سامسونج ام سوني ام ال جي

[AboELsoud]

السلام عليكم و رحمه لله و بركاته


عايز اجيب موبايل جديد و اخيرا هاغير النوكيا

و محتار جدا بين السامسونج
و السوني
و الـ ال جي

1 - السامسونج طبعا مفيش اكتر منه مفيش محل مش بيشتغل فيه و كل قطع غياره متوفره
بس على العكس اكتر العيوب و المرتجعات و التهنيج بيبقى منه

و انا للاسف عندي تجربه سيئه معاه موبايل ميني 2 و كان مع اختي و بعد سنه بالظبط ( اول ما الضمان خلص ) الموبايل جاب بورده

و في نفس الوقت بشوف ناس معاها سامسونج زي الفل مفيهوش حاجه و اعرف واحد صاحبي موبايله كان فيه عيب في الكاميرا غيروا له البورده كلها ببلاش عشان لسه في الضمان

الموبايل السامسونج اللي عاجبني
samsung galaxy ace 3

2 - ندخل على السوني جميل جدااا بس مش لاقي الموبايل اللي انا عايزه فيه
يبقى في حدود 1500 و بخطين

3 - الـ ال جي جميل برضه بس المحلات اللي بتشتغل فيه قليله قوي ( وصلت الى انه مفيش محل واحد بيشتغل فيه في السراج مول مع انه اكبر تجمع محلات موبيلات في مدينه نصر )
و بالتالي قطع غياره قليله و لو لا قدر الله حصل فيه حاجه تصليحه هيبقى صعب

الـ ال جي اللي عاجبني LG optimus L7 Dous

= المهم انا محتار اجيب سامسونج و اتوكل و حظي ممكن يطلع حلو
ولا افكر شويه في الانواع التانيه و خليني بعيد عن السامسونج ؟؟؟

اسف للاطاله

[AboELsoud]

الوووووووووووووووووووووووو

يا ريت يا جماعه اللي عنده وجهه نظر يكتبها

عشان انا ناوي انزل بكره ان شاء الله

و احتمال بنسبه 99 % اجيب الـسامسونج جالاكسي ايس 3

[AboELsoud]

تقريبا انا اللي بكتب السؤال و انا اللي برد :)

[alrabeh]

نصيحة لحضرتك شوف حضرتك ال هيواوى g610 ب 1500 عند موبايل شوب جهاز كويس جدا فى حدود هذا السعر
جهاز عامل مبيعات عالية جدا الفترة الأخيرة
يا تشترى الجهاز ده أو تزود وتجيب ال جى برو لايت ب 1950
بالنسبة للسامسونج الحقيقة بقى سئ جدا الفترة الأخيرة والتهنيج بقى أساسى فى أجهزته حتى الغالية

[AboELsoud]

ماهوه ده اللي شايفه في سامسونج برضه

موبايلاته بقت التهنيج ده شئ اساسي فيها

عشان كده فكرت في السوني و الـ ال جي

الهواوي جميل بس انا ميال للـ ال جي و السوني اكتر

حاليا عاجبني LG Optimus L7 II Dual P715

و ده اللينك بتاعه
LG Optimus L7 II Dual P715 pictures, official photos

شكرا على النصيحه و الرأي

[alrabeh]

خللى بالك وانت بتشترى لإن فيه أجهزة البطاريات بتاعتها بلت إن زى موديلات كتير فى السونى والألكاتيل
أنا لو مكانك روح اتفرج على الجهاز الهيواوى فى موبايل شوب ، هم بينزلوا عليه برامج كتير من عندهم وسعره 1500 ومعاه فاتورة ضريبية فى حين انه موجود برة ب 1450 من غير فاتورة

[alrabeh]

كمان الهيواوى شاشته 5 انش والبروسيسور رباعى النواة

[tamer777]

سامسونج s 7582 ممتاز وتمنة 1250 او سونى اكسبريا m وتمنه 1450 الاتنين ممتازين و انتشروا جدا وخصوصا السامسونج

[AboELsoud]

خللى بالك وانت بتشترى لإن فيه أجهزة البطاريات بتاعتها بلت إن زى موديلات كتير فى السونى والألكاتيل
أنا لو مكانك روح اتفرج على الجهاز الهيواوى فى موبايل شوب ، هم بينزلوا عليه برامج كتير من عندهم وسعره 1500 ومعاه فاتورة ضريبية فى حين انه موجود برة ب 1450 من غير فاتورة

حوار البطاريه ال بلت ان ده فعلا مزعج قوي

هاروح اشوف الهواوي في فرع موبايل شوي قريب مني

شكراااااااااااااا :)

[raedegypt]

سامسونج
سونى
لينوفو
هاواى

[AboELsoud]

سامسونج s 7582 ممتاز وتمنة 1250 او سونى اكسبريا m وتمنه 1450 الاتنين ممتازين و انتشروا جدا وخصوصا السامسونج

سامسونج s7582 اللي هوه s dous شوفته و فكرت فيه طبعا

بس بالمقارنه مع ace 3 ال ايس يكسب لانه تقريبا نفس الحجم و الشكل بس الامكانيات اعلى و الفرق في السعر بسيط

السوني اكسبيريا m لاقيت ناس كتير بتشتكي منه و من الشبكه بتاعته بالرغم منه انه كان عاجبني جدا

فقلقت منه

شكراااااااااااااااااا :)

[S O P H O S]

السامسونج اسهل فحاجات كتيرة فرأي

[AboELsoud]

سامسونج
سونى
لينوفو
هاواى

انا اول مره اعرف ان لينوفو بتعمل موبايلات

هيه في الكمبيوترات جامده جدا

و دخلت قريبا مجال التابلت

انما الموبيلات جديده بالنسبه لي

[AboELsoud]

السامسونج اسهل فحاجات كتيرة فرأي

ما هيه دي ميزته الكبيره قوي

انه يعتبر من اسهل الانظمه في التعامل

و سهل تصليحه في اي مكان لو حصل اي حاجه

و قطع غياره متوفره في اي مكان

بس عيبه (في رأيي ) انه بسبب انتشاره الجامده ده جه على حساب الجوده بتاعته ( الكواليتي )

[yyy]

شوف ال اس3 ميني و الجلاكسي كور