إعـــــــلان

Collapse

.

,
See more
See less

حوار من القلب للقلب - الجزء الأول

Collapse
This topic is closed.
X
X
 
  • Filter
  • الوقت
  • Show
Clear All
new posts

  • خليك لما الحلقة تبتدي رسمي احسن و المذيعة تنزل بتتر البداية يا دكتور
    احسن المذيعة تكرمك و تقوم مديالك يومين زيادة
    :)

    Comment


    • فعلا المذيعة بتاعتنا من كثر حبها للبرنامج مش بتلغي الحلقات بل وبالعكس بتزود الأيام على الضيوف ... خليك مع الجدول أضمن علشان متتورطش !!
      [CENTER][SIGPIC] [/SIGPIC][/CENTER]

      Comment


      • ايه الكلااام الكبييير دة يا جماعة
        و ايه المواضيع الجامدة دى
        ايوة كدة مايجيبها الا حريمها
        بجد موضوع جامد جداااا
        و الله ينور يا نووور
        و الى الامام
        :k49:
        [INDENT][FONT=Lucida Console][SIZE=3][COLOR=blue][SIGPIC][/SIGPIC][/COLOR][/SIZE][/FONT][/INDENT][INDENT][FONT=Lucida Console][SIZE=3][COLOR=darkred]أدعولى يا جماعة العربية تخلص على خير[/COLOR][/SIZE][/FONT][/INDENT][INDENT][FONT=Lucida Console][SIZE=3][COLOR=blue]لا إله إلا انت سبحانك انى كنت من الظالمين[/COLOR][/SIZE][/FONT][/INDENT]

        Comment


        • السلام عليكم فكرة جيدة جدا
          الحمد لله
          [URL="http://www.postimage.org/image.php?v=aV1WoNqS"][img]http://www.postimage.org/aV1WoNqS.jpg[/img][/URL]

          Comment


          • المشاركة الأصلية كتبت بواسطة MoToRiZeR مشاهدة المشاركة
            هو ينفع نبتدي الأسئلة لشيكو باشا ؟
            .......
            معلش انا مستعجل فا مش عايز أتقل عليك بالأسئلة إنما هجيلك بقي بكرة الصبح و أسأل براحتي نيههههههه .
            موتو باشا .... إنسان عالمي بجد .... صديقي العزيز

            1- إوصفلنا يوم من أيامك العادية يا دكتور بتفاصيل مثل و بسمع أغاني لكذا و يركن قبل المكان اللي رايحه بكذا و أمشي قد كذا .

            طبعا نمط الحياة في كندا مختلف تماما عن القاهرة .... حاجاوب على أساس تورنتو

            الشغل هو محور الحياة في كندا و علشان كده كل حاجة ليها علاقة بالشغل .... يوم شغل عادي باصحي على ٦٬١٥ صباحا باكون في المستشفي على ٧ ....( المستشفي تبعد ١٠ دقايق مشي من البيت ) باشتغل من ٧٬٣٠ إلي ٤ أو ٥ (عادة فيه نص ساعة راحة في النص ....باصلي و أكل فيهم ...) بابقى في البيت على ٥٬٣٠ على الأكثر ..... باكل و بافتح النت و أشوف التلفزيون و أذاكر و أقرء و أكلم في التليفون و اساعد في شغل البيت و أسمع مزيكا و العب بالبلاي ستاشين لحد ١٢ أو ١ (ساعات باعمل كذا حاجة مع بعض:) ) و بعدين بانام

            الويك اند بيبقى للخروج عادة ... الخروجة المتكررة بتبقى dinner and a movie .....كمان فيه تسوق و زيارة المعارف و سفر أو فسحة .... الزيارة المحببة بتبقى لجامع ميسيسوجا على بعد حوالي ٣٥ كم ...بس حقيقي بحس براحة نفسية كبيرة لما باروح هناك أصلي و اقرأ قرأن
            الجدول ده بيتقلب تماما لو أنا أو الدكتورة مسز شيكو نبطشية ...ساعتها الجدول بيبقى عشوائي تماما

            المزيكا جزء أساسي في يومي ... و أنا رايح أو راجع من الشغل باشغل البلاير في وداني .....مكس روك و بوب .... في البيت بوب و سوفت روك و عربي

            عادة لو رايح مشوار بالعربية باركن في أقرب نقطة ممكنة ..... عادة في كندا بتلاقي أماكن ركن كتير حتى في الحتت الزحمة ....و وسط البلاد أماكن الركن متاحه ساعات بفلوس و ساعات ببلاش حسب المكان )

            2- و إنت صغير مكنش فيه شخصية كارتونية تأثرت بيها لدرجة إن كان نفسك تبقي الشخصية دي ؟

            كتييييير ...من أول عبقرينو في ميكي مرورا بلاكي لوك و تان تان و دان كوبر .... لكن أهلي و مراتي و أغلب أصحابي بيقولولي اني نسخة من جارفيلد ....مش عارف ليه ;)

            3- إوصفلنا مراحل وصولك لقرار الهجرة و إلي أي مدي إنت راضي عن القرار ده ؟ و هل قبل ما تسافر كان فيه بلاد تانية غير كندا في الحسبان و إشمعني كندا في الأخر ؟

            لحد سنة ٢٠٠٣ لو حد قالي اني حاهاجر بره مصر كنت قولتله مستحيل .....

            ٢٠٠٣ أخدت الدكتوراه و عشت تجربة مرض حمايا الله يرحمه مع مرض السرطان لحد ما توفاه الله ..... بهدلة ما بعدها بهدلة إن الواحد يعيي في مصر ...علما بانه كان دكتور و أنا و المدام دكاترة و أعضاء هيئة تدريس في جامعة القاهرة و بنشتغل في المستشفيات اللي أتعالج فيها و بندفع فلوس كاش ... ما فيش أحسن من كده يعني.... بس المهازل اللي الواحد شافها ملهاش آخر.....

            ٢٠٠٤ رحت رحلة لاوروبا رجعت بعدها بعين ناقدة بقت تجننني ....بقيت اركز قوي في الطابور المعووج و المرور البايظ و البيئة الملوثة و الفساد المستشري و انهيار القيم إلخ كمان الشغل بقى فيه حاجات مش راضي عنها بس مش قادر أعمل فيها حاجة لحد ما ضغط دمي علي فعليا و ضربات قلبي بقت غير منتظمة ....روحت لدكتورة في عين شمس بعد ما سألتني عن نمط حياتي (شغل من غير مواعيد ٧ أيام في الأسبوع منهم أيام ٢٤ ساعة في ال-٢٤ ساعة ) قالتلي لا تغير أسلوب حياتك لا تموت (أبويا الله يرحمه كان دكتور برضه و مات في الخمسين بالقلب)

            في نفس الاسبوع كنت باقرأ في كتاب الله زاي عادتي على قد ما ربنا يقدر قريت الآية ديه و بعدها قررت أسافر أشوف فرصة تانية

            " إِنَّ الَّذِينَ تَوَفَّاهُمُ الْمَلائِكَةُ ظَالِمِي أَنفُسِهِمْ قَالُواْ فِيمَ كُنتُمْ قَالُواْ كُنَّا مُسْتَضْعَفِينَ فِي الأَرْضِ قَالُواْ أَلَمْ تَكُنْ أَرْضُ اللَّهِ وَاسِعَةً فَتُهَاجِرُواْ فِيهَا فَأُولَئِكَ مَأْوَاهُمْ جَهَنَّمُ وَسَاءَتْ مَصِيرًا " ... النساء ٩٧

            ابتديت أدور على فرص السفر ما بين زملائي اللي سافروا قبل كده و عن طريق النت .....في نفس الوقت جالي ٣ فرص سفر ...كندا و انجلترا و السعودية ....أنا كنت مقرر اني ما أسافرش دولة عربية و اني أسافر دولة متقدمة اكمل فيها دراستي .....لازم طبعا تكون بتتكلم انجليزي مع استبعاد أمريكا و أستراليا .... فاضلت ما بين عرضين كندا و انجلترا و اخترت كندا ....ربنا كان ميسرها قوي ....أنا و المدام لقينا شغل و سكن من على النت

            لحد قريب ما كنتش متأكد اذا كنت خدت القرار الصح لحد يوم من أصعب أيام حياتي ....المدام تعرضت لازمة صحية عنيفة كادت أن تودي بحياتها .... يشاء السميع العليم اني أكون في البيت اليوم ده لاني كنت نبطشي اليوم اللي قابليها ..... بصراحة أتشليت و نسيت اني دكتور و اني بامر الله ياما اسعفت ناس بنفس الحالة و بفضل الله قاموا .....كل اللي قدرت أعمله اني أكلم ٩١١ (النجدة في كندا زاي ١٢٢ كده ) في خلال أقل من دقيقتين كان ٣ مسعفين جوه البيت عندي و بيساعدوها .... متلقية المكالمة كانت لسه معايا على الخط بتقولي أعمل إيه و اتصرف ازاي و ما سابتنيش غير لما قولتلها اني دكتور و اني مسيطر على الموقف .... في خلال دقائق تانية كانت عربية اسعاف تانية وصلت و نقلت المدام للمستشفي في دقائق .... حبيت كندا قوي في اليوم ده و حمدت ربنا على أنه ألهمني أخد القرار ده

            4- بما إنك من الرجالة المعدنيين الجامدين في المنتدي .. هل و إنت صغير عديت بمرحلة التي شيرتات السودة و رسم الجماجم و الشعر الطويل و نظام ال gothic ده ؟

            أينعم ... و أنا في الكلية سويت شيرت Iron Maiden و نظارة سودة و سوالف طويلة و شعر منعكش و جماجم و هياكل عظمية متعلقة جوه العربية :)

            قولنا أثر كل كلمة من دول في حياتك و نبذة عنهم .

            - الزمالك (المنطقة)

            الطفولة و الصبا ....المدرسة و البقال و الجزار و محلات الهدوم و شرايط الكاسيت .. نيل أبو الفدا و القعدة قدام النيل ساعة الأكتئاب .... التمشية في شوارع الزمالك و التفكير في القرارات الصعبة ....باستري سيموندس و بيتزا مايزون توماس ..... أكتر حى باحبه في القاهرة و مرتبط بيه جدا .... أكتر من المهندسين

            - الأهلي ( النادي )

            أنا عضو عامل بالنادي الأهلي حاليا .... عضو منتسب من ١٩٧٧ ....أبويا كان أهلاوي متعصب ....و أنا كمان :o

            أنا لعبت في كذا فريق في النادي في كذا لعبة ....طبعا فشلت فيهم كلهم :)

            - سكودا فيليشيا

            أول عربية زيرو أجيبها ....١٩٩٥ ...إلى الآن باحبها حب غريب ....العربية ديه بالذات شافت معايا أيام غريبة .... أيام فرح و أيام حزن .... تجارب حب فاشلة ....خطوبة و جواز ....كانت مملكتي الخاصة ..... ياما قعدت جواها لساعات أفكر و اخطط أو اقرأ قرأن أو أسمع مزيكة أو أبكى حتى .....طبعا كان فيها ساوند سيستم محترم بمقاييس ساعتها .... العربية برحمة ربنا انقذت حياتي كذا مرة من حوادث أشك إن أي عربية تانية كان ممكن تسد فيها..... يوم ما بعتها سنة ٢٠٠٥ قبل ما أسافر ما كنتش مصدق نفسي ....حتى المدام عنيها دمعت ....و أنا كمان :o

            - pantera

            واحد صاحبي لاسع كان في هندسة الجامعة الأمريكية استغرب قوي اني ما أعرفش pantera مع اني ما باسمعش غير ميتال ...الكلام ده كان في منتصف التسعينات ...حاولت أفهمه اني ما باحبش ال-thrash بس أصر اني أخد شريط The great southern trendkill هدية ....خدته و رميته في العربية ... ما عرفتش قيمته غير و أنا نايب في القصر العيني ....بعد ٣٦ ساعة شغل متواصل و ساعات أكتر ما كانش ينفع غير حاجة زاي pantera تتلعب في العربية .....و كان ليه فايدة تانية : الناس أصلا لما كنت باشغله كانوا بيسيبولي الطريق

            - القصر العيني

            شبابي كله دخلته سنة ١٩٨٩ ما فقتش غير ٢٠٠١ لما سافرت اليابان ... السنين عدت بصورة عجيبة ....و شخصية الواحد اتغيرت جامد ....مش عارف بتأثير السن و لا فعلا هو القصر .....دايما باقول اللي يلف ياما يشوف لكن اللي يقعد في القصر يشوف أكتر

            سنين و سنين شافت تجارب حياتية متعدة تملي كتب ... لن أعلق على مستوى القصر العيني ....حاله من حال البلد كلها

            - سوكا الصلاة عالنبي

            ههه إنت لسه فاكر يا صديقي ....المواطن ده قابلته في عمليات الطوارئ القصر العيني ....نبطشية من اياهم بس ابتديت تهدي على ٥ صباحا ...فريق التخدير كله بقيادتي بقى بيمني نفسه بساعتين نوم قبل شغل تاني يوم و بعدين جالنا نبأ حادثة من المدبح ....بحكم موقع القصر العيني حوادث المدبح ديه كانت يومية ....مواطن شاب صغير جاي بطعنة نافذة في الرقبة مع اشتباه اصابة في الأوعية الدموية أثر خناقة مع مواطن تاني توفاه الله من أثر الطعنات

            فوضنا أمرنا لله و ابتدينا نسأل المواطن ده عن تاريخه المرضي ...و هو راسه و ألف سيف أنه مش عايز ياخد تخدير و مصمم على كده ....رحنا للجراحين و قلنالهم أتصرفوا طبعا العملية كبيرة و لازم لها تخدير ...الجراحين ابتدوا يعنفوه و ما فيش فايدة ...واحد منهم سألوا اسمك إيه يا بني قاله سوكة الصلي على النبي ..زعق فيه و قالوا أتعدل و أتكلم كويس قاله و الله يا بيه إسمي سوكة الصلي على النبي .... بمقارنة البطاقة طلع فعلا إسمه كده في البطاقة .... و مشكلته إنه لسه شايف المعلم أبو شطة أبو القتيل اللي ضربه بره العمليات فخايف ينام لابو شطة يقتلوا انتقاما منه .....طبعا هديناه و فاهمناه إنه في أمان جوه العمليات و نام و صحي و يا عالم حصله إيه بعد كده .....

            هل كنت مراهق فاقد و مقطع البطاقة ولا عاقل و في حالك ؟

            في المدرسة و في الكلية كنت هادي جدا و في حالي و قليل الكلام زاي أي nerd

            إزاي إتعرفت بمسيز شيكو ؟ و كيف كانت الإنطباعات الأولي ؟

            مسز شيكو دكتورة تخدير زميلة قابلتها في القصر العيني أول مرة ١٩٩٧ ....الانطباعات الاولي كانت احترام متبادل ... تبعه ثقة متبادلة مع تكرار العمل سويا ....بعدين زمالة قعدت سنين تطورت بعديها لصداقة مستمرة حتى الآن و الحمد لله

            إمتي تسمع pantera و إمتي تسمع a-ha ؟

            باسمع pantera حاليا لما أكون في حالة نفسية سيئة أو في قمة العضب .... عندهم قدرة عجيبة على تهدئة أعصابي .....A-ha بقى لما أبقى في مود رومانسي أو وسط المكس بتاع البلاير

            اما كنت بتسمع بوب التمانينات و الحاجات دي كنت بتبص لموسيقي الروك و الميتال إزاي و هل كنت تتوقع إنك تبقي fan كبير بعدين ؟ و بعد ما بقيت معدني كيف تنظر لبوب التمانينات ؟

            قبل وفاه أبويا و التحاقي بالقصر العيني (نفس السنه ١٩٨٩ ) كنت ما باسمعش غير عبد الحليم و ديسكو و بوب...الميتال بالنسبة لي كان دوشة غير مبررة و ما باطقهوش .... قبل كده بسنين كان أبن خالتي اداني شريطين ل- Iron Maiden رمتهم بعد ما سمعت أول ٣٠ ثانية ..... في يوم كانت حالتي النفسية سيئه جدا .... كلية الطب ديه ما لهاش حل ....حاولت أطلع من الحالة ديه بكل السبل ما عرفتش ....بادور في مكتبي على كتاب لقيت الشرايط ديه .... شغلتها و مش عارف إيه اللي حصلي حسيت براحة عجيبة و حبيت المزيكا و الكلام .....اعدت اكتشاف Iron Maiden و Metallica و GnR و Nirvana إلخ و قعدوا معايا لحد دلوقتي ....لسه برضه باسمع بوب التمانينات و ديسكو السبعينيات و عبد الحليم بس أقل كتير :)

            بإعتبارك يا دكتور طبعا كنت عارف جيلك كويس و إنت في الجامعة و إحتكيت نوعاَ ما بشباب الجامعات في مصر حالياَ .. شايف فرق بين جيلك و بين شباب دلوقت ؟ و شايف شباب دلوقت رايح علي فين و ممكن يكون فين كمان 15 سنة ؟

            فرق كبير في الأغلب الأعم مع اني ما باحبش التعميم لكن الأغلبية بياكدوا لي إننا في عصر أضمحلال ذي اللي كنا بندرسه في كتب التاريخ .....بعد ١٥ سنة ..ربنا يستر

            ماهي الفروق الجوهرية اللي إنت شايفها بين المصري و الكندي في الشخصية و أسلوب الحياة ؟ وفي رأيك كيف أصبحت كندا ماهي عليه الان .. و مش هسألك مصر بقت كدة إزاي عشان انا عارف .

            ياااه فروق كتيرة قوي ...لا مجال لحصرها.... احنا أحسن في حاجات و أوحش في حاجات .... أكتر حاجه أثروا في إن الكنديين اللي اتعملت معاهم بالذات وقت مرض مسز شيكو ما كانوش بيتكلموا كتير لكن بينجزوا و يتعاطفوا بالفعل مش بالقول لدرجة كسر القوانين علشان خاطري و أنا غريب عنهم في كل حاجة .... دين و لون و عرق

            كندا أتقدمت باهلها ....مجتمع متفتح ديمقراطي تسود فيه سيادة القانون بلا تفرقة ....قيم الصدق و الأمانه و التفاني في العمل عالية جدا و ما فيش حياه هنا لأي حد من غيرها .... موارد البلد كتيرة و الحكومة بتحافظ عليها .....طبعا هي مش جنة و فيها عيوب كتير زاي أي حتى تانية انما في المجمل كل أوجه الحياة متقدمة

            و أخيراَ .. إنت إزاي عسل كدة ؟ أصل بجد يا جماعة دكتور شيكو من الناس اللي إبتسامتها تنفذ إلي قلبك مباشرة بدون المرور بأي حاجة تانية ولا تدع لك وقت للتفكير .


            يا باشا الله يخليك ده بس من ذوقك... انما فعلا الأرواح تتلاقي يا موتو باشا أو زاي ما بيقولوا it takes one to know one
            [CENTER] [/CENTER]

            Comment


            • ok, very nice idea, i agreeeeeeeeeeeee

              Comment


              • المشاركة الأصلية كتبت بواسطة Hassan Khalil مشاهدة المشاركة
                لسه يا محمود الاسئلة ما اشتغلتش ... اصبر شوية


                كلنا مستنيين الحلقة دي علي احر من الفحم
                جه يوووووووومك يا شيكوووو

                محتاجين نهي دلوقتي تديك حتة ( أعوووووووووووو:k39: ) من بتوعها تخليك متجيش الحلقة نهائيا
                حسن باشا أبو علي .... أحلي حسن في الشرق الأوسط ... إيه يا صديقي الدخلة المرعبة ديه ...ده أخوك غلبان جدا :o

                عموما
                انا غالبا حاسئلك السؤالين اللي محيلتيش غيرهم
                ايه رأيك في كندا


                إيه الأسئلة الحلوة ديه

                أنا دايما باقول إن كندا مش جنة لكن أنا كنت هربان من النار .....راجع اجابة سؤال موتو باشا :)



                و متابع كرة القدم الاوروبية و اللا لأ

                متابع من زمان و بقيت أكتر دلوقتي من ساعة ما جيت كندا ... أكتر دوري باحبه الأنجليزي ....كنت باشجع ليفربول و دلوقتي قلبت لمانشستر يونايتد .....

                في كل دوري تقريبا لي فريق بشجعه ....بايرن ميونخ في ألمانيا .... باريس سان جرمان في فرانسا ....اندرلخت في بلجيكا .... اياكس في هولندا ...إيه سي ميلان في ايطاليا ( كان يوفنتوس زمان ) جلاطة سراي في تركيا ... فالنسيا في أسبانيا ( كان ريال مدريد ) سبورتنج لشبونة في البرتغال ....
                على فكرة في أمريكا الشمالية أنا باشجع إف سي تورونتو :)

                على صعيد المنتخبات تركيا في الأول ...كنت ألمانيا زمان لحد ما زرت ألمانيا


                [CENTER] [/CENTER]

                Comment


                • المشاركة الأصلية كتبت بواسطة PRO-DRIVE مشاهدة المشاركة
                  اول مره اخد بالي من الموضوع دا هنا
                  فكره ممتازه
                  و علي حظي مين يكون جاي
                  شيكو باشا كبير المعدنيين هنا
                  كويس ححضرلك شويه اسأله


                  المشاركة الأصلية كتبت بواسطة Hassan Khalil مشاهدة المشاركة
                  حلو موضوع كبير المعدنيين ده


                  :)
                  اممم
                  كده بأه نحاول نفكر لك في سؤال معدني محترم
                  !!!!!!!!!!!!!
                  و شكلها كده حتبقي حلقة معدنية
                  و ضيوفها معدنيين
                  همه شكلهم يومين معدنيين من أولهم

                  يا مسهل
                  المشاركة الأصلية كتبت بواسطة PRO-DRIVE مشاهدة المشاركة
                  اممممم سيبني افكرله في كام سؤال معدني كدا و الصبح اكتبهم
                  برو باشا صديقي الموسوعي أنا في الأنتظار يا باشا ....إنت و حسن باشا كمان ....معدني صخري كله ماشي
                  [CENTER] [/CENTER]

                  Comment


                  • موضوع رائع يا شباب بس بنبدأ منين ؟؟؟

                    Comment


                    • المشاركة الأصلية كتبت بواسطة Hassan Khalil مشاهدة المشاركة
                      خليك لما الحلقة تبتدي رسمي احسن و المذيعة تنزل بتتر البداية يا دكتور
                      احسن المذيعة تكرمك و تقوم مديالك يومين زيادة
                      :)
                      المشاركة الأصلية كتبت بواسطة Mohammed_Adel_Amin مشاهدة المشاركة
                      فعلا المذيعة بتاعتنا من كثر حبها للبرنامج مش بتلغي الحلقات بل وبالعكس بتزود الأيام على الضيوف ... خليك مع الجدول أضمن علشان متتورطش !!
                      سبق السيف العذل بقى .... ربنا يستر ....أنا داخل أنام بقى الساعة داخلة على ٢ صباحا هنا ... حاحاول أرد من الشغل إن أمكن ..... ألف شكر يا اصدقائي الأعزاء
                      [CENTER] [/CENTER]

                      Comment


                      • نداء عــــــــــــــــــــــــــــــــاجل

                        موضوع اقل ما يقال عنه انه تحفة من تحف المنتدى
                        و انا حزين جدا انى لم اتابعه من الاول
                        جزاك الله خيرا اخت نور

                        و لى رجاء ممن يقدر من الاخوة

                        المشاركات وصلت اكتر من 800 مشاركة

                        نبتدى منين الحكاية
                        و المشكلة ان كل من تكلموا اعضاء تقال فى المنتدى و ادمغة جامدة جدا
                        و الواحد ينتظر كتابتهم على احر من الجمر

                        فيا ريت حد يكون عنده وقت يلخص الحوارات دى على فايل ورد منفصل
                        ده ممكن يتعمل كتاب

                        "بين صفحات المنتدى--كانت لنا ايام"
                        "الرؤية الحياتيه"
                        "رؤيتى فى الحياة"
                        "منتدى المنتديات حوارات و نقاشات"
                        [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
                        [RIGHT]------------------[/RIGHT]
                        [CENTER][COLOR=blue]بسم الله الرحمن الرحيم[/COLOR][/CENTER]
                        [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
                        [CENTER][COLOR=blue]صدق الله العظيم[/COLOR][/CENTER]
                        [CENTER][COLOR=blue]التوبة 105[/COLOR][/CENTER]
                        [COLOR=#ff0000][/COLOR]

                        Comment


                        • فكرة جميلة فعلا و انا مستعد للمشاركة
                          azahra سابقا

                          Comment


                          • د . شيكو باشا ...
                            في البداية احب اقولك ان ردودك جميلة جدا جدا و من القلب الى القلب ..
                            وبصراحة كنت ناوي اصبر لحد ما مقدمة البرنامج تتفضل بأسألتها ومستعجلش .
                            بس الكلمة دهية أثارت فضولي جدا جدا

                            المشاركة الأصلية كتبت بواسطة Chicco مشاهدة المشاركة
                            كنت ألمانيا زمان لحد ما زرت ألمانيا


                            ممكن اعرف ليه لحد ما زرت ألمانيا ؟؟
                            [CENTER][SIGPIC] [/SIGPIC][/CENTER]

                            Comment


                            • المشاركة الأصلية كتبت بواسطة Chicco مشاهدة المشاركة
                              ams باشا كتاب بيهي أكثر تعقيدا من كده و يتعدي أستخدام قوانين الفيزياء لاستخدام الأكتشافات العلمية في مجال ال-molecular biology ...
                              هو أصلا عالم أحياء (Biologist) و بيفند نظرية النشوء و الأرتقاء و فكر عشوائية الخلق و الأختيار الطبيعى عن طريق أدلة علمية من علم الأحياء و الكيمياء الحيوية و الجينات و الاجنة إلخ .... و كتابه يعتبر حجر زاوية في نظرية ال-Intelligent Design ....بجد كتاب ممتع في قرايته و قيم جدا
                              شكرا للافاده

                              كنت عاوز اسألك سؤال واضح وصريح :
                              حضرتك بصراحه دايما دايما داااااااايما لطيف و مبتزعلش حد خالص بتعمل كده ازاى ؟ و ايه فعلا اللى بيزعلك و يغضبك و يخليك تتصرف تصرفات انت مش راضى عنها ؟
                              [RIGHT][COLOR=darkgreen]أحمد محمد صبرى[/COLOR][/RIGHT]
                              [CENTER][COLOR=darkgreen][SIGPIC][/SIGPIC][/COLOR][/CENTER]
                              [CENTER][COLOR=darkgreen][B]يا رب تفهم يا تتح[/B][/COLOR][/CENTER]
                              [CENTER][SIZE=3][COLOR=#000000][B]ماشى فى نور الله بدعى و اقول .... يا رب[/B][/COLOR][/SIZE][/CENTER]

                              Comment


                              • طبعا فكرة رائعة واكيد حتبقى مفيدة لأعضاء المنتدى:k46:

                                Comment

                                Working...
                                X