ممكن حد يقولى اتصرف ازاى فى الموقف دة قبل ما اعمل مصيبة

[الغزالى]

حلو الحل ده

ومن راى انك لازم تقوله

معلش انا اختلف مع حضراتك انت واستاذ سعد فى الحتة
انت ساعتها ما تعرفش ردة ممكن يكون اية ممكن يكون طيب غلبان ولكن فى موقف زى دة تلاقية قلب صعيدى (مع الاعتذار للصاعيدة طبعا انا مش قصدى اهانة خالص )وممكن يروح اختة ويقلها وهى تقولو دة بيكدب او دة كان اخو واحد زمليتى بيوصلنى مثلا او اى حجة من بتوع البنات ساعتها ها يكون شكلة مش ها يعرف يرفع وشة فى وش صاحبة دى تانى ولا حضرتك شايف اية

[A.Gameil]

أنا شايف إنك تتأكد الأول تمام التأكد موش كفايه إنك تعرف أفراد عائلتها علشان تتأكد ممكن برده ميكونش من أفراد العائله ويكون ماشي معاها صدفه لسبب معين غير معلوم ليك , ممكن يكون الموضوع ده صعب عليك بس حاول ولو متأكد أنا رآيي تقول لأمها وبلاش صحبك لأن أغلبية الرجال بيكون المواقف دي صعبه عليهم حتي لو كنت صاحبه من 20 سنه وتفهم أمها إنك مقولتش لصحبك للسبب ده وتقولها هيا كمان تتأكد بطريقتها , بس متتوقعش منها أنها هتقولك آمين , ممكن تقولك موش ممكن ده يحصل , بس بردو من داخلها هتأخذ كلامك بمحمل الجديه وهتحل الموضوع إن شاء الله ومن الجانب الأخر هتكون أنت عملت اللي عليك ورضيت ضميرك.
وربنا يجازيك كل الخير يا باشا

[bmw323]

طيب ولية مأخدتش موقف فى وقتها وسالتها مين دا بحكم أنها أخت صديق قريب منك وبتعتبرها زى أختك ودى مفيهاش أى حاجة
أنا رأى أنك تكلم حد يكون موثوق فية فى عيلتهم بس أصل مهما يكون صاحبك طيب وهادى تخيل انتا واحد جاى بيقولك كدة عن أختك مستحيل هيكون رد فعلك هادى وطبيعى أكيد هتقلب الدنيا
وربنا يجزيك خير أن شاء الله

[SHNORY]

المواضيع دي محتاجه حرفيه عاليه جدا في التعامل يا باشا
حنفترض حسن نيه البني ادم اللي مرتبطه بيه وانت شوفته ماشي معاها

يبقي المفروض انك تكلمها وتخليها تقابلك بيه وشوف نظامه ايه لقيته محترم وابن ناس وعلي استعداد للارتباط الرسمي بيها يبقي تضغط عليها علشان هي تفتح الموضوع قدام اخوها
لقيته شاب بيتسلي بيها يبقي تقول لاخوها وتحكيله اللي انت عملته وانك قابلته
وتخليهم يقنعوها براحه انها تبعد عنه
لان مفيش حد يقدر يخليها تبطل تعرفه بالعافيه خصوصا لو كانت بتحبه
بس يا تري نوع مشيهم كان عامل ازاي ؟؟؟
زي اتنين مرتبطين ؟؟
ولا اتنين ماشيين جنب بعض ؟
لانه ممكن يكون زميلها وبيوصلها مثلا ودا برضه مرفوض
اعمل الخطوات دي الاول وبعد كده نكمل كلام

[Mohamed.Ramah]

اولا لازم تقعد مع الاهل وتفهمهم وممكن الام لوحدها وتشرحلها وابعد عن اخوها لانوا ممكن يتخانق او تحصل مشكلة ويجرالوا حاجة لا قد الله وتلوم نفسك انك قولتلو وكمان علشان متحصلش مشكلة بينة وبين اختة طبعا فى كلا الحالتين البنت حتعرف انك قولتلهم ففهم اللى حتكلمة انك تبعد الموضوع عنك خالص ويقولولها اخوكى شافك مع واحد وهو مع صحابة مين دة ويفهموا الموضوع وهما يتصرفوا بقا معاها وربنا يقدرك على فعل الصح

[pro_samir]

انت ممكن تقوله بطريقة سياسية
يعنى تقوله انا فيه حد من العائلة عندكم شكله كذا شفته مع اختك ده يبقى مين قريب من بعيد ولا حاجة
هوة كدة ليه فرصة انه يطلع من المشكلة قدامك ويكون شكله كويس ويقول انه واحد قريبه من بعيد مثلا وياخد اجراء مع اخته برده

وبعدين
نصيحة
ما تسيبش صاحبك طيب كدة ووعيه شوية مش فى الموضوع ده
لا فى الحياة كلها
امال ايه فايدة الاصحاب

+1111111111

باختصار إعمل عبيط (سوري في اللفظ)

يعني اتكلم بطريقة كأنك مش في دماغك انها ماشية مع حد وانك فاكرة واحد قريبهم ، قولة اية يابني الأشكال دي اول مرة اعرف ان ليك قرايب مش عارف إية هيقولك قريبي مين قولة اللي كان مع اختك .. أو بأي طريقة تشبة كدة .. لو هوا اتحرج ومحبش يتكلم هيسايسك في الكلام وبعدين يبقي يتفاهم معاها .. لكن لو خد الموضوع بجد وتقبل الكلام منك هيستفسر منك أكتر وبعدين يتصرف .. وفي الحالتين دة المطلوب

أهم حاجة تظهر قدامة عبيط جدا ومش في دماغك انة دة حد ماشي مع اختة أو كدة علشان ميبقاش محرج وانت كمان متبقاش في موقف اللي بيقول لصاحبة حاجة بايخة علي اختة

والحل التاني انك تبلغ والدتك وهيا تكلم والدتها من سكات ومتجيبش سيرتك فى الموضوع

[نور القمر]

عندي سؤال اولا البنت سنها اد ايه ؟؟
لو صغيرة في سن المراهقة يبقه واجب عليك تجاه اسرة تعتبرهم كأهلك انك تحذرهم
مدام تعرف العيلة كلها
يبقه تقول لوالدتها افضل
الناس الكبار بيتصرفوا بعقلانية اكتر من الشباب الصغير


بالنسبة للي نصحوك بعدم التدخل
خليك مكان صديقه ولك اخت صغيره في سن المراهقة ايه موقفك لو عرفت فيما بعد ان اعز اصدقائك كان عارف ومخدش اي خطوة ايجابية !!!!

انت بتعمل شيء لوجه الله وبحسن نية اذن توكل على الله مهما كانت النتائج
ومن رأيي بلاش كلام مع البنت او الولد نهائي خصوصا انك بتقول شكله بيئة
والاشكال دي انت متقدرش تعرف ردة فعله هيكون ايه وممكن يضر البنت عنداً فيك
خلي كلامك مع الام فقط مع التوضيح للام انك خبيت على ابنها عشان ميتصرفش بتهور مع اخته

[zaza_lanos]

حق الصداقة انك تقوله قبل متحصل مصيبة ويبقى كان فى ايدك تساعد فى حلها

[elpasha009]

مكرر

[Dr_Smart]

هو فيه اقتراح تاني بس مش عارف متاح ولا لا

لو ليك اخت اكبر من اخته ويكون بينهم اتصال ممكن تقولها وهي تكلمها توعيها وتعرف ايه الحكايه

لو ده مش متاح ... يبقى رأيي انك تكلمها انت من غير ماتلفت نظر اخوها وتعرفها ان كده غلط وانك خايف عليها والولد ده ممكن يكون مش كويس وبيضحك عليها ... لو قالت انهم ناويين عالارتباط قولها يبقى لازم تقولي لمامتك واخوكي واللي ناوي عالارتباط لازم يدخل البيت من بابه او عالاقل يقابل اخوها وتكون معاهم وتتكلمو معاه تشوفو هو ناوي على ايه بالظبط

بس الكلام ده لو كانت البنت كبيره وناضجه اما لو كانت مراهقه في سن المدرسه يبقى انا اتفق مع الاخت نور القمر في رأيها انك تقول لوالدتها

وربنا يوفقك يا اخي ويسترها معاك

[gebreel]

عندي سؤال اولا البنت سنها اد ايه ؟؟
لو صغيرة في سن المراهقة يبقه واجب عليك تجاه اسرة تعتبرهم كأهلك انك تحذرهم
مدام تعرف العيلة كلها
يبقه تقول لوالدتها افضل
الناس الكبار بيتصرفوا بعقلانية اكتر من الشباب الصغير


بالنسبة للي نصحوك بعدم التدخل
خليك مكان صديقه ولك اخت صغيره في سن المراهقة ايه موقفك لو عرفت فيما بعد ان اعز اصدقائك كان عارف ومخدش اي خطوة ايجابية !!!!

انت بتعمل شيء لوجه الله وبحسن نية اذن توكل على الله مهما كانت النتائج
ومن رأيي بلاش كلام مع البنت او الولد نهائي خصوصا انك بتقول شكله بيئة
والاشكال دي انت متقدرش تعرف ردة فعله هيكون ايه وممكن يضر البنت عنداً فيك
خلي كلامك مع الام فقط مع التوضيح للام انك خبيت على ابنها عشان ميتصرفش بتهور مع اخته

+11111111111111111111111
تمااااااااااااام كدة يا نور
لازم تتصرف اعتبرها اختك اللي كانت في الموقف ده

[هيثم]

انا مريت بنفس التجربه من اكتر من عشر سنين تقريبا .......
فوجئت ان احد اصدقائى بيقولى ان عرف ان اخت صديقنا التالت تعرف واحد و ان
الواحد ده واد .......... و الى اخره وبياخد رايي نتصرف ازاى فى الموقف ده
وبعد تفكير قصير قررنا اننا نقول على الموضوع زى ما عرفنا بدون اضافه
او نقصان وطبعا كان فى احتمالات ان علاقتنا بصاحبنا التالت تتاثر
او انه ميصدقش اصلا
بس المدهش ان الموقف ده ما غيرش علاقتنا كاصدقاء حتى الان

[محمد محمد]

+1111111111


والحل التاني انك تبلغ والدتك وهيا تكلم والدتها من سكات ومتجيبش سيرتك فى الموضوع

بالنسبة للي نصحوك بعدم التدخل
خليك مكان صديقه ولك اخت صغيره في سن المراهقة ايه موقفك لو عرفت فيما بعد ان اعز اصدقائك كان عارف ومخدش اي خطوة ايجابية !!!!

انت بتعمل شيء لوجه الله وبحسن نية اذن توكل على الله مهما كانت النتائج
ومن رأيي بلاش كلام مع البنت او الولد نهائي خصوصا انك بتقول شكله بيئة
والاشكال دي انت متقدرش تعرف ردة فعله هيكون ايه وممكن يضر البنت عنداً فيك
خلي كلامك مع الام فقط مع التوضيح للام انك خبيت على ابنها عشان ميتصرفش بتهور مع اخته

هو فيه اقتراح تاني بس مش عارف متاح ولا لا

لو ليك اخت اكبر من اخته ويكون بينهم اتصال ممكن تقولها وهي تكلمها توعيها وتعرف ايه الحكايه

انا شايف ان دي افضل الحلول والأراء بشرط انك تكون حضرتك ووالدتك او اختك تكونوا سترة للبنت يعني حتي لو كلفت والدتك بالموضوع متقولش لأختك لأن كده مافيش داعي وكذلك العكس وماتخليش الموضوع يخرج عن نطاق صاحبك ووالدته ومن سيقوم بأداء النصح سواء كانت والدتك او اختك(من ستر مسلما ستره الله).

[icehearted girl]

معتقدش دا شئ كويس انك تقول لخوها

اصل لو هي بتعمل حاجة غلط لا اخوها ولاعشرة زيه هيقدروا يوقفوها

وهتعمل مشاكل علفاضي

وبرده بقلك متبدأش بظن السوء يمكن فعلا حصل حاجة وقتها وانت فهمت غلط

[bmya]

طيب ياباشا انت مقولتش هي سنها قد ايه يعني في ثانوي اعدادي جامعه مخلصه كده يعني
بس يف كل الاحوال لازم تحاول باي طريقه تعرف اخوها او اي حد من اهلها ما تسكوتش
خصوصا انك بتقول انه واد شكله بيئه يعني اعتقد نواياه مش كويسه والله اعلم بس هي مدام ماشيه مع واحد بالشكل ده اعتقد هتبقي سنها صغير يعني ثانوي او اولي جامعه بالكتير
الواحد بيستغرب ايه يخلي بنات بنت ناس تتلم علي الاشكال دي
ربنا يسترها علي اخواتنا وبناتنا وبنات المسلمين