اشتري من مصر ولا لما اسافر

[mustafavet]

السلام عليكم
انا ان شاء الله مسافر استراليا خلال اسبوع وعاوز اشتري اي موبيل سمارت فون علشان الحياة هناك عبارة عن نت و جي بي اس
بس بصراحة محتار اشتري من مصر قبل السفر ولا استني اشتري هناك وخلاص لاني مش عارف الاسعار هناك ممكن تبقي ايه وخايف اشتري من مصر الضمان بتاع الجهاز مينفعنيش وانا بره
شكرا جزيلا

[Ayman_Amer]

اشتري من هناك بلا شك
الضمان
الموديلات الاحدث

[svneleven]

هناك هتلاقي موبايلات تتباع مع الخطوط زي اللي بتعمله شركات الاتصالات عندنا لكن بيكون أرخص كتير و تدفع مع الفاتورة زي أقساط بيسموها Pay as you go.

[saddam]

صديقي المواطن
قولا واحدا تشتري من هنا واﻷفضل لو وإنت مسافر ونازل مطار ترانزيت أي دولة خليجية تشتري من هناك أرخص وميزة الشراء من مصر والدول العربية إنك هنا مش حتحتاج تعرب الجهاز ومش حتلاقي هناك أجهزة بزراير عربي فروح جاهز أفضل ليك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mustafavet]

شكرا جزيلا
بس الحقيقة انا مش عاوز موبيل بزراير وموضوع التعريب دلوقتي مبقاش فيه مشاكل

[msa142]

من هناك افضل وبالزات من المستعمل .. هناك المستعمل بيكون استعمال يومين وبيتباع وسعر فى الارض
لو سمارت فون يبئى اندرويد وده مش هتلاقيله اى مشاكل فى التعريب