CV

[bemocarlo]

اخواني الاعزاء
هو الموضوع بسيط بس حبيت استشيركم برده عملا بالقول لا خاب من استشار.
انا عاوز اعمل c.v ومحتار في البيانات اللي هحطها.يا تري احط ايه وما احطش ايه؟انا عاوز النصيحه في صوره مثال عملي 1
2
3 وهكذا
.انا بعد ما فتحت الاوفيس 2007 سألت نفسي ايه اللي هحطه في ال c.v وطبعا ما عرفتش اجاوب علي نفسي.
وشكرا جزيلا.
bemo,ire

[bemocarlo]

ارجو من الاداره تعديل عنوان الموضوع من c.c الي c.v لان هذا ما قصدته بالعنوان وشكرا.
bemo,ire

[محمد عز]

1- البيانات الشخصية

الاسم
تاريخ الميلاد
العنوان
ارقام التليفونات
الاميل

2- الشهادات
تكتب انت اتخرجت من جامعه ايه سنة كام بتقدير كذا (المؤهل الدراسي)

لو فيه كورسات خدتها تكتبها وطبعا اسم الكورس وخدته سنة كام وفين

3- الخبره العمليه

اى شغلانه اشتغلتها اكتبها سواء كانت متعلقه بمجال دراستك او لا

ولو كنت حديث التخرج واتدربت فى مكان اكتب اماكن التدريب

وطبعا هتكتب موقعك فى العمل او التدريب كان ايه وسنة كام ولمدة قد ايه
وهكذا

4- خبرات الحاسب الالى

اكتب البرامج اللى بتعرف تشتغل عليها
زى ورد- اكسيل ....

5- اللغات

اللغه الام

اللغات الاجنبيه ومدى تمرسك فيها

6- عضويه المؤسسات المهنيه

لو كنت عضو فى نقابه (أطباء - مهندسين ...)
تكتب رقم عضويتك وسنة العضويه

7- الهوايات المفضلة

8- المرجع
اشخاص انت اشتغلت معاهم علشان ممكن يتصلو بيهم يسئلوا عليك
اسم الشخص وطريقة الاتصال بيه سواء تليفون او اميل وطبعا منصبه
والنقطه ده مش مهم اوى

ممكن بعد البيانات الشخصيه تكتب الهدف
يعنى مثلا تكتب عن مميزاتك زى تحمل ضغوط العمل والعمل الجماعى وان نفسك تحقق كيان لنفسك كويس وهكذا

وبالتوفيق ان شاء الله

ممكن تعمل بحث على الانترنت تشوف اى CV template علشان يسهل عليك

[Samah AbdAllah]

ممكن تشوف الموضوع ده هيفيدك كتير

http://www.nilemotors.net/Nile/81219-cv.html

[aliabutaleb]

وممكن حضرتك تلجأ لل Templates اللي موجودة في ميكروسوفت أوفيس عشان تشتغل على حاجة جاهزة مش هاتتعبك في حاجة غير إنك تختار تصميم وتحط بياناتك مكان البيانات اللي موجودة فيه.

[bemocarlo]

والله مش عارف أقول ايه كتر خيركم وربنا يجازيكم خير وشكرا جزيلا يا احلي اعضاء في احلي منتدي
bemo,ire