لخبراء iPhone استفسار مهم قبل ما اشتري iPhone 5s

[nour3alanour]

فكرت اشتري iPhone 5s من أمريكا مقفول علي شبكة AT&T واعمله هنا Jailbreak & unlock علشان يشتغل علي فودافون عادي
طبعا زي ما هو معروف لجأت للطريقة دي علشان سعره هيبقي 200$ بس مش السعر الخزعبلي اللي بيتباع بيه هنا فهوفر كتير

لما اتصلت بمحل متخصص في الـ iPhone اتأكد اذا كان اللي بقوله ده ينفع ولا لأ قالولي هيتكلف كتير اوي مبلغ هيوصل لسعره هنا فأحسنلك هاتيه من هنا unlocked عادي وخلاص

هل الكلام ده مضبوط ولا في حل تاني؟ معلش لان ده أول iPhone اشتريه فخبرتي زيرو في الموضوع ده

يا ريت تفيدوني ضروري بسرعة لاني ناوية ان شاء الله اشتري علطول اذا كان ينفع وبسعر كويس طبعا

وشكرا ليكم مقدماً

[Mamoud salah H]

الي اعرفه ان ارخص شبك ممكن ينعملها ان لوك هيا at&t تقريبا ب 70 دولار علي ما اظن ومش متاكد بصراحة
بس نا رأيي حضرتك ممكن تجبيه انلوكد من بره وهيكون ارخص برده

[Trondo]

سعر ال ٢٠٠$ للناس المقيمه هناك وفيه اقساط شهريه بتدفع

سعر الانلوك. تقريبا ١٠٠٠ جنيه حاليا وبياخد ٣ ايام عمل

[nour3alanour]

موقع apple store في امريكا كاتب سعر الـ unlocked هو 649 $ يعني تقريبا 4500 جنيه

iPhone 5s 16GB Silver (GSM) Unlocked - Apple Store (U.S.)

ولسة مصاريف الشحن جوه امريكا والشحن لمصر وعمولة الشركة اللي هتجيبه (علشان انا هجيبه عن طريق شركة من الشركات اللي تقدر تجيب من المواقع الامريكية) وبالتالي كده هيوصل لسعر مقارب جدا لهنا يبقي اجيبه من هنا احسن بقي لكن اللي كان هيفرق معايا بجد هو ان كان يبقي سعره 200 $

رأيكوا ايه؟

[mahamedaraby]

200 $ ده مش متاح لاى حد دة متاح للناس المقمين فى امريكا بس ولازم تمضى بعقد التزام مع شبكة المحمول اللى هتشترى عليها الخط لمدة معينة

[Trondo]

649+ tax

حوالى ٥٠ دولار

[nour3alanour]

تمام فهمت
لو كده يبقي الأفضل اشتريه من هنا احسن
محلات كتير بتبيعه زيرو في حدود خمسة الاف ونص او اقل شوية كمان
خلاص ملهاش لازمة اللفة دي

[Trondo]

لو كنت فى اسكندريه كنت خدمتك

[nour3alanour]

متشكرة جدا ده ذوك من حضرتك
خلاص شكلها هترسي علي اني اجيبه من الناس الي بتجيبه من بره من غير ضمان طبعا في حدود 5500
بس يا تري اللي بييجي من بره بيبقي داعم للغة العربية في ال sms ؟ يعني لو حبيت اقلب الكيبورد عربي وابعت رسالة لحد بالعربي ينفع في التليفونات اللي جاية من بره ولا لأ ؟

[Trondo]

مفيش اى مشكله نهائي فى العربي سواء من بره او من مصر
هوا فعلا فى الحدود دى و جملته ٥٣٥٠ احنا بنزله للمحلات

[SHNORY]

مفيش اى مشكله نهائي فى العربي سواء من بره او من مصر
هوا فعلا فى الحدود دى و جملته ٥٣٥٠ احنا بنزله للمحلات

دا بضمان ؟؟
وهو ايفون ليه توكيل اصلا في مصر ؟؟ (:

[Trondo]

اه شنوري الشغل دا بضمان سنه فى امريكا يعنى لو حصل حاجه لا قدر الله ممكن نحاول نساعده
بس طبعا ضمان عيوب التصنيع و نبعته امريكا
اللى هنا كله من غير ضمان الا موبينيل و فودافون ب ٦٦٦٦ ضمان سنه برضه

بس عموما ابل فى الهاردوير والخامات انضف شركه فى السوق و انضف خامات صراحه
اديك بتشوف عيب السامسونج عامله ازاى

[SHNORY]

اه شنوري الشغل دا بضمان سنه فى امريكا يعنى لو حصل حاجه لا قدر الله ممكن نحاول نساعده
بس طبعا ضمان عيوب التصنيع و نبعته امريكا
اللى هنا كله من غير ضمان الا موبينيل و فودافون ب ٦٦٦٦ ضمان سنه برضه

بس عموما ابل فى الهاردوير والخامات انضف شركه فى السوق و انضف خامات صراحه
اديك بتشوف عيب السامسونج عامله ازاى

6666 بس؟؟
طيب هاتلي شويه يا عم ههههههههه
دلوقتي انا ليا 10% من البيعه دي (:
اجيلك امتي اخد حقي ؟
وفعلا فيه اختلاف مريع في جوده الهارد وير دا غير الاختلاف في اسعار الشاشات علي اساس انها اكتر حاجه معرضه للكسر في الاجهزه دي
ومتفكرنيش بعيوب سامسونج ههههههههههههههه
البوكس اللي اخدته منك عامل معايا الواجب ومبينيمنيش وشكلي حعملك انتداب اسبوع كخبير وتقعد معايا نشغله ههههههههههههههه

[akmm]

تحياتى ..... قبل ماتفكر وتقرر اى حاجه ادخل على موقع ... ايفون اسلام هو موقع مصرى ومختص بكل ما يتبادر لذهنك حول الايفون مقفل ومفتوح وكيفيه كسر الحمايه والبرامج الخاصه بذلك وافضل البرامج من الاستور بتاع ابل .... وكل شىء وبعدين قرر .

[akmm]

ده الموقع ................. تحياتى.