قررت اجيب عجله

[د.محمود صلاح]

يوجد فى دكان " كامز " للعب الأطفال فى سيتى ستارز ( مش دعاية ) عجله ( دراجة هوائية ) بيجو فرنساوى أصلية ب 2400 ج تحفة سرعات امامية وخلفية وفرامل ديسكات , وعجلة جييب شيروكى ب 3000 جنيه تحفة , انبهرت تماما امامهم

[Eng.Sameh]

يوجد فى دكان " كامز " للعب الأطفال فى سيتى ستارز ( مش دعاية ) عجله ( دراجة هوائية ) بيجو فرنساوى أصلية ب 2400 ج تحفة سرعات امامية وخلفية وفرامل ديسكات , وعجلة جييب شيروكى ب 3000 جنيه تحفة , انبهرت تماما امامهم

طب دي للأطفال ولا كبيرة ؟؟؟

[د.محمود صلاح]

دراجات كبيرة تنفع للأعمار من 12 وانت طالع وفخم جدا وحاجة مبهرة على الآخر

, وأيضا شفت عجل كهربائى بيشتغل عادى ولو تعبت شغل الموتور ( شحن )

[A_H_M_A_D]

في أوروبا و الدول المتقدمة اللي بيركبوا العجل أكتر من اللي بيركبوا العربيات

بس هناك عندهم إختراع كان موجود عندنا زمان و إندثر مع عوامل التعرية

ألا وهو الرصيف

[o.boshra]

ياريت يا باشا تسال على الخليجى وانت هناك فى الهاى لاين فى فتحه سقف و لا كله بانوراما

[Karim_Monir]

ابو الجوخ فرع الرحاب كان عندة عجل بيجو بمساعدين والمونيم
ال المونيوم ميزنة انه خفيف وبيبقي اغلى
وكان سعرها حلو قوي
ب 900 جنية مقاس 24 او 26
شوفتها انا وزميلنا ماجد في رمضان اللي فات في ابو الجوخ فرع الرحاب اللي في السوق جنب الجهاز

[lancerevolution]

يا باشا انا هجيب ام سوسته بس مش عارف حوار التروس ده عشان بيقولوا عليه بيبوظ بسرعه

ما بيبوظش ولا حاجة بس ما تتنكش تنقل بين التروس على الفاضى

[lancerevolution]

نصيحة بلاش البهرجة فى العجلة عشان ما يبقاش عليها العين قوى يعنى حاجة تؤدى الغرض بشكل نظيف و متلفتش النظر لأن سرقة العجل ما فيش أسهل منه

[أبو إياد]

انتوا فكرتونى بايام كانت جميله اوى

كنت انا ومجموعه اصحابى (زملائى فى المدرسه) كنا بنعمل سباقات بالعجل اكبر مسافه

وانا اكبر مسافه سوقتها هى 8 ساعات من المهندسين لجامعه حلوان ذهاب واياب وفاكر وانا راجع وقفت فى مصر القديمة هاموت واوصل البيت

من كتر الجنان واحد صاحبى كان مجنون عجل كان عامل مخزن لا يقل عن 13 عجله هو واخو وابوهم وكلهم بيلعبوا كمال اجسام والله بدون مبالغه كانوا بيروحوا اسكندريه بالعجل

[hani945]

فكرة جميلة

[ahmed_khalil]

السلام عليكم
النهارده اخذت اجازه من الشغل و فكست للجامعه و قررت انى هانزل ابو الجوخ اللى فى شارع الجمهوريه و نزلت من بيتى الساعه 12 الضهر و قررت انى مش هاركب عربيتى و اخدت ميكروباص للمترو و لجهلى بشارع الجمهوريه ده فين نزلت التحرير و مشيت مشى التنين بس قلت مش مشكله كله يكون فى سبيل العجله و وصلت بعد حوالى نص ساعه مشى من التحرير للمدعو ابو الجوخ و طلعوا 3 محلات فى نفس المكان المهم دخلت ابو الجوخ الاوالانى بصيت على العجل و لقيت فيه منهم نوعين اللى بمساعدين و تروس و التانى عجله بشكلها التقليدى انا نازل ب600 عشان اشترى ال S فى العجل يعنى المهم بقولوا العجل بكام؟؟؟
هنا كانت الصدمه العجلا الاولى على المين ب 1600 و الثالثه من اليمين ب960 و الحمراء اللى على الشمال ب 800 ليييييييييييييييييه هوه انا نازل اجيب ايه يا جدعان دى عجله عجله من اسمها عجله هاكمل الجزء التانى دلوقتى

[ahmed_khalil]

المهم انا من الناس اللى مش بتفقد الامل بسهوله رحت ابو الجوخ التانى لقيت واحده ب 750 ماجبتش التايهة و مشيت و فجاه لقيت محل تعبان و معلق عجل جميييل اوى المهم بكام يا حج العجله ام مساعدين و تروس و زى القمر دى قالى عشانك انته ب500 انا اتهبلت بقى و هيه دى و قولت فى نفسى اكيد ابو الجوخ ده عامل زى راديو شاك و كومبيو مى عنده margin profit عالى فا بيبييع غالى و الفاتوره و كده رحت قايلوا خلاص انا هاخد العجله قالى ماشى و نزلها و قالى جرب كده رحت دوست فرامل و هيا واقفه مفيش فرامل قالى لأ دى حاجه( بسيطه) و كانت كلمه مش فى محلها خاااااااااالص فضل يغير السلك و يجى يدوس على الدراع يتكسر الانسان الغبى كسر اربع دراعات و قعد من 3-6 بيعمل فى الفرامل و انا زى البغبغان قاعد فى القفص مستنى الافراج المهم راح جاب من واحد دراعين فرامل و بدوس لاقيتها بقت كويسه بس برضه مش زى مانا عايز قلت فى سرى يا عم خدها و هاتبقى سهله المهم قالى اطلع الشارع جرب طلعت بره و اخدت دفعه من الرصيف كده و مشيت اجى ابدل الاقى البداال مش شغااااااال رحت راجع قايلوا هات ال500 جنيه
انا قررت امشى و مش راكب عجل و دفعتلوا حق الدراعين و اخذتهم معايا و طبعا مشيت و انا مصحوب ببعض الدعوات ربنا زى ما يباركلك فى الفلوس و كلام كتير كده المهم مشيت و انا معايا الدراعين و قفايا يقمر عيش
بس هانزل لن شاء الله تانى ادور فى المعادى كده ربنا يسهل ان شاء الله

[حماده عزو]

أنا نفسى أجيب عجله لكن تكون من النوع الى بيستحمل الأوزان الضخمه حاجه كده بتاع 140 كبلو والله بتكلم بجد

[A.Saad]

المحلات دى من اليلو بيدجز
دراجات شبرا : 26 ش جزيرة بدران - ده فى اول شبرا جنب النفق - 25778201
سمير ابو الجوخ ( او ابو الخوخ زى مانتوا عايزين ) : ش رشدى - وسط البلد 23956437
عباس العقاد 2623586


لان انا ما عرفتش اتعلم العجل ووالدى حاول معايا ومعرفش
كنت مش بعرف احافظ على التوازن وامشة شوية واقع

انتول بقى تعلمونى

[itsonlyme]

المهم انا من الناس اللى مش بتفقد الامل بسهوله رحت ابو الجوخ التانى لقيت واحده ب 750 ماجبتش التايهة و مشيت و فجاه لقيت محل تعبان و معلق عجل جميييل اوى المهم بكام يا حج العجله ام مساعدين و تروس و زى القمر دى قالى عشانك انته ب500 انا اتهبلت بقى و هيه دى و قولت فى نفسى اكيد ابو الجوخ ده عامل زى راديو شاك و كومبيو مى عنده margin profit عالى فا بيبييع غالى و الفاتوره و كده رحت قايلوا خلاص انا هاخد العجله قالى ماشى و نزلها و قالى جرب كده رحت دوست فرامل و هيا واقفه مفيش فرامل قالى لأ دى حاجه( بسيطه) و كانت كلمه مش فى محلها خاااااااااالص فضل يغير السلك و يجى يدوس على الدراع يتكسر الانسان الغبى كسر اربع دراعات و قعد من 3-6 بيعمل فى الفرامل و انا زى البغبغان قاعد فى القفص مستنى الافراج المهم راح جاب من واحد دراعين فرامل و بدوس لاقيتها بقت كويسه بس برضه مش زى مانا عايز قلت فى سرى يا عم خدها و هاتبقى سهله المهم قالى اطلع الشارع جرب طلعت بره و اخدت دفعه من الرصيف كده و مشيت اجى ابدل الاقى البداال مش شغااااااال رحت راجع قايلوا هات ال500 جنيه:b4_611:
انا قررت امشى و مش راكب عجل و دفعتلوا حق الدراعين و اخذتهم معايا و طبعا مشيت و انا مصحوب ببعض الدعوات ربنا زى ما يباركلك فى الفلوس و كلام كتير كده المهم مشيت و انا معايا الدراعين و قفايا يقمر عيش
بس هانزل لن شاء الله تانى ادور فى المعادى كده ربنا يسهل ان شاء الله

يعني العجلة فراملها مش شغالة وأنت صبرت عليه 3 ساعات؟
وبعدين هو أنا فهمت غلط ولا ايه؟ الراجل دعى عليك وأنت ماشي؟