انا منهارة حد يوديها فداهية ويرحني منها

[icehearted girl]

انا تعبت

تعبتتتتتتتتتتتتتتتتتتتتتتتتتتتتتتتتتتتتتتتتتتتتتتت تتتت

رخصة العربية خلصانة بقالها شهر وواحد قريبي رئيس نيابة عسكرية قاللي عشان متبهدليش


خلاني اعمل توكيل لواحد عنده فلمكتب يخلصلي كل حاجة مقابل حوالي 500 جنيه وهوللي يروح

كل المشاوير علما باني بنقلها من مرور شبرا تبع صاحبها القديم لمرور اكتوبر حاليا

بقالي شهر ديخة وراه يروح يوم ويكسل عشرة علما باني باروح معاه مبيرضاش يروح لوحده

وفكل مرة يحتاس فشبر مية النهاردة كان المفروض نستلم النمر ونسلم القديمة رحنا وبعد شوية طلع بيقلي اننا المفروض ندفعها فشبرا وهو مش فاضي الايام دي

اخر مغلبت رحت وخدة منه الورق وكنت بجد هغلط فيه واقله مش عاوزة منك حاجة

وطلعت علي مرور شبرا بنفسي واجاركم الله الساعه 11 ل 12 بس بدور لشباك اللي المفروض

اقف عليه كل واحد يبعتني للتاني لما دخت وفالاخر وقفت علشباك 12 ل 4 والطابور مبيتحركش

بدون مبالغه وقفين زي محنا ومفيش اي بنات غيري كل واحدة بتدخل معاها واسطة متكملش عشر دقايق

داغير كم الظباط االلي بيخصلوا ورقهم من ججوا وبالتالي الطابور مبيتحركش اننا كنت خلاص علي وشك الانهيار

وفجاه لقيت الظابط جي بيندهلي بيقلي انا شايفك من 5 ساعات فمكانك صعبت عليه عشان كنت قربت اقع وقعدني فلمكتب وخد مني فلوس الضريبة وبعتها مع الموظف كان منظري يخض

الناس فلمكتب كات عماله تهدي فيه ونا بتكلم بزعيق مكنتش قادرة

وفالاخر قاللي علي حاجة..اني يستحسن اسلم الملف هناك والنمر كمان واخد وصل بحيث من مرور اكتوبر استلم النمر والرخص علي طول

رحت مدياله الملف بس لاحظ ان شهادة البياانات والمخالفات منتهية عشان عدي شهر بسبب

البني آدم اللي مجريني وراه حسبي الله ونعم الوكيل

قمت بنفسي اطلع بيانات ومخالفات..ونا واقفة علي شباك المخالفات لقيت الراجل بيقلي عليكي 1500 جنيه هتدفعي دلوقتي؟؟؟


1500 جنيه؟ طب ازاي انا عاملة شهادة براءة يوم 2_9 وسارية لحد 2-10 وكان عليه 700 ساعتها وخلصوا

الشهر دا عملت فيه 1500 ازاي

الموظف مرضيش حتي يرد

ملقتش غير مكتب رئيس النيابة دخلتله ونا مفروسة بقله يقلي ادفعي الاول فلدراسة وتتظلمي بعدين وافق انه يطلعلي التفاصيل

المخالفة سير عكس الاتجاه وحزام والاتنين فيوم واحد في زهراء المعادي

والتاريخ 14_5

14-5 يابشرررررررررررررررررررررررررررر

العربية كانت عاملة حادثة فنص اربعه ورميناها تحت البيت لحد اخر شهر ستة والله العظيم

وبعدين ودتها للسمكري واستلتها اول تمانية

طب ازاي

ولسه دفعة مخالفات من شهر

ودي حاجة مستحيل تخيلها..ازاي العربية كانت مفرومة تحت البيت

انا من ساعه مخرجت من هناك الساعه 5 ونا عماله اعيط


مش عارفة اعمل ايه


محدش حاسس بيه

ومحدش عاوز يساعدني ولاحتي اخواتي

والراجل ضضرب ال 500 فجيبه ولا عمل اي حاجة

انا بقيت خارجة اتحسبن واقلهم مش هركب نمر وهمشي من غير رخصة

محدش يريحني ويرمي العربية دي في النيل

[أبو صلاح]

قلبي معاكي
معلش والله ده حال كل اللي بيتعاملوا مع المرور المصري
ولا حياة لمن تنادي
وبرضه مجبرين نكمل في نفس طريقنا غصب عننا
لان مفيش غير الطريق ده مجبرين عليه

عارفة انا لما كنت بنقل الملكية كنت في رمضان انا دخلت المرور بتاع السلام الساعة 8 صباحا وخرجت منه الساعة 5.30 وعلى شرط كان معايا واسطة خلتني ادفع قبل مالخزينة تقفل الساعة 12 وبعدين طنشني
ومن برود الموظفين والله كانوا بيطلبوا من الناس تجيبلهم فطار
وخدي قبلها يوم كامل في مرور البساتين والمعادي من الساعة 9 لحد 3.30 علشان اطلع شهادة المخالفات (الحمد لله مطلعش علي حاجة) محدش عايز يدلني انا رخصتي اطلع شهادة مخالفات ليها من اي مرور ولفيت على كل الشبابيك
وخدي قبل ده كله 3 أيام في الشهر العقاري مابين شهر عقاري في عين شمس وسوق السيارات علشان الموظف اللي عملي التوكيل في سوق السيارات لما عمل التوكيل نسي يكتب رقم التوكيل وموظف الارشيف غايب تعبان ولا يوجد بديل

بعد لما استلمت النمرة والله صعبت علي وانا ركبها على العربية
كان نفسي والله اعلق واحدة على صدري وواحدة على ظهري

[icehearted girl]

مش هرخص

بجد ش هرخص

وش هخرج بلعربية تاني

مش بعد كل المصاريف دي اكمل ب 1500 جنيه فحاجة مستحيل تحصل

داحتي ربنا يحاسبني

[هيثم]

يعنى خد 500 جنيه و ما عملش حاجه ........ اقل واجب تقولى لقريبك رئيس النيابه لان كده الراجل ده ممكن نقول انه نصب على حضرتك ......... ولما تروحى الدراسه حاولى تدخلى لوكيل النيابه وتشرحيله الموقف و ان العربيه كانت واقفه تحت البيت .......... والله المستعان

[nabaster]

معلش يا ايس

دي حاجه اساسيه للي بيتعامل بنفسه مع المرور بدون وسايط

لازم نضيع يومين وتلاته واربعه ويمكن اكتر انتي وحظك

بالنسبه لموضوع المخالفه قدمي تظلم

وادخلي لوكيل النيابه واشرحيله الموقف كله

وشوفي يمكن يوافق يشيلها او علي الاقل خالص خالص يخفضها

ربنا معاكي وان شاء الله خير بس حاولي متيأسيش كده

A.Yakout

[icehearted girl]

يومين تلاتة؟

انا بقالي شهر بجري ورا الافندي دا

شهر

وبمتحن والمفروض منزلش اصلا


دي تالت مرة حتي اجدد شهادة البيانات

بسبب العطلة دي

فعلا مش هرخص

ولو لقيت حد يشتريها ويرخص هو مش هتردد

انا شفت بهدلة محدش شافها

[Eng_Mostafa_89]

لازم تحكى لقريبك اللى دبسك دة على كل حاجة حصلت
ومعلش يا ايس هو المرور كدة معلش استحملى هو مشوار كل 3 سنين
اما بالنسبة لموضوع المخالفات دة خشي لوكيل الناية وكلمية وكدة وان شاء الله ربنا يقدم اللى فية الخير

[Nile_Storm]

ياخبر ابيض كل ده حصل :(
ربنا معاكي
انا عارف شعورك خصوصا وسط قرف الامتحانات
رأيي سيبي كل حاجه زي ماهيا لغايه اما تخلصي
اما بالنسبه للنصاب ده خلي قريبك يشوف صرفه معاه

[bmya]

يا ايس طيب وقريبك بتاع النيابه ده مرحش معاكي ليه كان خلصه في يوم وبعدين الراجل اللي خد 500 من اللي جبهولك وازاي تسيبيه كده وازاي اصلا تجيله ال500 جنيه كلهم مره وحده ومن غير ما تعرفيه
مش عارف اقولك ايه بس فعلا هي لازم وسطه في الحاجات دي وبعدين انتي بنت وصعب عليكي الحوارات دي ياريت لو ليكي اخ او ابن عم اي حد يكون قيريبك يروح معاكي عشان البهدله دي صعبه اوي عليكي ومتزعليش نفسك معلش

[icehearted girl]

بقول لحضرتك محدش عاوز يساعدني نهائي

حتي اخواتي شيفينني جية منهارة قعدين يتريقوا ويهرجوا

وواحد منهم ظابط فلجيش مش مكلف نفسه حتي ييجي معايا

والراجل دا كويس وثقه هو من طرف ابن خالتي

مشكلته ان يومه بسنة وديما عاوزني موجودة في مشوار يروحه اوصله وارجعه

اناخلاص جبت جاز

[محمد محمد]

يا استاذة ice لو كل واحد قال مش هارخص وهابيع العربية البلد كلها هتمشي علي رجليها احنا قعدنا تقريبا 10 ايام ماشيين بالعربية بدون نمر ومجبنهاش غير بالواسطة ده غير لما كنت بطلع الرخصة الخاصة بتاعتي رحت الساعة 9 مشيت 4 من مرور السلام وكان معايا واسطة كبيرة جدا وحتي كان فيه واحد معرفة قالي انا بروح مرور مدينة نصر اخلص الورق في تلت ساعة.

والطريف ان الراجل اللى كان معايا كان مدبس الورقة الخاصة بالواسطة في الملف بتاعي علشان لما يدي الورق علي الشباك يخلص علي طول وعلي اخر امضاء للظابط الظابط بعد مامضي راح مقطع الورقة دي علشان منستخدمهاش تاني وكل ده في مرور السلام وهو ومرور شبرا اسوأ مرور علي مستوي القاهرة الكبري.

[icehearted girl]

يا استاذ ابو الوليد انا والله مش مضايقة مالمشوار علي اد منا مضايقة من العطلة اللي خلتني اطلع شهادة بيانات مرة واتنين ودي التالتة لانتهاء تاريخهم

وكمان المخالففة الاخيرة دي حسبي الله ونعم الوكيل

[Eng_Mostafa_89]

بصي يا ايس استنى شوية لما تخلصى امتحنات وبعد كدة ايقى خلصى كل حاجة على رواقة

[Eng_Mostafa_89]

لو معاك واسطة ورقك يخلص على ما تشرب القهوة
لو مش معاك واسطة ورقك يخلص على ما تزرع البن

دة توقيع واحد فى المنتدى بس بصراحة انا متفق جدا معاه لانة كلام صح 100 100

[محمد محمد]

وعايز انصحك تشيلي فكرة بيع العربية من دماغك لأن ده مش حل للموضوع بالعكس انت كده ممكن تدخلي في متاهات تانية لما اللي حد يشتري العربية يلاقي عليها مخافات ب1500 هايتصرف ازاى معاكي ولو حبيتي تشتري عربية تانية هتخشي برده في متاهات الترخيص والقرار ببيع العربية اتاخد في لحظة غضب علشان كده اخواتك بيهرجوا ويضحكوا.
الحل انك تستني بعد الأمتحانات وتشوفي موضوع شهادة البيانات تخلصيه في يوم وتاخدي اليوم من اوله واليوم التاني تخلصي موضوع الترخيص ونقل الملكية وحبذ لو لقيتي حد يروح معاكي يحجزلك وتبدلوا مع بعض في الطوابير علي الأقل.