مشكلة في s4

[Red_1024]

الموبايل من يومين كدة بدا يهيس
يعمل ريستارت لوحدة عملت reset factory لكون مفيش فايدة برضة اية الحل لاصحاب الخبرة
بيدي قراءة بطارية غلط ويعمل ريستارت لوحدة اكثر من مرة

[shiko85]

نزل عليه سوفت وير جديد

[Red_1024]

ازاي اعملها

[abd_el_7amid]

[url=http://www.ce4arab.com/vb7/forumdisplay.php?f=113]

[shiko85]

سهله جدا
ادخل على SamMobile | Everything for your Samsung Mobile
اعمل اكونت عليه (free)
ادخل على firmwares
دور على التليفون I9500 ( او حسب الفيرجن اللى معاك 502, 505 او 505) بس اهم حاجه تختار الفرجن المظبوط
هيطلعلك لينك للفايل بتاع السوفت وير
اعمله داونلود و من جوجل دور على برنامح odin و اتأكد ان الـموبايل متعرف على الكمبيوتر عندك بعد ده كله اقفل الموبايل و افتحه فالدونلود مود (Download mode)
علشان تدخل على (Download mode)
اضغط على (Volume Down, Home and Power buttons ) فنفس الوقت
هتظهر ماسج دوس Volume Up. كده انت فالداونلود مود
وصل الموبايل بكابل الــ USB و لو الموبايل متعرف هتلاقى الــ Odin ظهر فيه خانه منوره اصفر او اخضر
دى صورة الـــ Odin قبل ما توصل الموبايل


والصوره دى بعد التوصيل


بعد كده كليك على PDA و اختار الفايل اللى عملتله داونلود (فك ضغط الفايل الاول) و اختار (tar.mod5)
زى الصوره
كليك start, هيظهر شويه كلام كده



شويه و هيظر PASS



كده خلاص



ملحوظه, الموضوع سهل جدا مش صعب
بس هتعمله على مسئوليتك الشخصيه, انا مش مسئول عن اى حاجه ممكن تحصل

ده لينك لفايل الروم 4.3 لشهر 11-2013 (نسخه روم اصلى) i9500
Hotfile.com: One click file hosting: I9500XXUEMJ8_I9500OJVEMJ8_FWD.zip

[Red_1024]

انا حاسس ان المشكلة من البطارية لاني شحنتة وبعدين اشتغلت علية ساعة
لقيتة عمل restart وبعدها قال ان البطارية 0 %
وبشحنة تاني دلوقتي

[Red_1024]

انا دخلت علي الموقع دة بس ملقتش روم للسعودية أو مصر انا شارية من السعودية

[Red_1024]

انا حاسس ان المشكلة من البطارية لاني شحنتة وبعدين اشتغلت علية ساعة
لقيتة عمل restart وبعدها قال ان البطارية 0 %
وبشحنة تاني دلوقتي
محدش يعرف حاجة عن الموضوع دة ولا لازم انزل سوفت تاني

[shiko85]

انا دخلت علي الموقع دة بس ملقتش روم للسعودية أو مصر انا شارية من السعودية

اللينك بتاع المغرب مش لازم بتاع البلد اللى انت مشتريه منها, اى بلد مش هتفرق

[Ahmed_Adham]

المشكله دي حصلت معايا ومكنش الجهاز بيتظبط الا لما أحطه في الشاحن وأشغله يفتح عادي ودي مشكله بطاريه لأن فيه عيوب في نسبه كبيره من بطاريات s4 وبالتحديد سيريال البطاريات

bd1d401

حتى

bd1d529

ومعناها البطاريات المنتجه من أول ابريل وحتى 29 مايو من الطراز bd1d

عملت تحديث الأول للجهاز لنسخه اندرويد 4.3 من داخل الجهاز نفسه والمشكله كانت لسه موجوده ولكن بعد تبديل البطاريه (وعن تجربه شخصيه) كل الكلام ده اختفى.

البطاريه سعرها في حدود 375-450 جنيه أصليه و في حدود 200-250 جنيه هاي كوبي. أنا لفيت على الاصليه في كل حته توكيلات سامسونج ورايه وكمان راديو شاك وموبايل شوب وده في 6 أكتوبر والمهندسين ومدينه نصر سواء بزيارات ماشره أو اتصال بالتليفون ومعظمهم يقول سعرها بس البطاريه مش موجوده ويقولك هنجيبها كمان يومين تلاته عشان عليها ضغط عالي بسبب المشكله اللي في البطاريات اللي بتنزل في الجهاز.

المهم اللي تشتريها يكون السيريال بتاعها بعيد عن رينج المشكله دي المذكور فوق ^^^ والجهاز هيرجع لأصله.

ده كان مصدر المعلومه اللي وصلتني للحل بعد محاولات غير مجديه مع تحديث السوفتوير وفعلا بطاريتي كانت في رينج البطاريات البايظه

http://forum.xda-developers.com/showthread.php?t=2504093

[ABDULLAH AHMED]

باتلظبط زي ما قال Ahmed_Adham مشكلة البطارية في الS4 ولا ينفع معاها اي تحديث في السوفت وير هوا تغيير البطارية بس ..
وانا برضه لفيت كل مكان عشان البطارية ومش موجوده بس الحمدلله لسه وصلالي امبارح من برة مصر

[#MAAM#]

ممكن أسألك عليها هنا وأجيبهالك وأنا نازل .............. أنا نازل من السعودية بعد إسبوع إن شاء الله

[Sherifmt]

البطارية انتهت ........نفس العيب كان بيحصل معايا في s iiغير البطارية فورا وبلاش تلعب في السوفت وير غلطة السوفت ممكن تخسرك الجهاز وملهاش علاج غير التوكيل وانت جايبة من برة..... البطارية مش هتزيد عن 250 جنية وياريت تجيبها من التوكيل ولو اغلي خصوصا في الحاجات دي (الغالي رخيص).......تحياتي من مكة

[M.Osama]

البطاريه علطول.. حصلت مع واحد صحبي.. والبطاريه كانت منفوخه.. اشتريها من اي فرع ل سامسونج ب 250 جنيه.. في واحد ف السراج مول

[Red_1024]

هية فعلا البطارية عندي شكلها متغير شوية هههه
حاسس بان فيها انبعاج بسيط كدة من برة
بس هل فية وسيلة اتاكد بيها ان السبب هوة البطارية مش سوفت علشان مروحش اشتري بطارية عالفاضي
انا مش فاكر شكلها الاصلي كان اية
هية رقمها من بين الارقام المصابة فعلا