مساعدة فى نوكيا n96 ضرورى قبل مايتنصب عليا !!!

[Hacker5]

السلام عليكم ورحمة الله وبركاته

النهاردة يا جماعة كنت بالصدفة مع واحد صاحبى ساكن فى امبابة و كنت بقولوا انى بدور على موبيل جديد و كدة قالى انى صاحب اخوه عندة نوكيا N96 فنلندى بسعر قليل جدا طبعا قلتله دة اكيد الصينى المضروب قالى لاء قتلته طب عايز اشوفه
روحنا لمحل صاحب اخوه و شوفت الموبايل الراجل قلى انه جاله 4 قطع من الامارات
و على حسب معلوماتى ان النوكيا 96 المضروب مافهوش ويرلس لان ولا كاميرا 5 ميجا بكسل ولا فلاش زينون مجرد نفس الشكل و نفس الاوبشن لكن بدون الامكانيات
المهم مسكت العدة اشوف الكاميرا زى الفل و 5 ميجا بكسل و فلاش زينون ... مش ممكن
فى القائمة الرئيسية موجود scaning wlan off بس معرفتش اشغله لانى اول مرة امسك الموبايل دة
كارت ميمورى 8 جيجا
مختش بالى اذا كان فيه GPS ولا لاء
الموبايل مكتوب علية نوكيا بالشكل و اللمعان الاصلى و مكتوب على الكفر الخلفى Nokia N series
شيلت الكفر الخلفى و رفعت البطارية مكتوب Made in Finland و موجود سيريل نمبر و nokia connecting people
العدة تقيلة و نضيفة جدا جدا و استحالة تتفرق عن الاصلية الا اذا ماكنتش اصلية اصلا
الراجل قالى انا كان ممكن ابيعها بـ 2000 جنيه و اكسب مبلغ محترم لكن بالحرام
قلتله طب حضرتك عايز فيها كام ؟
قالى 750 جنيه مع البطاريتين و الشاحن و الكتالوج و معرفش ايه تانى

فقلت اخود رأيكوا اخلص فى واحدة من الاربع موبيلات اللى عنده ولا بلاش ؟ مع انها هاتطلع من عينى بس خايف اخاطر :(

[حماده عزو]

الله واعلم لكن أظن الجهاز ده صينى
وخصوصا موضوع البطاريتين ده

[Hussein_Ramdan]

خوش على موقع نوكيا ودخل السريال نمبر على الموقع وهيظر اذا دة كان مضروب ولاة لاء

[Terrible_DaRsH]

750 جنيه !!!!!!!

[M.Osama]

استحاله طبعا

[hossam_elwani]

نصاب وكداب............

[yoko]

الله واعلم لكن أظن الجهاز ده صينى
وخصوصا موضوع البطاريتين ده

++++++++++++++1
أكيد صيني وياما مسكت صيني وأنا في السعودية متعرفش تفرقهم من الأصلي إلا إختلافات بسيطة في السوفتوير

[bmya]

بص ياباشا
الصيني نفس الشكل فقط
لكن الكاميرا مثلا مفيش فيها اتوفوكس وطبعا جودتها تعبااااااااااانه
مفيش وير ليس وشكل الايقونات بيبقي شبه نوكيا لكن االسوفت وير مش سيمبيان طبعا ودي اسهل حاجه تعرفها منه
صوته كمان بيبقي رفيع ومسرسع كده وممكن تشغل نغمه نوكيا تون وتسمعها لو هو صيني هتلائي صوتها مختلف عن النوكيا الاصلي
ومتعتمدش خااااااااالص علي انه مكتوب عليه نوكيا سيريس ولا مصنوع في فنلندا لان دي كلها استيكرات وما اسهل لزقها
يععني جرب الكاميرا اكيد جوده ال5 ميجا معروفه وهتبان لان الصيني معظمه الجوده بتاعت الكاميرا vga يعني تعبانه جداااااا والكاميرا بتاعت الn96 تحفه فاكيد هتبان بالاضافه للوير ليس حاول تجربه لو اشتغل يبقي مش صيني
شوف كده وقلنا عملت ايه

[M.Elsheikh]

اولا ربنا يوفقك للي فيه الخير
ثانيا ممكن لو فيه زميل لينا هنا عنده خبره يتطوع و يروح معاك
ثالثا كان في موضوع عن امكانية التعرف على بلد الصنع بس في ناس شككت فيه

http://www.nilemotors.net/Nile/8268-your-mobil-quality.html

===============Quote=================

your mobil quality (منقول)
permalink

Would like to know if your mobile is original or not?!!
Press the following on your mobile *#06# and the-international mobile equipment identity number appears
check the 7th and 8th numbers

1 2 3 4 5 6 7 th 8 th 9 10 11 12 13 14 15

Phone serial no. x x x x x x ? ? x x x x x x x


IF the digit number Seven & Eight is 02 or 20 that mean it was Assembly on Emirates which is very Bad quality

IF the digit number Seven & Eight is 08 or 80 that mean it' s manufactured in Germany which is not bad

IF the digit number Seven & Eight is 01 or 10 that mean it's manufactured in Finland which is Good

IF the digit number Seven & Eight is 00 that mean it was manufactured in original factory which is the best Mobile Quality ...

IF the digit number Seven & Eight is 13 that mean it was Assembly on Azerbaijan which is very Bad quality and very dangerous for health!!!
منقول و الله اعلم

===============Unquote===============

[M.Elsheikh]

نفس موضوع عن امكانية التعرف على بلد الصنع

[egyptianmafia]

750 for N96.....



come on.......N96 is no way can be sold for 750!!!!!!!!!!!!!


remember not all chinese phones are cheap quality...this is the chinese Nokia that is sold outside Egypt....it is good quality in terms of the looks and all.....but it is still chinese


this is probably chinese farz 2awal....lol

[Imhotep]

ال n96 مفيهوش فلاش زينون..... و ده لينك فيه المواصفات الصحيحة للجهاز:
Nokia N96 - Full phone specifications

[sokasoon]

الجهاز ده مضروب 100%

ثانيا مانصحكش تشترى n96 لما فيه من عيوب سواء من البطاريه او السوفت وير

[Hacker5]

شكرا يا رجالة
النهاردة ان شاء الله رايح ابص بصة تانية و اتاكد من الكاميرا و الـويرلس و السيريال نمبر و هاخد منه الكتالوج اقراه براحتى و هابلغكوا على الملاحظات

[AhMeD EzZ]

ممكن عنوان المحل دة يا باشا