القش الليلة .. الليلة .. يوم حررررررقة

[M.Osman]

عندي حساسية في صدري و مابتبانش غير في الشهرين دول من السنة...بسبب الهباب اللي في الجو ده...

و المشكلة اني باخد أغلى أدوية للعلاج ...و برضو ما فيش فايدة...لازم أسافر بورا بورا و أعمل عمرة للرئة و القصبة الهوائية هناك
أو أتنازل و أجيب إستيراد أو صيني من هنا و خلاص !!!

ربنا معاك بجد
اعرف ناس كتير كدا زييك و بجد بيعانوا كتير اليومين دول

[zaza_lanos]

ويبقى الحال كما هو عليه
وعلى المتضرر اللجواء لربنا علشان يرتاح

[hossam_elwani]

[QUOTE=tabeb;3872067378]

19/10/2009

البيئة : لا علاقة لظاهرة السحابة السوداء بالظروف الجوية التى شهدتها البلاد منذ السبت الماضى
نفت وزارة الدولة لشئون البيئة ما تردد عن زيادة نوبات تلوث الهواء الحادة خلال اليومين الماضيين وقد أعلن المهندس أحمد أبو السعود رئيس الإدارة المركزية لنوعية الهواء بوزارة البيئة أن ما حدث خلال اليومين الماضيين عبارة عن عاصفة ترابية على شمال أفريقيا تأثرت بها البلاد بدأت من تشاد جنوب ليبيا وتحركت فى الاتجاه الشمالى الشرقى حيث غطت مناطق واسعة من جنوب و شمال مصر يوم السبت 17-09 و طوال الليل وحتى اليوم التالى.

وأكد أن نتيجة ذلك وقوع البلاد تحت تأثير القطاع الساخن من منخفض جوى سيطر على منتصف البحر المتوسط ( شمال غرب البلاد) و هذا المنخفض إمتد تأثيره إلى المستويات العليا من الغلاف الجوى ( 5 كم ) مما ادى الى هبوب الرياح الجنوبية الشرقية والجنوبية حاملة معها الاتربة من صحراء تشاد وجنوب ليبيا وكانت رياح ساخنة ادت الى ارتفاع فى درجة الحرارة اعلى من مستوياتها خلال هذه الفترة من العام.

وقد هدأت سرعة الرياح فى اول الليل مما ادى لهبوط الكتل الهوائية المحملة بالاتربة الى اسفل واتحدت مع الرطوبة العالية بالجو التى ادت لتكون الشبورة وانخفاض مستوى الرؤية الافقية.

كداب زى حكومته طول ما انا ماشى على الزراعى لحد القاهرة دخان نتيجة حرق قش الرز على اليمين وعلى الشمال على امتداد الطريق وفى عز الظهر وقال ايه عقوبات وغرامات على الى بيضبطوه بيحرق قش الرز ده عينى عينك واكنه تحدي والغريب ان السنه دى بطريقة غير طبيعية يعنى السحابة السودا غطت اغلب محافظات الوجه البحرى لكن الصدق الوحيد فى الخبر ان كان فى رياح فعلا اليومين دول وده ساعد على انتشار دخان حريق قش الرز

بلد فاشلة عشر سنين ومش عرفين نقضى على مشكلة تعتبر تافهه جدااااا

[ahmed4000]

لاحظت ان ابنى بيكح طبعا بطريقة غريبة وخاصة باللليل من اول مالموضوع ده بدا

ربنا ينتقم من الفالحين الخيبانين اللى بيحرقوا القش دول
بدل ميتسفيدوا منه وبيبعوه يحرقوه ويقرفونا

[A_H_M_A_D]

أنا مرة قمت الفجر و أنا مش قادر اخد نفسي من كتر الريحه
و كانت أول مرة تحصلي , إحساس قاتل
ربنا يكون في عون الناس اللي عندهم حساسية صدر اليومين دول

[OilMan]

حسبى الله وعم الوكيل بجد الحال وصل بيننا للصفر هو مش اللى بيحرق القش ده مصرى برده وعنده عيال وبتنفسوا برده زى عيالنا ولا هو قاعد فى انبوبه كسجين بجد لازم وقفه جماعيه لا للسلبيه انا عن نفسى لو شفت اى حاجه سلبيه مش حاسكت خلاص بقى عيالنا مش عارفين يعيشوا والله ابنى بيقولى هو مفيش مكان نعيش فيه تانى غير الزحمه والريحه ديه يا بابا
والله مش عرفت ارد عليه وقلتله الخير والبركه فيك وفى اللى زيك فى الاصلاح بجد لاوم نبطل سلبيه علشان خاطر عيالنا مش علشانا احنا خلاص الجته نحست منهم لله قولوا اميييييييييييييييييييييييين

[pro_samir]

حسبى الله وعم الوكيل بجد الحال وصل بيننا للصفر هو مش اللى بيحرق القش ده مصرى برده وعنده عيال وبتنفسوا برده زى عيالنا ولا هو قاعد فى انبوبه كسجين بجد لازم وقفه جماعيه لا للسلبيه انا عن نفسى لو شفت اى حاجه سلبيه مش حاسكت خلاص بقى عيالنا مش عارفين يعيشوا والله ابنى بيقولى هو مفيش مكان نعيش فيه تانى غير الزحمه والريحه ديه يا بابا:i_angr1[1]:
والله مش عرفت ارد عليه وقلتله الخير والبركه فيك وفى اللى زيك فى الاصلاح بجد لاوم نبطل سلبيه علشان خاطر عيالنا مش علشانا احنا خلاص الجته نحست منهم لله قولوا اميييييييييييييييييييييييين

يا خوفي الجيل دة ييجي علية يوم ويقول الله يرحم أيام زمان كانت احسن من دلوقتي 100 مرة .. زي ما احنا واهالينا بنقول دلوقتي

[OilMan]

عندك حق

والله مكن عندك حق ربنا يخللى ميلودى وامثالها وكمان انت مش قلت اميين ليه

يا خوفي الجيل دة ييجي علية يوم ويقول الله يرحم أيام زمان كانت احسن من دلوقتي 100 مرة .. زي ما احنا واهالينا بنقول دلوقتي

[Terrible_DaRsH]

امبارح كنت رايح B.Tech فرع الهرم .

وقفت 5 دقايق فى غمرة مستنى ال CTA تعبت من عوادم العربيات و الله و التراب و انا اصلا صدرى ما يعلم بيه الا ربنا .

رحت راكب تاكسي فيرنا على طول و قلت له شغل التكييف , السواق قالى الجو حلو يا فندم قلت له خلاص نزلنى , راح مشغل التكييف فى وقتها .

و دلوقتى عامل زى ( كريم ) , بشغل التكييف فى البيت و انا سقعان علشان للاسف الجو اصلا مبقاش فيه اكسجين و لابقي فى هواء اصلا :(

الدولة مُحاطة بالجبال و عوادم العربيات كمان و زودوا عليهم حرق الرز و كمية التلوث , بجد ربنا يستر علينا و على الاجيال اللى جاية .

[zaza_lanos]

يا باشا اى كلام
المهم شماعة يعلقوا عليهم
قلة سيطرتهم
ضغط ايه وشمال افريقيا بتاع ايه وكده

[Mohamed.Fawzy]

انا بنتى عندها حساسيه فى الصدر
و بقالها اسبوع عايشه على جهاز التنفس فى البيت و مبننزلش من البيت خالص و مبترحش المدرسه .. و الدكتور بتاعها نبه عليا مفتحش الشبابيك خالص

حسبى الله و نعم الوكيل

[medo_2060]

المنصوره بقالها يومين كأن الجو شبوره طول اليوم وانت ماشى عينك تدمع من الدخان وماتشوفش اى حاجه على بعد بسبب الدخان دا بجد قمه المهزله طب فين العقوبات الرادعه بتاع الحكومه

[aliabutaleb]

انا نفسي أعرف حاجة
طول عمر المزارعين بيحرقوا قش الأرز
إشمعنى في الكام سنة الأخيرة اللي بقينا بنواجه فيه السحابة دي؟

[tabeb]

انا بنتى عندها حساسيه فى الصدر
و بقالها اسبوع عايشه على جهاز التنفس فى البيت و مبننزلش من البيت خالص و مبترحش المدرسه .. و الدكتور بتاعها نبه عليا مفتحش الشبابيك خالص

حسبى الله و نعم الوكيل

الف سلامة عليها

[tabeb]

بالصور.. السحابة السوداء تغطى سماء القاهرة والمنصورة.. وحرق قش الأرز جهاراً نهاراً فى الإسماعيلية.. والقليوبية تشيد بوعى الفلاحين

الثلاثاء، 20 أكتوبر 2009 - 14:43

تحتفل محافظات الدلتا هذا العام بالعيد العاشر للسحابة السوداء




كتب محمد صالح ومحمد فوزى وحسن عفيفى وإيمان مهنا


تحتفل محافظات الدلتا هذا العام بالعيد العاشر للسحابة السوداء التى غطت سماء القاهرة على مدار اليومين الماضيين، الأمر الذى نفته وزارة البيئة، مؤكدة أن ارتفاع حرارة الجو ناتج عن منخفض جوى قادم من جنوب ليبيا.

فجهود وزارة البيئة على مدار عشر سنوات لم تفلح فى حل الأزمة، بينما تعتبر البيئة نجاحها يكمن فى تقليل ساعات السحابة وتخفيف كثافة المواد المكونة للدخان.

حالة الاختناق لا تزال مستمرة فى الدقهلية أيضا لدرجة أن معالم مدينة المنصورة اختفت تحت الدخان، الأمر الذى تسبب فى ارتفاع درجات الحرارة بسبب عمليات الحرق خلال فترات النهار، والتى تستمر حتى منتصف الليل بشكل يومى. الأهالى أبدوا استياءهم من تركيز وزارة البيئة على ستة مراكز فقط من مراكز المحافظة يتم جمع القش منها.

طبيب بشرى عماد شمس قال إن السحابة السوداء تمثل خطورة على حياة المواطنين، خاصة الأطفال وأصحاب الأمراض المزمنة، وإن تصريحات المسئولين عن محاربة السحابة مجرد كلام لم يتحقق.

فى الإسماعيلية، أصر المزارعون على الحرق فى وضح النهار، ورفضوا القيام بعمليات الحرق ليلا اعتقاداً منهم بأن الحرق نهارا سيكون أقل ضرراً.

سعيد البعلى أمين الفلاحين بمركز التل الكبير الذى يضم أغلب المساحات المزروعة بالأرز فى الإسماعيلية، طالب بتوفير مكابس أرز للمزارعين وزيادة برامج التوعية المقدمة لهم لتلاشى أضرار عمليات الحرق.

البحيرة لم تكن أحسن حالاً من سابقاتها، حيث انتشر الدخان الكثيف فى بعض المدن مصحوباً برائحة غازات وعوادم تشبه السولار والبلاستيك المحترق.

المسئولون فى البحيرة التزموا الصمت، ولم يحدث أى تحرك بالرغم من انتشار الحرائق فى الأراضى الزراعية للتخلص من حطب الذرة والقطن.

المزارعون فى قرى البحيرة يقومون بعمليات الحرق ليلا ونهارا فى ظل غياب الرقابة التنفيذية والشعبية.

والأخطر من ذلك هو قيام المزارعين الذين تقع أراضيهم على الطرق السريعة بإشعال النيران فى قش الأرز، الأمر الذى أدى إلى حجب الرؤية عن السائقين، مما أدى إلى وقوع بعض الحوادث فى مراكز المحمودية ودمنهور وأبو حمص وإيتاى البارود وكوم حمادة وحوش عيسى.

الشرقية رفعت شعار الحرق هو الحل، فالحرائق منتشرة فى أغلب المراكز، الأمر الذى ترتب علية اختناقات مرورية وتوقف بعض الطرق الزراعية مثل طريق الزقازيق – الإسماعيلية والزقازيق – منيا القمح والزقازيق أبو كبير وفاقوس. بالرغم من توفير وزارة البيئة لعدد كبير من المعدات والشركات الخاصة لتدوير القش.

المستشار يحيى عبد المجيد محافظ الشرقية أمر بسرعة ضبط المخالفين لقرار الحرق وتوقيع غرامة فورية تقدر بـ3 آلاف جنيه على الفدان الواحد، وذلك بالتعاون مع الإرشاد الزراعى والأجهزة الأمنية ومندوب من المحليات.

من جانبه أشار المهندس محمود عطا مدير الإرشاد الزراعى بشرق الدلتا إلى أنه تم تحرير أكثر من 800 مخالفة حرق قش أزر على مدى الأسبوع الماضى، فالمزارعون المخالفون يبادرون بحرق قش الأرز فى منتصف الليل، ورغم كثرة حالات الحرق، إلا أن السحابة انحصرت كثيراً عن العام الماضى بعد تكليف الشركات الخاصة والقوات المسلحة بتدوير قش الأرز من المراكز المختلفة على مستوى محافظة الشرقية.

فى القليوبية، أكد حمدى يونس وكيل وزارة الزراعة أن جهوداً كبيرة تبذل لمكافحة الظاهرة، وأن المشرفين الزراعيين يتلقون أى بلاغات عن الحرق طوال اليوم فى جميع المناطق، وأن هناك غرامات كبيرة ستفرض على المخالفين، وعلى عكس تصريحات المسئولين بوزارة البيئة أشاد يونس بالفلاحين، وبأن لديهم وعيا كافيا بالقضية.

وقال إن المحافظة فى طريقها للقضاء على الظاهرة فى ظل التعاون الوثيق مع أجهزة المحافظة، والفلاحون من جانبهم أعلنوا براءتهم من أزمة السحابة السوداء، وهو ما قاله محمد رمضان بأنهم توقفوا تماماً عن عمليات الحرق بعد تعاقد وزارة البيئة مع شركات خاصة تتولى تجميع القش دون تكليف المزارع بأى رسوم، وبالتالى لا يوجد مبرر للحرق.