التابلت الصينى .. انواع واسعار ومواصفات

[RAPID]

متستنى التابلت المصري اينار

كنت مستنيه ولما لقيتهم كل يوم ياجلوا فى موعد طرحه زهقت بصراحة واتوقع انه هينزل سوق سودا باكتساح ومش هنلاقيه فى منافذ البيع نظرا لامكانياته العالية مقابل السعر الممتاز بس امتى الله اعلم

دول بينتجوا (250) تابلت فى اليوم ولسه فى قائمة انتظار للسوق المصرى والهيئات والوزارات ده غير طلبات السعودية والكويت وقطر حسب كلامهم يعنى احتمال ينزل السوق المصرى فى الربع الاول من عام 2020 :)

وان كان فيه عيبين من وجهة نظرى .. العيب الاول هو وزنه الكبير حوالى 750 جرام .. والعيب التانى البطارية اللى بتشتغل 4 ساعات وتتشحن 5 ساعات حسب ما هو مكتوب فى صفحات الفيس عشان كدة صرفت عنه نظر (ولو مؤقتا)

[RAPID]

انا عندي اليكترو كنت جايبه لابني 4 سنين و هو شغال معاه كويس
عيبه درجة وضوح الشاشة مش قوي
و البطارية

لكن الباقي جميل جداً

في msi منزلة تاب عليه عرض على موقع سوق تقريباص بـ 1200
MSI WindPad Enjoy Tablet (7 Inch, 8 GB, WiFi, Black) With Universal Bag Case مصر | سوق

الف شكر لحضرتك
تابلت امكانياته جيدة وبطاريته رائعة 7000mAh
بس موقع سوق قريت عنه مشاكل كتير فى جودة المنتجات وتاخير الاوردرات

[RAPID]

احسنهم ainol و x-touch
واحد صاحبى جايب x-touch و شايله معاه على طول و شغال بيه زى الفل
موديله و مواصفاته : X714_Xtouch | touch the world
سعره فى حدود 1100 ج تقريبا
على فكره فيه توكيل فى مصر لـ x-touch و wintouch لكن ainol مفيش توكيل ..

تابلت رائع وخفيف لولا حجم البطارية 3000mAh
وكويس ان الشركات الصينية بدأت فى عمل توكيلات ليها فى مصر
الصين دلوقت بتقهر فكرة ان الصينى مضروب بكافة الوسائل
ومش بعيد تنافس سامسونج وابل فى السنوات (القليلة) القادمة بمنتج عالمى
كل شئ جايز !

[dedi]

متابع لانى فى نفس الحيرة
شكرالك

[Imhotep]

طب حد عنده فكرة عن ال nextbook السبعة بوصة كويس و لا لأ و ليه توكيل و لا لأ

[sama_Sama]

Ainol with IPS screen

[أشرف العدوي]

الف شكر لحضرتك
تابلت امكانياته جيدة وبطاريته رائعة 7000mah
بس موقع سوق قريت عنه مشاكل كتير فى جودة المنتجات وتاخير الاوردرات

انا اشتريت من موقع سوق مرتين و عمره ما اتأخر
يعني 7 ايام عمل كان الاوردر بيوصل مرة في اليوم الخامس و مرة في الثالت
انا كنت بشتري بنظام الدفع عند الاستلام و ده بيبقى ليه مصاريف تحصيل 14 جنيه
و ده احسن من وجهة نظري

[ديمو]

موضوع مهم جدا خصوصا انة صينى

[h_shahin]

طب حد عنده فكرة عن ال nextbook السبعة بوصة كويس و لا لأ و ليه توكيل و لا لأ

نيكست بوك شركة أمريكية بتصنع التابلت بتاعها فى الصين و هو تابلت جيد و كله تمام يعيبه عدم إمكانية تنزيل برامج من جوجل بلاى عليه يعنى غير حاصل على ترخيص من متجر جوجل و بيعتمد على متجر تانى

[h_shahin]

اعتقد اتوقف تصنيعه

لا ما اتوقفش و لا حاجة موجود يا باشا
لسه شايفه من يومين فى هايبر وان

https://www.jumia.com.eg/Telefunken-...ack-77148.html


Telefunken Accm700 Tablet(7 Inch, 4 GB, WiFi, Black) مصر | سوق

[TOSHIBA2013]

بلاش صيني ( ماركات غريبه ومش عالميه ) هات اي ماركه معروفه ومحترمه افضل بكتير وعندك msi

مع اني جرتهم الي هو انجوي بيهنج كتير وبدلته

الصيني عامل زي البطيخه يا تطلع قرعه يا تطلع حمرا D:

اصل مش كل يوم حتجيب تابلت هات حاجه محترمه مره واحده وخلاص

[p r i n c e]

متابع

[husseinsalah]

ليا ناس اصحابى جايبين wintouch وموديلة q93 هو كويس بس عيبة البطارية اخرها ساعتين وكمان ما بيشتغلش على اى دونجل نت لازم موديل معين لكل شبكة وعلى فكرةلغلب الانواع الصينى بتعتمد على معالج واحد من شركة allwinner

[RAPID]

سؤال
تابلت xtouch فيه google play ؟

[Karim_Monir]

طيب ولادي معاهم واحد سامسونج 7
وعايز اجيبلهم واحد تاني صيني يسد معاهم شوية
ايه اقتراح لحاجة صيني في حدود الف مش اكتر