هل هتقاطع الفيس بوك

[Abdo_Eldesokey]

يا جماعة شيء جميل إن إحنا يكون لينا رد فعل ونعرف ناخد موقف

لكن مش المفروض يكون رد الفعل ده عملي وقوي

يعني لما إحنا دلوقتى نقاطع الفيس بوك يوم ولا يومين ، الموقع هيخسر إيه ؟؟

ولا حاجة ، ده بالعكس ممكن يستغل الفرصة دي ويحدث السيرفرات بتاعة الـشرق الأوسط ويعملها Backup ويظبط شبابه

لو عايزين وسائل ضغط فعلاً يبقى بإرسال شكاوى لإدارة الموقع وإن لم يستجيبوا نشتكي في الجهات الدولية الي بتكافح العنصرية والكراهية زي الأمم المتحدة وغيرها

لكن أنا شايف إن موضوع مقاطعة الفيس بوك ده فاشل وملوش أي نتائج إيجابية

[mando_07]

بالظبط كده يبقى احنا نشتكي ولا نقاطع؟

لا

مش هقاطع

الفيس بوك لاعمره ولاعمره مس ديننا بشئ

اللي بيعمل كدا مجرد أناس بيستخدموه

ولو حتي اتحرق الفيس بوك باللي فيه

هيعملوا كدا تاني وتالت ورابع فميت موقع تاني

وبعدين الاولي اننا نقاطع المسلمين اللي بيسيئوا للاسلام والرسول قبل منبتدي نعاتب غيرنا

نعيب زماننا والعيب فينا وما لزماننا عيب سوانا

عايزين فعلا ننصر ديننا ورسولنا؟؟؟

يوم القيامة لما ربنا يسألنا نصرناهم ازاي هنقولهم قاطعنا الفيس بوك؟؟

ولانبص لحاجات تانية اهم بكتير؟؟

يا جماعة سبب المقاطعة هو أن اعداد كتير اشتكت عشان الجروبات اللي بتشتم الرسول ومش راضيين يحذفوها لكن أي جروب بيتعمل بيسيء الغرب بيتعمل بيتحذف علطول مبيكملش يوم
على العموم كل واحد حر طبعا بس أنا عن نفسي هقاطعه أن شاء الله

[lancerevolution]

يا جماعة سبب المقاطعة هو أن اعداد كتير اشتكت عشان الجروبات اللي بتشتم الرسول ومش راضيين يحذفوها لكن أي جروب بيتعمل بيسيء الغرب بيتعمل بيتحذف علطول مبيكملش يوم :_alshmokh08[1]:
على العموم كل واحد حر طبعا بس أنا عن نفسي هقاطعه أن شاء الله

هط نفسك مكان الإدارة بتاعت الفيس بوك أو حتى هنا فى المنتدى جيه واحد حط موضوع بيشتم ناس معينة جم الناس دول وراحوا شاتمينك و متهمينك شوية إتهامات و هددوك إنهم هيوقفوك هتعمل إيه بكل بساطة هتاخدها عند و أعلى ما فى خيلك إركبه و أخرك إعمله و هيتنيه الموضوع دا موجود و الشتيمة تكتر
إنما لو جم بالراحة و ضحلك صورته و ورالك الكلام الصح بيبقى عامل إزاى و كلمك بهدوء بدون تهديد أنت لو مسمعتش من أول مرة هتلاقى نفسك بتسمع من تانى مرة لأن صوت الحق مسموع و محدش يقدر يتجاهله
طبعا دا مش دفاع للفيس بوك بس دا نقد لينا و أسلوب القفش الى بيحركه ناس متطرفة لاتعرف لغة الحوار و كل حاجة يقولك نقاطع أصل أنا بعت شكوى و محدش رد عليا طبيعى واحد باعت شتيمة هيردوا يقولوا إيه و المشكلة إنه بيستفذك و بيحسسك إنك هتخرج من الدين لو معملتش زيه طبعا مش كل الناس بس فئة ضالة انا قابلت منها كتير فى الكلية و فى منتدى تانى رزل

[mando_07]

هط نفسك مكان الإدارة بتاعت الفيس بوك أو حتى هنا فى المنتدى جيه واحد حط موضوع بيشتم ناس معينة جم الناس دول وراحوا شاتمينك و متهمينك شوية إتهامات و هددوك إنهم هيوقفوك هتعمل إيه بكل بساطة هتاخدها عند و أعلى ما فى خيلك إركبه و أخرك إعمله و هيتنيه الموضوع دا موجود و الشتيمة تكتر
إنما لو جم بالراحة و ضحلك صورته و ورالك الكلام الصح بيبقى عامل إزاى و كلمك بهدوء بدون تهديد أنت لو مسمعتش من أول مرة هتلاقى نفسك بتسمع من تانى مرة لأن صوت الحق مسموع و محدش يقدر يتجاهله
طبعا دا مش دفاع للفيس بوك بس دا نقد لينا و أسلوب القفش الى بيحركه ناس متطرفة لاتعرف لغة الحوار و كل حاجة يقولك نقاطع أصل أنا بعت شكوى و محدش رد عليا طبيعى واحد باعت شتيمة هيردوا يقولوا إيه و المشكلة إنه بيستفذك و بيحسسك إنك هتخرج من الدين لو معملتش زيه طبعا مش كل الناس بس فئة ضالة انا قابلت منها كتير فى الكلية و فى منتدى تانى رزل

ماشي أنا معاك في كل اللي انت قلته و للاسف لغة حوارنا تخلي كتير من الغرب يقرف مننا لكن بردو في جروبات بتبقى مستفزة قوي لاي واحد مسلم وعدد الشكوي فيها بيبقى بالملايين وبصرف النظر عن اسلوبنا الوحش في الحوار لازم يقفلوه عشان ده ازدراء لديننا أهي ممكن المقاطعه دي تجيب نتيجة ولو 10% ويقفلوا الجروبات السخيفة دي

[lancerevolution]

صعب جدا لأنهم نفسهم بيسخروا من دينهم
بس على أمل مش هنقول لأ بس ما نكتفيش بالمقاطعة

[ENG\AHMED]

ممكن سؤال!
الناس اللى عاملة الجروب دة عملت اية لنصرة الاسلام وسيدنا محمد صلى الله علية وسلم .. عملت مقاطعة!! .. هى دى النصرة!!

ولو دورنا ورا معظم الناس دى ولا تعرف حاجة عن الدين بس هى زيطة وخلاص
دا احنا الحاجة الوحيدة اللى بنتجمع عليها ماتشات الكورة ويقولك اصل مصر بتلعب !!! يعنى هى دى مصر دة لو قامت حرب كلة هيجرى , لما بتحصل مصيبة فى البلد محدش بيتكلم ولما بيتكلم بيبقى بينة وبين نفسة علشان محدش يسمعة انما فى الماتشات بنقفل الشوارع ونهيص ونهتف !! كأن مفيش عندنا مشاكل غير فريق مصر هيكسب ولا هيخسر ... طيب فريق مصر كسب ولا خسر اية اللى كسبتة ولا خسرتة مصر غير شوية ملايين دخلوا حسابات اللعيبة وبس

طيب صلحنا بلدنا !! , صلحنا من نفسنا , صلحنا من تعاملتنا مع بعض , السسرقة اتمنعت من البلد وانتشرت الفضيلة بدل الرذايل اللى فى كل حتة , هل بقينا بنخاف على بعض ونحترم بعض , هل بنراعى وصايا الاسلام وسيدنا محمد صلى الله علية وسلم !!! .. ولا دة كلة مش نصرة؟؟؟؟

لو الحل لكل مايمس الاسلام هو المقاطعة يبقى الاولى نقاطع انفسنا قبل مانقاطع حد تانى , على الاقل بنتكلم عن ناس متعرفش حاجة عن الاسلام ولا رسولة وبالتالى لما يسيئوا لية فا على الاقل اهم على غير الملة انما الاساءة تيجى من المسلمين انفسهم تبقى هى دى المصيبة
الغرب بيسخر منا من همجيتنا والخزعبلات اللى بنتناقلها على النت

هل حل الاساءة هو المقاطعة!! طيب مالاساءة جاية من كل حتة يبقى هنقاطع اية ولا اية!!!
عملنا اية علشان يبقى عندنا اكتفاء ذاتى ومش نحتاجلهم فى حاجة , عاملين زى اللى بيقعد يسب فى التليفزيون والقرف اللى فية كأن التليفزيون بيجيب الحاجات دى من عندة طيب مانفس التليفزيون اللى بتشف فية قرف هو هو نفسة اللى ممكن تشوف فية حاجات مفيدة سواء دينية او ثقافية !! يبقى العيب فى الانسان نفسة مش الجماد

الاسلام ايام الدعوة وسيدنا محمد صلى الله علية وسلم انتشر بالدعوة وليس المقاطعة
الغرب عامل زى واحد اهبل ولية ودنين ودن واقف عليها واحد بيقولة الاسلام كذا وكذا وعمال يحفظة والودن التانية فاضية مش سامع فيها حاجة اصلها عاملة مقاطعة !! وبالتالى هو بيسمع من ناحية واحدة بس , وبالتالى الكلام اللى بيسمعة من برة صح لأنة مش سامع حاجة من الودن التانية بس شايف همجية وعدم تنظيم وخلافات بين نفس الفريق !!!

يبقى الحل اية نقاطع ولا نحاول ننشر ديننا صح نعرف الناس دى اية هو الاسلام

ادخلوا على الفيس بوك وقلبوا هتلاقوا بلاوى جروبات بتدعى لليبرالية واخرى الحرية الجنسية (دعارة مقننة فى اى وقت واى مكان بدعوى حرية التصرف فى الجسد ) ووووووووو .................... بلاااااوى

[oss_m]

هو ليه يا جماعة لما يبقى فيه حاجة ايجابية ..... لازم نطلع فيها القطط الفاطسة ؟

يعنى لما نعمل مقاطعة للبضائع الامريكية ..... تلاقى اللى بيقول "طب ما احنا بنساعدهم يبقى نقاطع نفسنا" ..... و لما الناس تطلع مظاهرات علشان الرسوم المسيئة للنبى -صلى الله عليه و سلم- ..... نقول "ايه ده؟ ده احنا كده بنعمل قيمة للصحف دى" ..... و لما نقاطع الفيس بوك .... نقول "لو دورنا ورا معظم الناس اللى مقاطعة ولا تعرف حاجة عن الدين بس هى زيطة وخلاص" ..

ليه مانقولش ان دى حاجة ايجابية ... حتى لو فيه سلبيات تانية ، كفاية ان فيه شباب ممكن يكون مش عارف أصل الموضوع .... بس أول ماسمع ان الموضوع فيه اساءة للاسلام و للنبى انضم للحملة ........ مش دى حاجة تفرح .. حتى و لو قليل؟

و ليه فى كل حاجة نقول "نصلح نفسنا الأول"؟ ... هو فيها ايه لو صلحنا نفسنا و فى نفس الوقت عملنا اللى نقدر عليه فى القضايا دى ... حتى لو اللى نقدر عليه ده مجرد مقاطعة لموقع على الانترنت ..


نيجى بقى لنقطة (احنا أصلا هانقاطع الفيس بوك ليه ؟ ) أو (الفيس بوك مجرد مكان مالوش دعوة محتوى اللى الناس بتضيفه) :

أولا .. أنا احب اوضح بعض الجروبات اللى فيها اساءات ... علشان الناس اللى شايفة ان الموضوع تافه و مايستاهلش :
1- جروب اسمها F....* Islam ...... طبعا انتم من الاسم عرفتوا المحتوى .. و على فكرة الجروب دى فيها أعضاء كتيييير جدا
2- جروب عملته فتاه ألمانية تدعو فيه لاستخدام القران الكريم ... بدلا من المناديل الورقية فى الحمامات -معاذ الله-
3- جروب عامله شوية ملحدين مصريين بيعرضوا فيه أفكارهم .... ماشى .. مش مشكلة .. ده كمان فيه ناس دخلوا حاوروهم بالعقل .......... بس العالم دى تمادت قوى فى السخرية .. حتى وصل بهم الأمر لوضع كاريكاتيرات تجسد المولى عز و جل .... فى صور إذا رسمت على أحدنا لأقام الدنيا و لم يقعدها.

طيب ...ايه بقى اللى عمله المسلمين ؟ (سيبكم من اللى بعتوا رسائل تهديد و ما شابه ... دول طبعا غلطانين 100%) ... انما أغلب الناس بعتت تقارير لإدارة الفيس بوك ان المجموعات دى بتحث على السخرية و الكراهية ضد المسلمين ... مع العلم ان التقارير دى اتبعتت عن طريق خيارات يوفرها الفيس بوك للابلاغ عن مثل هذه الحالات ...
و النتيجة ؟ .... لا شئ .. بل ان ادارة الموقع لم تكتفى بترك الجروبات دى مفتوحة ... لأ دى كمان ماكلفتش نفسها بالرد أو التبرير .. رغم ان اللى بلغوا اعدادهم تقدر بمئات الالاف

و علشان ماحدش يقول ان الخيارات دى الفيس بوك حاططها تحصيل حاصل من الأول ......... على الجانب الاخر .. تم بالفعل اتخاذ اجراءات من جانب الموقع ضد جروبات و صفحات عاملها مسلمين ... رغم انها مافيهاش اساءة لحد .... و اشهر الوقائع دى .... حذف صورة أبو تريكة اللى كاتب فيها على التى شيرت "تضامنا مع غزة" من كل الجروبات و الصفحات الشخصية.

و علشان كده قررنا نقاطع الفيس بوك ليوم واحد ... لا لشئ إلا لتوصيل رسالة لادارة الموقع باللى احنا عاوزينه .... و لو ماستجابوش ( و ده المتوقع ) ... ممكن يكون فيه اجراءات تانية .... و أنا عن نفسى مستعد أكون أول واحد يقفل البروفايل بتاعه خالص ...

اسف على الاطالة ... و ياريت ماحدش يزعل منى

[تامر.محمد]

هو ليه يا جماعة لما يبقى فيه حاجة ايجابية ..... لازم نطلع فيها القطط الفاطسة ؟
يعنى لما نعمل مقاطعة للبضائع الامريكية ..... تلاقى اللى بيقول "طب ما احنا بنساعدهم يبقى نقاطع نفسنا" ..... و لما الناس تطلع مظاهرات علشان الرسوم المسيئة للنبى -صلى الله عليه و سلم- ..... نقول "ايه ده؟ ده احنا كده بنعمل قيمة للصحف دى" ..... و لما نقاطع الفيس بوك .... نقول "لو دورنا ورا معظم الناس اللى مقاطعة ولا تعرف حاجة عن الدين بس هى زيطة وخلاص" ..
ليه مانقولش ان دى حاجة ايجابية ... حتى لو فيه سلبيات تانية ، كفاية ان فيه شباب ممكن يكون مش عارف أصل الموضوع .... بس أول ماسمع ان الموضوع فيه اساءة للاسلام و للنبى انضم للحملة ........ مش دى حاجة تفرح .. حتى و لو قليل؟
و ليه فى كل حاجة نقول "نصلح نفسنا الأول"؟ ... هو فيها ايه لو صلحنا نفسنا و فى نفس الوقت عملنا اللى نقدر عليه فى القضايا دى ... حتى لو اللى نقدر عليه ده مجرد مقاطعة لموقع على الانترنت ..
نيجى بقى لنقطة (احنا أصلا هانقاطع الفيس بوك ليه ؟ ) أو (الفيس بوك مجرد مكان مالوش دعوة محتوى اللى الناس بتضيفه) :
أولا .. أنا احب اوضح بعض الجروبات اللى فيها اساءات ... علشان الناس اللى شايفة ان الموضوع تافه و مايستاهلش :
1- جروب اسمها f....* islam ...... طبعا انتم من الاسم عرفتوا المحتوى .. و على فكرة الجروب دى فيها أعضاء كتيييير جدا
2- جروب عملته فتاه ألمانية تدعو فيه لاستخدام القران الكريم ... بدلا من المناديل الورقية فى الحمامات -معاذ الله-
3- جروب عامله شوية ملحدين مصريين بيعرضوا فيه أفكارهم .... ماشى .. مش مشكلة .. ده كمان فيه ناس دخلوا حاوروهم بالعقل .......... بس العالم دى تمادت قوى فى السخرية .. حتى وصل بهم الأمر لوضع كاريكاتيرات تجسد المولى عز و جل .... فى صور إذا رسمت على أحدنا لأقام الدنيا و لم يقعدها.
طيب ...ايه بقى اللى عمله المسلمين ؟ (سيبكم من اللى بعتوا رسائل تهديد و ما شابه ... دول طبعا غلطانين 100%) ... انما أغلب الناس بعتت تقارير لإدارة الفيس بوك ان المجموعات دى بتحث على السخرية و الكراهية ضد المسلمين ... مع العلم ان التقارير دى اتبعتت عن طريق خيارات يوفرها الفيس بوك للابلاغ عن مثل هذه الحالات ...
و النتيجة ؟ .... لا شئ .. بل ان ادارة الموقع لم تكتفى بترك الجروبات دى مفتوحة ... لأ دى كمان ماكلفتش نفسها بالرد أو التبرير .. رغم ان اللى بلغوا اعدادهم تقدر بمئات الالاف
و علشان ماحدش يقول ان الخيارات دى الفيس بوك حاططها تحصيل حاصل من الأول ......... على الجانب الاخر .. تم بالفعل اتخاذ اجراءات من جانب الموقع ضد جروبات و صفحات عاملها مسلمين ... رغم انها مافيهاش اساءة لحد .... و اشهر الوقائع دى .... حذف صورة أبو تريكة اللى كاتب فيها على التى شيرت "تضامنا مع غزة" من كل الجروبات و الصفحات الشخصية.
و علشان كده قررنا نقاطع الفيس بوك ليوم واحد ... لا لشئ إلا لتوصيل رسالة لادارة الموقع باللى احنا عاوزينه .... و لو ماستجابوش ( و ده المتوقع ) ... ممكن يكون فيه اجراءات تانية .... و أنا عن نفسى مستعد أكون أول واحد يقفل البروفايل بتاعه خالص ...
اسف على الاطالة ... و ياريت ماحدش يزعل منى

سلام عليكم
حقيقي حضرتك ربنا يبارك لك
انا من الناس اللي بتتواجد على الفيس بوك يوميا , و بادخل في جروبات كتير جدا و مشرف جروب فيها حوالي 2000 عضو تقريبا
و لما لقيت الموضوع ده هنا
دخلت اكتب بالظبط الكلام اللي حضرتك كاتبه ده

و احب اضيف

لما يبقى فيه جروب مسيء
و الناس عملت كل حاجة تتعمل , دخلوا ناقشوا , و دخلوا وضحوا الصح , و ناقشوا باحترام , و عملوا جروبات تفند الكلام الفارغ و تظهر الحقيقة

و ناس تانيين فعلا دخلوا شتموا , اهم جربوا طريقة تانية للمواجهة , حتى لو غلط

و لما دول و دول لقوا مافيش نتيجة و لقوا ان اللي بيكلموه كاره و خلاص , و باكرر تاني , كل ده انا شفته بنفسي

بدأوا يعملوا ريبورت في الجروب , و دي الطريقة اللي حطنها ادارة الفيس بوك للابلاغ عن الاساءات , و فعلا الاساءات دي ممنوعة على الفيس بوك , و اللي مش مصدق يروح يقرا الاتفاقية اللي في الاول

لما يكون جروب مسيء فيه 3000 عضو , و الجروب اللي بيطالب بمسح الجروب المسيء فيه 400 الف عضو
يعني لو ال400 الف دول 5% بس منهم عملوا ريبورت في الجروب المسيء , يعني 20 الف عملوا ريبورت في جروب فيه 3000 , لو فيه ادارة بتحترم نفسها و بتحترم زوارها كان لازم الجروب ده يتمسح , و احنا بنتكلم عن 5% من عدد الناس في اكبر جروب مناهض لأن فيه غيره كمان

لما يكون في المقابل اي حاجة بتتقال ضد اليهود ولا اسرائيل بتتمسح , و حضرنا حاجات زي دي برده , يبقى كده فيه استهبال

المقاطعة دي المفروض انها 3 ايام مش يوم واحد , و هدفها تهديد الفيس بوك لأن ان ربنا اكرم و كتير قاطعوه , هايخسر كتير لأن اعلاناته بتتحاسب بعدد مرات العرض او بالكليكات
فالمسألة تهديد مادي صرف

طبعا كمبدأ , يفترض بعد القصة دي اي انسان شاغل دينه باله , ان لو الفيس بوك طنش خالص المقاطعة دي , و ما نفذش اللي عايزينه , اي حد شاغل دينه باله مش هايدخل فيس بوك الا عشان يقوم بنشاط يواجه فيه نشاطات التشويه دي
و اي حاجة ترفيهية تانية تبقى في مواقع تانية , و الحمد لله البدايل موجودة

أشكركم

[MoToRiZeR]

طيب نفند أوراق الموضوع ..

أول حاجة الموضوع قائم علي نظرية المؤامرة بشكل صرف .. فيه جروبات مسيئة للإسلام .. و فيس بوك سايبها إذن هو موقع موالس للصهيونية و اليهودية و الإمبرالية و اللامركزية العباسية! في حين إن بالبحث هتلاقي جروبات مسيئة للأديان بشكل عام و بتتريق عاليهود و عالمسيحيين و عالدينيين و اللادينيين و كل أشكال الإعتقادات في العالم ! و فيها أعضاء كتير برضه .

المعترضين بيعملوا إيه ؟ كل واحد يعمل جروب "مطلوب مليون توقيع لغلق غرفة تسب الرسول" علي فكرة و الله الإيميل ده بيجيلي من سنة 2001 ! و كل شوية مطلوب مش عارف كام توقيع لغلق جروب يسئ للإسلام .. لو الجروب ده وصل مليون عضو هنرجع تامر حسني السجن .. لو الجروب ده وصل ألف عضو هنجيب أبو تريكة في حرس الحدود .. إلي أخره من البتنجان .. اللي بيعمله الأشخاص إن بينضموا للجروب و خلاص لما يلاقي صحابه دخلوا أو حتي إيماناَ بالقضية بس محدش بيعمل ريبورت ولا حتي يقرا وصف الجروب .. مثال .. انا كتبت مقال قبل كدة ناس نقلته و عملته جروب إنضم فيه 43 ألف عضو .. كام تعليق جه من ال 43 ألف ؟ 1000 و شوية .. منهم حوالي 600 رد إعلانات لجروبات تانية !

بالنسبة لجروبات الملحدين .. ممكن يعملوا كاريكاتير يجسد المولي عز و جل و أه ده طبعاَ كفر في الإسلام إنما مقبول في إعتقادات تانية و البعض قد يراه ظريف! و متتوقعش من فيس بوك يفكر زيك ! الفيس بوك ملوش ملة .. متتوقعش إن الموقع يحترم الإسلام علي وجه الخصوص .. لأنك هتلاقي جروبات بتسخر من الأديان كلها .. سياسيين كتير جداَ .. من أماكن و بلدان كتير .. بإختصار مفيش تابوهات .. و لو مش علي فيس يبقي عالمدونات .

البنت اللي عملت جروب ورق تواليت عليه القرأن في المانيا دي جروبها صغير جداَ و الفانز بتوعها عالمدونة معدوش 10 !! الهوجة كلها من عندنا .. يعني لو سبناها تعض في الأرض هي أساساَ محدش معبرها لأن في معظم مناطق العالم المتحضرة إهانة الأديان بشكل فج غير مقبولة .

الموضوع انا شايفه هوجة مقاطعات و خلاص .. عامة يوم المقاطعة و أهوه و كل اللي حاطين صورة المقاطعة من أصدقائي أونلاين علي فيس بوك بيتأكدوا إن الناس مقاطعة و محدش بيدخل .

انا لا أقصد الإساءة بس الحركات دي و أخذ الموضوع بأسلوب "العركة" خاصة لو شفت المشتركين في الجروب و صورهم و تعليقاتهم و طريقة تفكيرهم .. بفتكر أغنية "انا إسمي توتي و عايز أحارب ونبي .. إدوني مطوة أغز بيها المعتدي"

[bmya]

سلام عليكم
حقيقي حضرتك ربنا يبارك لك
انا من الناس اللي بتتواجد على الفيس بوك يوميا , و بادخل في جروبات كتير جدا و مشرف جروب فيها حوالي 2000 عضو تقريبا
و لما لقيت الموضوع ده هنا
دخلت اكتب بالظبط الكلام اللي حضرتك كاتبه ده

و احب اضيف

لما يبقى فيه جروب مسيء
و الناس عملت كل حاجة تتعمل , دخلوا ناقشوا , و دخلوا وضحوا الصح , و ناقشوا باحترام , و عملوا جروبات تفند الكلام الفارغ و تظهر الحقيقة

و ناس تانيين فعلا دخلوا شتموا , اهم جربوا طريقة تانية للمواجهة , حتى لو غلط

و لما دول و دول لقوا مافيش نتيجة و لقوا ان اللي بيكلموه كاره و خلاص , و باكرر تاني , كل ده انا شفته بنفسي

بدأوا يعملوا ريبورت في الجروب , و دي الطريقة اللي حطنها ادارة الفيس بوك للابلاغ عن الاساءات , و فعلا الاساءات دي ممنوعة على الفيس بوك , و اللي مش مصدق يروح يقرا الاتفاقية اللي في الاول

لما يكون جروب مسيء فيه 3000 عضو , و الجروب اللي بيطالب بمسح الجروب المسيء فيه 400 الف عضو
يعني لو ال400 الف دول 5% بس منهم عملوا ريبورت في الجروب المسيء , يعني 20 الف عملوا ريبورت في جروب فيه 3000 , لو فيه ادارة بتحترم نفسها و بتحترم زوارها كان لازم الجروب ده يتمسح , و احنا بنتكلم عن 5% من عدد الناس في اكبر جروب مناهض لأن فيه غيره كمان

لما يكون في المقابل اي حاجة بتتقال ضد اليهود ولا اسرائيل بتتمسح , و حضرنا حاجات زي دي برده , يبقى كده فيه استهبال

المقاطعة دي المفروض انها 3 ايام مش يوم واحد , و هدفها تهديد الفيس بوك لأن ان ربنا اكرم و كتير قاطعوه , هايخسر كتير لأن اعلاناته بتتحاسب بعدد مرات العرض او بالكليكات
فالمسألة تهديد مادي صرف

طبعا كمبدأ , يفترض بعد القصة دي اي انسان شاغل دينه باله , ان لو الفيس بوك طنش خالص المقاطعة دي , و ما نفذش اللي عايزينه , اي حد شاغل دينه باله مش هايدخل فيس بوك الا عشان يقوم بنشاط يواجه فيه نشاطات التشويه دي
و اي حاجة ترفيهية تانية تبقى في مواقع تانية , و الحمد لله البدايل موجودة

أشكركم

بجد انتم الاتنين ربنا يبارك فيكم
كلامكم عي العقل وكنت لسه هقول ما يشابهه
مش عارف ازاي الناس شايفه انها ملهاش لازمه يعني
يعني حتي لو مش هيعملوا حاجه اهو نبقه خسرناهم شويه فلوس بيكسبوها من ورانا
تبقي دي خطوه اولي ويبقي فيه تاني وتالت او حتي مقاطعه نهائييييييييييه توز يعني في الفيس بوك
للاسف بقينا ننتقض اي حاجه بنعملها بقينا بننتقد انفسنا فقط لا غير لمجردالنقد مش عارف ايه بقه المفروض نعمله ندخل علي الفيس بوك ونكمل شات وهرتلهو تهييس وخلاص
اشتكينا ومحدش عبرنا يبقي ايه الخطوه التانيه نقاطعهم ونشوف ايه النتيجه لكن اشتكينا ومحدش عبرنا نقول قشطه به احنا عملنا اللي علينا يعني هنعمل ايه تاني

[ENG\AHMED]

طيب نفند أوراق الموضوع ..

أول حاجة الموضوع قائم علي نظرية المؤامرة بشكل صرف .. فيه جروبات مسيئة للإسلام .. و فيس بوك سايبها إذن هو موقع موالس للصهيونية و اليهودية و الإمبرالية و اللامركزية العباسية! في حين إن بالبحث هتلاقي جروبات مسيئة للأديان بشكل عام و بتتريق عاليهود و عالمسيحيين و عالدينيين و اللادينيين و كل أشكال الإعتقادات في العالم ! و فيها أعضاء كتير برضه .

المعترضين بيعملوا إيه ؟ كل واحد يعمل جروب "مطلوب مليون توقيع لغلق غرفة تسب الرسول" علي فكرة و الله الإيميل ده بيجيلي من سنة 2001 ! و كل شوية مطلوب مش عارف كام توقيع لغلق جروب يسئ للإسلام .. لو الجروب ده وصل مليون عضو هنرجع تامر حسني السجن .. لو الجروب ده وصل ألف عضو هنجيب أبو تريكة في حرس الحدود .. إلي أخره من البتنجان .. اللي بيعمله الأشخاص إن بينضموا للجروب و خلاص لما يلاقي صحابه دخلوا أو حتي إيماناَ بالقضية بس محدش بيعمل ريبورت ولا حتي يقرا وصف الجروب .. مثال .. انا كتبت مقال قبل كدة ناس نقلته و عملته جروب إنضم فيه 43 ألف عضو .. كام تعليق جه من ال 43 ألف ؟ 1000 و شوية .. منهم حوالي 600 رد إعلانات لجروبات تانية !

بالنسبة لجروبات الملحدين .. ممكن يعملوا كاريكاتير يجسد المولي عز و جل و أه ده طبعاَ كفر في الإسلام إنما مقبول في إعتقادات تانية و البعض قد يراه ظريف! و متتوقعش من فيس بوك يفكر زيك ! الفيس بوك ملوش ملة .. متتوقعش إن الموقع يحترم الإسلام علي وجه الخصوص .. لأنك هتلاقي جروبات بتسخر من الأديان كلها .. سياسيين كتير جداَ .. من أماكن و بلدان كتير .. بإختصار مفيش تابوهات .. و لو مش علي فيس يبقي عالمدونات .

البنت اللي عملت جروب ورق تواليت عليه القرأن في المانيا دي جروبها صغير جداَ و الفانز بتوعها عالمدونة معدوش 10 !! الهوجة كلها من عندنا .. يعني لو سبناها تعض في الأرض هي أساساَ محدش معبرها لأن في معظم مناطق العالم المتحضرة إهانة الأديان بشكل فج غير مقبولة .

الموضوع انا شايفه هوجة مقاطعات و خلاص .. عامة يوم المقاطعة و أهوه و كل اللي حاطين صورة المقاطعة من أصدقائي أونلاين علي فيس بوك بيتأكدوا إن الناس مقاطعة و محدش بيدخل .

انا لا أقصد الإساءة بس الحركات دي و أخذ الموضوع بأسلوب "العركة" خاصة لو شفت المشتركين في الجروب و صورهم و تعليقاتهم و طريقة تفكيرهم .. بفتكر أغنية "انا إسمي توتي و عايز أحارب ونبي .. إدوني مطوة أغز بيها المعتدي"

للأسف احنا اللى بننشر الاساءة زى ايام الرسومات المسيئة واحد رسم رسمة وحطها على النت - ايا كان الرسمة مش هتقدر تقولة اعمل ومتعملش - كل يوم تلاقى ايميلات فيها الرسومات دى وعلى المنتديات "الحق رسومات مسيئة وفيها الصور !!!!!!!" ... يبقى مين اللى نشرها فى الاخر!

الناس دى ملهمش عقيدة ولا دين وهما اتولدوا وكبروا فى البيئة دى من الاخر حافظين مش فاهمين لو حد اتكلم معاهم بالعقل وبالأدلة بيبتدى يصحى من الغيبوبة ويفكر بس حد يكلمهم للأسف مفيش !! .. اسهل واحد تقدر تسيطر علية اللى بيحارب من غير عقيدة بكلمتين حافظهم

للأسف المقاطعة والكلام دة مش حاجة ايجابية دة كلام احنا بنشتغل نفسنا بية يعنى اية مقاطعة يوم!! اية اللى هيحصل فى اليوم دة وتلاقى جروبات فيها الاف مؤيدة المقاطعة وتلات ارباعهم هيدخلوا بردة .. لو المقاطعة حاجة ايجابية يبقى مقاطعة لحد لما اللى عايزينة يتنفذ مش 24 ساعة!!!
طيب لما اليوم دة يخلص اية اللى هيحصل بعد كدة لو مفيش رد .. مقاطعة 48 ساعة!!!

لو عايزين نبقى ايجابين صح يبقى لينا كيان ووجود يبقى لينا صوت نبقى حاجة نصلح احوال بلادنا الاول علشان يبقى لينا كيان محترم الكل يعملة الف حساب قبل مايتطاول علية نبقى بلاد لينا صناعة واقتصاد عندنا اكتفاء ذاتى ساعتها بس الناس دى هتعملنا الف حساب انما نيجى نقول مقاطعة البضائع الامريكية طيب فين البديل عندنا .. فى منتجات صناعة محلية بترخيص من شركات اوروبية وامريكية تقوم الناس تقولك لأ بس دى منقاطعهاش اصلها فاتحة بيوت ناس كتير طيب من ايام المقاطعة دى فاتت سنين لحد النهاردة قدرنا نعمل بديل للبضائع دى علشان تبقى مقاطعة بجد

والناس تقولك اهى حاجة احسن من مفيش اهى حاجة ايجابية طيب مادام هنعمل حاجة لية متبقاش حاجة بجد لية منمشيش فى الطريق الصح ونخطط للمستقبل مش لدلوقتى بس لية منعملش الحاجة دى على طول مش لما نلاقى رسمة ولا جروب

معظم الحاجات اللى بتتنشر والكلام دة بيبقى المقصود منة لهى الناس علشان ميفكروش فى الاكبر دة احنا من جوانا مختلفين وبنتكلم النقاب فى الدين ولا لأ والشيوخ مختلفين وبيردوا على بعض والناس بتتفرج وبتتكلم واهم لاقوا حاجة يتلهوا فيها وتشغل دماغهم وكل حاجة ماشية تمام

[Car's Sniper]

ياجماعة الفيس البوك دا بيجيب فلوسه من الاعلانات اللى بتتعمل على قفا المستخدمين وطبعا الشركات عارفة كام واحد فاتح السايت دلوقتى وكل ما العدد زاد تمن الاعلانات هاتزيد عشان كده احنا هنقاطعه النهاردة ونواريهم هنخسرهم قد ايه ولو ماستجابوش لينا ان شاء الله هقاطعهم للابد

[mohamed_mohsen]

حتي لو كلنا قاطعنا الفيس بوك كلنا...إيه اللي هيحصل يعني
ما الفيس بوك مليان جروبز بتسب الأديان كلها
لو كل طائفه قالت أنا هقاطع الفيس بوك مش هتلاقي حد يدخل الفيس بوك أصلاً
اللي يتكلم يتكلم... و اللي بيشتم في رسول أو دين لا يسيء إلا لنفسه
و دليل علي إنحطاط شخصيته و أصله
حتي لو حاورته هو مقتنع بفكره و مش هيغيرها
ممكن لجهل أو لحقد منه ... الله أعلم
خلاصة الكلام أنا مش هقاطع لأنني مقتنع بديني و بإسلامي مش عشان أنا (سلبي) أو (مش عايز أعمل حاجه)
و لإني كمان مش هستفيد حاجه لما اقاطع الفيس بوك ليومين أو تلاته أو سنه

و بعدين الناس اللي هتقاطع دي هتفضل مقاطعه طول عمرها
هما يومين و تلاته و هتخلص الحكايه و هيرجعوا أكتر من الأول
شوفوا البلد الأول بعدين ابقوا قاطعوا علي الفيس بوك و العبط ده

[M.Osman]

يا جماعة...

الموضوع بسيط جداً
فكرة المقاطعة كانت لتقليل الـtraffic اللي بيستخدم الفيس بوك في يوم واحد عشان الإدارة (إدارة الفيس بوك) تاخد بالها ان في جروبس موجودة لسب جميع الأديان و هذا لا يليق طبعاً

من وجهة نظري شايف انه احتمال ضعيف يحصل حاجة ..لكن في نفس الوقت مش لاقي اي علاقة بين المقاطعة لمدة يوم و إلزام الناس انهم يقاطعوا للأبد!

و بعدين الفيس بوك خدمة .. كل واحد بقى و حسب نيته و إستخدامه ليها و بصراحة الفيسبوك ليه استخدامات كويسة جداً جداً (كفاية الجروبس اللي بنعملها ايام ماكنا بندرس.. إلخ)

كل واحد على حسب استخدامه وإلا كلنها هنقاطع النت و التليفيزيون و كل حاجة

و دا لوجو الـ event : (لوجو معبر)

[2hmed_7osam]

لما حصل مقاطعه للدنمارك والبضائع الدنماركية
المنتجين واصحاب الشركات هناك كانو بيشحتو وخسروا كتير اوي

لما احنا نقاطع يوم ويخسروا فلوس الدعايا والاعلانات وترتيب الموقع
وهيعرفوا ان في حاجة غلط

مليون تقرير اتبعت لأدارة الفيس بوك وبيتعتلي نموذج بلغة مهذبة فيه اعتراض على الجروبات عشان تبقا رسالة محترمة توصل للأدارة
وف الاخر محصلش حاجة

معلش في ناس بتقول بصو للبلد وبصو لمعرفش على ايه
اقرا الحديث وشوف الرسول بيقول ايه

عَنْ أَبِي سَعِيدٍ الْخُدْرِيّ رَضِيَ اللَّهُ عَنْهُ قَالَ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: مَنْ رَأَى مِنْكُمْ مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ

احنا بنعمل اضعف الايمان
صحيح مش حل قوي ولا حل رادع بس اسمك عملت حاجة واخدت ولو نص خطوة قدام

انا مقاطع وبثبت لنفس بأني ممكن استغنى عن الفيس يوم
واخليهم يخسرو ونا مش هخسر حاجة

مقاااااااااااااااااااااااااااااااااااااااااااااااا اااااطع