
بعد نجاح الجيل الأول من Nexus 7، الشركة أصدرت النسخة الجديدة منه بمواصفات عالية وتصميم جميل وبسعر منافس جدًا.
الجهاز في منه نسختين؛ النسخة الأولى : Wifi [16 or 32GB] والنسخة التانيه LTE 32GB فقط.
وطبعًا الجهاز من انتاج شركة ASUS.
الأسعار:
- 229$ للـWifi 16GB حوالي 1580 حنيه مصري.
- 269$ للـWifi 32GB حوالي 1860 جنيه مصري.
- 349$ للـLTE 32GB حوالي 2415 جنيه مصري.
طبعًا أسعار منافسة جدًا وهتشوف ده لما نوصل للمواصفات.. التابلت للأسف مش متوفر في مصر.. ولكن في بعض الناس بتستورده.. أو ممكن عن طريق أدفعلي أو لو تعرف حد في أي من الدول الآتية.. Australia, Canada, France, Germany, Italy, Japan, South Korea, Spain, United Kingdom, United States.
المواصفات:
الشاشة:
LED-backlit IPS
1200x1920
323PPI
Corning Gorilla Glass
الوزن:
290 جرام لنسخة الـWifi و299 جرام لنسخه الـLTE.
الرام:
2 جيجا.
المعالج:
معالج S4Pro رباعي النواة بسرعة 1.5GHz من انتاج شركة كوالكوم.
معالج الرسوميات:
Adreno 320.
الكاميرا:
كاميرا خلفية 5 ميجابكسل، أوتوفوكس، 2592х1944 بكسل.
تصوير فيديو 1080P @ 30FPS.
كاميرا أمامية 1.2 ميجابكسل.
النظام:
أندرويد 4.3 جيلي بين، ونسخة الـLTE قابله للتحديث لـ4.3.1 جيلي بين.
يدعم الشحن اللاسلكي.
بلوتوث 4.
منفذ ميكرو USB.
ومنفذ 3.5 للسماعات.
لا يدعم SDcard خارجي.
يدعم USB OTG.
البطارية:
3950 mAh.
مراجعة الجهاز.
التصميم:

التصميم تحسن كثيرًا عن نسخة 2012، شكله حلو جدًا " خصوصًا لما تكون الشاشه مقفوله ".. مش شايف ان الحواف اللي تحت الشاشة عيب في التصميم، بالعكس، لما تمسك الجهاز في الـLandscape Mode.. مش هتخلي ايدك تلمس الشاشة وتوقف الفيديو اللي بتتفرق عليه مثلًا.
تصميم جميل و وزن خفيف.
طبعًا الجهاز مافيهوش ازاي غير الـPower, Vol up, Vol down من الناحية اليمنى للجهاز.. غير كدة باقي الأزرار on-screen.
عيوب التصميم؛ زراير الباور والصوت صعب توصلهم من غير ما ترفع التابلت شوية.

الشاشة:
من أهم مميزات التابلت ده، شاشه 7 أنش FullHD بدقة 1200×1920 بكسل و PPI 323.. من أروع الشاشات اللي شوفتها، الكلام فيها Sharp و واضح جدًا، والشاشة نقيه، رائعه لمشاهده الافلام والمسلسلات.
الأداء:
الجهاز بيجي ببروسيسور Snapdragon S4 Pro بسرعه 1.5 جيجا هيرتز رباعي النواة، ورام 2 جيجا، الجهاز سريع جدًا وجيد للMultitasking.. ممكن بكل سهوله تفتح أكتر من برامج في نفس الوقت وتحول بينهم.
البطارية:
بطارية ضخمه بحجم 3950 ملي أمبير، بتخلص معايا في يومين.. وOn-screen time بيبقى غالبًا فوق الـ7 ساعات، البطارية بتاخد حوالي 3 ساعات إلا ربع للشحن.
النظام:
الجهاز طبعًا من Google ومن عائله Nexus، يعني آي ابديت جديد للاندرويد بينزل على طول على أجهزه النيكسس، ودي من مميزات الجهاز انه بيجيلك أخر التحديثات مع الاستمتاع بخفة وجمال الاندرويد الخام.
من يومين وصل تحديث 4.3.1 لجهازي الـLTE.
الكاميرا:
بالنسبة للكاميرا الامامية بهي كافية للحاجات البسيطة زي Viber, Skype, Google hangout
الكاميرا الخلفية مش حلوة.. وحشة في الاضاءة الضعيفة.
ولكن مكنتش Deal Breaker بالنسبالي، دي اضافه جديدة مكنتش موجودة في نسخة 2012، ومكنتش ههتم لو مش موجودة.
فيديو:
New Nexus 7 FHD 2013 Rear Facing Camera Test - YouTube
الصوت:
الجهاز في سماعتين خلف الجهاز، واحدة فوق و واحدة تحت، بتديك صوت Stereo جيد نوعًا ما، بس بعض الاوقات بتغطيها بأيدك في الlandscape mode.. ولكن الصوت عالي ونقي.
التقييم النهائي: 8.5\10
في النهايه، التابلت ده يعتبر أفضل تابلت 7 أنش اندرويد في الماركت.. مواصفات رائعه، سعر أكثر من رائع ومنافس بالنسبة للمواصفات، وحجم مناسب في الأيد.
أي اسئلة انا موجود، الموضوع إعداد شخصي.

Comment