انا عايز اعرف مكان اخد منة دورة الicdl

[الغزالى]

وحضرتك كنت بتروح تدرس فى مصر الجديدة زى ما الست قالنلىويارت لو كمان اسلوب الدراسة والجودة وكدة وكام واحد بيكون فى الكورس معاك وكدة يعنى اقصد ما يكنش العديد كبير يعنى

[محمد محمد]

راجعوا الموضوع ده في تجربتي في كورس icdl .
ارجو المساعدة في كورس الicdl
واي استفسار انا تحت امركوا.

[bishoy02010]

ممكن تسأل فى InfoGet فى روكسى وديه ارقامهم
26907422
24184741
26907423
24184741
0105573220
0169838483

وقلهم Exam Only :)وشوف لسة المنحة شغالة ولا خلصت

[الغزالى]

يعنى دلوقتى من كلام الاخوة الاعضاء اجتمعو على 3 مراكز هما yat,الجهاز المركزى ,info get طيب انهى بئى احسن و اجمد واحد فيهم و الكورس هايعمل كام فى كل واحد وتكون الشهادة un

[محمد محمد]

يعنى دلوقتى من كلام الاخوة الاعضاء اجتمعو على 3 مراكز هما yat,الجهاز المركزى ,info get طيب انهى بئى احسن و اجمد واحد فيهم و الكورس هايعمل كام فى كل واحد وتكون الشهادة un

الجهاز المركزي افضلهم ثم معهد نظم المعلومات اللى في مدينة نصر التابع للقوات المسلحة وفيه معهد اخر في النزهة بس دايما مزدحم.
فيه بعض الملاحظات لازم نعرفها:
-مادام هتاخد الكورس علي حسابك(private) بتبقي الشهادة un سواء في الجهاز المركزي او في معهد القوات المسلحة الشهادة الegy بتبقي للناس اللى واخدين الكورس منحة.
-لايوجد منحة للطلبة والعاملين بالقطاع الحكومي يعني طلبة المدارس تدربهم وزارة التربية والتعليم وطلبة الجامعة تدربهم وزارة التعليم العالي والموظفين تدربهم وزارة التنمية الأدارية.
-قيمة التدريب فقط بتبقي المفروض في حدود 200 جنيه.
-قيمة بطاقة التسجيل(skills card )سواء في الجهاز المركزي او معهد نظم المعلومات ب140 جنيه.
-قيمة الأمتحان في الجهاز المركزي ب25 جنيه لو شاري بطاقة التسجيل من عندهم وب30ج لو شاريها من برة علما بأنه يجب ان تمتحن مادة او اثنين من نفس المكان الذي اشتريت منه بطاقة التسجيل وباقي الأمتحانات يمكن ان تمتحنها في اي مكان اخر معتمد.
-لايوجد هذه الأيام امتحانات سارية في الجهاز المركزي وعندما ذهبت منذ حوالى اسبوعين قالوا لي لازم تكون حاجز ومافيش حجز دلوقتي واتصل بنا يوم15/10 (المفروض النهاردة)اسأل ان كان فيه حجز ولا لأ وبرده رحت معهد النظم يوم الثلاثاء الماضي قالولي (ده المكان اللى انا اشتريت منه بطاقة التسجيل)بعد 10 ايام مع انه قبليها بأسبوعين قالولي برده بعد 10 ايام ومشكلة المواعيد دي بسبب زيادة الطلب للحصول علي الشهادة
-ينصح بالأبتعاد عن المراكز الخاصة خاصة في موضوع شراء بطاقة التسجيل والأمتحانات لأنهم فنانون في المماطلة ويكتفي بالتدريب فقط.

[الغزالى]

طيب ممكن يا استاذ وليد تفاصيل اكتر عن جهازالمركزى دى

[الغزالى]

[QUOTE=ابو الوليد المصرى;3872056747]ادخل علي الروابط دي
مركز التدريب بالعباسية
أتصل بمركز التدريب[/QUOTE

متشكرين اوى يا استاذ ابو الوليد

[R A N A]

ياجماعة المنحة دي مجاااااااانية والمفروض انها للطلبة وللموظفين ولأي بني ادم عايز ياخدها طالما تنطبق عليه شروطهم.
اخويا قدم في مركز Synergy اللي في مصر الجديدة واخدها من هناك وبيقول الكورس كويس
هو دفع 200 جنيه تأمين واخدهم بعد ماخلص الكورس والامتحانات بإسبوعين بالظبط يعني المنحة دي مجانية تماما ومدفعش اي فلوس عشان الامتحانات ولا اشتري Skill Card ولا حاجة والامتحان كان في معهد نظم المعلومات اللي في مدينة نصر وهو حاليا مستني الشهادة بس معرفش بقي هاتبقي Un ولا Eg؟
انا عن نفسي كنت قدمت من اكتر من سنة على الموقع بتاع الوزارة وسجلت في مركز اسمه Axon بس طلع مركز زبالة لإني اجلت الموضوع شوية ولما ظروفي سمحت رجعت اكلمهم قالولي المنحة موقوفة طب امتي هاتتفتح قالو بعد شهرين وهكذا كل مرة نفس الكلام (حسبي الله ونعم الوكيل فيهم) لحد مافي الاخر قلتلهم طب انا عايزة انقل نفسي في مركز تاني لإن صحابي قدموا بعدي واخدوها قالولي اتصلي بالوزارة بقي (لإن للأسف الرقم القومي بتاعي متسجل على مركزهم هما ومينفعش اخدها في مركز تاني الا لما الوزارة توافق الأول ) المهم قالولي دي مش مشكلتنا احنا واتكلموا بإسلوب زبالة اصلا وقررت اشتكيهم بقي ماهو مش معقول أفضل مستنية اكتر من سنة ولسة مش عارفة اخدها .
المهم بعد محاورات كتيرة مع موظفين الوزارة اللذاذ جدااااااااااا واللي نادرا لما بيردوا على تليفونات الوزارة واللي غلبوني وطلعوا عيني على ماوصلت ليهم ، بعتلهم شكوي على الاميل وطلبت انقل نفسي لمركز تاني وقررت اخدها في Synergy لإن اخويا شكر فيهم وكمان انا أصلا مش محتاجة الكورس اوي لإني اصلا واخدة كورسات مشابه وحافظة كل برامج ال ICDL وبشتغل بيهامن كذا سنة يعني ممكن ادرسها للطلبة كمان بس كنت عايزة شهادة وبس مش اكتر تتضم للـ C.V. بتاعي وخلاص.
وانا حاليا في انتظار نقلي لمركز Synergy.

عموماً في مراكز كتيرة بتدي المنحة دي لو حضرتك تحب تاخدها مجاناً اسامي المركز كلها علي الموقع بتاع وزارة الاتصالات .

[محمد محمد]

ياجماعة المنحة دي مجاااااااانية والمفروض انها للطلبة وللموظفين ولأي بني ادم عايز ياخدها طالما تنطبق عليه شروطهم.
اخويا قدم في مركز Synergy اللي في مصر الجديدة واخدها من هناك وبيقول الكورس كويس
هو دفع 200 جنيه تأمين واخدهم بعد ماخلص الكورس والامتحانات بإسبوعين بالظبط يعني المنحة دي مجانية تماما ومدفعش اي فلوس عشان الامتحانات ولا اشتري Skill Card ولا حاجة والامتحان كان في معهد نظم المعلومات اللي في مدينة نصر وهو حاليا مستني الشهادة بس معرفش بقي هاتبقي Un ولا Eg؟
انا عن نفسي كنت قدمت من اكتر من سنة على الموقع بتاع الوزارة وسجلت في مركز اسمه Axon بس طلع مركز زبالة لإني اجلت الموضوع شوية ولما ظروفي سمحت رجعت اكلمهم قالولي المنحة موقوفة طب امتي هاتتفتح قالو بعد شهرين وهكذا كل مرة نفس الكلام (حسبي الله ونعم الوكيل فيهم) لحد مافي الاخر قلتلهم طب انا عايزة انقل نفسي في مركز تاني لإن صحابي قدموا بعدي واخدوها قالولي اتصلي بالوزارة بقي (لإن للأسف الرقم القومي بتاعي متسجل على مركزهم هما ومينفعش اخدها في مركز تاني الا لما الوزارة توافق الأول ) المهم قالولي دي مش مشكلتنا احنا واتكلموا بإسلوب زبالة اصلا وقررت اشتكيهم بقي ماهو مش معقول أفضل مستنية اكتر من سنة ولسة مش عارفة اخدها .
المهم بعد محاورات كتيرة مع موظفين الوزارة اللذاذ جدااااااااااا واللي نادرا لما بيردوا على تليفونات الوزارة واللي غلبوني وطلعوا عيني على ماوصلت ليهم ، بعتلهم شكوي على الاميل وطلبت انقل نفسي لمركز تاني وقررت اخدها في Synergy لإن اخويا شكر فيهم وكمان انا أصلا مش محتاجة الكورس اوي لإني اصلا واخدة كورسات مشابه وحافظة كل برامج ال ICDL وبشتغل بيهامن كذا سنة يعني ممكن ادرسها للطلبة كمان بس كنت عايزة شهادة وبس مش اكتر تتضم للـ C.V. بتاعي وخلاص.
وانا حاليا في انتظار نقلي لمركز Synergy.

عموماً في مراكز كتيرة بتدي المنحة دي لو حضرتك تحب تاخدها مجاناً اسامي المركز كلها علي الموقع بتاع وزارة الاتصالات .

يا استاذة رنا انا كنت فعلا كنت بخدها منحة وكنت دافع ال200ج وماشي عادي لغاية ثاني اسبوع في الكورس نزل بعد كد قرار علي اول شهر 7 مش فاكر بالظبط ان المنحة اتلغت للطلبة والموظفين بالقطاع الحكومي والمنحة بقت للخريجين و موظفي القطاع الخاص وفيه ناس اعرفهم كانوا مقدمين قبلي بحوالي شهر ومن حظهم انهم خدوها منحة وحضرتك ادخلي دلوقتي اي مركز تدريب icdl سواء خاص او حكومي هتلاقي الشروط الجديدة متعلقة.
وراجعي موضوعي ده ارجو المساعدة في كورس الicdl
بالنسبة لشهادة اخوكي بدال منحة بتيجي egy الخاصة هي اللى بتيجي un وماتفرقش كتير.
بالنسبة للتحويل انا برضه قدمت في مكان غلط وماكنش ينفع اعدل في الأستمارة الحل(لو كان ينفع ليكي المنحة) انك تروحي للمكان اللى انت عايزة تتدربي فيه وتقدمي فيه وهم بيحولولك بطريقتهم.

[الغزالى]

يعنى خلاصة القول كدة انى لازم اخدها فى مركز خاص برة عشان الشهادة تكون un طيب لو كدة معلش حد عندو فكرة هاتتكلف فى حدود كام الكورس كامل بالشهادة بالمتحانات

[محمد محمد]

يعنى خلاصة القول كدة انى لازم اخدها فى مركز خاص برة عشان الشهادة تكون un طيب لو كدة معلش حد عندو فكرة هاتتكلف فى حدود كام الكورس كامل بالشهادة بالمتحانات

وممكن برده في الجهاز المركزي والقوات المسلحة انا كنت باخدها ف مركز خاص طلعوا عيني علشان يجوبولي بطاقة التسجيل ومجابوهاش كنت دافع الفلوس من 24/7 لغاية 30/9 مجابوش حاجة ةطلبت استرداد الفلوس قالولي هاتخدها25/10 رحت جبتها تاني يوم من المعهد اللى في مدينة نصر دفعت فلوسها واخدتها وانا واقف علشان كده انا لا انصح حد انه ياخدها في مركز خاص انا كنت باخدها في مركز اسمه مصر اكاديمي بيقولوا انهم تبع IBM ممكن تتدرب بس في مركز خاص لكن امتحانات وشراء skills card هاتها من برة ودي تجربتي مع مركز تدريب باعتبره نصاب مع ان الوزارة منزلاه ضمن المراكز المعتمدة لتقديم المنحة انا لما حكيت للراجل اللى في الجهاز المركزي علي اللى حصللى استغرب جداوقالى انت لو كنت جيت امبارح عندي الصبح كنت لقيتها وهاجيب تاني كمان اسبوع.
بالنسبة للتكلفة الحد الأقصي ليها 550 جنيه بسبب اختلاف اسعار الأمتحانات في كل مركز تدريب يعني فيه ب25ج وفيه30ج.

[الغزالى]

وممكن برده في الجهاز المركزي والقوات المسلحة انا كنت باخدها ف مركز خاص طلعوا عيني علشان يجوبولي بطاقة التسجيل ومجابوهاش كنت دافع الفلوس من 24/7 لغاية 30/9 مجابوش حاجة ةطلبت استرداد الفلوس قالولي هاتخدها25/10 رحت جبتها تاني يوم من المعهد اللى في مدينة نصر دفعت فلوسها واخدتها وانا واقف علشان كده انا لا انصح حد انه ياخدها في مركز خاص انا كنت باخدها في مركز اسمه مصر اكاديمي بيقولوا انهم تبع IBM ممكن تتدرب بس في مركز خاص لكن امتحانات وشراء skills card هاتها من برة ودي تجربتي مع مركز تدريب باعتبره نصاب مع ان الوزارة منزلاه ضمن المراكز المعتمدة لتقديم المنحة انا لما حكيت للراجل اللى في الجهاز المركزي علي اللى حصللى استغرب جداوقالى انت لو كنت جيت امبارح عندي الصبح كنت لقيتها وهاجيب تاني كمان اسبوع.
بالنسبة للتكلفة الحد الأقصي ليها 550 جنيه بسبب اختلاف اسعار الأمتحانات في كل مركز تدريب يعني فيه ب25ج وفيه30ج.

خلاص ان شاء الله كدة لو فى نصيب اكلم بتوع لجهاز المركزى واخدها هناك
ومتشكرين تانى يا استاذ وليد على تعبك معايا

[محمد محمد]

خلاص ان شاء الله كدة لو فى نصيب اكلم بتوع لجهاز المركزى واخدها هناك
ومتشكرين تانى يا استاذ وليد على تعبك معايا

تاااني بتقولي استاذ وليد.
الشكر لله لو لقيت ان هم هيأخروك في التدريب اتدرب برة عادي لكن احجز ميعاد للأمتحان واشتري بطاقة التسجيل من عندهم انا المفروض برده اني امتحن الأسبوع الجاي او بعد 10 ايام اول امتحان.

[الغزالى]

تاااني بتقولي استاذ وليد.
الشكر لله لو لقيت ان هم هيأخروك في التدريب اتدرب برة عادي لكن احجز ميعاد للأمتحان واشتري بطاقة التسجيل من عندهم انا المفروض برده اني امتحن الأسبوع الجاي او بعد 10 ايام اول امتحان.

اوك تشكر يا استاذ وليد

[Miss_Pharma]

انا خدتها شهر 12 اللي فات .. من سنة تقريبا ..
اللي حصل اني جالي لينك على الفيس بوك منحة تبع كليتي الصيدلة .. وانا كنت ساعتها خريجة ..
المهم نفع و قدمت فيها كانت في مركز في الدقي ..
دفعت ال 200 جنيه التأمين .. وحضرت الكورسات ..
بس كانت المشكلة في الامتحان انه مواعيده بعيدة جدا لبتوع المنحة .. وانا كنت مستعجلة عشان مسافرة ..
رحت مركز نظم المعلومات في مدينة نصر .. بصراحة نضيف جداااااا وممتاز وزي الفل ..برايفت وماليش دعوة بقى بالمنحة ولا هما ليهم دعوة طلعت من عندهم skill car ب 140 جنيه وكانت UN ( يعني المنحة بح خلاص .. وال200 اللي دفعتهم تأمين كأني خدت بيهم كورسات )
وامتحنت .. تقريبا على ما اتذكر الامتحان كان ب 25 جنيه ..
بحد اقصى 3 امتحانات في اليوم .. وامتحانتهم كانت يومين او 3 في الاسبوع ..
المهم انا كنت مزنوقة جدا عشان السفر ..امتحنت يومها 3 مواد في يوم واحد ..وخدت الskill card ورحت على المركز اللي في العباسية .. حجزت عندهم 3 امتحانات تانين بس تاني يوم ( ممنوع اكتر من 3 مواد في يوم واحد حتى لو من اماكن مختلفة ) .
وخلصت الامتحانات في 3 ايام :)
وطبعا في الاخر لازم الskill card ترجع بيها للمكان اللي طلعتها منه (مركز نظم المعلومات ) عشان تستلم الشهادة من هناك .. واسلمتها بعد 5 شهور .
بس طبعا فرق كبير بين مركز نظم المعلومات وبين العباسية في النظافة واجهزة الكمبيوتر والمكان .. خصوصا ان نظم المعلومات تبع الجيش ومنظمين جدا ومفيش قلق يعني ..
كده انا دفعت ال 140 skill card + الامتحانات175 وال 200 بتوع المنحة كاني خدت بيهم الكورسات ..

وعلى فكرة الموضوع مش محتاج كورسات خااااالص ..
يعني لو عندك نماذج امتحانات هي هي بتتكرر ..
ويبقى التكلفة هي ال skill card والامتحانات ..
انا عندي نماذج امتحانات لكل المواد لو تحبوا ارفعهالكم ..
والامتحانات سهلة جدا .. جبت فيهم كلهم 97 % والوورد 100 %