لو عندك أستفسار بخصوص النوت 3 أنا موجود

[Mostafa Bedo]

السﻻم عليكم ورحمة الله وبركاته

انا مصطفي وحابب أجاوب علي أي استفسار بخصوص النوت 3 ﻻنه معايا بقاله كام شهر واي حد عنده أستفسار أنا تحت أمره

[ghost11]

كنت عايز اعرف اخبار التهنيج ايه ويا ترى الجهاز بيسخن ولا لا ويا ترى استخدام الجهاز سلس ومش معقد


والف شكر

[Mo3taz Selim]

ياريت لو تعملنا تقرير مفصل عن الجهاز ... لأنى ناوى أشتريه بإذن الله

[J A G U A R]

ايه اخبار الكاميرا معاك اصل قبل كده صورت بيه والصوره كانت تعبانه .. وبرضه السخونيه والتهنيج والبطاريه بتقعد قد ايه متواصل

[Mostafa Bedo]

كنت عايز اعرف اخبار التهنيج ايه ويا ترى الجهاز بيسخن ولا لا ويا ترى استخدام الجهاز سلس ومش معقد


والف شكر

مبدأيا الجهاز نادرا جدا لما بيهنج ولو هنج بيعمل ريستارت لنفسة وبالنسبة للسخونية فهي بالنسبالي مشكله عادية والجهاز بيسخن مع الالعاب العالية فقط والسخونية بتكون ناتجة من البروسيسور انا جربت ال need for speed اللي علي الجوجل بﻻي و كان بيسخن لما اشغلها بس الكويس انه مبيقفلش مهما سخن بس انت طبيعي هتخاف ع الجهاز وتقفلها غير كدة مفيش سخونية مع اي حاجة وبالنسبة للاستخدام فهو سلس جدا ما شاء الله بالنسبة لي عشان انا متعود ع سامسونج .

[Mostafa Bedo]

ايه اخبار الكاميرا معاك اصل قبل كده صورت بيه والصوره كانت تعبانه .. وبرضه السخونيه والتهنيج والبطاريه بتقعد قد ايه متواصل

الصور بيه حلوة جدا ما شاء الله والفيديوهات نقية جدا وحية خاصة لو صورت بخاصية smooth motion وبيسخن لما تشغل العاب عالية جدا زي gta & need for speed
والبطارية علي حسب الاستخدام ولو متواصل ممكن تجيب 7 او 8 ساعات لكن لو كل شوية تمسكة متقطع ممكن تقعد يوم والتهنيج فيه ده حاجة نادرة جدا جدا جدا ولما بيهنج بيعمل ريستارت لنفسه ..

[Mostafa Bedo]

ياريت لو تعملنا تقرير مفصل عن الجهاز ... لأنى ناوى أشتريه بإذن الله

بس انا والله مبعرفش أعمل تقارير عشان بنسي حاجات وانا بكتب انت أسأل ف أي حاجة وانا بأذن الله هجاوبك

[ghost11]

شكرا يا ريس بس انتا شايف الواحد يشتريه ولا يستني نوت 4

[Mostafa Bedo]

شكرا يا ريس بس انتا شايف الواحد يشتريه ولا يستني نوت 4

انا معرفش والله مواصفات النوت 4 وﻻ هينزل امتي بس عموما النوت3 جهاز حلو جدا وامكانيات رائعة جدا وفي حاجات مش موجودة غير ف اجهزة سامسونج اللي هي الجهاز بيكون ريموت ﻻي حاجة و برده القلم بتاعه جميل وادائه ممتاز وسريع وكاميرا ممتازة انا اديلة 9 من 10

[Ahmed_selmy]

انا ردوا كنت بفكرفى النوت 3 او الz2 ....ولكن لما عرفت ان النوت 4على وشك انه ينزل قولت استنى

[svneleven]

طب أنا مش عارف أغير ال default storage location لكل البرامج زي ال note 2. يا ريت لو تكتبلي ال تسلسل بتاع ال قوائم بالترتيب.

[Mostafa Bedo]

طب أنا مش عارف أغير ال default storage location لكل البرامج زي ال note 2. يا ريت لو تكتبلي ال تسلسل بتاع ال قوائم بالترتيب.

يعني تقصد عايز تنقل البرامج للميموري وﻻ أيه ؟؟

[svneleven]

لا نقل البرامج بعمله لكن بعد البرامج ما بتنزل. انا عاوز اغير المكان اللي البرامج بتنزل فيه من الاول. يعني عاوزها تنزل علي ال ميموري كارد مش التليفون.

[waga]

ياريت لو تعملنا تقرير مفصل عن الجهاز ... لأنى ناوى أشتريه بإذن الله

+++

[abohend]

مينفعش

لا نقل البرامج بعمله لكن بعد البرامج ما بتنزل. انا عاوز اغير المكان اللي البرامج بتنزل فيه من الاول. يعني عاوزها تنزل علي ال ميموري كارد مش التليفون.

كيت كات لا يسمح
أنا عن نفسي شايف نوت 2 أفضل من 3
و جيلي بين أفضل من كيت كات

يا عالم نوت 4 هيبقى أخباره ايه