب

نزلت لقيت عربية تاكسي 1600 خيطتني من الشنطة و كان قدامي ربع نقل
طبعا الشنطة اتعجنت عشان كنت ماسك فرامل !!!!
و الكبوت اتفعص و مش راضي يفتح
نزلت و انا ناوي امسح بكرامتو الارض
لقيتو راجل في الاربعينات من عمره و بيقول انااسف حقك عليا !!
قولتلو حقك ايه بس و زفت ايه

يا بيه اصاحهالك !
قوتلو فين ان شاء الله
قالي تعالي الوقتي معايا المطرية اعملهالك
قوتلو مش فاضي
قالي طب خد رخصتي اهي و لما حضرتك تخلص شغل تعاللي و انا هعملهالك

انا بردت ناري من زوقه الصراحة
بصيت لقيت نفسي بقول لنفسي العفو عند المقدرة
و الناس اتلمت و بتقولي اعملو محضر
لا خد منو تمن تصليح الشنطة

انا قولت يعني هيدني رزق يومين و لاتلاتة

قوتلو روح يا عم و خد بالك

و مشيت


بس بصراحة مضايق من شكل العربية و مزنوق اوي في الشغل اليومين دول
ف ان شاء الله اعملها الاسبوع الجاي و كمان اكون قبضت :D :D

الحمد لله بس قوللي صح و لا غلط و لو مكاني هتعملوا ايه ؟

[sherif Anton]

حمد الله على سلامتك ... وطالما طلع الراجل زووووق يبقى زي ما انت قلت

العفو عند المقدرة

[Abdallah]

يا باشمهندس اولا الحمدلله انها جت فى العربية ومجتش فى اكتر من كدة واهم شىء انك سليم وبخير واتمنى لك كل الخير ان شاء الله :)
ثانيا انا فى لو مكانك واقدر اصلح العربية هعمل كدة مع تحريف بسيط, وهو انى هاخد منه ولو حتى 100 جنيه مش علشان بعد كدة يبقى ياخد باله وميمشيش يلطش فى عربيات الناس, ممكن انت بكرم اخلاقك دة متكونش علمته الدرس الى المفروض يتعلمه من موقف زى دة, وعموما موضوع العوض دة انا مش مؤمن بيه يعنى انا اعرف ان الى يبوظ حاجة يصلحها ودة الى انا بطبقه على نفسى وعلى تعاملاتى مع الاخرين.

[Hossam_Hassan]

لو زعلان تبقى غلط و لو راضى يبقى صح

[zozza]

oppppaaaaaaa
معلش يا عم الحج .... الحمد لله علي كل شىء من قبل و من بعد

انا حاسس بيك ان نص مشكلتك في زنقة الشغل .... و ميين يبقي شغال في ال GFS و يكون عندو وقت حتي يصلح ولاعة سجاير.

عامةّ ربنا يعوضك خير و صح كده اللي انت عملتو مع الراجل مادام طلع محترم ... و اخوك في الخدمه لو محتاج اي حاجه

[fahd_628]

معلش يا باشا و مادام الراجل كان زوق خلاص يبقى الى انت عملتة صح و لكن على رأى الأستاذ حسام لو سلة زعلان يبقى غلط

بس انا شايف ان تصرفك صح عارف لو قالك ايييييييييية و بجح معاك كنت تعملة محضر و تخلية يصلحها لكن مادام ذوق و حرام تقطع عيشة خلاص بس اهه اخد درس اكيد علشان مش كل الناس زيك كان ممكن يقع مع واحد يودية فى داهية

[Islam_galal]

ربنا يعوض عليك بكرم اخلاقك

هعمل كدة مع تحريف بسيط, وهو انى هاخد منه ولو حتى 100 جنيه مش علشان بعد كدة يبقى ياخد باله وميمشيش يلطش فى عربيات الناس

الاضافة دي كويسة لان فيه ناس بتعمل العملة و بكلمتين كل حاجة انتهت

وعموما موضوع العوض دة انا مش مؤمن بيه يعنى انا اعرف ان الى يبوظ حاجة يصلحها

طبعا (ولكم في القصاص حياه)

العفو عند المقدرة

لاحظ عند المقدرة

و بما انك قدرت علي العفو يبقي الحمد لله و ثق في كرم الله في الدنيا و الاخرة فالله عز و جل لن يعاملك ابدا باقل او ما يساوي عفوك عن الناس

[tarekkasaby]

ربنا يعوض عليك و يكفيك الشر
انت اتصرفت صح
انا برده لسه العربية مخبوطة الساعة واحدة بليل و هى مركونة تحت البيت نزلت لقيت واحده ست راكبة لانسر زيرووووو و ردت علية ببرود انا اسفة
طبعا قولتلها ابق خلى بالك و طلعت و انا دمى محروق بس حاعمل اية و لا حاجة :twisted:
طالما طلع زوق استعوض ربنا

[Falcon.Crest]

sorry what is GFS

[modux]

Mkhozamy
GFS ده اللي مشروع اللي شغال انا فيه لاي تي سوفت

برنامج بنوك و zozza
كان شغال في نفس الشغل اللي انا فيه ده و عارف ازاي الشركة هنا مش بترحم

[modux]

الحمد لله يا جماعة

بصوا انا اقبل العوض لاني مش شايفو حرام بس الراجل كان شكلوا يصعب علي الواحد و مش عربيتو

و لقيت فعلا اني اقدر اعفو عنة باذن الله فقلت احتسب اجري عند ربنا و الحمد لله علي كل حال

[ecybrarian]

والكاظمين الغيظ والعافين عن الناس... ربنا يبارك فيك والحمد لله انها جت في الحديد

[Karim_Monir]

الحمد لله يا احمد
والله ياخي لما تحسبها هاتلاقيك انت الكسبان لان ما عند الله باق
هو كلام عبدالله صح اني ادبة ولو ب 50 جنية بس ممكن يكون وراه كوم لحم مش هايكلو في اليوم ده بسبب خطأه
وثق تماما ان ربنا هايبقيهالك عندة لانك احتسبت النية دي
اما العربية لو عايز تعملها ومش فاضي هاتهالي وانا اوديهالك وقفلك عليها لحد ما تخلص وثق تماما انها هاتتعمل احسن من حاجتي كمان وانا اعرف سمكري كويس ردلي خبطتي على البارد وممتاز بجد
ومش بعزم والله انوي بس وقولي خد العربية اهيه واذا كان على القبض ما تقلقش انا قبضت قبليك وهاتقضي

تليفوني لو نسيتة
0101263030

[Nader]

اولاً الحمد لله انك بخير يا محمد.

بس انا لو مكانك كنت علي الاقل اخدت رخصتة يوم ولا اتنين علشان يحرم... انا بتخنق من الناس اللي تلاقي في وسط الزحمة والشارع واقف ويجي يعمل ناصح وياخد غرز على الديق وبسرعة كمان ...ولا اللي تلاقي الشارع كلة واقف ويجي واحد وراك يكلكس لما يصدعك علشان يخليك تلزق في اللي قدامك وهو يعدي من خرم اابرة اللي فاضي

كنت حسستة بغلطة الاول قبل ما تسيبة يمشي

[Heshaam]

حمد الله على سلامتك وديه أهم حاجة

وكمان إنت عملت الخير فمتزعلش وإن شاء الله ربنا يعوض عليك بسبب نيتك الطيبة وتحكمك في نفسك ساعة الغضب

وإن كان

ثانيا انا فى لو مكانك واقدر اصلح العربية هعمل كدة مع تحريف بسيط, وهو انى هاخد منه ولو حتى 100 جنيه مش علشان بعد كدة يبقى ياخد باله وميمشيش يلطش فى عربيات الناس, ممكن انت بكرم اخلاقك دة متكونش علمته الدرس الى المفروض يتعلمه من موقف زى دة, وعموما موضوع العوض دة انا مش مؤمن بيه يعنى انا اعرف ان الى يبوظ حاجة يصلحها ودة الى انا بطبقه على نفسى وعلى تعاملاتى مع الاخرين.