جالكس s duos 2 كويس ؟؟ ام جالكس core

[devil_storm]

Samsung Galaxy Grand 2 كويس لو تقدر تزود الميزانية

كنت جايبه لقريبى ب 2300 خارج ضمان وكان ب 2700 بالضمان

بروسيسور كواد وشاشة كبيرة 5.25 بوصة هتبقى حلوة فى الألعاب و2 شريحة

والظهر بتاعه زى النوت 3 اللى شبه الجلد بس هو بلاستيك

ودى مواصفاته كلها

Samsung Galaxy Grand 2 - Full phone specifications

الجهاز ده فعلا ممتاز و امكانياته حلوه جدا جدا و انا بفكر اجيبه ليا انا
لكن هو غالي علي ولد ١٠ سنين و كبير عاليه
انا شكلي حجيب s duos 2

[devil_storm]

s3 mini سئ ونفس قصة التهنيج

شوف واحد من اللي قلت لك عليهم أحسن من انواع سامسونج اللي انت ذكرتها.

يا باشا للاسف لازم سامسونج ده شرط عليا :)
مدام s3 mini بيهنج هو كمان يبقي انا حجيب s duos 2 و خلاص

[SAMEH_FOUAD]

فين السعر ده يا باشا ... انا سالت عليه في السراج مول سعره ١٩٥٠ بالضمان
في كمان حاجه مضيقاني ... شاشته مضلمه شويه عن s duos 2 يعني تحس ان brightness اقل مش عارف انا بيتهيقلي ولا ايه

موجود فى وسط البلد واغلى سعر لية 1800 جنية

وكل الشاشات ال super amoled لحد S3 ال brightness بتاعها ضعيف مقارنة بشاشات ال tft - lps - lcd

لكن الوان ال s3 mini قوية وجميلة وتاتش تحفة وبيشغل كل الالعاب واقوى الالعاب , هو بس عيبة ان التليفون ذاكرتة 4.54 جيجا يعنى مش هيشيل العاب كتير ( اللى هية الالعاب اللى ليها ملفات داتا )

وعلى فكرة التليفون مش بيهنج ولا حاجة


هاتة او ممكن تجيب ال s2 plus بيعمل 2000 - 2100 جنية بالضمان فى وسط البلد

[memo823000]

Ace 3 افضل من s dous 2
وهو ده المناسب ليه

[chicobon]

علي فكرة ال s dous 2
ناس كتير بتشكر فيه التهنيج كان في الموديل القديم الي كان نازل قبل ده و حضرتك اعمل بحث عنه هتلاقي مافيش شكاوي كتير عنه و سعره يعتبر كويس بي حوالي 1250 جنيه خصوصا انها لطفل ممكن انها تنكسر منه بعد اقل من شهر و لا يوجد فرق بينه و بين ال ace 3

[ganash]

s duos 2 معايا بقاله اسبوع مفيش تهنيج ولا حاجه وموبايل كويس على قد فلوسه التهنيج كان فى الاصدار القديم

[طارق _عبد السلام]

معايا الاس ديوس من سنه اول ماجبته كرهت الموبايل وتقله فى التنقل وبعد ماعملت له تحديث بقى زى الفل
واختفى التقل انا اصلا استخدامى للموبايل مكالمات فقط لكن لانت ولا العاب ولا اى حاجه غير اتصالات فقط

[S O P H O S]

s duos كويس بس متفركش فبرامج وخلافه

[devil_storm]

خلاص يا جماعه جبت s3 mini ضمان دولي سعره ١٥٥٠ جنيه
متشكر ليكم جميعا
انا جبته امبارح و فتحته جربته لمده يوم علشان مفهوش ضمان و الجهاز جميل جدا و عيبه الوحيد البطاريه وحشه قوي للاسف متكملش نص يوم

[ahmedfor3]

خلاص يا جماعه جبت s3 mini ضمان دولي سعره ١٥٥٠ جنيه
متشكر ليكم جميعا
انا جبته امبارح و فتحته جربته لمده يوم علشان مفهوش ضمان و الجهاز جميل جدا و عيبه الوحيد البطاريه وحشه قوي للاسف متكملش نص يوم

اولا الف مبروك على اختيارك وهو اختيار سليم

[ahmedfor3]

لازم يا خذ كام دورة شحن حتى تعمل البطاريه بكامل قوتها وهى كده طبيعى متخفش

[devil_storm]

اولا الف مبروك على اختيارك وهو اختيار سليم

هو فعلا جهاز كويس ... الشاشه كويسه و التاتش جميل و في رمات 1gb و ذاكره تخزين 8gb و جربت عليه كام لعبه و لقيته كويس و مش بيهنح

متشكر لحضرتك