نصيحة فى تغيير شاشة موبايل سامسونج

[Ahmed_Ramadan]

السلام عليكم

طالب مشورتكم فى تغيير شاشة و تاتش و باغة لموبايل سامسونج s3 ....

أنا سمعت أسعار 1250و 1800 للتغيير و بيقولوا قطع غيار أصلى و ضمان شهر و أنا خايف بعد ما أصلحه ألاقى التقفيل زبالة أو الشاشة أى كلام

و كمان لو روحت شارع عبد العزيز أشوف هيتكلف كام لو حد هيصلحه فى الرخيص و أخليه موبايل إحتياطى .. إيه النظام؟

و يا ريت لو حد يرشحلى حد بتاع صيانة متجرب و أمين

[maged]

فى شارع عبد العزيز يوجد واحد متخصص سامسونج بس الشاب ده محترم جدا
انا اتعاملت معاه بعد ما الكل نصب عليا
اسمه حمدى سامسونج مشهور جدا هناك
فى الممر الثانى على اليمين اخر الممر
اسعاره ممتازه

[Ahmed_Ramadan]

فى شارع عبد العزيز يوجد واحد متخصص سامسونج بس الشاب ده محترم جدا
انا اتعاملت معاه بعد ما الكل نصب عليا
اسمه حمدى سامسونج مشهور جدا هناك
فى الممر الثانى على اليمين اخر الممر
اسعاره ممتازه

يا باشا ربنا يكرمك و يخليك ... أنا هروحله و ربنا يكرم

[kempel]

السلام عليكم فى واحد اسمه الهدى تل خلف النادى الاهلى عند اسواق عبد العزيز الراجل ده امين ممكن تروحله

[Trondo]

سعر تغيير الباغه مش اكتر من ٣٠٠-٣٥٠
سعر الشاشه كامله جديده ب ١٠٠٠-١١٠٠ جنيه بالكتير

[exelence]

خليك فى حمدى بتاع السامسونج اللى فى عبد العزيز انا اتعاملت معاه ممتاز و عارف بيعمل ايه
اول ما تروح عبد العزيز اسأل عليه هناك

[A_H_M_A_D]

طيب ياريت يا جماعه لو حد معاه موبايل الأخ حمدي سامسونج اللي بتشكروا فيه , عشان انا كمان معايا سامسونج ميجا محتاج شاشه و تاتش برضه و جزاكم الله كل خير