حد يعرف اذاي اجيب اتوبيس رحلات ؟؟

[El.Hossieny]

يا جماعة انا عايز اجيب اتوبيس رحلات بس يكون نظيف للسفر الي مدينة الفيوم ... حد عنده فكرة منين و لا اذاي و لا بكام ؟؟؟

[asbeats]

اي شركة نقل(شرق الدلتا او mcv) او اي مكتب سياحة...الموضوع في منتهى السهولة
والسعر حسب المسافة...وبتتفق عليه قبل السفر...وطبعا بتعمل حساب دخان السواق اثناء الرحلة عشان ميخنقش عليكم في الحركة

[El.Hossieny]

بس مش كده يبقي غالي و لا ايه النظام ؟؟

[aliabutaleb]

ممكن تروح لأي موقف كبير زي رمسيس
أو تحرير عشان هاتلاقي هناك أجرة فيوم بتشتغل أكتوبر
وتتفق معاهم على المشوار
هاتلاقي هناك ميكروباصات تويوتا وهاتكون مكيفة كمان

[asbeats]

والله الأسعار بتختلف من شركة لشركة...

بس نصيحة...

بلاش تسترخص وتجيب حاجة تعبانة عشان المسافة للفيوم طويلة...وواضح انك مش منظم الرحلة لهدف تجاري...انت عايز تستمتع وتفرح اللي معاك...الأتوبيس لازم يكون نظيف ومكيف...

اسأل في كذا مكتب او شركة نقل...وعلى فكرة سواقين الميكروباس والتاكسي بيبقى عندهم فكرة عن الحاجات دي...بس اسأل كويس...وشوف افضل سعر واحسن اتوبيس...

وبالتوفيق

[El.Hossieny]

الف شكر يا ابو حمزة و asbeats علي سرعة الرد ... و لكن التويوتا ده تقريبا 14 فرد و انا عايز اتوبيس عشان تقريبا العدد 28 فرد او اكتر ....

[asbeats]

الف شكر يا ابو حمزة و asbeats علي سرعة الرد ... و لكن التويوتا ده تقريبا 14 فرد و انا عايز اتوبيس عشان تقريبا العدد 28 فرد او اكتر ....

28 فرد يبقي ميني باس مش اتوبيس
لازم تحدد العدد قبل ما تتفق عشان تشوف هتجيب ايه بالظبط...

[أبو إياد]

اتصل على الرقم ده واستفسر منه 0105163378
علاء

[El.Hossieny]

الف شكر ليك يا محمد باشا ... بس يا تري مين علاء ده ؟؟؟

[أبو إياد]

ده واحد صاحب مكتب رحلات وكنت اخذت اتوبيس مره من عنده ومكيف
ولو عاوز اتوبيس سياحى بس هايكون سعره عالى اوى ممكن ابعتلك رقمه بس مش هاتفرق اتوبيس رحلات من اتوبيس سياحى

[A.Saad]

عندك شركات
الطيار
ايمكو
مصر للسياحة