الــحـــمد الله - حـــــا د ث

[CryptonX]

الحمد الله

ولله انا حاسس من يوم المقابلة اني حيحصلي حاجة :)

كالعادة .. ماشي في حالي في عباس العقاد .. في ملف ... اديت اشارة علشان اخش يمين وابعد عن الملف .. لقيتلك Golf 2او IBIZA مش فاكر !! حرق ولف على الواسع .. وانا كنت بين الحارتين و ماشي بسرعة شوية .... ضربت كل انواع الفرامل الي عندي .. .لكن الغبي سامع واحد بيفرمل .. مش يدوس بنزين ! لأ .. راح ضارب فرامل هو كمان !

دخلت في جنب / ضهر سيارته .. وبما اني كنت مسرع فعلا ..فحنا الاتنين غلطانين اعتقد .. بس نزلنا قلتله محدش يلف على الواسع كدة ! قالي صح معاك حق .. بس محدش يمشي بسرعة كدة !
المهم طبعا انا دخلت في بوز الشنطة بتاعه ( العضم ) .. فالنتيجة اني انا الي اتبهدلت !

كابوت - اكصدام - شبكة و حتة من الفانوس صغيرة اوي اتشرخت

انا كنت راشش الكبوت اصلا قبل كدة .. ارشة تاني ولله تنفع على البارد ولا ايه ؟
قدر الله وماشاء فعل و الحمد الله اني سليم .

[إسلام شاهين]

الحمد لله وأحمد ربنا إنها جت على قد كده قدر الله وما شاء فعل ألف حمد لله على سلامتك إنت المهم .

[TAG_Turbo0]

قد الله وما شاء فعل
وحمد الله على سلامتك

لو كنت ممعجن الكبوت قبل الرش مششهينفع ترده على البارد
لو كان من غير معجون هينفع

ومتجريش تانى :ctf2:

[badblood]

اولا حمد ع الله السلامه والله السرعه يا جماعه ماليها لازمه خاصه في بلدنا الزحمه دي
يلا قدر الله ما شاء فعل
وانصحك ترش احسن عشان شكل العربيه!!
والف سلامه تاني مره المهم انت العربيه بعون الله مقدور عليها

[Karim_Monir]

فعلا لو ممعجن قبل كدة مش هاينفع بارد
ولو جاية في مكان تحتة عضم مش عاينفع بارد لازم سخن ومعجون
معلش قدر الله وما شاء فعلا
انت مامن صح
لو مش مامن انا تحت امرك في اي نزولة للحرفين

[CryptonX]

شكر يا جماعة .. والله انا عادة مش بجري خالص .. بس امبارح كانت الساعة واحدة .. و نفسي اروح انام .. قلت اهه اسرق شوية وقت :) .. سرقني هو !

شكرا يا كريم .. لأ انا مش مأمن ..بس بصراحة بخاف من بتوع الحرفيين دول .. باخد اسعار زي النار هناك !
لو تعرف واحد كويس واسعاره كويسة توصيلي عليه .. يبقى كتر الف خيرك .

[modux]

لا حول و لا قوة الا بالله

[Karim_Monir]

الامان على الله يا اخي والله

طبعا اعرف بدل الواحد الف
انوي انت بس وقول هاتنزل امتي وقابلني هناك
انا بخلص شغل 5 في ايه بي بي
بكون في الحرفيين 5:30 بالكتير
اي يوم بس قولي قبلها بيوم عشان مشاويري كيتر فببقي مظبط حللي

[Abdallah]

الحمدله على قد كدة يا شيخ وان شاء الله مش هتتكلف كتير والشبكة انا شايف انها ممكن تتلزق والفانوس الى اتشرخ ممكن يتحط عليه سلخة سيلكون شفاف تقوم ميبانش بس لازم يتعالج علشان الفانوس ميتملاش تراب ويبوظ والباقى سهل بمشيئة الله.

[sherif Anton]

حمد الله على سلامتك ... انا كانت عربيتى واخده خبطه اكتر من كده بشويه ... الكبوت اعتقد انه مش هينفع يترد على البارد لأن الخبطه جايه في العضم ... في سمكري ايده تتلف في حرير ;) اسمه محمد سيكا قريب من القصر العيني وده تليفون الورشه بتاعته
0223624538

[CryptonX]

الامان على الله يا اخي والله

طبعا اعرف بدل الواحد الف
انوي انت بس وقول هاتنزل امتي وقابلني هناك
انا بخلص شغل 5 في ايه بي بي
بكون في الحرفيين 5:30 بالكتير
اي يوم بس قولي قبلها بيوم عشان مشاويري كيتر فببقي مظبط حللي

يا استاذ كريم , انا ولله مش عايز اتعبك ., لو تقولي بس على الراجل و ممكن تديلوا تليفون كدة وخلاص.. انا مش عايز اعطلك ... كفاية شغلك والى حاجات الي وراك

---

الله يبشرك بالخير و شكرا للنصيخة يا اخي عبدالله .

[MMamdouh]

قدر الله و ما شاء فعل

MMamdouh

[Sharky]

قدر الله و ماشاء فعل

[Karim_Monir]

لاء يا حبيبي مافيهاش تعب ولا حاجة
شوف بس امتي وهانزل معاك ان شاء الرحمن

[hazem_khidr]

قدر الله و ما شاء فعل
ربناا يسترها معاك يا كريم و الله زعلتني مووت