اشتريت سوني z1

[mohaakotb]

لسه شاري الموبايل وقولت أعمل التوبيك عشان لو حد عايز يسألني عن حاجه فيه او لو أقدر أساعد بأي طريقة ..

الموبايل اشتريته من ستور وادي التكنولوجيا في مول العرب ب 5250 بالضمان و هستلم الفاتورة الضريبية يوم الأحد .. الموبايل سعره 5777 في كل التوكيلات
تقريبا السعر اللي جايبه بيه اقل سعر موجود خصوصا انه هيجيلي فاتورة ضريبية من غير مادفع فلوس تاني عشان في محلات زي دريم 2000 و 888 بيبعو الموبايل ب 5200 بس لو قلتلو عايز فاتورة ضريبية هيزود 10 % ف هتبقي جبته بنفس سعر التوكيلات 5777 .
و أي سؤال انا تحت امركو

[Imhotep]

الف مبروك و مستنيين انطباعاتك
هو من ضمن اقوى 3 مكنات موجودين حاليا فى عالم الموبايلات

[dede_dodo88]

مبروووك :)
هو نزل رسمي بالضمان ؟
أيه أنطباعك المبدأي ؟ و أيه ظروف الكاميرا ؟

[د.محمود صلاح]

الف مبروك .. جهاز ممتاز ولا ينافسه الا النوت 3
المواصفات كامله هنا
Sony Xperia Z1 - Full phone specifications

[eleanor]

الف مبروك انا معايا اخوه الصغير z بس جهاز روعه

[Dr.M_baz]

ألف مبروك ... وربنا يبارك لك فيه.

[Ahmed_selmy]

الف مبروك ويا ريت تقولنا انطباعك عنه .....انا معايا جدهم xperia acro s وشايف انه ممتاز جدا .

[أبو آسر]

الف مبروك .. جهاز ممتاز ولا ينافسه الا النوت 3
المواصفات كامله هنا
Sony Xperia Z1 - Full phone specifications

ولا منافس ولا زفت كويس انك جبته ومجبتش النوت زفت بصراحة ندمت إني جبته ياريتني جبت اتش تي سي أو إكسبيريا كل شوية تهنيج وتعليق وميموري مليانة وحاجة قرف
وحشتني يا آيفون

[FAR!D]

مبروك ليك على التليفون انا معايا Xperia S. وجميييييل جدا و باسطني وانصح بجد كل اللي حيشتري بالسوني عشان الشاشات و الكاميرا لا منافس مع السوني

[mastr_n]

الف مبروك ياباشا

[horas3000]

الف مبروك انا لسه واحد معرفه جايب ال zr
بصراحه لما مسكته كنت عايز اتف علي السامسونج اللي معايا
الاندرويد علي غير السامسونج experience تانيه

[ramy_gamal]

لو عايز لما اتصل بحد ويفتح عليا يدينى فيبريشن .؟ اشغلها منين فى السونى ؟
اصلها بتنفع اوى لما تكون ماسك التليفون ومش حاطه على ودنك
مشغلها عندى فى السامسونج وتليفون صاحبى سونى اكرو s مش لاقينها

[mohaakotb]

الف مبروك و مستنيين انطباعاتك
هو من ضمن اقوى 3 مكنات موجودين حاليا فى عالم الموبايلات

الجهاز جميل جدا فعلا حاجه كده A piece of art :)

مبروووك :)
هو نزل رسمي بالضمان ؟
أيه أنطباعك المبدأي ؟ و أيه ظروف الكاميرا ؟

الله يبارك فيك .. اه رسمي بالضمان من روق الله
انطباعي زي ماقولت حاجه فخيمه .. بالنسبة للكاميرا لسه مجربتهاش بصراحه

الف مبروك .. جهاز ممتاز ولا ينافسه الا النوت 3
المواصفات كامله هنا
Sony Xperia Z1 - Full phone specifications

الله يبارك فيك .. انا مبحبش السامسونج ف بالتالي مكانش خيار ليا :)

[mohaakotb]

الف مبروك انا معايا اخوه الصغير z بس جهاز روعه

الله يبارك فيك .. ال z جهاز تحفه منصحكش تغيره دلوقتي استني لما ينزل ال z2

ألف مبروك ... وربنا يبارك لك فيه.

الله يبارك فيك

الف مبروك ويا ريت تقولنا انطباعك عنه .....انا معايا جدهم xperia acro s وشايف انه ممتاز جدا .

جهاز تحفة ما شاء الله بيشد الانتباه فورا :) و الاكرو اس جميل جدا انا فاكر اول لما نزل كنت هموت واجيبه :)

ولا منافس ولا زفت كويس انك جبته ومجبتش النوت زفت بصراحة ندمت إني جبته ياريتني جبت اتش تي سي أو إكسبيريا كل شوية تهنيج وتعليق وميموري مليانة وحاجة قرف
وحشتني يا آيفون

بص ماضحكش عليك كل الاندرويد معروف بالتهنيج وخلافه بس شركة عن شركة تفرق .. سامسونج معروفه انها مستقطب التهنيج رقم واحد في العالم عشان بتحط اضافات كتير في الموبايل واغلبها ولا بتستخدمها ف بتكون عبء وبتتقل الجهاز .. سوني و اتش تي سي بيضبفو حاجات قليله جداااا اللي هي هتكون عملية معاك ... بس بردو النوت 3 المفروض انه حاجه جامده رامات 3 جيجا ازاي بيعمل معاك كده ؟

مبروك ليك على التليفون انا معايا Xperia S. وجميييييل جدا و باسطني وانصح بجد كل اللي حيشتري بالسوني عشان الشاشات و الكاميرا لا منافس مع السوني

كل موبايلات سوني محترمه بصراحه .

الف مبروك ياباشا

الله يبارك فيك

[mohaakotb]

الف مبروك انا لسه واحد معرفه جايب ال zr
بصراحه لما مسكته كنت عايز اتف علي السامسونج اللي معايا
الاندرويد علي غير السامسونج experience تانيه

بالظبط نفس الاحساس وهيبقي احساس اي حد يمسك سوني او اتش تي سي وبعدين يمسك سامسونج

لو عايز لما اتصل بحد ويفتح عليا يدينى فيبريشن .؟ اشغلها منين فى السونى ؟
اصلها بتنفع اوى لما تكون ماسك التليفون ومش حاطه على ودنك
مشغلها عندى فى السامسونج وتليفون صاحبى سونى اكرو s مش لاقينها

تصدق ميزة جميلة جدا !! معرفش تقريبا مفيش في السوني .. طب انت بتجيبها عندك ازاي حاجه تبع السامسونج ولا برنامج خارجي ؟؟