نصيحة في شراء مصاحف

[aliabutaleb]

السلام عليكم يا رجالة

كنت محتاج نصيحة في أفضل مكان/ مكتبة/ دار نشر ممكن أشتري منه عدد كبير من المصاحف.
مطلوب إن المصاحف تكون طباعتها فاخرة.
حد عنده فكرة عن مكان زي ده تكون المصاحف هناك مميزة وأسعارها معقولة؟
ناس قالتلي أروح الأزهر بس لو كان حد فيكم يعرف مكان أروح عليه مباشرة يبقى جزاه الله خيراً هايكون وفر عليا كتير.

[pro_samir]

متشوف كدة الأخ احمد بحري يمكن عندة فكرة علشان المشروع بتاع المصاحف

http://www.nilemotors.net/Nile/88216-a.html

[medo980]

عليك وعلى الفجاله يا باشا 95% من المكاتب هناك بتبيع مصاحف وانا اشتريت من هناك قبل كده

[Karim_Monir]

عندك مكانين
الفجالة
والعزيز بالله في الزيتون
والازهر برضه
بس الازهر تدخل جوة شوية وتسيبك من المكتبات اللي على الشارع
والطباعة الفاخرة غالبا لبناني
ولو مصحف التجويد هايكون اغلى كتير
وحاةول ماتجيبش ورق كوشية بيلمع مع انه اغلى الا انه بيرهق العين في القراءة من انعكاس الضوء
وخاصة التركيز مع احكام التلاوة
بالتوفيق والثواب ان شاء الله

[aliabutaleb]

يبقى توكلنا على الله ونروح نبص في الأزهر لو ملقناش المطلوب نشوف الفجالة إن شاء الله
جزاكم الله خيراً جميعاً على الإفادة.

[aif]

انا سبق اتعاملت مع المكتبات اللي في العزيز بالله في الزيتون ....
هي بصراحة كان فيها كل الاحجام والطبعات اللي ممكن تتخيلها
انا روحت لسهولة الركن هناك .... الازهر اكيد ح تلاقي حاجات اكتر ... بس تدخل بالعربية ازاي ؟؟
لو رحت الازهر روح المكتبات اللي خلف الجامع الازهر .... ح تلاقي كل حاجة
مصاحف
كتب دينية
متون
مطبوعات وادعية واذكار
...
بس هي مشكلة الركن والمرور بس

[A.Saad]

المطابع الاميرية فيها
بس مش عارف فاخرة ولا عادة
ليهم مكتبة فى ميدان الاوبرا - عتبة
وامبابة - كورنيش

[أحمد كمال]

دول عشان هيثم و لا ايه يا ريس؟

[A.Saad]

انا سبق اتعاملت مع المكتبات اللي في العزيز بالله في الزيتون ....
هي بصراحة كان فيها كل الاحجام والطبعات اللي ممكن تتخيلها
انا روحت لسهولة الركن هناك .... الازهر اكيد ح تلاقي حاجات اكتر ... بس تدخل بالعربية ازاي ؟؟
لو رحت الازهر روح المكتبات اللي خلف الجامع الازهر .... ح تلاقي كل حاجة
مصاحف
كتب دينية
متون
مطبوعات وادعية واذكار
...
بس هي مشكلة الركن والمرور بس

فيه بارك فى اخر الشارع قرب صلاح سالم بس ما جربتوش

[بحري]

أولا جزاكم الله خيرا وربنا يتقبل منك
ممكن حضرتك تروح درب الأتراك وهتلاقي هناك حاجات كتير جدا
وبرضه في مكتبة جنب الحسين اسمها دار التأليف عندها تشكيلات كتير وصاحبها الأستاذ سامي راجل محترم جدا وحضرتك -لو مفيهاش قلة ذوق مني- ممكن تقوله إنك من طرف الدكتور أحمد بتاع اسكندرية بتاع المصاحف وهو إن شاء حيعمل معاك الواجب

بالنسبة للركنة في مكانين واحد موقف في آخر شارع جوهر والتاني موقف برضه في الدراسة اسمه موقف الجعفري
بالتوفيق

[aliabutaleb]

جزاكم الله خيراً جميعاً على الزيادة في الإفادة :)
أستاذ احمد إبراهيم
متشكر لحضرتك جداً، بس بما إن الوصول للزيتون ومسجد العزيز بالله هايكون صعب عليا لخبراتي القاهرية المحدودة فعشان كدة استبعدت الخيار ده.
انا فعلاً رحت الأزهر امبارح، ولقيت مجموعة كبيرة من المكتبات بتشترك كلها في إنها دور نشر، يعني بتطبع المصحف بنفسها من غير وسيط.
اشتريت من دار اسمها دار العلم، والمصاحف معقولة أوي وأسعارها أظن إنها مش عالية.
على فكرة الباركنج اللي حضرتك بتقول عليه ده جنب مستشفى الحسين الجامعي، انا ركنت فيه قبل كدة كان فيه مكان بس الكلام ده كان الفجر :)
إنما لما رحت امبارح مكانش فيه مكان في الباركنج فركنت على الرصيف المقابل له فيه سايس هناك وبتكون عينه على العربيات

أستاذ بحري
متشكر جداً لحضرتك على المعلومة سواء بالنسبة للمصاحف أو بالنسبة للركنة بس للاسف مشفتش مشاركتك غير دلوقتي
تتعوض إن شاء الله في المرة الجاية