ــ((( عجبتُ لأمرك !! )))ـــــ

[totaa]

عجبتُ لأمرك .........!!!!

كم قلب تمتلك بين ضلوعك ....؟؟

حتى تحب هذه ــ وتفارق تلك ـــ وتعشق أخرى

هل قلبك مثل قلبي .....؟؟؟

ينبض ــ يرتجف ـــ يئن ويشتاق ّ!!؟

فلم لا أحبُ غيرك .......؟؟

ولا أخلص إلا لك ..؟ ولا أرى سواك ...؟

تستعذب كلمات الحب من كل إمرأة

وانا لا أريدها إلا منك

أتوارى عن عيون كل الرجال

وأنت تجد نفسك في عيون كل النساااااااااااء

أحبك بقلبي كله .. وأنت تحبني بنصف قلب

ونصف عقل وبقايا رجل مهزوم

هيهات أن أجد بين يديك بُغيتي

يا من عصفت بكل اشواقي

ونثرت آهاتي على أطلال ذكرياتك مع إمرأة غيري

تريدني .. اسيرتك ــ مليكتك . ؟

.تريدني لك بكل كياني وقلبي..؟

لكنك سيدي وحبيبي والحاكم بأمرك في مملكتي .

فكيف أعطيك ثقتي وكامل حريتك

وتغتصب أنت حريتي ؟

وتقيدني بأغلال غيرتك وكبرياءك ...؟

أعتزل كل رجال العالم لأبحر في عينيك .

.وأرسو على شاطئك فأين مرساك أنت ......؟؟؟؟

وأنت مازلت تنتقل من إمرأة لأخرى

وتعود لي عندما ينقطع بك السبيل

فقط وقتها تشق ستائر وحدتي وظلمة ليلي

وتقف باكيا ماذا تنتظر مني عندها .؟

وأنا أرى كبرياء رجل يتحطم أمام أنوثتي

لم أعتاد أن أرى عيناك باكية ولم أحتمل ضعفك يوما

فأنهار أنا الأخرى أمام شوقي وضعفي وما أراهُ منك .

وحينما يتبدل الغيم ويصفو الزمان ...

أراك تهيم من جديد وتتأهب للرحيل ..تاركا لي

قلبا مجروح ـــ وعذابات روح

وكبرياء عاجز لا يبوح

ولكن إحذر ..!! من اعترافات إمرأة مكسورة

محطمة الكبرياء

ينزف قلبها أمام غدرك وقسوتك

سيأتي يوم .. تجد سراجي قد إنطفأ وليلي باااااارد

وقلب صلد لا يلين ..ولا يغفر خطاياك ــ ولن يضعف

أمام بكاااااااااااءك ولن يحطمه كبريااااااااااءك

حقا عجبتُ لأمرك يااااااااارجل ....!!!

للجميع منى خالص التحايا وارق الاماني

[Haytham1212]

تصدقى جيتى على بالى من كام يوم كدا

قولت انتى روحتى فين
وابداعاتك راحت فين
بس انتى رجعتى تانى
باقوى واقوى

شكرا يا توتا القمر

[E30power]

رغم انى مش من هواة الشعر اوى بس مشكوووورة على روحك الجملية فى المشاركة وتسلم الايادى :

[nabaster]

اهلا يا توتا

وحشتنا طلتك

انا كان ليا تعليق علي القصيده اسمحيلي اقوله

بطلي القصيده بتاعتك واضح جدا حبهم لبعض بس مفتقدين اهم معني من معاني الحب

حبهم مفتقد الاخلااااااااااااص

الاخلاص في الحب من اهم معاني الحب

علشان ميبقاش الاحتياج لشريك الحياه احتياج لحظي مؤقت

وطبعا مش هنسي اقولك احييكي علي رقة كلماتك وحسن اختيارك ليها

A.Yakout

[totaa]

تصدقى جيتى على بالى من كام يوم كدا

قولت انتى روحتى فين
وابداعاتك راحت فين
بس انتى رجعتى تانى
باقوى واقوى

شكرا يا توتا القمر

ميرسي هيثم .. أنا موجودة بس بعمل بنصيحة الناس وبدور على افكار جديدة
لا تملها أعينهم وتكون متوافقة مع احساسي ..بشكرك جدا على كلامك ورايك
لك خالص المنى وفائق احترامي

[totaa]

رغم انى مش من هواة الشعر اوى بس مشكوووورة على روحك الجملية فى المشاركة وتسلم الايادى :

ميرسي يا أحمد .. انا بشكرك على مرورك ومن حسن حظى يكون ذلك المرور
على متواضع ما كتبت ولقى استحسانك .. لك خالص تحيتي وفائق احترامي

[totaa]

اهلا يا توتا

وحشتنا طلتك

انا كان ليا تعليق علي القصيده اسمحيلي اقوله

بطلي القصيده بتاعتك واضح جدا حبهم لبعض بس مفتقدين اهم معني من معاني الحب

حبهم مفتقد الاخلااااااااااااص

الاخلاص في الحب من اهم معاني الحب

علشان ميبقاش الاحتياج لشريك الحياه احتياج لحظي مؤقت

وطبعا مش هنسي اقولك احييكي علي رقة كلماتك وحسن اختيارك ليها

A.Yakout

أهلا بيك يا أحمد ..ميرسي لدوام مرورك ورقة كلماتك وأكيد سعيدة لسماع نقدك ورايك ..بالنسبة لموضوع الاخلاص ده هو مفروض يكون فيه لكن بنسب متفاوتة
وبيختلف من شخص لشخص وبيكون له اسبابه ومبرارته مثل الحب والثقة والاحساس بالامان والطمأنينة مع من تحب ولكن هقولك حاجة فيه ناس زى القطط
ودول كتير هههههههه ربنا يحلينا جميعا بتاج الاخلاص لكل من تحبهم قلوبنا وعيوننا
تقبل فائق احترامي وخالص التحايا وارقها

[totaa]

الخواطر هي مشاعر تتدفق تعبر بكل الصدق عن احساس
قائلها سواء تلك الحالة كانت تخصه أو قرأ عنها أو تأثر بها من غيره ...ولكن هى فى النهاية شفرة خاصة لنبضات قلوب تئن
وتبتسم وتحب وتنجرخ وتقاوم وتنصاع لمفردات الحياة التي نعيشها .. فتلك بكل تواضع خواطري اليكم ...ميرسي لمروركم

[totaa]

مين بقي يفهم ويترجم دي ؟؟؟
▼


هههههههههههههههههههه أوك نابستر ههههههههههههههههههه

دي تبقى بشفرة موريس nilemotors
توقيع مميز ...أى خدمة

[abdo_general]

جميلة يا توتا
وعلي فكرة كنت قريت علي مدونتك وعجبتني
حاجات كتير خصوصا
سيدة هذا المساء
جميلة جدا

[Ahmed_Gadalah]

بجد حلوه :b4_388:

[totaa]

جميلة يا توتا

وعلي فكرة كنت قريت علي مدونتك وعجبتني
حاجات كتير خصوصا
سيدة هذا المساء
جميلة جدا

أنرتَ متصفحى وشرفت بزيارتك مدونتي ..ميرسي لك ولكلماتك الرقيقة
تقبل فائق احترامي وخالص التحايا

[totaa]

بجد حلوه :b4_388:

سرنى وجودك ومرورك على متواضع كلماتى ..ميرسي ليك
تقبل خالص التحايا وارقها

[AshTurbo]

معلش أنا مش متابع من الأول بس لو هو دة كلامك وشعرك وخواطرك يبقى برافو وعجبني الكلام وحسيته بسرعة بس مش عارف ليه مش بكمل كل مرة للآخر مش شعرك أنتى بس لا والله العفو دة مع كله نفس الحكاية أقرأ شوية في الأول وخلاص لو في حل لمشكلتي أكون ممنون يمكن الدنيا اللي بقينا فيها ونمطها هو اللي خلانا كدة الله أعلم عموماً شكراً لمجهودك وأنشاء الله أوعدك أقرأ أكثر المرة الجاية .

[totaa]

معلش أنا مش متابع من الأول بس لو هو دة كلامك وشعرك وخواطرك يبقى برافو وعجبني الكلام وحسيته بسرعة بس مش عارف ليه مش بكمل كل مرة للآخر مش شعرك أنتى بس لا والله العفو دة مع كله نفس الحكاية أقرأ شوية في الأول وخلاص لو في حل لمشكلتي أكون ممنون يمكن الدنيا اللي بقينا فيها ونمطها هو اللي خلانا كدة الله أعلم عموماً شكراً لمجهودك وأنشاء الله أوعدك أقرأ أكثر المرة الجاية .

مجرد تواجدك هنا فى حد ذاته مكسب لي ..وميرسي على كلماتك الرقيقة جدا
لكن أحب أن أنوه الى شىء وهو إن مش كل انسان بيكون عنده الصبر على الشعر
أى قراءته الا اذا توافق مع حالة معينة أو احساس معين بيمر بيه ودون ذلك فبيمر
عليه مرور الكرام من باب ارضاء الذات وانه مازال وسط هذا الضجيج وتلك السرعة
يستمع أو يقرأ لبعض الابيات ..........حالة عامة تصيب الجميع ولست وحدك
تقبل منى فائق الاحترام وخالص التحايا