التفسير المنطقى للمكالمة الشهيرة

[TaoTao]

المهم ان ده صوت شوبير
واللى يشوف برنامجه و هوه بيقولك ذهلت لما سمع المكالمه عشان ده مش صوته و جايبين مظاهره فى حب شوخير تحس كده انه القديس شوبير

و البنت ديه ساذجه و مش خبره ولا اى حاجه
هيه شكلها يوحى لاول وهله بانها مش مظبوطه بس بعد شويه هتلاقى كلامها منطقى فعلا لو فكرت البيئه اللى جايه منها
وفعلا لما شوخير كان بيشتم هيه كانت بتضحك عشان مش مجمعه اللى بيحصل و انكسفت تقوله ايه لما قالها عادى ولا مش عادى
الفكره هما سايبيييين الكائن الشوبيرى ده ليه؟ ده كائن متصلق متزلق
انا بتعكنن لما بعرف انه موجود فى الدنيا اصلا

ماشي يا سيدي هو سقط من نظر الناس ومش مختلف معاك بس برضه شرعاً وقانوناً لا يصح الاعتراف بمثل هذه التسجيلات .. أنا لا يهمني شوبير ولا منصور أنا باصص لأبعد من كدة .. دلوقتي الكاميرات بتتركب في الكرافتة وفيه منها على شكل ناموسة وتطيرها تحوم وتبعت الصوت والصورة بالبلوتوث، دي كارثة والناس لو فضلت تلوم الضحية وتسيب المتجسس (اللي هو الجاني الحقيقي) كل الناس هاتمسك لبعض سيديهات وتسجل لبعض والتكنولوجي دلوقتي ممكن تركب أصوات على مزاجك وببرامج مجانية ومش محتاجة احتراف.
القضية دي "شوبير" ضحية عملية تجسس واختراق خصوصية وبعديهم تشهير وده الإطار اللي أنا شايفه لأن الأيام الجاية سودة.
وباكرر مرة تانية إن ده ليس دفاعاً عن شوبير ده دفاع عن المبادئ وعن قيم المجتمع اللي بتنهار واحدة ورا التانية للأسف

[أبو إياد]

فى النهايه ان مافيش اى حاجه ملفقه
وانا فى انتظار الحكم فى قضيه توافرت فيها كل الاركان مع شخصيات هامه فى البلد

[human]

ماشي يا سيدي هو سقط من نظر الناس ومش مختلف معاك بس برضه شرعاً وقانوناً لا يصح الاعتراف بمثل هذه التسجيلات .. أنا لا يهمني شوبير ولا منصور أنا باصص لأبعد من كدة .. دلوقتي الكاميرات بتتركب في الكرافتة وفيه منها على شكل ناموسة وتطيرها تحوم وتبعت الصوت والصورة بالبلوتوث، دي كارثة والناس لو فضلت تلوم الضحية وتسيب المتجسس (اللي هو الجاني الحقيقي) كل الناس هاتمسك لبعض سيديهات وتسجل لبعض والتكنولوجي دلوقتي ممكن تركب أصوات على مزاجك وببرامج مجانية ومش محتاجة احتراف.
القضية دي "شوبير" ضحية عملية تجسس واختراق خصوصية وبعديهم تشهير وده الإطار اللي أنا شايفه لأن الأيام الجاية سودة.
وباكرر مرة تانية إن ده ليس دفاعاً عن شوبير ده دفاع عن المبادئ وعن قيم المجتمع اللي بتنهار واحدة ورا التانية للأسف

ديه حرب و القيم منهاره فيها
يعنى اللى بيعمله شوبير مع مرتضى و من غيره يبقى اسمه ايه؟
اللى فتح الفضائيات للناس لشوبير و خلافه عشان ينافقوا فيها و يشتموا و يتكبروا على التاس
الاخلاقيات منهاره من زمان - مافيش حاجه اسمها خصوصيه الا لما الحكومه تكون عايزه
يا فندم مين اللى سرب الافلام بتاعه دينا؟ و مين اللى سرب السى دى بتاع البغدادى و مين اللى ورا كل فضيحه و التانيه؟
المره ديه واحد من حزبهم اتفضح مش عن طريقهم
و بعدين البنت لو غلطانه تاخد عقوبه انا معاك بس التانيين برضه غلطانين و مش بياخدوا عقوبه

[lonedoctor]

ياجماعة الخير انا حاسس انه فيه خلط عندكم فى المفاهيم بين التجسس والتصنت المحرم شرعا وقانونا وهو الذى يخص الحياة الشخصية للعامة مثلى ومثلك وبين النوع الاخر الذى يخص الاشخاص فى موقع المسؤلية او الاشخاص الذين يرتكبرون جرائم فيها ضرر متعدى على الاخرين او ربما المجتمع باسره بمعنى انك لو عرفت انه شخص معين بيقوم ببيع المخدرات للشباب المساكين وقدر الله وعرفت توثق هذا الكلام باى وسيلة من وسائل التكنولوجيا الحديثة علشان يكون دليل لمحاكمته يبقى هذا تعدى على الحرية الشخصية؟
اعتقد انه الامر فيه خلط كبير وراجعو السيرة للخلفاء الراشدين مثلا وكيف كان عمر ابن الخطاب رضى الله عنه يتخفى ليلا ليتفقد احوال الرعية ويرسل الى الامصار من يفعل ذلك ويتفقد سيرة الامراء الذين امرهم على الامصار حتى يتاكد من انهم يحكمون فى الناس بالعدل والاحسان ويعاقب فورا من يثبت عنه اى جريمة او مخالفة او استغلال نفوذ او منصب
وشوبير شخصية عامة وكمان نائب عن الشعب فى المجلس وليس من حقه ان يفعل فى حياته الشخصية ما يشاء طالما لم يره احد واذا اراد ذلك فمرحبا فليستقيل من مواقع المسؤلية الكثيرة التى وضع نفسه فيها لخدمة الناس اولا وحط تحتها مليون خط ويذهب ليفعل مايشاء ولن يحاسبه احد

[amrico]

ماشي يا سيدي هو سقط من نظر الناس ومش مختلف معاك بس برضه شرعاً وقانوناً لا يصح الاعتراف بمثل هذه التسجيلات .. أنا لا يهمني شوبير ولا منصور أنا باصص لأبعد من كدة .. دلوقتي الكاميرات بتتركب في الكرافتة وفيه منها على شكل ناموسة وتطيرها تحوم وتبعت الصوت والصورة بالبلوتوث، دي كارثة والناس لو فضلت تلوم الضحية وتسيب المتجسس (اللي هو الجاني الحقيقي) كل الناس هاتمسك لبعض سيديهات وتسجل لبعض والتكنولوجي دلوقتي ممكن تركب أصوات على مزاجك وببرامج مجانية ومش محتاجة احتراف.
القضية دي "شوبير" ضحية عملية تجسس واختراق خصوصية وبعديهم تشهير وده الإطار اللي أنا شايفه لأن الأيام الجاية سودة.
وباكرر مرة تانية إن ده ليس دفاعاً عن شوبير ده دفاع عن المبادئ وعن قيم المجتمع اللي بتنهار واحدة ورا التانية للأسف

اتفق مع حضرتك
مش دفاع عن حد طبعا لأن الموقف كله على بعضه يدعو لعدم احترام اي طرف في الموضوع
لكن حكاية التجسس دي بقت تهريج وصفة قبيحة جدا و سلوك حقير جدا.

على كدا ممكن اي واحد بيقول كلمتين في لحظة انفعال يلاقي حد بيسجله ويوديه ورا الشمس.

[human]

اتفق مع حضرتك
مش دفاع عن حد طبعا لأن الموقف كله على بعضه يدعو لعدم احترام اي طرف في الموضوع
لكن حكاية التجسس دي بقت تهريج وصفة قبيحة جدا و سلوك حقير جدا.

على كدا ممكن اي واحد بيقول كلمتين في لحظة انفعال يلاقي حد بيسجله ويوديه ورا الشمس.

لو انت شخص مسئول يبقى اه حق الناس عليك تعرف
و كمان مافيش حاجه اسمها واحد مسئول يقول كلمتين و يتفك بيهم
هوه مسئول و بيلهف اموالنا عشان من المفترض انه مقدر للامور و عارف ايه الصح من الغلط
مش قدام الناس يقول انا الاخلاق و انا الشعب و انا الجامد و المتين و بعدين بعيد عن الناس يسب و يلعن و يخطط و يروح الساحل يظبط نفسه و تبقى حياه شخصيه
لا لا لا لا

[lonedoctor]

اتفق مع حضرتك
مش دفاع عن حد طبعا لأن الموقف كله على بعضه يدعو لعدم احترام اي طرف في الموضوع
لكن حكاية التجسس دي بقت تهريج وصفة قبيحة جدا و سلوك حقير جدا.

على كدا ممكن اي واحد بيقول كلمتين في لحظة انفعال يلاقي حد بيسجله ويوديه ورا الشمس.

من هنا ورايح لازم تخلى بالك كويس من اى كلام تقوله لانه ممكن يكون فيه واحد بيسجلك صوت وصورة ياباشا وبالذات لو منفعل هى دى اخطر لحظة كل الجواسيس اللى حواليك منتظراها بفروغ الصبر !!!!!!!!!!!!
وبالمناسبة شوبير ماكانش منفعل خالص فى المكالمة مع هبة غريب
ده العادى بتاعه ياجماعه انتم موش واخدين بالكم ولا ايه؟

[amrico]

لو انت شخص مسئول يبقى اه حق الناس عليك تعرف
و كمان مافيش حاجه اسمها واحد مسئول يقول كلمتين و يتفك بيهم
هوه مسئول و بيلهف اموالنا عشان من المفترض انه مقدر للامور و عارف ايه الصح من الغلط
مش قدام الناس يقول انا الاخلاق و انا الشعب و انا الجامد و المتين و بعدين بعيد عن الناس يسب و يلعن و يخطط و يروح الساحل يظبط نفسه و تبقى حياه شخصيه
لا لا لا لا

من هنا ورايح لازم تخلى بالك كويس من اى كلام تقوله لانه ممكن يكون فيه واحد بيسجلك صوت وصورة ياباشا وبالذات لو منفعل هى دى اخطر لحظة كل الجواسيس اللى حواليك منتظراها بفروغ الصبر !!!!!!!!!!!!
وبالمناسبة شوبير ماكانش منفعل خالص فى المكالمة مع هبة غريب
ده العادى بتاعه ياجماعه انتم موش واخدين بالكم ولا ايه؟

يارجالة انا كلامي كان واضح ان الموقف ده مافيش فيه حد يستاهل ندافع عنه.
انا مقصدش شوبير خالص انا بتكلم عن الظاهرة بتاعة التجسس والتصنت على الشخصيات حتى لو اشخاص عاديين
والدي قبل مايطلع معاش كان على درجة وكيل وزارة ومرة فاكر جتله مكالمة من موظف بيحكيله عن موظف قديم في الشغل بيقول عنه كلام مش كويس وبيحاول يشوه صورته، فما كان من والدي غير انه قال كلام صعب جدا للشخص اللي بلغه وقاله ان سلوكه غير محترم للتجسس على الناس حتى لو كان قصده مصلحته.
انا أسف يا جماعة انا اتربيت على كدا

ورأيي في موضوع شوبير (كشخصية عامة) لا اختلف فيه مع الأستاذ Human لأنه فعلا فاقد الشيئ لا يعطيه ومش معقول اتكلم عن المبادئ والاخلاق و و و .... وبعدين تكون تصرفاتي كده
انتم لو سمعتوا كلام البنت كانت بتقول راجل كان لاعب كورة وشوفوا وصل لحد فين فلازم اتعلم منه، يعني حتى لو كلام البنت دي متفبرك اكيد في ناس شايفينه نموذج للنجاح والكفاح والبداية من تحت الصفر
وأخيرا لازم نفتكر حاجة ان ربنا رحيم جدا بعباده ومبيفضحش حد من أول مرة ولا حتى عاشر مرة
ربنا مابيفضحش غير الناس اللي فعلا طغوا.

[itsonlyme]

العجيب انه كل ما يتمادى فى موضوع الانكار ده ويتحدث عن الشرف والامانة الى اخر هذه المعانى التى لا يعرف عنها الكثير يزداد سقوطا وفضحا اكثر واكثر وتنكشف حقيقته امام من كان يظن فيه بعض الخير ولن تصدقوا انه اليوم مرتضى منصور وهو خصمه وغريمه اعطاه المفتاح السرى للخروج من هذه الازمة بان يخرج للملا ويعترف بان هذا هو صوته ويعتذر علنا ووالله لو عمل كده ممكن يكبر تانى فى عيون الناس لانك يااخى هتحس انه لسه فيه خير وشوية مبادئ بس يبدوا ان مرتضى دارس شخصيته كويس ومدرك تماما لمستوى ذكائه

يا دكتور علامات الترقيم (من نقطة وفاصلة وفاصلة منقوطة وعلامة استفهام) ليها أهمية كبيرة.

الجملة دي من أطول الجمل اللي قرأتها في حياتي.

ارجو تقبل ملاحظتي بصدر رحب.

[itsonlyme]

ماشي يا سيدي هو سقط من نظر الناس ومش مختلف معاك بس برضه شرعاً وقانوناً لا يصح الاعتراف بمثل هذه التسجيلات .. أنا لا يهمني شوبير ولا منصور أنا باصص لأبعد من كدة .. دلوقتي الكاميرات بتتركب في الكرافتة وفيه منها على شكل ناموسة وتطيرها تحوم وتبعت الصوت والصورة بالبلوتوث، دي كارثة والناس لو فضلت تلوم الضحية وتسيب المتجسس (اللي هو الجاني الحقيقي) كل الناس هاتمسك لبعض سيديهات وتسجل لبعض والتكنولوجي دلوقتي ممكن تركب أصوات على مزاجك وببرامج مجانية ومش محتاجة احتراف.
القضية دي "شوبير" ضحية عملية تجسس واختراق خصوصية وبعديهم تشهير وده الإطار اللي أنا شايفه لأن الأيام الجاية سودة.
وباكرر مرة تانية إن ده ليس دفاعاً عن شوبير ده دفاع عن المبادئ وعن قيم المجتمع اللي بتنهار واحدة ورا التانية للأسف

والله الحفاظ على الخصوصية دي مسؤوليته. طبعاً هو مش مسؤول عن اختراق الخصوصية في حد ذاته. بس هو مسؤول عن المادة التي لو توفرت للعامة تسببت له باحراج. أنا شخصياً من أكتر الناس حرصاً على خصوصيته. يعني لا بشتم وأنا بتكلم في التليفون ولا في مكان عام ولا حتى في مكان خاص (يعني مش بشتم خالص). الصور اللي بتصورها ببقى حريص انها لا تضعني في موقف محرج. مش بتكلم عن خصوصياتي مع أي حد. كل ده وأنا مش شخصية عامة مشهورة.

أما الشخصيات العامة الأيام دي، يغلط مع بنات ليل وبعدين يشتكي ان عملوله سي دي. يسهر في ملاهي ليلية وبعدين يشتكي انه اتصور وهو سكران. يشتم ويسب بعدين يشتكي ان المكالمة اتسجلت.

[lonedoctor]

يا دكتور علامات الترقيم (من نقطة وفاصلة وفاصلة منقوطة وعلامة استفهام) ليها أهمية كبيرة.

الجملة دي من أطول الجمل اللي قرأتها في حياتي.

ارجو تقبل ملاحظتي بصدر رحب.

اسف جدا بس بس نظرا لانى غالبا باكون مستعجل باستسهل شوية وان شاء الله احاول

[TaoTao]

ديه حرب و القيم منهاره فيها
يعنى اللى بيعمله شوبير مع مرتضى و من غيره يبقى اسمه ايه؟
اللى فتح الفضائيات للناس لشوبير و خلافه عشان ينافقوا فيها و يشتموا و يتكبروا على التاس
الاخلاقيات منهاره من زمان - مافيش حاجه اسمها خصوصيه الا لما الحكومه تكون عايزه
يا فندم مين اللى سرب الافلام بتاعه دينا؟ و مين اللى سرب السى دى بتاع البغدادى و مين اللى ورا كل فضيحه و التانيه؟
المره ديه واحد من حزبهم اتفضح مش عن طريقهم
و بعدين البنت لو غلطانه تاخد عقوبه انا معاك بس التانيين برضه غلطانين و مش بياخدوا عقوبه

بص يا سيدي كلامك زي الفل ولخبطني، بس إيه الحل؟ ليه يحصل تداخل بين السياسة والمبادئ؟ السياسة لعبة فاسدة لا وجود فيها للأبيض ولا الأسود كله درجات رمادي، المبادئ يابيض ياسود.. المفروض من وجهة نظري إننا لا نفسد المبادئ للتشفي سياسياً من شوية المتسلقين دول .. الحل إيه؟! الحل الحضاري سحب الثقة من شوبير كعضو مجلس شعب من خلال أبناء دايرته، وإنه لما يعمل برنامج في فضائية مايلاقيش ألف "هايف" يبعتوله SMS والقناة تستنفع من وراه فترفده ويشوفله شغلانة مفيدة ياكل منها عيش بس مش على قفانا. السؤال برضه هل في ظل ما نعيش فيه من انعدام شفافية والفساد والمحسوبية ينفع نعمل كدة؟ ماظنش :( يعني هانرجع لنفس الدايرة المفرغة .. يبقى ممكن نمشيها كدة: "طالما شخصية عامة في مصر مش مهم المبدأ المهم إنه مذنب" بس أنا مش مرتاح برضه المبادئ لا تجتزأ
ماينفعش شرعاً وقانوناً والمفروض "عرفاً" إننا ندين أي حد بسبب مثل هذه التسجيلات.

ياجماعة الخير انا حاسس انه فيه خلط عندكم فى المفاهيم بين التجسس والتصنت المحرم شرعا وقانونا وهو الذى يخص الحياة الشخصية للعامة مثلى ومثلك وبين النوع الاخر الذى يخص الاشخاص فى موقع المسؤلية او الاشخاص الذين يرتكبرون جرائم فيها ضرر متعدى على الاخرين او ربما المجتمع باسره بمعنى انك لو عرفت انه شخص معين بيقوم ببيع المخدرات للشباب المساكين وقدر الله وعرفت توثق هذا الكلام باى وسيلة من وسائل التكنولوجيا الحديثة علشان يكون دليل لمحاكمته يبقى هذا تعدى على الحرية الشخصية؟
اعتقد انه الامر فيه خلط كبير وراجعو السيرة للخلفاء الراشدين مثلا وكيف كان عمر ابن الخطاب رضى الله عنه يتخفى ليلا ليتفقد احوال الرعية ويرسل الى الامصار من يفعل ذلك ويتفقد سيرة الامراء الذين امرهم على الامصار حتى يتاكد من انهم يحكمون فى الناس بالعدل والاحسان ويعاقب فورا من يثبت عنه اى جريمة او مخالفة او استغلال نفوذ او منصب
وشوبير شخصية عامة وكمان نائب عن الشعب فى المجلس وليس من حقه ان يفعل فى حياته الشخصية ما يشاء طالما لم يره احد واذا اراد ذلك فمرحبا فليستقيل من مواقع المسؤلية الكثيرة التى وضع نفسه فيها لخدمة الناس اولا وحط تحتها مليون خط ويذهب ليفعل مايشاء ولن يحاسبه احد

المبدأ واحد سواء شخصية عامة أو خاصة كله واحد وكل التجسس حرام إنما ..
المفروض -في الدول المتحضرة- هناك آليات لمراقبة الشخصيات العامة، يعني ماينفعش واحد مالوش أي خبرة إدارية ولا سياسية ينجح في انتخابات مجلس الشعب واتحاد الكورة يعينه نائب وبعد كدة يتم فرضه كإعلامي في الفضائيات بالعافية خلال سنتين تلاتة .. طيب النابغة اتعين وتمام واكتشفنا إنه ماجبتوش ولادة ولازم يستمر في منصبه .. يبقى فيه جهات رقايبة مسئولة عنه كمجلس القيم والنيابة الإدارية وهكذا ماتبقاش سداح مداح وكل واحد معاه موبايل يعمل نفسه حامي الفضيلة و "القيم" على مخاليق ربنا.

بالنسبة للمثل بتاع تاجر المخدرات، طالما الإجراء غير قانوني يبقى -أولاً- مالوش لازمة وثانياً تعدي على مبدأ قانوني وشرعي حكيم جداً.. أنا كنت باستنكر الأول من موضوع "إذن النيابة" اللي معظم تجار المخدرات بياخدوا براءة بسببه بس لو فكرت في الموضوع هاتلاقي إن المبدأ القانوني أهم ، مش عشان نقبض على تاجر مخدرات أضع خصوصيات 80 مليون مواطن تحت خطر التجسس .. بمعنى إن لو الموضوع زي مابتقول -طالما سجلتله يبقى هو مذنب- كل واحد يرمي ودنه أو كاميرته أو "الذبابة الإلكترونية" على باب جاره ويقولك "أصلي شاكك إنه بيتاجر في الممنوعات" وزي ماتيجي معاه بقى قدر يسجل له صورة ماشي شتيمة شغال لو فيلم يبقى "إشطة" ويطبع له السي دي التمام وشكراً سمعة بني آدم بقت في الوحل. هو ده اللي يعنيني في الموضوع خصوصيات الناس في زمن الكاميرات فيه قد راس الدبوس، ومن كام يوم زميلنا العزيز "كريم منير" كشف عن خبر اكتشاف كاميرا وايرلس في حمام سيدات في "مكان راقي" يعني كلنا معرضين لهذا الاختراق للأسف.
بالنسبة لسيدنا عمر انت بتتكلم عن أمير المؤمنين يعني أعلى سلطة تشريعية ورقابية، يعني حقه يسأل ويشوف أحوال الرعية يعني ده مثل برة الموضوع .. بس ياريت نرجع لفترات الخلافة الرشيدة اللي كلها عدل ومساواة.

[TaoTao]

اتفق مع حضرتك
مش دفاع عن حد طبعا لأن الموقف كله على بعضه يدعو لعدم احترام اي طرف في الموضوع
لكن حكاية التجسس دي بقت تهريج وصفة قبيحة جدا و سلوك حقير جدا.

على كدا ممكن اي واحد بيقول كلمتين في لحظة انفعال يلاقي حد بيسجله ويوديه ورا الشمس.

شكرا على المداخلة والدعم المعنوي.
بالنسبة للتسجيل، على حد معلوماتي القانونية وياريت حد يصححلي، القضاء لا يعترف بهذه التسجيلات.
المفروض يبقى فيه كمان "عرف" بين الناس إنها تستنكر هذه المواد التجسسية لأننا بالطريقة دي -التهافت على هذه المواد وتداولها وإدانة الناس بها- بنخرب على نفسنا بإيدينا

[Terrible_DaRsH]

عارفين اول ما شفت البنت دى فى المحور بعد المكالمة , افتكرت على طول البنت اللى كانت فى فيلم ( جائنا البيان التالى ) .

بنتك طالعة اعـــــــــــارة يا حاجة .

[TaoTao]

والله الحفاظ على الخصوصية دي مسؤوليته. طبعاً هو مش مسؤول عن اختراق الخصوصية في حد ذاته. بس هو مسؤول عن المادة التي لو توفرت للعامة تسببت له باحراج. أنا شخصياً من أكتر الناس حرصاً على خصوصيته. يعني لا بشتم وأنا بتكلم في التليفون ولا في مكان عام ولا حتى في مكان خاص (يعني مش بشتم خالص). الصور اللي بتصورها ببقى حريص انها لا تضعني في موقف محرج. مش بتكلم عن خصوصياتي مع أي حد. كل ده وأنا مش شخصية عامة مشهورة.

أما الشخصيات العامة الأيام دي، يغلط مع بنات ليل وبعدين يشتكي ان عملوله سي دي. يسهر في ملاهي ليلية وبعدين يشتكي انه اتصور وهو سكران. يشتم ويسب بعدين يشتكي ان المكالمة اتسجلت.

تمام ومعظمنا بيعمل كدة، افرض واحد دخل يقيس هدوم في محل مشهور وتاني يوم لقي صوره بالملابس الداخلية مبعوتة لكل زمايله؟ ده مثل بسييييييييييييييييييييييييييط جداً للي ممكن يحصل كمان كام أسبوع.
الشخصية العامة ليها أجهزتها الرقابية يعني لو 100 واحد من طنطا اشتكى في مجلس الشعب إن شوبير بيعمل كذا وكذا المفروض إنه هايتحط عليه دايرة حمرا ويتراقب كويس.
المفروض يتكون "رأي عام" ضد الأفلام التجسسية وإلا هايحصل ما لا يحمد عقباه
يا جماعة ده فيه قيمة عظيمة عندنا في مصر اسمها "الستر" نسيناها كلنا عشان خاطر فيلم دينا وسي دي بغدادي ومكالمة شوبير .. وبننساها كلنا لما الشباب يحب يستظرف ويصوروا اللي نايم في أوتوبيس الشغل أو لو طالعين رحلة وواحد نايم . أنا ذهلت لما لقيت واحد بيصور زميله النايم في باص الشغل كان أول مرة اشوف كدة وقلت له "انت ماعندكش دم" وزعقت فيه جامد وقلتله يابني "النوم سترة" لقيته بصلي قال لي "ماكنتش اعرف أصلهم بيصوروني وانا نايم ويضحكوا عليا" يعني الفضيحة بقت القاعدة!! الفرق بيني وبينه 6 سنوات فقط يعني أنا مش جدو ولا حاجة ومع ذلك فيه تغيير كبير في المفاهيم ..