حدود الطاعه

[HAWARY]

السلام عليكم ورحمة الله وبركاته

( هذا الموضوع دنيوي اكثر منه موضوع ديني )
احد اصدقائي تعرض للوم شديد والحاد الذي يصل لحد التجريح من مديره في العمل وهذا يرجع لشخصيته السيئه والميري والتكبر وليس لخطأ صديقي وحدث هذا الامر امام الزملاء والطلبه لانه بيشتغل مدرس ثانوي .
الراجل توسم فيا الحكمه والخبرة وطلب مني المشوره يعمل ايه ويتعامل ازاي مع مدير زي ده وايه هي حدود طاعة الموظف لمديره :?:
بيني وبينكم انا اتلخمت لان الموقف ده جديد عليا و ما توقعتش ان تصدر هذه التصرفات من خبير تربوي مع زميل له بهذا التدني في المستوي الاداري , وقلت له اديني فرصه افكر وارد عليك , ممكن تساعدوني في الرد علي الجدع الغلبان ده وياريت بسرعه عشان الحق ارد عليه .
تحياتي
عمر الهواري

[Hossam_Hassan]

يمشى رسمى لو مش هيخاف، يعنى شكوى لمدير المنطقة أو وكيل الوزارة، ان شاء الله يوصلها للوزير بس ما يسكتش خصوصا ان فيه شهود، و لو سكت يبقى يسكت علطول لأن فرعون هيتفرعن زيادة.

[hazem_khidr]

يمشى رسمى لو مش هيخاف، يعنى شكوى لمدير المنطقة أو وكيل الوزارة، ان شاء الله يوصلها للوزير بس ما يسكتش خصوصا ان فيه شهود، و لو سكت يبقى يسكت علطول لأن فرعون هيتفرعن زيادة

+1
دا راجل شغال في حكومه يعني محدش يقدر يفصله من الشغل
يبقي ياخد حقه قانوني.

[وائل عطية]

مش عارف ليه أنا متوقع إن المدرسة دي خاصة ..لو كانت كده فعلاً يبقى صديقك مش هايعرف يعمل حاجة ولابد من " الطاعة العمياء" إذا كان في حاجة للعمل وللدروس الخصوصية التي يقوم بها ..ففي سبيل ذلك سوف ينحني للتيار
أما إن كانت مدرسة حكومية فأستطيع أن أقول لك وبكل اقتناع " يضربه بالجزمة " وهم الاتنين هايتحولوا للتحقيق والاتنين هايتجازوا..بس هايبقى خد حقه ورد اعتباره، هذا على اعتبار أنه تم امتهان كرامته، أما إن كان الموضوع يدور في فلك التوجيهات الإدارية الاعتيادية فأرى أنها تمر وهى تحدث في كل مجتمع وظيفي..
وفي النهاية وعلى أي وضع ينبغي ألا يُفرط في كرامته، ولتكن له وقفه صلبة ورزقه على الله

[ahmed_gamal]

انا اعتقد ان الغلطة كلها غلطة صديقك اكيد هو سكت علي تصرفاته كذا مره لحد ما وصلت للاهانة شكله طيب و الطيبة ماتنفعش في الزمن اللي احنا فيه ده انا من راي انه يهدده انه يشتكيه للوزارة ويشوف هيتغير معاه ولا لا لو ماتغيرش ينفذ علي طول

[MTAK]

وعلى أي وضع ينبغي ألا يُفرط في كرامته، ولتكن له وقفه صلبة ورزقه على الله

نعم الرأى السديد ;) ;) ;)

و ليصبر و يحتسب