إعـــــــلان

Collapse

.

,
See more
See less

تحذير: كان حيتنصب عليا عن طريق الموبايل

Collapse
X
 
  • Filter
  • الوقت
  • Show
Clear All
new posts

  • تحذير: كان حيتنصب عليا عن طريق الموبايل

    أنا حبيت أكتب الموضوع ده للأخوة الأفاضل في المنتدى .. علشان أنبهم على أخر طرق النصب .

    أمبارح الموبايل رن .. نمرة معرفهاش أولها 019 يعني تبع شركة فودافون رديت على التليفون .. لاقيت واحد بيقولي .. أستاذ/ باسم .. قولت ليه أيوة .. قالي معاك مش عارف مين من شركة فودافون .. وألف مبروك لحضرتك .. حضرتك كسبت معانا عربية بي أم دبليو جايزة من شركة فودافون ..

    أنا طبعاً الفار ابتدى يلعب في عبي .. ومصدقتش الكلام .. قلت ليه أنت بتهرج وفايق .. وانا بصراحة مش فايق للكلام ده .. قالي والله العظيم يا أفندم أحنا شركة فودافون .. ورقم حضرتك كسب في السحب عربية بي أم دبليو .. قلت يا راجل أنت مش الموضوع ده خلص وانتهى خلاص .. قالي لا حضرتك هو فعلاً كان خلص بس الشركة قررت تزويد الجوائز لحد أخر شهر أكتوبر .

    أنا بصراحة ابتديت أصدق .. بس من جوايا مش مصدق .. وقالي تأكيداً لكلامي .. مش حضرتك مشتري خط الموبايل بتاعك من سنة 98 .. وكان مكتوب على الشريحة "كليك" .. مش فودافون !! قلت ليه مظبوط .. وقالي وعلشان تتأكد أكتر .. حضرتك تجيب العقد وتيجي لفرع الشركة الرئيسي في ميدان سفنكس في المهندسين .. وأحنا مستنيين حضرتك لغاية الساعة 10 بالليل .. وقالي كمان أنا ححول ليك رصيد بمبلغ 1000 جنية كمان بجانب الجائزة الرئيسية "العربية"

    ملحوظه : أبتديت أصدق أكتر

    وقالي حضرتك أخر مرة شحنت أمتى .. قلت ليه مش فاكر بس تقريباً من 10 أيام .. قالي وحضرتك شحنت بكام .. قلت ليه مش فاكر برضه .. بس أنا غالباً بشحن يا أما بخمسين أو بمية .. قالي مش مهم .. بس بمجرد ما توصلك الرسالة بتحويل المبلغ .. اتصل بيا على الرقم اللي بكلمك منه ده على طول .. قلت ليه ربنا يسهل .

    المهم بعد ما قفل معايا .. قلت في نفسي أية اللي بسمعه ده .. الكلام ده مش منطقي خالص ..ده أنا حتى فقري عمري ما كسبت حاجة .. أقوم أكسب عربية "بي أم" مرة واحدة (ومن هنا اتنبهت لنفسي بعد ما عشت في الوهم معاه بأسلوبه الرشيق) .. وفي وسط ما انا بفكر لاقيت رسالة جيالي .. بتقول أنك اتحول ليك مبلغ 1000 جنية .. المرسل Vodafone .. بس في ال Sender في أخر الرسالة رقم التليفون .. والمفروض يكون فودافون .

    انا مكدبتش خبر .. وقلت أكيد دي نصباية .. ولما أتصل بيه .. حيقولي حولي رصيد مش عارف كام .. علشان تكسب الجائزة .

    أنا بصراحة الدم ضرب في نافوخي .. وحلفت جوايا أني مش حسيبه .. رحت متصل بخدمة العملاء في شركة فودافون .. وحكيت ليهم على الموضوع .. وقالي أكيد ده حد عاوز ينصب عليك علشان تحوله رصيد أو أي حاجة تانية .. لأن العرض كان موجود وانتهى .. وأخد مني رقم التليفون اللي اتصل بيا واللي بعتلي رسالة .. وقالي ثواني معايا .. انا حتكلم مع المسئول عن الحاجات دي ، وأرجع لحضرتك تاني .

    بعد شوية رجع .. وقالي أنه عمل شكوى بالرقم اللي اتصل بيا .. وحيخدوا الإجراءات القانونية اللازمة ضده وشكرني أني أهتميت .. لأن الحاجات دي بتجيب ليهم مشاكل مع عملاء كتير
    . ففكرت شوية .. وقلت ليه ما هو ممكن يكون واحد صاحبي وجاب خط جديد وبيهزر معايا .. قالي احنا عاملين حساب ده يا أفندم .. وحنتابع الرقم .. وإذا كلم كذا نمرة تانية ورا بعض في نفس اليوم وبعت رساليل (زي ما عمل معايا) حناخد ضده الإجراءات القانونية .. ولو ده محصلش .. يبقى أكيد واحد بيهزر معاك .. والموضوع حيتكنسل . قلت ليه شكراً .

    التساؤل بقى .. الشخص اللي اتصل بيا (إن مكنش صاحبي وبيهزر معايا).. عرف أسمي مين .. وأني اشتريت الخط في سنة كذا .. وكان مكتوب على الخط كليك .. فأكيد اللي اتصل بيا ده من شركة فودافون وبيطلع على اسرار العملاء اللي عندهم (ودي قضية ممكن ارفعها عليهم وأكسبها كمان)

    المهم انا في الأخر عاوز أقول أن ليس كل ما يلمع ذهباً .. وأن الفقري فقري طول عمرة .
    [B][FONT=Comic Sans MS][SIZE=5][COLOR=Green]

    [SIGPIC][/SIGPIC]


    Life's too Short for the Wrong Job[/COLOR][/SIZE][/FONT][/B]
    ziabassem سابقا

  • #2
    هي حاجة غريبة فعلا بس في نفس الوقت عادية في اليومين دول ممكن يحصل اي حاجة وكويس انك كلمت الشركة عشان حتي لو واحد صاحبك يبطل يعمل الحركات دي معاك لان في حدود للهزار
    [CENTER][SIZE=3][COLOR=dimgray]سبحان الله الحمد لله الله اكبر[/COLOR][/SIZE][/CENTER]
    [CENTER][SIZE=3][COLOR=#696969][/COLOR][/SIZE] [/CENTER]
    [CENTER][SIZE=4][COLOR=slategray][B]لا اله ألا الله[/B][/COLOR][/SIZE][/CENTER]

    Comment


    • #3
      ياخبر

      انالو مكانك هيجيلي ازمة قلبية مرتين
      الاولي اول مكان قاللي البي ام دبليو


      والتانية لما عرفت انه كدب
      [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
      لن نطيَل آلمكوُث فيهآ . . !
      فلمآذآ آلكدَر ؟!
      وهُنآك ربّ آلبشر
      إن عصينآ ستر وإن تبنآ غفر
      إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
      ابتسم وعيش احلى حياه[/COLOR][/CENTER]

      Comment


      • #4
        ياسيدي الفاضل ده اكيجد واخد يعرفك ويبهرج معاك
        [SIZE=5][COLOR=black]الحمد لله رب العالمين - اللهم اني لاأسالك رد القضاء ولكني أسالك اللطف فيه -[/COLOR][/SIZE]

        Comment


        • #5
          طب ما حاولتش تكشف على الرصيد بعد ما جتلك الرسالة؟؟؟

          Comment


          • #6
            المشاركة الأصلية كتبت بواسطة asbeats مشاهدة المشاركة
            طب ما حاولتش تكشف على الرصيد بعد ما جتلك الرسالة؟؟؟
            ما هو خلاص .. طالما كلم فودافون و قالولوا مفيش حاجة كدة .. يبقى طبعا الموضوع كدب ..

            بس لو حد من صحابك بيهزر معاك ؟؟ .. هيكلمك من نمرة اولها 019 ازاى ؟؟ .. و هل فى حد من صحابك يعرف ان الخط بتاعك من سنة 98 و انه كان كليك ؟؟
            [CENTER][SIGPIC][/SIGPIC][/CENTER]

            Comment


            • #7
              طب اية اية الغرض هو ماطلبش منك رصيد او اى مصلحة
              اكيد حد بيهزر معاك

              Comment


              • #8
                دة اكيد حد فعلا من الشركة وبيتجسس على العملاء
                [CENTER][SIGPIC][/SIGPIC] [/CENTER]
                [CENTER] [/CENTER]
                [CENTER][COLOR=royalblue]سبحان الله ... الحمد لله ... لا اله الا الله ... الله اكبر[/COLOR][/CENTER]
                [CENTER] [/CENTER]

                Comment


                • #9
                  ده أكيد واحد صاحبك , عشان عملتها كتيير :)

                  Comment


                  • #10
                    المشاركة الأصلية كتبت بواسطة M.Elhamy مشاهدة المشاركة
                    ده أكيد واحد صاحبك , عشان عملتها كتيير :)
                    شكلك صاحبو
                    امسكوووووووووه
                    [CENTER]إلى القمه
                    :vctry:
                    [/CENTER]
                    musiccairo سابقا

                    Comment


                    • #11
                      المشاركة الأصلية كتبت بواسطة sarah5 مشاهدة المشاركة
                      هي حاجة غريبة فعلا بس في نفس الوقت عادية في اليومين دول ممكن يحصل اي حاجة وكويس انك كلمت الشركة عشان حتي لو واحد صاحبك يبطل يعمل الحركات دي معاك لان في حدود للهزار
                      طبعاُ أمور النصب تطورت .. وبإغراءات يسيل لها اللعاب

                      المشاركة الأصلية كتبت بواسطة iceheartedgirl مشاهدة المشاركة
                      ياخبر

                      انالو مكانك هيجيلي ازمة قلبية مرتين
                      الاولي اول مكان قاللي البي ام دبليو


                      والتانية لما عرفت انه كدب
                      أنا لما ابتديت أصدق ..مش عاوز أقولك قلبي كان بيرفرف من السعادة .. ها ها ها


                      المشاركة الأصلية كتبت بواسطة party_0000 مشاهدة المشاركة
                      ياسيدي الفاضل ده اكيجد واخد يعرفك ويبهرج معاك
                      صعب قوي يا باشا .. لأني في الكلام معاه عملت معاه كام تركة .. من رابع المستحيلات أنه يمسك نفسه من الضحك .. وكان حيتفقس على طول .. وبعدين أسلوب الكلام مش ممكن .. كأن واحد متدرب على Telework وخدمة العملاء .

                      المشاركة الأصلية كتبت بواسطة asbeats مشاهدة المشاركة
                      طب ما حاولتش تكشف على الرصيد بعد ما جتلك الرسالة؟؟؟
                      من غير ما أكشف .. الرسالة اللي جاتلي مش من فودافون .. من رقم عادي .. وبعدين بعد ما كلمت خدمة العملاء .. أكدلي أنه مفيش رصيد أتحول ليك .. الحداية مبتحدفش كتاكيت

                      المشاركة الأصلية كتبت بواسطة Eng_Mostafa_89 مشاهدة المشاركة
                      دة اكيد حد فعلا من الشركة وبيتجسس على العملاء
                      أنا شاكك في الموضوع ده جامد جداً .. بدليل أني لما كلمتهم في خدمة العملاء اللي رد عليا .. قالي ثواني حعرض الموضوع على المسئولين .. وغاب فترة طويلة .. مقلتش عن 7 دقائق .. لدرجة أني زهقت من الهولد .. وكان رده عليا دبلوماسي جداً انهم حيتصرفوا في الموضوع ده .. طيب اسم صاحب الخط اللي اتصل بيا أيه ؟!.. رفض تماماً أنه يقولهولي .. رغم أني أكدت ليه أني عاوز أعرف ومش عامل فيلم .. علشان لو واحد صاحبي اقوله اوقف الإجراءات .
                      [B][FONT=Comic Sans MS][SIZE=5][COLOR=Green]

                      [SIGPIC][/SIGPIC]


                      Life's too Short for the Wrong Job[/COLOR][/SIZE][/FONT][/B]
                      ziabassem سابقا

                      Comment


                      • #12
                        كل شئ وارد
                        [CENTER][SIZE="3"]حسبى الله ونعم الوكيل :36_2_33: [/SIZE][/CENTER]

                        Comment


                        • #13
                          المشاركة الأصلية كتبت بواسطة kareemhisham مشاهدة المشاركة
                          بس لو حد من صحابك بيهزر معاك ؟؟ .. هيكلمك من نمرة اولها 019 ازاى ؟؟
                          هينزل اي محل يشتري خط 019 !!
                          [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                          [URL="https://goo.gl/30fu9U"]Registered Migration Agent - MARN 1575106[/URL]
                          [/COLOR][/CENTER][/SIZE]

                          Comment


                          • #14
                            بس مفهمتش برده فين النصب؟ ولا المفروض انت كنت تكلمه وكان ساعتها حيطلب تحوله حاجة وكده؟ طيب مجربتش تكلمه تانى؟
                            [CENTER][B]ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربنا:stink[1]:[/B][/CENTER]
                            [B]ارجوك علشان خاطر صحتنا وفر شوية فى استهلاك الكهربااء:stink[1]:[/B]
                            [CENTER][B]ارجووووك وفر شوية فى استهلاك البنزييييين:stink[1]:[/B][/CENTER]
                            [CENTER][B]اللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة[/B][/CENTER]

                            [CENTER][B]خليك ايجابى لنفسك حتى..زهقت من "[COLOR=sienna]الامعة[/COLOR]" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"[/B][/CENTER]

                            Comment


                            • #15
                              انا لو منك متصلش بخدمة عملا ولا حاجة

                              انا اطلع علقسم اعمل محضر ان الرقم دا كلمك وهددك وطلب منك فلوس

                              وهم بقي لو عرفوا يجيبوه _خصوصا لو صاحبك_ يبقي يستاهل اللي يجراله هناك كام ليلة فول بورد
                              [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
                              لن نطيَل آلمكوُث فيهآ . . !
                              فلمآذآ آلكدَر ؟!
                              وهُنآك ربّ آلبشر
                              إن عصينآ ستر وإن تبنآ غفر
                              إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
                              ابتسم وعيش احلى حياه[/COLOR][/CENTER]

                              Comment

                              Working...
                              X