اليوم ذكرى وفاة الزعيم جمال عبد الناصر

[mada121977]

خلاصه الموضوع بالنسبه لى
لا اللى بيحب عبدالناصر هايكرهه ولا اللى بيكره عبدالناصر هايحبه
ونفس الشىء بالنسبه للسادات
ومازلت مصرا على رأيى ان حتى الان لم يتم كتابه تاريخ مصر بطريقه محايده وبضمير متيقظ وبأمانه شديده ولذلك هايستمر الخلاف بين الاطراف المؤيد والمعارضه الى ان تظهر الحقيقه

[Dr Zezo]

خلاصه الموضوع بالنسبه لى
لا اللى بيحب عبدالناصر هايكرهه ولا اللى بيكره عبدالناصر هايحبه
ونفس الشىء بالنسبه للسادات
ومازلت مصرا على رأيى ان حتى الان لم يتم كتابه تاريخ مصر بطريقه محايده وبضمير متيقظ وبأمانه شديده ولذلك هايستمر الخلاف بين الاطراف المؤيد والمعارضه الى ان تظهر الحقيقه

لن يأتي احد ليكتب تاريخ مصر- او اي دولة- بشكل حيادي ابدا

فهذه هي طبائع البشر

الذي نستطيع عمله فقط هو قراءة الاراء المختلفة و اعمال العقل للخروج بنتيجة مرضية بها نسبة من الحقائق

و جميع وجهات النظر السابقة كلها امر طبيعي جدا لا تعني ان طرفا مخدوع او ان الطرف الاخر لا يفهم شيئا

بل هي مجرد اجتهادات و وجهات نظر

ولم يتفق البشر علي شئ ابدا حتي في اديانهم هناك اختلاف



فمابالك بانسان ؟!

[د.أحمد سمير]

المثل بيقول .. العايط في الفايت نقصان م العقل
وقبل أن يتهمني الجميع بأي تهمة أو يحمل كلامي ما لا يحتمل
أود أن أوضح وجهة نظر بسيطة للغاية ..

ماذا تبقى لنا من عصر عبد الناصر
إيجابيات وسلبيات
فلو اتضح أن الإيجابيات أكثر .. يبقى هذا الرجل خدم مصر بحق
ولو العكس .. يبقى هذا الرجل كان السبب في تدمير حياتنا ومستقبلنا وفشلنا وكل هذا سنورثه لأولادنا من بعدنا ..

أما حكاية هو كان إيه طيب ولا شرير على نياته ولا عبقري ...
كل هذا لن يفيدنا بشيء الآن

إضافة إلى نقطة جوهرية أراها أهم سلبيات عهد عبدالناصر الجلية التي لم تنصلح حتى الآن وحتى مائة سنة قادمة
ألا وهي
فقدان الثقة بين الشعب والحكومة
فلا الشعب يصدق الحكومة حتى لو كان كلامها لمصلحتنا وبأمانة
ولا الحكومة تقيم وزناً للشعب حيث أن الشعب لا اختارها ولا جابها ولا عينها ولا هايقدر يمشيها

وكان في نفسي كلام لم أقله بعد
تقبلوا خالص مودتي

[ecybrarian]

اخواني الأعزاء..قليل من الموضوعية في الحكم على عبد الناصر يرحمكم الله...عايزين تركزوا على العيوب..طب خدوا عندكم (من حقائق التاريخ الثابتة وليس من الحكاوي والمذكرات):

الناصر لدين الله صلاح الدين الأيوبي:
- كان وزيرا سنيا في دول شيعية هدفها الأسمى نشر المذهب الشيعي.
- استولى على الحكم بعد موت العاضد وانقلب بعدها على الفاطميين الذين وثقوا فيه (لحد ما بقى رئيس الوزرا)

محمد على مؤسس مصر الحديثة:
- ضابط الباني في الجيش العثماني تربى يتيم الأب والأم منذ صغره.
- اقام المذابح (وليس المعتقلات) لمن سبقوه من المماليك ولكل من يعارض حكمه.
- نفى (محمد علي) عمر مكرم قائد ثورة مصر ضد الفرنسيين إلى دمياط. ومن المعروف ان عمر مكرم هو الذي صعد بمحمد على إلى سدة الحكم.
- اقتطع (من اقطاع) محمد على الأراضي ووزعها على المحاسيب وانصاره وعلى القبائل العربية لتوطينها في مصر (الهوارة والعزيزة والجعافرة والاباظية...إلخ). ( يعني خد اراضي من الناس واعطاه لناس تانية بتدفع فلوس اكثر لبناء الجيش)

سعد باشا زغلول:
- اعترف سعد باشا في مذكراته انه مدمن قمار.
- اخوه (احمد فتحي زغلول) هو القاضي الذي حكم على الفلاحين المصريين في دنشواي
- لم يتهم سعد باشا إلا بالدستور فقط وبالتالي لم تشهد مصر في عهده اي تنمية اقتصادية او اجتماعية كما لم يهتم باستقلال مصر وإلغاء الحماية البريطانية على مصر.
- لم تشهد مصر في عهده اي اهتمام بالفلاحين (إللي هو منهم)

رئيس مصر الأول محمد نجيب:
- لم يكن نجيب من الضباط الأحرار وهم طلبوا منه الانضمام لهم لإسقاط مرشح الملك في انتخابات نادي الظباط.
- كان ضعيف الشخصية ولم يستطع التحكم في الضباط الأحرار الأصغر منه سنا وقيمة، على العكس من منافسه جمال عبد الناصر.

رئيس مصر الثاني جمال عبد الناصر:
- كان لا يجيد تقدير التوازنات والقوى الدولية
- كان عنيفا مع المختلفين معه ومنهم قادة للدول العربية
- باقي العيوب انتم ذكرتموها بحمد الله

رئيس مصر الثالث محمد انور السادات:
- شهدت مصر في عهده عصرا من الاضطرابات الشعبية لم تشهده منذ ثورة 1919.
- فتح ابواب الفساد من كل حدب.
- قام باعتقال النخبة المصرية الفكرية والسياسية والاجتماعية في اواخر ايامه ولم يفرج عنهم إلا بعد استشهاده

والباقي انتم عارفينه بقى

مرة أخرى..قليل من الموضوعية عند بناء وجهة نظر حول رموز مصر يرحمكم الله

[CryptonX]

الله يرحمه .

" اذكروا محسان موتاكم و كفوا عن مساويهم "

بس حقول شيء صغير, ليتني اقدر قول الحديث ذاته في المستقبل القريب .. لا اعتقد اني حتذكر هذا الحديث .

و عارف انه ضعيف و لكنه موجود .

[MoToRiZeR]

بس حقول شيء صغير, ليتني اقدر قول الحديث ذاته في المستقبل القريب ..

دي كانت نفس أمنية جدي "الله يرحمه"
و والدي "ربنا يديله الصحة!"

[CryptonX]

دي كانت نفس أمنية جدي "الله يرحمه"
و والدي "ربنا يديله الصحة!"

وياترى محاسن ايه الي حتذكر ! :) .

[MoToRiZeR]

أهو نقولها حتي عشان الحسد :d المهم نقولها بقي :d

[CryptonX]

أهو نقولها حتي عشان الحسد :d المهم نقولها بقي :d

ربنا يدي والدك و والدي الصحة

[MTAK]

كلنا تقريبا لما بدأنا القراءة واحنا طلاب فى ثانوى وبدأنا نفهم شوية حبينا عبد الناصر وقدسناه ولما كبرنا اكتر وفهمنا اكتر كرهناه ( باتكلم عن نفسى ومعظم اصدقائى ) ودورنا على زعيم اخر نحبه وننتمى ليه وكان السادات صانع المعجزات !!!!!!!! بطل الحرب والسلام

لكن لما كبرنا اكتر و قرينا اكتر عن حرب اكتوبر وحقيقة اللى جرى فيها وما تلاها من كامب ديفيد (كامب ام ترتر ). وكامب شيزار وكل كامبات السادات احتقرناه

وقلنا هانعمل ايه لابد من وجود زعيم وقدوة لهذا الشعب العظيم ..؟؟؟؟؟؟؟؟ وتوجهنا للجرايد اللى حسستنا اننا فى ازهى عصور الزعامة وصدقنا نفسنا ( مشروع توشكى - ترعة السلام - ترعة الاحلام - ترعة الالام - مدينة الاوهام ........ ) ولما جت ساعة الحسم والتخرج والشقة والجواز وشوفنا حال البلد على ده الحال ........ راجعنا نفسنا وقلنا العيب مش فى الزعماء العيب فينا احنا !!!!!!!!!!

وقلنا مش مهم ظروفنا المادية صعبة نتحمل سافرنا واتغربنا وحنينا لوطنا ورجعنا قالوا فى انتخابات وهاتعوض كل اللى فات صوت امانة استخرخ بطاقىة انتخابية

واخذتنا النشوة والفرحة اخيرا بنعيش فى عصر ديموقراطية وانتخابات مجلس الشعب اهى وطلعنا البطاقة وكلنا امال وقلنا بلا سادات ... بلا جمال ولا ستينات ولا سبعينات احنا جيل التسعينات الواعد وذهبت للصندوق الانتخابى ومعايا معظم اصحابى واحبابى

وفوقت من الحلم على صدمة كبيرة وضربة اليمة من عسكرى امن مركزى بعصاه الغليظة وهو بيقول ( غور ياد من هنا ) اشتكيت للضابط قال يلا يا بابا قفلنا الصندوق وكانت الساعة 10 صباحا لاقيت بتاع حقوق انسان برة واشتكيت له قالى شكلك جديد فى التصويت

معلش طولت عليكم بس دى تجربتى مع الزعامات وبلاش نقلب فى اللى فات ....
وادينا عايشين

من امتع الردود التى شاهدتها
يمكن علشان انا من نفس الجيل بتاعك
يمكن
---
لن يحكم اى شخص بعداله على اى عصر حتى لو كان عايشه
لانه طالما يعيش فى عيشه هنيه و ماشيه يبقى ده عصر تمام
و لو حصل حاجه يبقى ده اسود عصر
يعنى لو سيادتك "عزيزى القارئ" كنت مثلا قريب احمد عز من بعيد
ماذا كنت ستقول
هاتقول اصل ده شعب..... مش فاهم يعنى ايه ديمو و مصلحة البلد ووووووووو
و الاحسن له انه يقعد ساكت
--
لو حد شاف فيلم احنا بتوع الاوتوبيس
يا ريت يتفرج على دور الصول جمال اسماعيل
--------------------------
اما جمال عبد الناصر
فهو زعيم
عمل كتييييييييييييييييييييييير
حلو او وحش
اهو عمله و خلاص
المهم احنا هايتعمل فينا ايه تانى

[zyadahmed]

من امتع الردود التى شاهدتها
يمكن علشان انا من نفس الجيل بتاعك
يمكن
---
لن يحكم اى شخص بعداله على اى عصر حتى لو كان عايشه
لانه طالما يعيش فى عيشه هنيه و ماشيه يبقى ده عصر تمام
و لو حصل حاجه يبقى ده اسود عصر
يعنى لو سيادتك "عزيزى القارئ" كنت مثلا قريب احمد عز من بعيد
ماذا كنت ستقول
هاتقول اصل ده شعب..... مش فاهم يعنى ايه ديمو و مصلحة البلد ووووووووو
و الاحسن له انه يقعد ساكت
--
لو حد شاف فيلم احنا بتوع الاوتوبيس
يا ريت يتفرج على دور الصول جمال اسماعيل
--------------------------
اما جمال عبد الناصر
فهو زعيم
عمل كتييييييييييييييييييييييير
حلو او وحش
اهو عمله و خلاص
المهم احنا هايتعمل فينا ايه تانى

باشكر حضرتك على الرد وبايدك لان فعلا جيلنا اتظلم كتير واتصدم كتير وجرى ورا الوهم لحد ما اتقطع نفسه وفى الاخر سلم ... وبطل يتكلم ... وبطل حتى يتألم
لان الضرب فى الميت حرام واحنا موتنا سياسيا من زمان
وما نراه كل فترة من حركات ( كفاية - شباب 6 ابريل وغيرهم ) ما هى الا صحوة الموت لهذا الشعب المسكين المستكين الراقد تحت التراب من سنين .....واقصى طموحه طبق الفول مع فلافل ورغفين

وعبد الناصر بدأ بحلم جميل.... سرعان ما تحول لكبوس طويل .... البعض صحى منه... والبعض لسه مصدق ونازل تهليل

والسادات رجع الباشاوات ... ورجع اصحاب المصالح والجبايات ... وقال هانعمل انفتاح وسلام هزيل ... وراح وفاتنا بعد ما باعنا لاسرائيل

علشان كده نسكت احسن وبلاش نقلب فى اللى فات وقفل يا بشمهندس على الموضوع ده من سكات وبلاش تصحى الذكريات
وتحياتى لحضرتك

[Abo_Lina]

باشكر حضرتك على الرد وبايدك لان فعلا جيلنا اتظلم كتير واتصدم كتير وجرى ورا الوهم لحد ما اتقطع نفسه وفى الاخر سلم ... وبطل يتكلم ... وبطل حتى يتألم
لان الضرب فى الميت حرام واحنا موتنا سياسيا من زمان
وما نراه كل فترة من حركات ( كفاية - شباب 6 ابريل وغيرهم ) ما هى الا صحوة الموت لهذا الشعب المسكين المستكين الراقد تحت التراب من سنين .....واقصى طموحه طبق الفول مع فلافل ورغفين

وعبد الناصر بدأ بحلم جميل.... سرعان ما تحول لكبوس طويل .... البعض صحى منه... والبعض لسه مصدق ونازل تهليل

والسادات رجع الباشاوات ... ورجع اصحاب المصالح والجبايات ... وقال هانعمل انفتاح وسلام هزيل ... وراح وفاتنا بعد ما باعنا لاسرائيل

علشان كده نسكت احسن وبلاش نقلب فى اللى فات وقفل يا بشمهندس على الموضوع ده من سكات وبلاش تصحى الذكريات
وتحياتى لحضرتك

الله عليك تسلم ايديك

[blazer]

جمل اصله كان بسيط و كان طيب و كان نيته خير و كان اللى حواليه بيسرقوه و هو مش عارف و ظلم البعض فى سبيل الباقى و كان يقصد خير و كل ده ما ينفعش يكون فى شخصية حاكم دولة ابدا و لا حتى فى شخصية صاحب كشك بائع سجاير و عمر ما كانت السلبيات دليل على حسن النية
اشكرك على ردك

كان بسيط وطيب !
فىه رئيس فى الدنيا يتوصف بلوصف دا
ليه منقولش انه انسان انتهازى سرق السلطه من ايد مستحقها عشان يستولى عليها
و يعنى ايه اللى حواليه بيسرقوه وهو مش عارف هل هو طفل ! او انسان غير مقدر للامور وعواقبها
و فعلا زى ما حضرتك قلت عمر ما كانت السلبيات دليل على حسن النيه
لو دلت هتدل غالبا على الرعونه اللى القت بينا فى النكسه
وحرب اليمن وما ادراك ما حرب اليمن !
سبائك الذهب اللى كانت بتروح بلطن من البنك المركزى لزعماء القبائل فى اليمن
والجنود المصريين اللى كانوا بيذبحوا على ايدى حروب العصابات
والناس اللى بتحب عبد الناصر
اسألوا الناس زمان كام بيت مصر مكنش فيه شهيد واتنين وتلاته !
تاميم القناه مع انه من محاسن عبد الناصر الا انه لا يعتبر بلانجاز الفظيع !
كل اللى عمله انه جاب لينا العدوان الثلاثى اللى خسر مصر ملايين
وكنا ممكن ناخدها بلسياسه
انما فين العقليه السياسيه
كل كلامه كان تهديد ووعيد وهو لا يقدر على شىء منه
دا طبعا غير سرقه ممتلكات القصور وتهريب الاثار الى اوربا
ابقوا اقروا المقال دا

[Ghamrawy]

كان بسيط وطيب !
فىه رئيس فى الدنيا يتوصف بلوصف دا
ليه منقولش انه انسان انتهازى سرق السلطه من ايد مستحقها عشان يستولى عليها
و يعنى ايه اللى حواليه بيسرقوه وهو مش عارف هل هو طفل ! او انسان غير مقدر للامور وعواقبها
و فعلا زى ما حضرتك قلت عمر ما كانت السلبيات دليل على حسن النيه
لو دلت هتدل غالبا على الرعونه اللى القت بينا فى النكسه
وحرب اليمن وما ادراك ما حرب اليمن !
سبائك الذهب اللى كانت بتروح بلطن من البنك المركزى لزعماء القبائل فى اليمن
والجنود المصريين اللى كانوا بيذبحوا على ايدى حروب العصابات
والناس اللى بتحب عبد الناصر
اسألوا الناس زمان كام بيت مصر مكنش فيه شهيد واتنين وتلاته !
تاميم القناه مع انه من محاسن عبد الناصر الا انه لا يعتبر بلانجاز الفظيع !
كل اللى عمله انه جاب لينا العدوان الثلاثى اللى خسر مصر ملايين
وكنا ممكن ناخدها بلسياسه
انما فين العقليه السياسيه
كل كلامه كان تهديد ووعيد وهو لا يقدر على شىء منه
دا طبعا غير سرقه ممتلكات القصور وتهريب الاثار الى اوربا
ابقوا اقروا المقال دا

وانا مالى ده مش كلامى و انا كنت برد على مشاركة زميل هنا فى المنتدى و دى المشاركة اللى انا كنت برد عليها وان رائى من رأيك

http://www.nilemotors.net/Nile/3872020535-post67.html

و على فكرة اول كلمة فى الرد بتاعى (جمل) مفرد جملة مش جمال و ان نسيت الالف

[Eng.GEMI]

هي كانت مشاركتي أنا و أنا حالياً امتنعت عن الرد في الموضوع لأنني لم أجد رداً وحداً موضوعياً جاء من كارهي عبد الناصر...هو هجوم حاد بدون أدلة أو وقائع...و لكل منا وجهة نظره...ولكن اتمنى أن تخلو من الهجوم غير المبرر..