ممكن حد يفهمني النقطه دي بخصوص بطاريه الموبايل

[محمد البحيري]

كنت عايز اجيب موبايل وكنت مهتم بان بطاريته تقعد اطول فترة ممكنه وانا بقارن من علي موقع gsmarena
بلاقي حاجتين
stand by
talk time
ادور علي ايهما الاعلي؟ ولا ليها حساب تاني
وهل ال talk time بيتحسب من الstand by ولا ملوش علاقه؟
يعني مثلا انهي الاحسن؟
talk time490 and stand by 5
or
talk time 390 and stand by 7

[CryptonX]

على حسب استخدامك , او انت من النوع الي بيجيلك مكلامات كتير و بتتصل كتير , يبقى ركز على الTalktime و خلي بالك ان دي مواصفات المصنع و غالبا بيبقى الفعلي اقل من كدة .

تاني حاجة هي على حسب برده استخدام الموبايل .. يعني بتعد تسمع اغاني راديو بتصور كتير و لا لآ .

Standby time يعني كأنك فتحت الموبايل وسبته من غير ماتلمسه او يجيلك مكالمة واحدة و ده طبعا مش واقعي .

[tarekkasaby]

على حسب استخدامك , او انت من النوع الي بيجيلك مكلامات كتير و بتتصل كتير , يبقى ركز على الTalktime و خلي بالك ان دي مواصفات المصنع و غالبا بيبقى الفعلي اقل من كدة .

تاني حاجة هي على حسب برده استخدام الموبايل .. يعني بتعد تسمع اغاني راديو بتصور كتير و لا لآ .

Standby time يعني كأنك فتحت الموبايل وسبته من غير ماتلمسه او يجيلك مكالمة واحدة و ده طبعا مش واقعي .

+10000000
و كمان ده بيعتمد على جودة الشبكة يعنى لو الشبكة عندك ضعيفة "العادى فى مصر" حتلاقى ان ال Stand time & talk time
اقل من المعدل اللى مكتوب

[Falcon]

يا ترى سعر البطارية الأصلية في التوكيل كام؟؟ نوكيا N70 ـ BL-5C

[hesham_tawfiq]

سعر البطاريه الاصليه فى معارض رايه 200 جنيه بس فيه ناس ببيعوها بخمسه وتمانين بس

[Falcon]

هي نفس الأصلية بالظبط ولا ايه؟؟!!

[hesham_tawfiq]

هى نفس الاصليه بالظبط لان التجار الحراميه بتوع شارع عبد لعزيز بيشيلو البطاريه الاصليه بتاعة التليفون ويحطو واحده مضروبه فى العلبه مع التليفون وبعدين ببيبيعو الاصليه بتمن قليل.
انا عن نفسى شايف ان حرام نشترى البطاريه الاصليه بالتمن دا لاننا كده بنشجع الناس تسرق :roll:

[Falcon]

سؤال أخير إزي تقدر تفرق بين البطارية الأصلية والتقليد؟؟

[amrrashed]

مش هتقدر تفرق لان زى ما انت محترف فى مهنتك فى عندنا ناس محترفة نصب واحتيال .... انا مرة سمعت ان فى واحد بيجيب اله حفر بالكهرباء ويدق ختم made in Japan على اى اجهزة كهربائية وبكده تتأكد انها اصلى مية مية ....

نصيحة منى الجهاز لو البطارية اللى فيه باظت هات اى نوع متوسط السعر

[hesham_tawfiq]

للاسف زى مالاستاذ عمرو قال صعب جدا على غير المهندسين انهم يفرقوا بين الاصلى والتقليد لان حتى العلامه المائيه بتاعة نوكيا ممكن تتضرب بس انا بختلف معاه فى حاجه . البطاريه لو مش اصليه هتبوظ دايرة الباور فى التليفون كلله وتقدر تعرفها بالاستخدام انك لما تشحنها بتسخن اوى لدرجة ان ممكن انواع رديئه تفرقع.
انا رايي ان لو تليفونك جديد وحالته كويسه ومش ناوى تبيعه هاتله بطاريه اصلى من التوكيل وامرك لله.
هما غاليين حبتين بس على الاقل انت ضامن اللى بتشتريه. وعلى فكره البطاريه معليهاش ضمان فى التوكيل لكن لو لا قدر الله حصل حاجه وهى جديده خلال اول اسبوعين بتروح على طول للتوكيل وهما ملزمين يغيروها