يامصري ونت اللي هامنني من دون الكل نمت والعالم فايق قوم بص وطل

[ASD peugeot]

بس ده كان ايام الرسول الكريم
مش دلوقتي عندهم الحكم يطبق علي ناس و ناس تانيه لاه
الانسان هو الانسان مفيش فرق بين مصري و اي جنسيه تانيه كلنا بشر
لكن فين الاحساس راح فين و الرحمه مش موجوده حجات كتير ضاعت وشوش ناس لابسه ميت قناع بيغيروه علي حسب اللي قدامهم
لكن لما بتوصل انك تحكم علي شخص عشان هو ضعيف هو ده قمه البعد عن الحق ... عن الاحساس بأنه بشر...

[medo_2060]

الصراحه مش عاجبنى موقفك من الموضوع خالص انا داخل وانا متاكد 100% ان صاحب الموضوع هيدافع عن المصرى او يحاول يعرف الحقيقه على الاقل زى ما حصل قبل كدا بيظلموا المصريين الاقيكى واقفه ضده من غير ما تعرفى ان كان مذنب اولا وبتقولى حكم كويس ومحسسانا ان الشارع المصرى تحرشات 24 ساعه وان كان فالبنات 100%منهم فى قمه البراءه الصراحه ياريتنى ما دخلت الموضوع دا مع احترامى لحضرتك

[Mahmoud Saloum]

ماهو دى المشكلة ان التحرش عندنا شبه يومى والبنت اللى بيم التحرش بيها غالبا بتخاف او بتتكسف او ربما اتعودت على التحرش (خاصة اللى بيركبوا المواصلات الزحمة) والشاب المتحرش محدش بيعملوا حاجة وبالتالى الشباب دول لما بيخرجوا بتبأه ايدهم سابقة تفكيرهم ده غير الاشاعات عن بعض السعوديات والعربيات بوجه عام. واعتقد انه اخد جزاؤه وللعلم ربنا مش بيفضح حد من اول مرة ربنا بيستر مرة واتنين وتلاتة ويمكن اكتر واللى بيتفضح وبيقام عليه الحد ده غالبا بيكون يستحق الرجم مش الجلد.

للعلم مفيش بنت محترمة تخلى راجل ياخد مقاسات جسمها ده رأيى ومحدش يزعل
الاخ اسد البيجو هيا نيكول كيدمان مالها؟

[zyadahmed]

مشكلة الكتير مننا للاسف اننا نستبعد ونستغرب حكم الجلد بنتاخد شوية لما بنسمع ان فى حد اتجلد وده لاننا بعدنا كتير عن الشريعة الاسلامية ونجح الغرب بمساعدة الخديو اسماعيل - الذى ادخل القانون الغربى الفرنسى - فى ابعادنا عن اصولنا واحكام شرعنا

فاصبحنا تقشعر ابدانا وننفر من فكرة الجلد وقطع اليد وبنقول دى همجية وتخلف مع اننا كلنا ختمنا الحمد لله القران فى رمضان واحياننا اكتر من مرة ومرت علينا الآيات الكريمة الصريحة بخصوص الحدود ومنها الرجم والجلد وقطع اليد فهل من معترض على شرع الله الذى هو سبحانه ادرى الناس بطبائع عباده وما يردعهم

وايه اللى يزعلنى لما سارق تقطع يده مادمت انا لست بسارق الحمد لله بالعكس ده بيجمينى

وايه اللى يغضبنى لما زانى ولا متحرش يجلد ما دمت انا عفيفا شريفا اليس فى هذا حماية للمجتمع ولزوجتى واختى وبنتى

للاسف احنا بنلوى الحقايق ونقول اه عشان مصرى جلد وكأن الشرع هناك ليس كالشرع هنا وان الجلد هو حكر على السعودى فقط ...
والمصرى لازم يتسجن لان قانون بلاده بيقول كده ( قصدى هنا حادثة الطبيبان المصريين فى السعودية ) لاننا اعترضنا على منطوق الحكم وطبيعته الغريبة على اسماعنا وليس على كون المتهمان مدنان فعلا من عدمه
كذلك فى موضع الاخت ايس كان الاعتراض على الجلد لمصرى وكأن مصر ليست دولة اسلامية وافترضنا بسرعة ان القاضى لالالالازم واكيد متحيز

القضاء فى الاسلام اكبر بكثير من هذه العنصرية والطائفية ولا يتحمل قاض يحكم بما انزل الله وزر جلد برئ
بخلاف بعض القضاة الذين يحكمون بما وضع البشر فليس للقانون الوضعى نفس المهابة التى للقرآن فى قلبه

[MTAK]

موضوع عادى
شرع يطبق على انسان
مصرى هندى مالاوى فى الاخر انسان مدان
حكاية بقى انه مظلوم علشان مصرى و مالوش ضهر
ده كلام تانى خالص
اولا مدان او برئ لا نملك الحكم عليها لاننا لا نحيط علما بالقضيه
ثانيا حكم عادل او ظالم علشان الجنسيه
لا نملك الا ان نقول انهم طبقوا حكم شرعى
----
مش فاهم بصراحه يا ايس "او مش عاجبنى " اخر جمله و هى
المصريين أهمه
ما المقصود بها
--
كمان مش عاجبنى بصراحه حكاية نيكول كيدمان
--------

[itsonlyme]

في السعودية وفي محلات بيع الملابس الداخلية النسائية، البائع رجل!
والأخوة كمان هنا بيقولوا ان محلات الخياطة برضو اللي بيشتغلوا فيها رجال.

تناقض غريب. عشان الستات ماتشتغلش نخلي اللي يبيع الملابس الداخلية ويفصل الملابس للستات راجل؟!

ازاي الراجل هيقيس من غير ما يلمس الست؟

لو حصل ان المصري ده تحرش (أو حتى ايده لمستها بطريقة خاطئة عن غير قصد) يبقى الراجل غلطان والبنت غلطانة و الحكومة المتخلفة غلطانة.

الوضع كله من الأول شاذ والموضوع مش غلطة المصري لوحده.

[WalidAdel]

مش عارف والله حضرتك تقصدي ايه بالجمله الاخيره دي
المصريين أهمه
هل حضرتك قصدك المصري بيتهان في السعوديه ولا هل المصري بردوا بطبعوا بيتحرش بالسيدات في اي حته ولا ان المصري غلط و بياخد جزاءه علي عكس هنا انهم بيغلطوا و مافيش جزاء
و بعدين يعني البنت اللي اتاخد مقاساتها دي ازاي اصلا تقبل ان راجل ياخد مقاساتها و يحط ايده عليها او يفكر كده و بعدين ابوها واقف عادي كده و سايب الراجل ياخد مقاستها دا المفرض من قبل مايفكر الراجل ياخد مقاساتها يكون ابوها مانعه مش عارف الخبر مايمشيش بالطريقه دي خالص

[hani945]

بصوا وشوفوا.........................الخبر دا نقلا عن موقع بص وطل

oct 1 2009 جلد مصري بالسعودية

أصدرت الجهات القضائية في جدة غرب السعودية حكمها بحق وافد مصري يعمل بأحد مشاغل الخياطة النسائية أدين بالتحرش بفتاة سعودية خلال أخذه مقاسات جسدها ، ونص الحكم على جلده 60 سوطا.

ونقلت صحيفة "الاقتصادية" الالكترونية السعودية اليوم الخميس عن مصدر قضائي قوله إن" تفاصيل القضية تعود إلى تقدم مواطن سعودي بشكوى رسمية لدى الجهات الأمنية اتهم فيها عامل الخياطة بالتحرش بابنته بعد أن حضرت للمشغل بغرض تفصيل فستان .. وقال إن الوافد لامس أماكن حساسة من جسد ابنته عمدا خلال أخذه المقاسات".

واضاف ان "الجهات الأمنية بدورها استدعت المتهم وأجرت تحقيقاتها معه وأحالته لدائرة العرض والأخلاق في هيئة التحقيق والادعاء العام قبل أن يعرض أمام المحكمة الجزئية وتقديم لائحة الاتهام ضده".

ورأت المحكمة أن الوافد مدان بـ "الشبهة القوية" وأصدرت حكمها بجلده 60 سوطا دفعة واحدة ولم يعترض المدعى عليه على الحكم ، الذي رفع لهيئة التمييز في مكة المكرمة والتي أقرته وأصبح بذلك نهائيا ويستوجب التنفيذ الفوري.



شايفين...متخيلين واحد زي دا خد الجزاء دا يجرؤ انه يكرره تاني؟؟


المصريين أهمه

أنا عاوز أقول لحضرتك حاجة مهمة بس ياريت تتقبليها منى بعد إذنك :

1- الحاجات اللى زى دى مينفعش إن أحنا نصدقها كده على طول (لماذا ) ؟
الإجابة : السعوديين والعرب عموماً نازلين فينا شتيمة فى المصريين فى الستات والرجالة وبهدلة ليل نهار ومفيش احترام للإنسانية وساعات بيقولوا حاجات مينفعش ( أقولها هنا ) مش كلهم طبعاً بس أصبح الأغلب كده ، المصرى مننا أو المصرية لما بينزلوا تحت إيد الكفيل بيبقى هو وحظه ، ممكن يتبهدل وممكن يبقى تمام وفى الغالب بيتبهدل ، ومش فى السعودية وبس ده فى أغلب الوطن العربى .

2- أنا مش موافق على اللى عمله المصرى ده ، ده لو حصل فعلاً

3- هو حضرتك مسمعتيش عن المعاملة اللى بيتلقاها المصريين أو المصريات فى الوطن العربى وإن هى فى أغلب الأوقات ومع أغلب المصريين (( كالعبيد ))

4- متزعليش من الأخوة اللى ردوا على حضرتك ، أنا قرأت أغلب الردود وهما زعلنين على المصري ، لإنه مصرى ده من وطنا وهما شاعرين بإنه ممكن يكون مظلوم .

5- لما الراجل السعودى ده ولا البنت السعودية دى من عائلة محافظة إيه اللى يخليهم يتعاملوا مع راجل غريب سواء كان مصرى ولا هندى .

6- ليه هما مراحوش يشتروا ملابس جاهزة وخلاص طالما إن المهنة دى مفيهاش سيدات ، ولا هى استعباد وخلاص .

7- مش الممكن البنت السعودية دى بتتبلى على الراجل ده ، وده بيحصل ساعات .

8- ليه القاضى يصدر حكم بناء على الشبهة ؟ أنا ماشفتش ده قبل كده ، ولا علشان هو مصرى ، والحماسة واخدة القاضى قوى ، مش المفروض يبقى فيه دليل وشهود ، ولا الناس دى بتتكلم من دماغها .

9- ممكن نفترض إن ده حصل فعلاً والمصرى ده كان قليل الأدب ، يبقى هو كده أخد جزاءه بالجلد علشان يبقى عبرة بس الموضوع يطبق على الكل مش المصريين بس .

وأنا آسف على الإطالة

[hani945]

هشرح لحضرتك مثال آخر :

نفترض مثلاً إنك فى موقف السيارات وبتركنى عربيتك وبعدين خرجتى من عربيتك ووقفتى جنب عربية تانية علشان جاتلك مكالمة على الموبايل بتاعك فإنت وقفتى علشان تكملى المكالمة وبعدين مشيتى ، يشاء القدر إن العربية اللى إنتى وقفتى جنبها كان فيه فلوس مسروقة منها .

ينفع بقى إن القاضى يحكم عليكى علشان إنتى كنتى واقفة جنب العربية فقط بحجة الشبهة القوية .

مش ده يبقى ظلم ؟؟؟؟؟

مش كان المفروض إن القاضى يتأكد الأول ويعرف من اللى سرق الفلوس ، وهل هذه السرقة تمت عن طريقة آلة حادة ، أو إن السيارة الباب بتاعها كان مفتوح ، والفلوس دى كانت أد إيه ، وكانت متعانة فين فى العربية ، وطريقة السرقة كانت إزاى .

ولا العربية مكانش فيها فلوس أساساً ومكانش فيه سرقة أساساً وإن صاحب العربية كان بيتبلى عليك علشان يعملك مشكلة ؟؟؟؟؟

[ASD peugeot]

تسلم يا استاذ هاني علي الكلام اللي حضرتك قولته
لان الموضوع كأنه شماته في انسان حاسس انه مظلوم

[samoevil911]

1-واقع لا يغفل :
انا اكاد اقر ان الاخ دا لو كان سعودي مكنش هيتحاسب او بالطريقة دي.. لو واحد سافر دولة من دول الخليج خصوصا السعودية لو واحد اجنبي زي المصري مثلا بص علي واحدة والله هيتفلك.. السعودية كلها هتتقلب عليه ومش بعيد يقتلوه.. لكن لو حد من البلد يأما هيطنشوا يأما هيكلموا براحة .. او ممكن لو ظابط هيكلموا او يزعقلوا او بالكتير يحبسوا يومين ويخرجوا ..
انا واحد كويتي قالهالي بنفسه دول بناتنا نعمل فيهم اللي يعجبنا بس محدش من برا يجي ياخدهم مننا ..

2- انا نفسي افهم يعني ايه واحدة تروح لخياط بالذات في السعودية .. دا موضوع يشكك شوية .. دي واحدة وهيقيص مقاسات .. ايه اللي يوديها وبدون محرم عند خياط .. موضوع يشكك ..

3- الغريب بقي ان الحكم دا صدر والمتهم مدان بالشبهة القوية .. ما هو تفسير الشبهة القوية .. اصلا شبهة دي يعني ان الشخص دا يعرف عنه ذلك الفعل او اتهم به من قبل او معروف عنه هذا الفعل من الاخر يعني دي مش اول مرة يعمل كدا (والله اعلم). طب دا متساب كدا او محدش بلغ قبل كدا ؟ او مترحلش ليه مدام هو كدا ؟

4- مكتوب ولم يعترض المتهم علي الحكم .. يعني مدافعش عن نفسه والا مقالش انا مظلوم والا الحكم كبير .. عادي اوي ان واحد يتحكم علية ب60 جلدة دفعة واحدة . مش متعبة اصلا يبقي يعترض ليه ؟؟ دا كلام ناس عاقلة والا هو كان منهار والا ايه..؟

5- دي الله اعلم فيها انا بس مستغرب .. لما يكون حكم الزنى في الاسلام للغير متزوج 80 جلدة والمتزوج الرجم حتي الموت .. ونيجي نحكم علي واحد لمجرد التحرش ب60 جلدة اظن الموضوع دا كبير اوي .. لأن الزني من الحدود يعني يتحكم فيه ب80 جلدة بدون نقاش .. وعلى اعتبار ان الزني هنا اتحكم فيه ب60 جلدة يبقي هنا اعتبر من التعازير .. يبقي حكم 60 جلدة اعتقد بالقياس بواقعة زنا كاملة يبقي حكم قاسي جدا ..



+++ لو المصري دا كان قام بالفعل دا لأن احنا منعرفش انا بس بكلم علي فكرة التميز بين المسلمين .. لكن لو هو عمل كدا يستاهل.. وربنا يغفر له ويهديه ويهدينا ..


+++ موضوع بقي التحرش عندنا في مصر.. مع احترامي الشديد لكل الناس اللي بتكلم واللي بتنادي بحرية الفكر .. مدام الناس فرحانة بعقوبات الاسلام يبقي طبق الاسلام لأخره .. الاسلام وصف لبس المرأة يبقي المرأة تلبسوا مش ناخد اللي يعجبنا واللي ميعجبناش نسيبوا ...
انا غير مقتنع بفكرة ان مدام واحد اخطأ يبقي نخطأ احنا كمان ..
يعني مش عشان واحدة لبسه وحش يبقي الواحد لو خرج عن شعوره وتحرش بيها يبقي هو مش غلطان .. حتى دينا بينهينا عن ذلك ..
بس بردوا مش تبقي البنت نزله من بيت اهلها لبسه ضيق او بعض اجزاء من جسمها عارية وعايزين الشباب تستحمل الاستفزاز دا خصوصا في الوقت اللي احنا فيه (فقر - شباب مش لقيه شغل ولا عرفه تجوز- الفتن كثيرة) ...
هاتوا بقي واحدة منتقبة مش محجبة الحجاب الموضة spanish ولبسه ضيق ..لأ انا بكلم علي حجاب شرعي ساتر وفضفاض.. ولففوها القاهرة كلها .. هل حد هيتحرش بيها ؟؟
الموضوع عامل زي متجييب واحد جعان وتحط قدامه اكل ومتخبيش الاكل .. وتقولوا اوعى تاكل والكل قدامه وشايفوا ...

(ان الله لا يغير ما بقوم حتى يغيروا ما بانفسهم )
مندوروش على الخير والبركة والتقدم .. واحنا اصلا مش عارفين ربنا.. داحنا مبنصليش ياجماعة .. دا بعض العلماء كفروا تارك الصلاة واحنا لسه فينا اللي مش بيصلي الا من رحم ربي





واسف على الاطالة .. واسف لو كلامي شديد شوية .. بس بجد انا اتخنقت .. البلد دي بترجع كل يوم لورى اكتر

[Nile_Storm]

ليا تعقب علي الموضوع ده واعذروني للاطاله

اولا : في رايي ده حلقه اخري من حلقات اضطهاد المصريين المغتربين و تلكيك و تلفيق التهم لهم و كما يقال من خرج من داره اتقل مقداره خصوصا مع الناس الدول الي بيعاملونا كعبيد و بصراحه احنا الي ادينالهم الفرصه

ثانيا : كلمه المصريين اهمه و التعميم و التشديد علي كونه مصري غير مقبول بالمره المصريين دول منهم اخوكي و عمك و خالك ترضي انهم يتقال عليهم كده وهل مثلا السعوديين او غيرهم هما الي ملائكه وهل انا مثلا لو لقيت خبر عن القبض عن سعودي في احد الاماكن المشبوهه اقول بنات مصر اهمه !!!!!!!!

ثالثا : طريقه عرضك للخبر حسستني بالتناقض اول ما قريت العنوان قلت زعلانه من الي بيحصل للمصريين بعدها قلت مبسوطه من تطبيق حد الاسلام " الي هما مطبقوهوش وواخدينه بالشبهه باعترافهم ماهو مصري بأه ملوش ضهر ولا صاحب يعني لا شهود ولا دياولو مجرد كونها سعوديه تبقي صادقه و احنا الي ولاد... كذابين و طبقا القرار يتنفذ في ثانيه انما يعملوها في سعودي زيهم ممعتقدش

رابعا : هل مجله بص و طل هي مصدر رسمي او مصدر موثوق كي نقتبس منه
انا بسأل بس علشان لو حد اقتبص بعد كده من صحافه صفراء اعرف اصدقه ولا لأ ؟

اخيرا ارجو ان لغه الحوار تكون اهدأ بدون التريئه علي بعض

[hani945]

+++ موضوع بقي التحرش عندنا في مصر.. مع احترامي الشديد لكل الناس اللي بتكلم واللي بتنادي بحرية الفكر

المشكلة فى الفضائيات اللى بتنادى بالحرية
دى مش اسمها حرية ده أسمه ( انحراف )


.. مدام الناس فرحانة بعقوبات الاسلام يبقي طبق الاسلام لأخره .. الاسلام وصف لبس المرأة يبقي المرأة تلبسوا مش ناخد اللي يعجبنا واللي ميعجبناش نسيبوا ...


لتانى مرة المشكلة فى الفضائيات اللى بتسوق الموضة والإنحلال فى الملابس للأسف


انا غير مقتنع بفكرة ان مدام واحد اخطأ يبقي نخطأ احنا كمان ..
يعني مش عشان واحدة لبسه وحش يبقي الواحد لو خرج عن شعوره وتحرش بيها يبقي هو مش غلطان .. حتى دينا بينهينا عن ذلك ..
بس بردوا مش تبقي البنت نزله من بيت اهلها لبسه ضيق او بعض اجزاء من جسمها عارية وعايزين الشباب تستحمل الاستفزاز دا خصوصا في الوقت اللي احنا فيه (فقر - شباب مش لقيه شغل ولا عرفه تجوز- الفتن كثيرة)

كل ما تتحاور مع الناس بالأفكار دى ( العند ) ياخدهم أكتر سواء كانوا شباب ولا بنات

هاتوا بقي واحدة منتقبة مش محجبة الحجاب الموضة spanish ولبسه ضيق ..لأ انا بكلم علي حجاب شرعي ساتر وفضفاض.. ولففوها القاهرة كلها .. هل حد هيتحرش بيها ؟؟
الموضوع عامل زي متجييب واحد جعان وتحط قدامه اكل ومتخبيش الاكل .. وتقولوا اوعى تاكل والكل قدامه وشايفوا ...

بارك الله فيك ، إنت كده جبت من الآخر

(ان الله لا يغير ما بقوم حتى يغيروا ما بانفسهم )
مندوروش على الخير والبركة والتقدم .. واحنا اصلا مش عارفين ربنا.. داحنا مبنصليش ياجماعة .. دا بعض العلماء كفروا تارك الصلاة واحنا لسه فينا اللي مش بيصلي الا من رحم ربي


بارك الله فيك


واسف على الاطالة .. واسف لو كلامي شديد شوية .. بس بجد انا اتخنقت .. البلد دي بترجع كل يوم لورى اكتر[/QUOTE]

[samirayad]

و كما يقال من خرج من داره اتقل مقداره خصوصا مع الناس الدول الي بيعاملونا كعبيد و بصراحه احنا الي ادينالهم الفرصه

وقال رسول الله (ص)
من بات آمنا فى سربه . عنده قوت يومه . فقد حيزت له الدنيا بحذافيرها
صدق رسول الله (ص)

وربنا يكفينا شر حب المال
ويولى أمورنا خيارنا ....من أجل نهضتنا
وعدم الحاجه للذهاب هنا وهناك ...ومد أيدينا للى يسوى واللى مايسواش
ولكى يظل المصرى دائما عالى الهمه وشامخ الرأس
دون أن يحنيها من أجل المال
وأتذكر أيضا حديثه (ص)

حينما قال أن من ضمن علامات الساعه

أن تجد الحفاه العراه ....رعاء الشاه ...يتطاولون فى البنيان

صدق رسول الله (ص)

والله يرحم أيام ماكانوا بيأخدوا مننا .....كسوة الكعبه

[zyadahmed]

[QUOTE=samoevil911;3872026081]1-

5- دي الله اعلم فيها انا بس مستغرب .. لما يكون حكم الزنى في الاسلام للغير متزوج 80 جلدة والمتزوج الرجم حتي الموت .. ونيجي نحكم علي واحد لمجرد التحرش ب60 جلدة اظن الموضوع دا كبير اوي .. لأن الزني من الحدود يعني يتحكم فيه ب80 جلدة بدون نقاش .. وعلى اعتبار ان الزني هنا اتحكم فيه ب60 جلدة يبقي هنا اعتبر من التعازير .. يبقي حكم 60 جلدة اعتقد بالقياس بواقعة زنا كاملة يبقي حكم قاسي جدا ..

80 جلدة للزانى الغير محصن ( غير متزوج ) ام المتزوج فعقوبته الرجم كما تعلم حضرتك ... وما ادراك ان هذه الشخص غير متزوج ؟؟؟
اذا التخفيف من الرجم الى 60 مش ظلم


مدام الناس فرحانة بعقوبات الاسلام يبقي طبق الاسلام لأخره .. الاسلام وصف لبس المرأة يبقي المرأة تلبسوا مش ناخد اللي يعجبنا واللي ميعجبناش نسيبوا ...

اسمحى استفسر من حضرتك ناس مين اللى فرحانة بعقوبات االاسلام

وهل حضرتك مش فرحان بيها ولا ايه وهى اصلا الافضل نسميها باسمها حدود الله او الشريعة الاسلامية الاسلام مش دين عقوبات الاسلام دين ودنيا ولازم نقبل بيه كله والسعوديين مش ملايكة وفيهم المؤمن المحترم وفيهم غير ذلك كما هو الحال فى كل بلد وكل بيت من بيوتنا مش هاينفع نعمم ابدا بان الجميع سيئ انا كنت باتعامل احسن معاملة فى الخليج ولا عمرى حسيت بفرق