الحمد لله ....اتخبطت

[mada121977]

ماشى فى امان الله و هدوء و مش بجرى و معايا الاسره لقيت واحد حيوان طالع من ملف بسرعه كبيره و رشق فى الرفرف الورانى شمال تحت التنك بالضبط و بدل مايدوس فرامل علشان يقف كمل و داس بنزين نطر العربيه من مكانها
الخسائر كالاتى الفيبره اللى ورا الكاوتش الورانى اتقطعت و الرفرف دخل لجوه من تحت التنك و الاكصدام اتخلع و ال
السمكرى حاول يردها بس علشان المكان ضيق معرفش يظبطها صح و باين فيها عضعضه اعمل اييه بس ...حسبى الله و نعم الوكيل :cry

[Heshaam]

قدر الله وما شاء فعل

حمد الله على سلامة حضرتك والأسرة - أهم من أي شئ آخر

بس عملت فيه إيه ده :twisted:

[eng_elnaggar]

قدر الله وما شاء فعل واذا فعلا كان هو اللي غلطان فما تسيبوش وخد قيمة الاصلاحات

[mada121977]

الاخ الفاضل هشام بصراحه انا ماقدرتش امسك نفسى و نزلت كريتله شويه شتايم و الناس اللى يقولك معلش و اللى يقولك سماح و اللى يقولك حصل خير و هوا قمه البرود و مانزلش حتى من عربيته علشان يشوف هوا عمل اييه بس عارف اكتر حاجه تضايق اييه كلمه (معلش) اللى على لسان الناس يعنى اييه معلش المفروض واحد غلط يتحمل نتيجه غلطه انا مش قصدى انى اخد عوض و لا فلوس منه بس على الاقل يعتذر عن غلطه .....بس للاسف معدش فييه لا اخلاق و لا ذوق عند ناس كتيير

[CryptonX]

الاخ الفاضل هشام بصراحه انا ماقدرتش امسك نفسى و نزلت كريتله شويه شتايم و الناس اللى يقولك معلش و اللى يقولك سماح و اللى يقولك حصل خير و هوا قمه البرود و مانزلش حتى من عربيته علشان يشوف هوا عمل اييه بس عارف اكتر حاجه تضايق اييه كلمه (معلش) اللى على لسان الناس يعنى اييه معلش المفروض واحد غلط يتحمل نتيجه غلطه انا مش قصدى انى اخد عوض و لا فلوس منه بس على الاقل يعتذر عن غلطه .....بس للاسف معدش فييه لا اخلاق و لا ذوق عند ناس كتيير

معاك حق .. انا لسة مخبوط من كام يوم ... الحمد الله . احمد ربنا و توكل على الله .. طالما اشتريت عربية .. وبالدات في مصر :) وارد جدا اي شيء !

[sherif Anton]

حمد الله على سلامتك ... السواقة في مصر بقت مشكلة والناس مبقاش عندها صبر او زوق في السواقة ... طب تصدق ان انا في خلال شهر ونصف حصل لي حادثتين وفي كل مرة تكون مش غلطتي لدرجة اني بعد الحادثة الثانية اتعقدت من السواقة وقعدت اسبوع اروح الشغل بالمترو لغاية لما اتخنقت من ريحة العرق اللي في المترو وقلت مشاكل السواقة ارحم :D :D :D
ربنا يعوض عليك ... لكن فعلا السواقة في البلد دي بقت شئ مستفز جدا

[محمدايهاب]

كان في نفس الموقف حصل لاستاذ صاوي و انا عاجبني تصرفه جدا
هو دفع الراجل فلوس (كان سواق على لانسر) على ما أذكر750 جنية على الرغم من إنه مأمن و التأمين هيدفعلوه تمن التصليح و كان أكتر من 7000

[Heshaam]

السواقة في مصر محتاجة طولة بال ملهاش آخر للأسف

بس يا ريت حضرتك تكون على الأقل عملتله محضر ولا حاجة - هو ممكن ما يفرقش معاه بس أهو تصرف يغني عن الاعتذار.

وربنا يسلم طريقنا كلنا

[معاذ الشرباصى]

قدر الله و ما شاء فعل

مش انت مأمن على العربية يا احمد باشا؟

[mada121977]

قدر الله و ما شاء فعل

مش انت مأمن على العربية يا احمد باشا؟

ايوه يا دكتور معاذ مأمن بس مش عارف لييه مش عاوز اكلمهم او يعملوا الخبطه عندهم

[TheMedjai]

السواقة في مصر بقت مشكلة والناس مبقاش عندها صبر او زوق في السواقة

وعدم السواقة في مصر برضه بقت مشكلة ، انا من ساعة ماجبت عربيتي من أربع شهور اتخبطت 4 مرات (بمعدل خبطة/شهر) منهم خبطتين وهي واقفة (يعني خمسين في المائة). وعلشان الموقف الدرامي يعلى والكوميديا السوداء تبقى على أشدها في خبطة من الاتنين اللى كانو وانا راكن ماكانتش خبطة عربية ، لأ كانت خبطة صندوق حاجة ساقعة ، تخيل بقى احساساك وانت عربيتك خبطها صندوق بيبسي ، حاجة تضايق برضه مش كده؟
وللي بيسأل ازاي ممكن صندوق بيبسي يخبط عربية...أنا كنت راكن العربية جنب سوبر ماركت وبعدين عربيه نص نقل كانت جايبة صناديق حاجة ساقعة للمحل ، وبعدين سواق النصل نقل وهو بيركن علشان ينزل الصناديق قام صندوق اتزحلق من فوق العربية وواقع على عربيتي ، بس الحمدلله انه ماوقعش على السقف.

[الصاوي]

كان في نفس الموقف حصل لاستاذ صاوي و انا عاجبني تصرفه جدا
هو دفع الراجل فلوس (كان سواق على لانسر) على ما أذكر750 جنية على الرغم من إنه مأمن و التأمين هيدفعلوه تمن التصليح و كان أكتر من 7000

يا حبي برضه الظروف بتحكم....يعني لو كانت مراتي كانت معايا ساعتها ولا هبص على حاجة في العربية اصلا و كل همي هيكون على حبيبة قلبي [smilie=love togeth: و اي حاجة تانية تغور يا معللم
لكن علشان كنت لوحدي يبقى تعالى على حجر عمو يا حبيبي و يا سلام بقى كمان لو معايا اصحابي....كنا قللعناه هدومه و عللقناه في النفق ساعتها لغاية ما ينشف
ده انا فضلت موقفوا 3 ساعات جنبي و سبتوا بس علشان كنت صايم و كنت عايز افطر مع المدام
و المعادلة بسيطة
حادثة-تأمين=؟؟؟؟؟؟

[اسلام المصرى]

لا حول ولا قوة الا بالله قدر الله و ما شاء فعل , حمد الله على سلامتك أنت و أسرتك الكريمه , ماتزعلش نفسك يا مادا ان شاء الله تتصلح........ قضى أخف من قضى و ماحدش عارف الخير فين. منه لله اللى كان السبب ده دين فى رقبته الى يوم الدين و هيندم فى يوم من الأيام انه تصرف التصرف ده. روق نفسك يا حبيبى :-) أنا عارف الشعور ده كويس!

[محمدايهاب]

اقتباس:

كان في نفس الموقف حصل لاستاذ صاوي و انا عاجبني تصرفه جدا
هو دفع الراجل فلوس (كان سواق على لانسر) على ما أذكر750 جنية على الرغم من إنه مأمن و التأمين هيدفعلوه تمن التصليح و كان أكتر من 7000


يا حبي برضه الظروف بتحكم....يعني لو كانت مراتي كانت معايا ساعتها ولا هبص على حاجة في العربية اصلا و كل همي هيكون على حبيبة قلبي و اي حاجة تانية تغور يا معللم
لكن علشان كنت لوحدي يبقى تعالى على حجر عمو يا حبيبي و يا سلام بقى كمان لو معايا اصحابي....كنا قللعناه هدومه و عللقناه في النفق ساعتها لغاية ما ينشف
ده انا فضلت موقفوا 3 ساعات جنبي و سبتوا بس علشان كنت صايم و كنت عايز افطر مع المدام
و المعادلة بسيطة
حادثة-تأمين=؟؟؟؟؟؟

:D :D :D

[Sharky]

لا حول و لا قوة إلا بالله
قدر الله و اشاء فعل